Bëhet me dije se Begaj do të heqë dorë nga të gjithë postet e shfet të Shtabit të Përgjithshëm të Forcave të Armatosura, si dhe grada gjeneralmajor.

Mësohet se ai të heqë dorë pak para votimit në Parlament, po për këtë duhet edhe “bekimi” i presidentit aktual Ilir Meta.

Arsyeja?

Duke qenë se detyrën e shefit të Shtabit të Përgjithshëm të Forcave të Armatosura, si dhe gradën gjeneralmajor, Begaj e ka marrë me dekret të Presidentit Meta, edhe dorëheqja e tij nga këto poste duhet të bëhet me dekret presidencial.

Kjo nuk dihet nëse mund të krijojë ndonjë ngërç procedural.

Në mbledhjen e grupit parlamentar, Taulant Balla tha se ka vetëm 90 minuta kohë që Meta të bëjë lirimin.

“Kandidati ka depozituar kërkesën e tij për dorëheqje  nga detyra kështu që është një aspekt i rëndësishëm por në legjislacionin përkatës ligji për FA ushtarakët duhet të japin dorëheqje para se të emërohen apo zgjidhen. Kjo procedurë do të përfshijë brenda orëve në vijim edhe president aktual që duhet të bëjë lirimin. Kjo mendoj unë nuk duhet të jetë një betejë e radhës. Kemi menduar edhe mënyrën e zgjidhjes nëse na krijohet ndonjë ngërç me presidentin”, tha Balla. /albeu.com

The post Pritet të votohet sot në Kuvend, Begaj duhet të marrë edhe “bekimin” e Metës, a do të ketë ngërç? appeared first on Albeu.com.

Shefi i Shtabit të Përgjithshëm të Forcave të Armatosura të Shqipërisë, gjeneralmajor Bajram Begaj pritet që të votohet ditën e sotme në Parlament.

Fillimisht kandidatura e tij pritet të marrë firmat nga deputetët e grupit parlamentar që është thirrur në orën 10:00.

Më pas emri i Begajt do të kalojë në Komisionin e Ligjeve për shqyrtim dhe pasdite do të mblidhet seanca e posacme e Kuvendit për të zgjedhur të parin e shtetit, pas dështimit të 3 raundeve të para.

“Sot e kemi ridiskutuar dhe dakordësuar që PS-së i takon që në këtë moment të shkojë dhe shohë përtej vetes që t’u japë shqiptarëve një kryetar shteti që nuk ka një karrierë në PS”, u shpreh Rama.

Sipas Kushtetutës, vetëm në 3 nga 5 raunde në Kuvend kërkohet mbështetja e 84 deputetëve, ndërsa në 4 mund të zgjidhet me një shumicë të thjeshtë, përkatësisht 71 vota. PS ka 74 mandate në Kuvend, që do të thotë së është gati për zgjedhur Begajn president të ardhshëm të Republikës, që do të jetë i teti pas rënies së komunizmit.

Pritet që në Kuvend ditët e sotme do të jetë edhe Grupi i Rithemelimit, që do të votojë kundër sipas asaj çfarë tha ish-kryeministri Berisha ditën e djeshme, ndërsa Alibeaj dhe grupi i tij pritat ta bojkotojnë seancën./albeu.com

The post PS propozoi Bajram Begajn për President, nga mbledhja e firmave te votimi në Parlament, çfarë pritet të ndodhë sot appeared first on Albeu.com.