vox pop Archives - Albeu.com

VIDEO/ Nga ka “humbur” Gledis Nano? AlbEu e “kap” ish-drejtorin duke blerë libra: Nuk shkëputem…

Xh — Thu, 16 Nov 2023 21:40:39 +0000

Largimi i Gledis Nanos nga posti i Drejtorit të Përgjithshëm të Policisë së Shtetit ishte një ngjarje që u përcoll me bujë, por megjithatë si shumë shkarkime të tjera nga detyra, u harrua shpejt.

Prej asaj kohe, Nano ka qenë më i tërhequr nga syri i publikut, me përjashtim të disa intervistave dhe shumë pak e dinë si po vazhdon karriera e tij tani.

Për të shuar kureshtjen e të gjithë të interesuarve, gazetarët e Albeu.com zbuluan se me çfarë po merret Nano aktualisht.

Teksa vizitonte panairin e librit që po mbahet në Pallatin e Kongreseve, Nano zbuloi për Albeu.com se po vazhdon ende masterin për kriminologji, teksa tregoi edhe çfarë do të lexojë këtë vit.

“Dua të marr edhe disa libra për fëmijët. Ju siç e dini unë jam angazhuar paralelisht edhe në botën akademike. Vazhdoj paralelisht edhe masterin për kriminologji, kështu që më tepër libra të fushës sime, nuk shkëputem dot nga fusha e sigurisë”, tha Nano. /albeu.com

The post VIDEO/ Nga ka “humbur” Gledis Nano? AlbEu e “kap” ish-drejtorin duke blerë libra: Nuk shkëputem… appeared first on Albeu.com.

VOX POP/ Disa orë larg nga nisja e Euro 2020, cila kombëtare do të jetë fituesja? Këto janë mendimet e qytetarëve (VIDEO)

E S — Thu, 10 Jun 2021 14:14:45 +0000

Pas një pritje tejet të gjatë, momenti për startin e EURO 2020 erdhi. Jemi vetëm pak orë larg ndeshjes së parë mes Italisë dhe Turqisë e cila do të luhet në Romë.

Skuadrat favorite sipas kompanive të basteve janë Franca e Belgjika, por nuk mbeten mbrapa Anglia e Gjermania.

Albeu Sport ditën e sotme ka pyetur qytetarët shqiptarë se cila kombëtare mendojnë ata se do fitojë këtë vit kompeticionin. ? Nuk kishte shume befasi, pasi shqiptarët njihen për një lidhje të fortë me futbollin Gjerman e Italian.

Shumica e qytetarëve besonin se “panzerat” do tia dalin të triumfojnë, e më pas vijnë Italia, Franca, Anglia e Holanda. /albeu.com/

Ndiqni përgjigjet e qytarëve në videon e mëposhtme:

View this post on Instagram

A post shared by Albeu Sport ?????? (@sportalbeu)

The post VOX POP/ Disa orë larg nga nisja e Euro 2020, cila kombëtare do të jetë fituesja? Këto janë mendimet e qytetarëve (VIDEO) appeared first on Albeu.com.

VOX POP/ A do t’i nxirrnit nga xhepi 50 euro që Rama të paguajë Bechetti-n? Si reagojnë qytetarët

E S — Mon, 05 Apr 2021 12:54:26 +0000

Qeveria shqiptare do t’I duhet të paguajë përfundimisht gjobën prej 110 milion euro ndaj biznesmenit Italian Francesco Beçhetti pasi gjykata e Arbitrazhit konstatoi se Shqipëria e mbylli pa të drejtë televizionin Agon Channel.

Vendimi erdhi pas disa vitesh gjyqe mes Avokaturës së Shtetit dhe avokatëve të biznesmenit në fjalë dhe tashmë do të duhet që taksapaguesit shqiptarë të nxjerrin nga xhepat mesatarisht 40 euro për kokë në mënyrë që qeveria të paguajë borxhin.

110 milion euro janë para me të cilat mund të trefishohej ndihma ekonomike për familjet shqiptare, megjithatë papërgjegjshmëria e qeverisë sonë bëri që tashmë ato të shkojnë në xhepat e biznesmenit Italian.

Por çfarë mendojnë qytetarët për këtë? A do t’i nxirrnin ata nga xhepi 50 euro për një tekë të kryeministrit? Ndiqni materialin e përgatitur nga gazetari i Albeu.com, Altin Tufa. /albeu.com

The post VOX POP/ A do t’i nxirrnit nga xhepi 50 euro që Rama të paguajë Bechetti-n? Si reagojnë qytetarët appeared first on Albeu.com.