Berisha tha se qytetarët shqiptarë kërkojnë largimin e kreut të qeverisë, duke e cilësuar atë si “kryeministrin më të poshtëruar” në hapësirën e Bashkimit Evropian dhe më gjerë.

“Qytetarët kërkojnë dorëheqjen e Edi Ramës si zgjidhjen e vetme të kësaj gjendje dhe të kësaj situate dramatike që përjeton vendi. Në një kohë kur Edi Rama, njeriu më i poshtëruar në detyrë sot, në të gjithë hapësirën e Bashkimit Europian dhe më gjerë, nuk ka sot një kryemnistër të poshtëruar para botës dhe popullit të tij siç është Edi Rama. Është i poshtëruar sepse po shkelmon ligjet dhe Kushtetutën për të mbrojtur vjedhjet e tij. Është i poshtëruar sepse për interesa të hajdutërisë së tij, pasurive të tij të paligjshme, po mbyll dyert e BE për Shqipërinë. Është i poshtëruar se aty ky miraton ligje në parlament për firmën e tij, firmën ia merr Pëllumbesha Spirogjoka. Është i poshtëruar se aty ku bën ligje që Linda e tij të jetë First Lady e Shqipërisë, zonja Begaj ia menderos ligjin. Pra, Edi Rama përjeton periudhën e poshtërimit më maksimal të një qeveritari, të një kryeministri”, tha Berisha.

Gjithashtu, Berisha u shpreh se opozita do të votojë në Kuvend për arrestimin e Belinda Ballukut, por shtoi se masa të tilla nuk janë zgjidhje për krizën politike.

“Ne sot jemi këtu për të shprehur mendimin e qytetarëve shqiptarëve. Do të votojmë në unison për heqjen e mandatit dhe arrestimin e Lubi Ballukut, por këto nuk janë zgjidhja e krizës është largimi i njeriut më të poshtëruar sot në skenën politike evropiane dhe perëndimore që quhet Edi Rama. Ju duhet ta dini këtë, që ai është njeriu i poshtëruar për aktet që ka kryer. Por ai, për të shpëtuar lëkurën e tij, është i gatshëm të pranojë çdo lloj poshtërimi që i bëhet. Nuk mund ta imagjinoni ju se si në darkat e tij të neveritshme, që ua nxjerr ato që hanë miqve, shkon dhe u përkulet, u bie në gjunjë si legen, për t’u kërkuar që të ndryshojnë mendimin. Ta dinë shqiptarët se ky është sot Edi Rama”, tha Berisha.

The post Berisha: Do votojmë për arrestimin e Ballukut, Rama kryeministri më i poshtëruar në botë, përulet si legen para miqve që të ndryshojnë mendim appeared first on Albeu.com.

Pas një zvarritjeje gati 3 mujore, Kuvendi i Shqipërisë do të votojë të enjten mbi kërkesën e Prokurorisë së Posaçme për heqjen e imunitetit të ish-zv.kryeministres Belinda Balluku, e pandehur për veprën penale të shkeljes së barazisë në tendera në mënyrë të përsëritur.

Votimi pritet gjithsesi të jetë një formalitet, pasi kryeministri Edi Rama dhe mazhoranca socialiste shpallën qëndrimin e tyre kundër kërkesës së SPAK për autorizimin e një mase arresti, duke i ofruar Ballukut votat e tyre si mburojë politike. Votat e deputetëve socialistë janë të mjaftueshme për rrëzimin e kërkesës.

Rrëzimi i pritshëm i kërkesës së SPAK, rrezikon sipas juristëve, që të ketë efekte jo vetëm mbi hetimin e mëtejshëm të Ballukut, por edhe në çështje të tjera të ngjashme në të ardhmen, ku subjekte të Prokurorisë së Posaçme mund të jenë ministra të qeverisë apo deputetë të Kuvendit të Shqipërisë.

Juristët e konsiderojnë qëndrimin e Partisë Socialiste si mbrojtje politike, që sipas tyre rrezikon të kthehet në një praktikë për të gjithë deputetët dhe ministrat.

Edhe pse ligji garanton vazhdimin e hetimit të Ballukut, për ekspertët e drejtësisë ekziston rreziku i ndikimit të tërthortë në sigurimin e provave dhe dëshmive.

