Më shumë se 80% e viktimave të etnisë shqiptare, të vrara gjatë luftës së fundit në Kosovë, kanë qenë civilë. Këtë të dhënë e bëri publike drejtori i Institutit të Krimeve të Kryera Gjatë Luftës, Atdhe Hetemi, në një intervistë për RTK Prime, pas lansimit të Raportit të Institutit për Krimet e Kryera Gjatë Luftës në Kosovë.

Hetemi saktësoi se mbi 80% e viktimave nga komuniteti shqiptar janë civilë të vrarë në luftë. Ndërkohë, sipas tij, mbi 52.4% e personave të vrarë, të zhdukur ose të vdekur për shkak të luftës kanë qenë të armatosur apo janë evidentuar si pjesëtarë të forcave të armatosura.

Për dokumentimin e krimeve të luftës, Instituti ka siguruar materiale nga më shumë se 15 vende të ndryshme të botës. Hetemi tha se bëhet fjalë për qindra metra linearë material arkivor dhe mbi 21 terrabajt të dhëna, të mbledhura me synimin që të verifikohet çdo viktimë.

Mbështetja në institucionet dhe organizatat ndërkombëtare, sipas tij, ka përbërë shtyllën e dytë arkivore. Procesi i grumbullimit të materialeve ka përfshirë tri kategori: personat e vrarë, ata të zhdukur me dhunë dhe personat që kanë vdekur si pasojë e luftës.

Lista është cilësuar preliminare nga Hetemi, i cili theksoi se Instituti mbetet i hapur për pranimin e rasteve të tjera, në mënyrë që arkivi historik i vendit të pasurohet më tej.

Ai shpjegoi se dallimi qëndron te metodologjia dhe te kriteret bazë të përdorura për përcaktimin e personave që përfshihen në listë. Katër kriteret përfshijnë personat që kanë lindur ose kanë pasur vendbanim në Kosovë gjatë luftës; ata që kanë marrë plagë vdekjeprurëse apo janë zhdukur në rrethana të lidhura drejtpërdrejt me luftën; personat që kanë humbur jetën nga plagët e marra gjatë saj; si dhe, bazuar në dokumentacion, personat që kanë lidhje me luftën e fundit në Kosovë.

Në ndarjen sipas gjinisë, Hetemi bëri të ditur se 11 mijë e 415 viktima, ose 86.3% e të vrarëve, janë meshkuj, ndërsa janë vrarë edhe 1.811 gra. Sipas tij, analiza e këtyre të dhënave tregon se pasojat e luftës nuk janë kufizuar vetëm te meshkujt.

Nga raporti rezulton se goditjen më të madhe gjatë luftës e kanë pësuar personat në moshë pune. Hetemi deklaroi se 57.5% e viktimave i përkasin grupmoshës nga 18 deri në 50 vjeç.

Ai shtoi se 14.7% e viktimave ishin mbi 65 vjeç, ndërsa më shumë se 1 mijë e 240 u përkisnin moshave nga 0 deri në 17 vjeç.

Në prezantimin e sotëm u njoftua se raporti ka dokumentuar gjithsej 12.230 viktima të luftës për periudhën nga janari 1998 deri më 20 qershor 1999. Në të janë regjistruar gjithashtu 1.247 fëmijë të vrarë të moshës 0 deri në 17 vjeç, ndërsa 94 të tjerë kanë vdekur për shkak të kushteve të luftës. Fati dhe vendndodhja e 100 fëmijëve të zhdukur me dhunë vazhdojnë të mbeten të panjohura.

The post Hetemi: Më shumë se 80% e shqiptarëve të vrarë gjatë luftës ishin civilë appeared first on Albeu.com.

Viktima është identifikuar si 29-vjeçari Bekim Halilaj, me origjinë nga fshati Bicaj i Kukësit.

Pamjet nga vendi i ngjarjes tregonin trupin e tij të varur për disa orë, ndërsa kalimtarët fillimisht e ngatërruan me dekorime festive.

Vetëm pas mbërritjes së policisë u bë e qartë se bëhej fjalë për një trup të pajetë, të lidhur me kabllo pas një tabele.

Autoritetet belge po hetojnë të gjitha pistat, mes tyre edhe atë të krimit të organizuar.

