“Në këtë moment ajo që pamë gjatë gjithë fushatës tregon se dominanca e zgjedhësve në qarkun e Durrësit kërkon ndryshimin. Këtu janë duke u hapur aktualisht kuti që janë ndër më të prekurat në mënyrë historike nga shitblerja e votës. Ne kemi referuar në SPAK një numër të lartë personash, por në këtë qendër numërimi këto kuti që janë hapur tani, rezulton se në mënyrë sistematike PS prej shumë vitesh i ka pasur si basen votash të blera. Pak më vonë do të hyjmë në zonat e qytetit ku do të shihet ndryshimi”, u shpreh Bylykbashi.

Ai po ashtu u ndal te procesi i votimit duke konstatuar një sërë problematikash, por me theksin e vendosur tek intimidimi i votuesve nga njerëz të paautorizuar pranë QV-ve, që shoqëroheshin nga eksponentë kriminalë.

“Procesi i votimit nuk ka patur asnjë përjashtim në raport me shkeljet tradicionale absolutisht të papranueshme të procesit zgjedhor. Prezencë e lartë e personave të paautorizuar pranë qendrave të votimit, e gjitha kjo në funksion të presionit mbi zgjedhësit. Sigurisht edhe pse janë vendosur mekanizma të rinj, vullneti për ta shkelur këtë ka bërë që përsëri të mbetet problem intimidimi i zgjedhësve. Janë konstatuar sidomos në javën e fundit fenomenet e shitblerjes së votës. Kemi parë mungesë të plotë veprimi nga Task Forca që u trumbetua më të madhe. Nuk u pa asgjë ndaj organizata kriminale patën mundësi të veprojnë. Gjithsesi mbetet për tu parë cili është efekti i veprimtarisë elektorale, pasi kemi parë asfalt elektoral edhe në pasditen para zgjedhjeve”, deklaroi Bylykbashi

The post Oerd Bylykbashi: Kriminelët intimiduan votuesit, votat e PD-së janë në kutitë e qytetit të Durrësit appeared first on Albeu.com.

Sipas KQZ, deri tani janë dërguar fletët e votimit për bashkatdhetarë nga 10 qarqe të vendit, për shtetasit shqiptarë që jetojnë në shtete të ndryshme të botës.

Numri më i madh i fletëve të votimit të shpërndara i përket qarkut të Tiranës me 51 520, Fierit 31 752, Elbasanit 25 022, Durrësit 24 872 e më pas në qarqe të tjera.

Të ndara sipas shteteve, janë dërguar në Itali 89 723 zarfe, në Greqi 67 165, në Gjermani 25 062, në Shtetet e Bashkuara të Amerikës 20 274, në Mbretërinë e Bashkuar 16 913 etj.

Votuesit në diasporë kanë kohë ta plotësojnë dhe ta dërgojnë fletën e votimit me postë deri në javën e parë të muajit maj. Çdo votë që mbërrin në Shqipëri pas datës 11 maj, ora 19:00, do të konsiderohet e pavlefshme.

Vendi i caktuar për administrimin e këtij procesi është Pallati i Sportit “Feti Borova”, pranë Parkut Olimpik Tiranë. Aty po përgatiten dhe dërgohen fletët e votimit dhe po aty do të kryhet numërimi i votave të diasporës.

Fletët e votimit do t’u mbërrijnë bashkatdhetarëve tanë në Evropë nga data 15, deri më 22 prill dhe në kontinentet e tjera nga data 15, deri më 25 prill.

Pasi ta marrë zarfin me fletën e votimit, zgjedhësi nga jashtë këshillohet ta dërgojë atë në KQZ brenda 3 ditëve nga momenti i marrjes. Ata nuk do të shpenzojnë asgjë, pasi posta paguhet nga KQZ.

The post Zgjedhjet, KQZ: 241 647 zarfe të dërguara për votuesit jashtë vendit appeared first on Albeu.com.

Në podkastin “Flasim”, kryeministri Rama kujtoi se data e fundit e regjistrimit është 4 marsi.

“Kush dëshiron duhet të nxitojë të regjistrohet, mirë është të regjistrohet secili, sidomos shqiptarët e Italisë dhe Greqisë që janë dëshmitarë të shumë ndryshimeve që kanë ndodhur, por mbi të gjitha të ndryshimit të reputacionit dhe këndit të shikimit, jo të masës kryesore të popullatës, por edhe të tyre”, tha Rama.

Kryeministri theksoi se procedura e regjistrimit është e thjeshtë, në platformën e KQZ-së dhe tani mund të regjistrohen edhe ata me pasaporta apo karta identiteti që kanë dalë jashtë afatit.

“Kërkon pak durim dhe duhet bërë me kujdes, por procesi nuk është i vështirë. Votimi është falas dhe do të financohet tërësisht nga shteti. Do të vijë zarfi në shtëpi në adresën që duhet të jetë e shtëpisë, duhet të bëhet kujdes të hapet me kujdes, se brenda ka një zarf ku do të hidhet prapë vota dhe do të hidhet në postë, e parapaguar”, sqaroi Rama.