Lirime Çukaj, pedagoge e së drejtës penale në Universitetin e Tiranës, parashikon se edhe në rastin e mosdhënies së autorizimit, çështja “Balluku” do të ndjekë rrugën e saj ligjore drejt një vendimi penal të formës së prerë, pavarësisht faktit nëse është dhënë apo jo autorizimi për arrest.

Megjithatë, Çukaj vlerëson se në këtë rast, hetimi në gjendje të lirë mund t’i shkatërrojë provat, nëse personi nën hetim do të kontaktonte dëshmitarët apo do të bënte të mundur ndryshimin e deklarimit të tyre.

“…Në rastin konkret, duhet parë vetëm ky element, nëse masa e sigurimit do të caktohej për vërtetësinë apo marrjen e provave, atëherë mund ta dëmtojë procedimin penal”, tha Çukaj.

Edhe avokati Eugen Beçi, vlerëson se refuzimi nga parlamenti i kërkesës së SPAK për arrestimin e një deputeti nuk është thjesht një vendim politik, por mund të ketë ndikim real në ecurinë e hetimeve.

Beçi shprehu gjithashtu shqetësimin se ky vendim, mund të kthehet në precedent që shumica parlamentare të kthehet në një filtër politik për hetimet ndaj funksionarëve të lartë.

“Nëse refuzimi bëhet duke hyrë në analizë të akuzës, krijohet një ndërhyrje politike në një proces që në thelb duhet t’i takojë vetëm prokurorisë dhe gjykatës”, tha Beçi.

“Edhe pse deputetja nuk ushtron më funksion në ekzekutiv, statusi i saj politik dhe institucional mund të ndikojë tek dëshmitarë, persona të përfshirë në procedura administrative apo tek sigurimi i provave të tjera”, shtoi ai, duke shpjeguar se në hetimet ndaj zyrtarëve të lartë, ndikimi shpesh nuk është i drejtpërdrejtë, por rrjedhojë e pozicionit publik.

Avokati Florian Bonjaku, sjell në vëmendje se përcaktimet aktuale të Kushtetutës dhe ato ligjore, nuk frenojnë hetimet për arsye të mandatit të deputetit, ndryshe nga sa ka qenë vite me parë.

Por ai thekson se në këtë rast, refuzimi i kërkesës së SPAK mund të sjellë si pasojë helmimin apo prishjen e provave – ç`ka ndikon më pas edhe në hetimin penal.

Në një analizë më të gjerë, Bonjaku thotë se vendimarrja për Ballukun do të lerë gjurmën e vet në përballjet e ardhshme mes Prokurorisë së Posaçme dhe pushtetit politik.

“Në terma praktikë kjo mund të sjellë një tërheqje të Prokurorisë së Posaçme, ashtu si dhe mund të sjellë një kujdes më të madh të tyre, në kuptimin që të jenë më specifikë, më të saktë dhe me prova më të organizuara në momentin kur do shkojnë përpara parlamentit për të kërkuar heqjen e imunitetit të deputetit”, tha Bonjaku.

Votimin për të rrëzuar heqjen e mandatit të deputetit, Bonjaku e cilëson “një sinjal force” që politika u jep deputetëve për t’u hequr frikën nga SPAK, tashmë përmes një mburoje politike.

Gjatë viteve të fundit, Prokuroria e Posaçme, ka ndërmarrë hetime për korrupsion ndaj disa prej bashkëpunëtorëve të ngushtë të kryeministrit Edi Rama në qeverisje, por procedimi penal ndaj numrit 2 të qeverisë shënoi një pikë kthese.

Ndryshe nga rastet e tjera, Rama udhëhoqi një betejë ligjore në Gjykatën Kushtetuese për të bllokuar pezullimin nga detyra të Ballukut, ndërkohë që mazhoranca e tij në Kuvend mbajti peng për gati 3 muaj shqyrtimin e kërkesës për autorizimin e arrestit, për të shkuar më pas drejt rrëzimit të saj.

The post Sot në Kuvend votohet për imunitetin e Ballukut/ BIRN: Rrëzimi i kërkesës së SPAK për arrestimin e Ballukut, ‘sinjal force’ për hetimin e zyrtarëve të tjerë të lartë appeared first on Albeu.com.