Pista e vetëvrasjes nuk është përjashtuar, por mënyra se si u gjet trupi ka ngjallur dyshime të forta se mund të bëhet fjalë për një ekzekutim të lidhur me konfliktet e grupeve kriminale.

Sipas mediave britanike, në vitin 2017 Bekim Halilaj, asokohe 21-vjeç, është arrestuar në Southampton së bashku me tre shqiptarë të tjerë, Nuri Muçmataj, Fitim Halilaj dhe Tamas Hela, si pjesë e një grupi të trafikut të kokainës.

Hetimet e policisë britanike, zbuluan se banda kishte shpërndarë mbi 4 milionë paund kokainë të klasit A në qytet.

Gjatë një aksioni në prill 2017, policia sekuestroi një furgon me 140 mijë stërlina kokainë të pastër dhe 30 mijë stërlina cash.

Në kontrollet e mëvonshme, Bekim Halilaj, u arrestua në një apartament ku u gjet edhe drogë me vlerë 10 mijë paund.

Ai u dënua me 7 vite burg, ndërsa katër anëtarët e grupit morën së bashku 25 vite heqje lirie. Pas daljes nga burgu dhe dëbimit nga Britania, ai rezulton se është vendosur në Belgjikë.

Paraprakisht, dyshohet se ngjarja mund të lidhet me konflikte të lidhura me trafikun e kokainës në Belgjikë, megjithatë kjo pistë nuk është konfirmuar ende nga autoritetet.

Autoritetet belge ende nuk kanë dalë me një version përfundimtar për ngjarjen, ndërsa pritet që trupi të transportohet drejt Shqipërisë.

The post Ky është 29-vjeçari shqiptar që u gjet vrarë në tabelën sinjalistike në Bruksel (EMRI) appeared first on Albeu.com.

Sipas policisë Maliq Marku, rreth 70 vjeç, ka vrarë me armë zjarri Shefqet Hasën, rreth 55 vjeç, si dhe ka plagosur  Besim Keçën, rreth 50 vjeç.

Shtetasi Besim Keçën, ndodhet në spital nën kujdesin e mjekëve.

Autori i dyshuar është arrestuar në flagrancë, si dhe është sekuestruar dhe arma e përdorur gjatë krimit.

Njoftimi:

Më datë 30.11.2023, në Laknas, në rrugën “Fatos Shupi”, pas një konflikti për motive të dobëta, shtetasi M. M., rreth 70 vjeç, ka vrarë me armë zjarri shtetasin Sh. H., rreth 55 vjeç, si dhe ka plagosur shtetasin B. K., rreth 50 vjeç.

Shtetasi B. K., ndodhet në spital nën kujdesin e mjekëve.

Autori i dyshuar është arrestuar në flagrancë, si dhe është sekuestruar dhe arma e përdorur gjatë krimit.

Grupi hetimor po punon për sqarimin e rrethanave të ngjarjes.

The post Një i vrarë dhe një i plagosur në Kamëz, policia jep detajet (EMRAT) appeared first on Albeu.com.

Siaps mediave gjermane trupi i 27-vjeçarit u gjet të shtunën në mbrëmje jo shumë larg banjave termale Holstentherme në Kaltenkirchen. Sipas policisë, ai ka marrë një plagë me armë zjarri, teksa mësohet se nuk kishte vendbanim të përhershëm, por ai ishte i njohur për policinë.

Ndër të tjera, është e paqartë se ku është vrarë saktësisht 27-vjeçari dhe si ka mbërritur trupi në Kaltenkirchen. Pas informacioneve për një incident në Uetersen (rrethi Pinneberg), policia kriminale e Itzehoe arrestoi të dyshuarin e mitur, një 17-vjeçar shqiptar.

Të dielën, me kërkesë të prokurorit publik, gjykata e qarkut Itzehoe lëshoi ​​një urdhër-arresti ndaj 17-vjeçarit me dyshime të forta për vrasje.

The post “Kam vrarë një njeri”, detaje të reja nga arrestimi i 17-vjecarit shqiptar: Kishte vrarë bashkëatdhetarin, identifikohet trupi appeared first on Albeu.com.

Bëhet me dije se dy persona kanë rënë në pranga dhe një armë është sekuestruar. Ndërkohë ende nuk dihen shkaqet e kësaj ngjarjeje të rëndë.

