Sipas Ballës, kjo shtyrje bëhet për ti dhënë më shumë kohë grupeve parlamentare të opozitës, që të mund të bëhen pjesë e procesit, pavarësisht përplasjeve të brendshme të momentit në Partinë Demokratike.

Balla shtoi se raundi i parë i votimit për presidentin do të jetë brenda datës 10 maj, ndërkohë që Konferenca e Kryetarëve, është shtyrë me 6 ditë, nga data 29 Prill, në datën 4 Maj.

“Na kanë kërkuar që të kenë pak më shumë kohë në dispozicion, një spostim me disa ditë, të mbajtjes së konferencës së parë të kryetarëve, ideja është që konferenca e parë e kryetarëve të nisë në 4 Maj, dhe jo më vonë se data 10 Maj, të ishte mbajtja e raundit të parë të votimit të Presidentit të Republikës.

Kjo shtyrje i shërben të gjitha grupeve parlamentare, për të qartësuar brenda vetes pozicionin, Kushtetuta e ka parashikuar qartë dialog në 3 raundet e para.

Të gjitha grupet parlamentare të marrin kohën e nevojshme për të dialoguar, ne hyjmë në negociata me 3 grupet, me dëshirën për t’i dhënë vendit një president të të gjithë shqiptarëve”, tha Balla./albeu.com

The post Balla zbulon datën kur do të zhvillohet raundi i parë i votimit të presidentit të ri appeared first on Albeu.com.