Në studion e “Opinion” në Tv Klan, kryedemokrati Sali Berisha foli pikërisht për këtë qëndrim të mbajtur nga opozitarët. Duke e theksuar se dokumenti është votuar në parim dhe jo nen për nen, ai tregoi dy arsyet se pse u u dha kartoni jeshil.

“U votua në parim sepse unë dua ta them këtu, gjatë gjithë kohës në pushtet, porosi e prerë e përfaqësuesve të Shqipërisë në të gjitha institucionet ndërkombëtare, ka qenë do të votoni siç votojnë Shtetet e Bashkuara, për çështje sigurie.

Së dyti, u detyrohemi pavarësinë e Kosovës, betejën ajrore kundër Beogradit dhe mbështetjen e fuqishme ndaj Kosovës. Ne përsëri kemi probleme me Beogradin që nuk heq dorë nga paranoja e Serbisë së Madhe. Para 3 ose 4 vitesh erdhi në Zubin Potok, Vuçiç dhe deklaroi se Serbia do të bëhet më e madhe, njësoj si Millosheviçi. Në këto rrethana, unë kam qenë, jam dhe mbetem që të votohet siç votojnë Shtetet e Bashkuara”, u shpreh Sali Berisha.

Në drejtimin e Kryetarit Niko Peleshi, Kuvendi u mblodh sot në seancën plenare të radhës ku ndër të tjera shqyrtoi Projektligjin “Për ratifikimin e marrëveshjes së pranimit të Republikës së Shqipërisë, përfaqësuar nga Kryeministri z. Edi Rama, në Kartën e Bordit të Paqes”.

Ky projektligj u prezantua nga Ministrja për Evropën dhe Punët e Jashtme, Elisa Spiropali, e cila u shpreh Shqipëria e pranon këtë ftesë jo si privilegj simbolik, por si një zgjedhje të vetëdijshme për të marrë përgjegjësi shtetërore në ndërtimin e paqes.

Pas diskutimeve, projektligji u miratua me 110 vota pro, 0 kundër dhe 0 abstenim.

The post Aderimi i Shqipërisë në Bordin e Paqes, Sali Berisha tregon dy arsyet për votën pro mazhorancës appeared first on Albeu.com.

Procesi i votimit ka nisur me kohë, në orën 07:00 në Ambasadën e Kosovës në Berlin, atë në Bruksel e Paris, kanë njoftuar këto institucione diplomatike të vendit. Njëkohësisht janë konfirmuar edhe votuesit e parë.
Në këtë proces kanë të drejtë vote mbi 19, 187 votues.

The post Zgjedhjet në Kosovë/ Votimi për Diasporën nis në 29 përfaqësi diplomatike, mbi 19 mijë të regjistruar me të drejtë vote appeared first on Albeu.com.

Burime nga KAZA ne 47 Cerrik, bëjnë me dije se stafi teknik ndodhet aktualisht në QV dhe po punohet për rregullimin e pajisjes në mënyrë që procesi të vijojë pa vonesa të mëtejshme.

Ndërkohë, nga verifikimet e kryera deri tani, nuk janë evidentuar mungesa të komisionerëve në asnjë nga qendrat e votimit të bashkisë Cërrik, duke garantuar vijimin e qetë dhe të rregullt të procesit zgjedhor.

The post Nis votimi në Bashkinë e Cërrikut, në një qendër votimi probleme me pajisjen e identifikimit biometrik appeared first on Albeu.com.

Teksti u miratua me 142 vota pro, 10 kundër, përfshirë Izraelin dhe aleatin e tij kryesor, Shtetet e Bashkuara dhe 12 abstenime. Ai dënon qartë Hamasin dhe kërkon dorëzimin e armëve të tij.

Shqipëria ka mbajtur një pozicion neutral gjatë këtij votimi duke abstenuar.
Edhe pse Izraeli ka kritikuar organet e OKB-së për gati dy vjet për mungesën e dënimit të sulmit të Hamasit më 7 tetor 2023, deklarata e paraqitur nga Franca dhe Arabia Saudite nuk lë asnjë paqartësi.