“Rreth orës 15:50, është raportuar se në kryqzimin e rrugëve”, Mehmet Konjuhi” dhe “Rifat Galica” nga arma e zjarrit ka humbur jetën një person ndërsa dy persona tjerë kanë mbetur të plagosur. Lidhur me rastin janë arrestuar dy persona të  dyshuar si dhe është konfiskuar një armë. Hetimet e mëtejme po vazhdojnë nga njësite përkatëse policore”, tha Avni Zahiti, zëdhënës në policinë rajonale të Mitrovicës.

The post Të shtëna me armë në qytetin shqiptar, një i vrarë dhe dy të plagosur appeared first on Albeu.com.

Burri, i cili ishte pasagjer në një fluturim nga Shtutgarti në Egjipt pasditen e së shtunës, u kishte thënë dy herë anëtarëve të ekuipazhit me zë të qetë se kishte vrarë gruan e tij në Gjermani. Këtë e kanë dëgjuar edhe pasagjerët e fluturimit, ndaj ka krijuar panik tek ata.

Policia u informua nga anëtarët e ekuipazhit për ngjarjen dhe u bë një ulje emergjente në Athinë.

Burri i tha policisë së aeroportit se ajo që po thoshte ishte një gënjeshtër dhe se po bënte shaka. Megjithatë, për çdo rast, policia kërkoi ndihmën e Interpolit për të zbuluar nëse ish-partneri i gjermanit është vërtet gjallë.

Burri më në fund u arrestua të shtunën mbrëma në aeroport. Përveç ndërprerjes së fluturimit, sjellja e burrit shkaktoi edhe ndërprerje të trafikut për shkak të uljes së detyruar që vonoi fluturimin me një orë.

The post “Kam vrarë gruan”, shakaja “pa kripë” e gjermanit detyron pilotin të bëjë ulje emergjente appeared first on Albeu.com.

Trupi i të miturës u gjet në një qese plastike në një apartament të mërkurën, një ditë pasi prindërit e saj e denoncuar të zhdukur.

Policia franceze thotë se ka ndaluar një adoleshent në lidhje me ngjarjen, por shpresat për zbardhjen janë të pakta teksa mijëra zhdukje të tilla të fëmijëve në botë shpesh mbeten pa autor.

Kryebashkiaku Jean-Pierre Michel, tha për rrjetin AFP se prindërit e vajzës së ndjerë ishin me origjinë nga Rumania dhe jetonin prej vitesh në qytezën me rreth 5000 banorë.

E përditshmja vendase Le Republicain Lorrain, tha se viktima u gjet në një apartament disa qindra metra larg shtëpisë së saj.

Burime të hetimeve thanë se adoleshenti i dyshuar është arrestuar në apartamentin ku u gjet trupi i fëmijës.

Ato shtonin se adoleshenti “ishte i njohur për policinë prej problemeve psikiatrike dhe rasteve të abuzimit me fëmijë”.

The post Qindra qytetarë në rrugë, homazhe për të miturën që u vra në mënyrë brutale appeared first on Albeu.com.

“Hetimi i deritanishëm ka konfirmuar se vajza ishte viktimë e vrasjes”, tha zëdhënës i zyrës së prokurorit publik në Koblenz. Megjithatë, sipas detektivëve, krimi nuk ishte i natyrës seksuale. Shkaku i saktë i vdekjes do të përcaktohet nga autopsia, rezultatet e së cilës do të publikohen të martën.

Policia ka marrë në pyetje disa persona mes të cilëve edhe bashkëmoshatarët e Luizës.

“Ne nuk do të verbojmë plotësisht,” tha një nga oficerët që punonte në këtë rast.

Sipas hetuesve, një procedurë e tillë është e zakonshme. Pra, nuk do të thotë domosdoshmërisht se ata dyshojnë për një nga shoqet ose shokët e saj të klasës.

“Është mjaft e zakonshme që ne të marrim në pyetje njerëz të së njëjtës moshë me viktimën, veçanërisht në këto raste”, tha një zëdhënës i policisë për Bild.

Por policia pranoi gjithashtu se nuk është ende e sigurt nëse vendi ku u zbulua Luise është gjithashtu skenë krimi.

The post Tronditëse, 12-vjeçarja që u gjet e pajetë në pyll dyshohet se është vrarë nga shokët e klasës appeared first on Albeu.com.