Kryeministri theksoi se sa më shumë votues të marrin pjesë, aq më mirë është, pasi kjo  është hera e parë që votohet nga jashtë vendit, është historike.

“E di që ne shqipot i lëmë gjërat për ditën e fundit, por mos i lini për ditën e fundit se mund të ketë një ngarkesë sistemi dhe mund të mbeteni pa regjistruar. Kështu që bëni çmos që të regjistroheni deri në 4 mars, sepse duhen përgatitur të gjitha për t’i ridhënë kohë postës t’i sjellë. Nuk janë vetëm Italia dhe Greqia, por janë edhe në Amerikë, edhe në Australi. Kështu që kërkon kohën e vetë posta për të sjellë dhe pastaj ta rimarrë e sjellë këtu votën në zarf”, tha Rama.

Numri i shtetasve shqiptarë të regjistruar në Platformën Elektronike të Regjistrimit (PER) që nga 11 janari, për të marrë pjesë në zgjedhjet parlamentare që do të mbahen me 11 maj, ka arritur shifrën 133 049 shtetas.

The post Votimi nga jashtë, Rama: Regjistrimi edhe me pasaporta apo karta identiteti që kanë dalë jashtë afatit appeared first on Albeu.com.

Zëvendëspresidentja këtë të hënë do të jetë në Pensilvani, një shtet vendimtar në fushëbetejë që ofron 19 vota elektorale dhe pritet të përcaktojë rezultatin.

Ndërkohë tubimi i saj në Filadelfia, do të përfshijë performancën e Lady Gaga dhe praninë e Oprah Ëinfrey .

Ndërkohë, Donald Trump, planifikon katër mitingje në tre shtete: Karolinën e Veriut, Pensilvani dhe në fund Michigan.

Më shumë se 77 milionë amerikanë, kanë votuar tashmë përpara javës së zgjedhjeve, sipas Laboratorit Zgjedhor të Universitetit të Floridës.

Por shtetet e lëkundura, të njohura gjithashtu si shesh beteje ose shtete sulmuese, kanë ndikim joproporcional në zgjedhjet presidenciale, sepse kalojnë mes votimit republikan dhe demokrat.

Kjo është arsyeja pse të dy kandidatët e kanë fokusuar fushatën e tyre në ditët e fundit në Wisconsin, Pennsylvania, Georgia, Arizona, Karolina e Veriut, Michigan dhe Nevada.

The post Trump dhe Harris përgatisin fjalimin e fundit për votuesit e SHBA-së appeared first on Albeu.com.

Komisioni Qendror i Zgjedhjeve, bën me dije se deri më tani kanë raportuar 29 nga 36 qendra votimi në total.

Gjithashtu, theksohet se kanë votuar 1174 nga 16 286 zgjedhës në listën e qendrave të votimit të raportuara.

Zgjedhjet në Himarë po mbahen, pasi Komisioni Qendror i Zgjedheve vendosi që t’i hiqte fitoren eurodeputetit Fredi Beleri. Beleri u dënua nga Gjykata e Posaçme me 2 vite burg për korrupsion në zgjedhje.

The post Zgjedhjet në Himarë/ KQZ nxjerr shifrat: Ja sa është pjesëmarrja deri në orën 09:00 appeared first on Albeu.com.

“Ata qe s’dalin dot nga shtëpia rreth 20 mije që janë të diskriminuar”,- tha Celibashi.

Nga një takim me OSBE për informimin e zgjedhësve, Ilirjan Celibashi, u kërkoi palëve të krijojnë mundësinë ligjore të votimit të këtyre personave që për arsye objektive nuk kanë mundësi, siç mund të jenë të sëmurët.

“Duhet adresuar kjo çështje, për personat që për arsye objektive nuk shkojnë dot në qendrat e votimit. Duhet gjetur mënyra që një vend kandidat i BE në mes të Evropës ska asnjë justifikim që ata të mos votojnë. Është prioritare edhe pse e dimë që politika ka prioritete të tjera”,- tha Celibashi.

Këtë thirrje kreu i KQZ, ia ka adresuar më herët partive politike edhe përmes një letre, ku i ka kërkuar të trajtohet me prioritet.

Celibashi ka përsëritur dhe thirrjen për hapësira ligjore me qellim votimimi i emigrantëve, por teksa ka mbetur vetëm një vit nga zgjedhjet e ardhshme nuk është bërë asnjë hap.

Të premten grupi i Dialogut, do të mblidhet sërish dhe në të pritet të diskutohen piketat e përgjithshme të Reformës Zgjedhore.

The post 20 mijë qytetarë nuk dalin dot nga banesa për të votuar, KQZ: Dërgoni kutitë e votimit në shtëpi appeared first on Albeu.com.