Votimi në Asamblenë e Përgjithshme të OKB-së
E quajtur zyrtarisht “Deklarata e Nju Jorkut mbi Zgjidhjen Paqësore të Çështjes së Palestinës dhe Zbatimin e Zgjidhjes me Dy Shtete”, teksti thotë se “Hamas duhet të lirojë të gjithë pengjet” dhe se Asambleja e Përgjithshme e OKB-së dënon “sulmet e kryera nga Hamasi ndaj civilëve më 7 tetor.”

Ajo gjithashtu bën thirrje për “veprim kolektiv për t’i dhënë fund luftës në Gaza, për të arritur një zgjidhje të drejtë, paqësore dhe të qëndrueshme të konfliktit izraelito-palestinez, bazuar në zbatimin efektiv të zgjidhjes me dy shtete.”

Deklarata, e cila tashmë ishte mbështetur nga Liga Arabe dhe u bashkë-nënshkrua në korrik nga 17 shtete anëtare të OKB-së, përfshirë disa vende arabe, synon gjithashtu të përjashtojë plotësisht Hamasin nga udhëheqja në Gaza.

“Në kontekstin e përfundimit të luftës në Gaza, Hamasi duhet t’i japë fund sundimit të tij në Gaza dhe të dorëzojë armët tek Autoriteti Palestinez, me angazhimin dhe mbështetjen ndërkombëtare, në përputhje me objektivin e një shteti palestinez sovran dhe të pavarur,” thuhet në deklaratë.

Nënkryetari palestinez Hussein al-Sheikh e mirëpriti vendimin, duke thënë se rezoluta “shpreh vullnetin ndërkombëtar për të mbështetur të drejtat e popullit tonë dhe përbën një hap të rëndësishëm drejt përfundimit të okupimit dhe arritjes së shtetit tonë të pavarur.”

Ndërkohë, zëdhënësi i ministrisë së jashtme izraelite, Oren Marmorstein, e dënoi votimin, duke shkruar në X se Izraeli “e hedh poshtë kategorikisht” deklaratën, duke e quajtur atë dëshmi se Asambleja e Përgjithshme ishte shndërruar në “një cirk politik i shkëputur nga realiteti.”

Votimi i paraprin një samiti të ardhshëm të OKB-së të bashkëkryesuar nga Rijadi dhe Parisi më 22 shtator në Nju Jork, ku presidenti francez Emmanuel Macron ka premtuar të njohë zyrtarisht shtetin palestinez.

“Fakti që Asambleja e Përgjithshme më në fund mbështet një tekst që dënon drejtpërdrejt Hamasin është domethënës,” edhe nëse “izraelitët do të thonë se është shumë pak, shumë vonë,” tha Richard Gowan, drejtor i OKB-së në Grupin Ndërkombëtar të Krizave, për AFP.

“Tani të paktën shtetet që mbështesin palestinezët mund t’i kundërpërgjigjen akuzave izraelite se ata në mënyrë të tërthortë miratojnë Hamasin,” shtoi ai, duke thënë se kjo “ofron një mburojë ndaj kritikave izraelite.”

Përveç Macron-it, disa liderë të tjerë kanë shpallur synimin e tyre për të njohur zyrtarisht shtetin palestinez gjatë samitit të OKB-së.

Këto gjeste shihen si një mënyrë për të rritur presionin mbi Izraelin që t’i japë fund luftës në Gaza, e cila u shkaktua nga sulmet e Hamasit më 7 tetor 2023.

Deklarata e Nju Jorkut përfshin diskutime mbi “dërgimin e një misioni të përkohshëm ndërkombëtar stabilizimi” në rajonin e shkatërruar nën mandatin e Këshillit të Sigurimit të OKB-së, me synimin për të mbështetur popullsinë civile palestineze.

Rreth tre të katërtat e 193 shteteve anëtare të OKB-së e njohin shtetin palestinez, të shpallur në vitin 1988 nga udhëheqja palestineze në mërgim. Megjithatë, dy vjet luftë kanë shkatërruar Rripin e Gazës, përveç zgjerimit të vendbanimeve izraelite në Bregun Perëndimor dhe dëshirës së shprehur nga zyrtarët izraelitë për të aneksuar territorin.

Kjo bën që shumë të frikësohen se ekzistenca e një shteti palestinez të pavarur së shpejti do të bëhet e pamundur. “Ne do ta përmbushim premtimin tonë që nuk do të ketë shtet palestinez,” u zotua kryeministri izraelit Benjamin Netanyahu të enjten.

Ndërkohë, presidenti palestinez Mahmoud Abbas mund të pengohet të vizitojë Nju Jorkun për samitin e OKB-së pasi autoritetet amerikane thanë se do t’i refuzojnë një vizë.

The post VOTIMI/ OKB mbështet një shtet palestinez, por pa Hamasin! Shqipëria abstenon, SHBA kundër dokumentit në Asamblenë e Përgjithshme appeared first on Albeu.com.

Sipas Komisionit Qendror të Zgjedhjeve mbrëmjen e sotme po numëroheshin votat e diasporës për kandidatët në qarqet Tiranë, Durrës, Shkodër dhe Kukës. Numri i votave të diasporës për qarkun e Lezhës ka përfunduar ku PD në Lezhë ka katër mandate ndërsa PS ka 3 mandate. Pas përfundimit të numërimit demokratët të cilët kanë ndjekur të gjithë procesin e numërimit në Parkun Olimpik duartrokitën rezultatin. Vota e diasporës nuk mjaftoi për të përmbysur avantazhin e PD-së brenda territorit, ndonëse rezultati final u nda vetëm për disa dhjetëra zarfe, 70 vota.

Partia Socialiste edhe pas numërimit të votave të diasporës për qarkun e Fierit ka ruajtur mandatin e 12-të. Nga qarku i Fierit, PS fut në Kuvend 5 deputetë nga lista e mbyllur, Belinda Balluku, Petrit Malaj, Kiduina Zaka, Erjo Mile dhe Ana Nako.

Nga lista e hapur futen 7 deputetë. Në Kuvend futen Ceno Klosi, Klevis Jahaj, Asfloral Haxhiu, Antoneta Dhima, Elton Korreshi, Zegjine Çaushi dhe Dhimitër Kruti. PD-ASHM në këtë qark merr 4 deputetë nga lista e mbyllur: Gazment Bardhi, Luan Baçi, Brunilda Haxhiu dhe Saimir Korreshin.

Në qarkun e Kukësit janë numëruar 80% të votave të diasporës. Nga numërimi i deritanishëm kandidati demokrati Isuf Çelaj ka rimarrë përkohësisht mandatin e deputetit. Çelaj ka rimarrë mandatin me një diferencë prej 64 votash në total ndaj Shkelqim Shehut. Sipas KQZ janë numëruar 2852 nga 2917 zarfa total. Qarku i Kukësit u fitua nga Aleanca për Shqipërinë Madhështore. ASHM ka nxjerrë nga ky qark deri tani 2 deputetë, ndërsa PS 1 deputet. Deputetët e PD-së që do të jenë në parlament deri në këto momente janë Flamur Hoxha dhe Isuf Çelaj.

The post Ndërpritet procesi i numërimit të votave të diasporës tek “Parku Olimpik”, fiken monitorët appeared first on Albeu.com.

Shfaqja fillon në orën 21:00 dhe transmetohet drejtpërdrejt nga St. Jakobshalle në Bazel të Zvicrës.

Prezantueset janë Hazel Brugger, Michelle Hunziker dhe Sandra Studer. Renditja e këngëve është vendosur nga Korporata Zvicerane e Transmetimeve (SRG SSR) bazuar në short. Kënga ‘Zjerm’ e Shkodra Elektronik do të jetë e 26-ta.

Procedura e votimit, sipas faqes zyrtare të Festivalit të Këngës në Eurovision 2025, do të ndjek të njëjtën procedurë si dy vitet e fundit.

Çdo vend pjesëmarrës do të ketë dy grupe pikësh me nga 1, 2, 3, 4, 5, 6, 7, 8, 10 dhe 12 pikë për të dhënë. Një grup për jurinë e secilit vend dhe një grup për televotimin e secilit vend. Votat online të vendeve që nuk marrin pjesë në Festival, do të kenë të njëjtën peshë si vendet pjesëmarrëse.

Secili prej 37 vendeve pjesëmarrëse në Eurovisionin e këtij viti do të mund të votojë.

Çdo vend ka një juri kombëtare e cila jep një grup pikësh me 1, 2, 3, 4, 5, 6, 7, 8, 10 dhe 12 pikë.

Çdo vend do të ketë televotim, i cili gjithashtu rezulton në një grup prej 1, 2, 3, 4, 5, 6, 7, 8, 10 dhe 12 pikësh.

Votimi online nga vendet që nuk marrin pjesë në Festivalin e Këngës në Eurovision 2025 ka të njëjtën peshë si një vend pjesëmarrës: 1, 2, 3, 4, 5, 6, 7, 8, 10 dhe 12 pikë.

Së pari, pikët e jurisë do të prezantohen individualisht nga një zëdhënës për secilin vend.

Së dyti, pikët nga televotimi do të grumbullohen dhe do të jepen të kombinuara.

Juritë kombëtare votuan dje në mbrëmje (e premte, 16 maj) gjatë provës së dytë gjenerale.

Nëse dy vende kanë të njëjtat pikë, një rezultat i kombinuar kombëtar i televotimit dhe jurisë do të llogaritet vetëm për qëllimin e zgjidhjes së situatave të barazimit. Më e mira nga të dyja është kënga që ka marrë pikë nga numri më i madh i vendeve nga llogaritja e kombinuar kombëtare e televotimit dhe jurisë.

The post Festivali i Këngës në Eurovision 2025, publikohet procedura e votimit, ja si do të veprohet në rast se dy këngë kanë të njëjtin numër pikësh appeared first on Albeu.com.

Dy të dënuar nuk kanë mundur të ushtrojnë të drejtën e votës, pasi ndodheshin jashtë ambienteve të institucionit gjatë zhvillimit të votimit.

Sipas informacionit të Komisionit Qendror të Zgjedhjeve, në total janë përdorur 198 fletë votimi, përfshirë edhe 5 anëtarë të komisionit të qendrës së votimit, të cilët ushtruan të drejtën e votës brenda qendrës së tyre të caktuar.

Edhe pse lista e zgjedhësve përfshinte vetëm 195 votues, rezultati i kësaj qendre të votimit u pranua pas verifikimeve të nevojshme nga Komisioni Qendror i Zgjedhjeve.

Votues në qendrën e votimit në burgun e Durrësit, janë edhe Erion Veliaj, Alqi Bllako, Lefter Koka dhe Ilir Beqaj.

Rezultatet përkatëse janë si më poshtë:

Partia Socialiste (PS) 148 vota,

Partia Demokratike (PD) 34 vota,

Nisma 1 votë,

Koalicioni Djathtas për Zhvillim 1 votë,

Lëvizja Atdheu 1 votë.

The post Votimi në Burgun e Durrësit/ Komisioni i Zgjedhjeve konfirmon rezultatin: Aty ku ndodhen Veliaj, Beqaj, Koka dhe Bllako, fiton PS appeared first on Albeu.com.

Sipas të dhënave të siguruara, në qendrën e votimit nr. 1558, ZAZ 27, janë regjistruar 1,000 zgjedhës, ndërsa kanë votuar 138 qytetarë, çka përbën një pjesëmarrje prej 13.8%. Nuk është regjistruar asnjë votë e pavlefshme.

Partia Socialiste është renditur e para, me 98 vota të marra. Kandidati më i votuar i PS në këtë zonë është Blendi Gonxhja me 53 vota.

Koalicioni “Aleanca për Shqipërinë Madhështore” ka siguruar 31 vota.

Partia Mundësia ka marrë 4 vota. Ndërkohë, Lëvizja Bashkë, ka marrë vetëm 1 votë, dhe “Nisma Shqipëria Bëhet”, ka marrë tre vota.

Ndërkohë që procesi i numërimit në Vorë ka vijuar me kutinë e dytë të hapur, në qendrën e votimit 2037/1 në Domje.

Sipas të dhënave zyrtare, në këtë qendër PD-ASHm ka marrë 42 vota, ndërsa Partia Socialiste është renditur e para me 124 vota, me Blendi Gonxhen që kryeson me 75 vota.

Nisma Shqipëria Bëhet ka marrë 1 votë, Partia Mundësia 4 vota, Partia Aleanca Kombëtare Shqiptare 2 vota dhe PSD 5 vota.

The post Numërimi elektronik në Vorë, ja si janë rezultatet e kutive të para appeared first on Albeu.com.