Por është bllokuar menjëherë nga komisionerët, të cilët kanë lajmëruar dhe policinë.

Fotografimi i votës, është vepër penale dhe dënohet me 1-3 vite burg.

The post Incident në Elbasan/ Qytetarja fotografon votën, bllokohet nga komisionerët appeared first on Albeu.com.

Lideri i opozitës, e nisi fjalën me një krahasim mes ish-diktatorit Enver Hoxha dhe kryeministrit Edi Rama.

“Enver Hoxha ishte mizor, por ama shtëpinë nuk e kaloi në emrin e tij, Edi Rama bëri kullat më të larta se të ish-diktatorit”, tha Sali Berisha, Kryetar i PD-së.

Gjithashtu. Berisha u ndal te Inceneratori i Elbasanit, duke e quajtur vjedhjen më të madhe të ndodhur ndonjëherë.

“Janë vjedhur miliona euro, 130 milion euro janë marrë nga taksat tuaja…”, vijoi kreu i PD.

PD është forca që premton Shqipërinë madhështore, sipas Sali Berishës.

“Për Edi Ramën nuk është problem pensioni i ulët i pensionistëve, nuk është problem largimi i të rinjve, nuk është problem sundimi i krimit, sepse ai sundon bashkë me të…”

Nga Elbasani, Berisha kishte një përgjigje për Bufin që kryeministri Edi Rama e sjell në shenjë krahasimi.

“Ai vërtetë ka saraje, ka rrëmbyer tokë në bregdet, por ka një gjë që i mungon atij, është i shkretë dhe i varfër në kulturë. Ai gaboi duke më krahasuar mua me bufin, simbolin e mençurisë së të gjithë kohërave…”

Në mbyllje, Berisha u bëri thirrje qytetarëve të Elbasanit të votojnë kandidatët e koalicionit Shqipëria Madhështore, pasi sipas tij, socialistët kanë përfshirë në garë vetëm eksponentë të krimit.

The post Berisha kërkon votën e qytetarëve të Elbasanit: Shqipëria shpëton në 11 maj appeared first on Albeu.com.

Gjatë rubrikës së sotme “Sy më sy”, Rama vazhdoi sërish me mashtrimin se në mandatin e ardhshëm do e fusë Shqipërinë në Bashkimin Europian, por u shpreh në mënyrë delirante, se këtë gjë mund ta bëjë vetëm ai dhe askush tjetër.

Sipas tij, duhet të fokusohemi vetëm tek futja në BE dhe tek asgjë tjetër.

“Përveç faktit se kur hyjmë në BE, të të them që dil nga ajo territor ku je ngujuar dhe shiko realitetin pak më ndryshe. Ka rrjedhur bufi i kënetës. Që është në rrjedhje duket qartë, por është çështje e moshës.

Por them votoni për mua se vetëm unë dhe PS e bëjmë këtë hap të fundit për të kyçur Shqipërinë në BE. Kjo është e thjeshtë dhe e qartë. Nuk e bën dot askush tjetër, cilido tjetër minimalisht do të shkaktonte një shtyrje dhe vonesë dhe mbylljen e kësaj dere.

Duhet të fokusohemi përtej të gjithave atyre që kemi në raport me njërin apo tjetrin. S’mund të më thuash që administrate shqiptare është somaleze. S’mund të më thuash sepse 95% të shërbimeve i merr nga telefoni. 620 milionë euro u janë kursyer shqiptarëve.

Pasaportën europiane e merr vetëm nëse Shqipëria futet në BE dhe Shqipërinë në BE e fusim vetëm unë me PS. Ky është interesi, duke nisur që në aeroport që të mos të të ndajnë veç.

Kur të hysh në BE, të jesh duke tregu pasaportën që ka të njëjtën vlerë si e vendeve të tjera. Pra lërini këto, çfarë rrugësh janë? Fokusu tek BE-ja dhe tek pasaporta jote”, tha Rama.

Sipas kryeministrit, ne jemi vetëm një hap larg futjes në BE dhe të tjerat janë “përralla me mbret” sipas tij, pavarësisht se në raportet ndërkombëtare dalim “zi e më zi”.

“Alternativa është e qartë se kurrë. Shqipëria në BE dhe gjithë kjo rrugë ka qenë një rrugë e mundimshme. Edhe ne jemi një hap larg, lërini këto përralla me mbret”, tha Rama.

Duke folur për pensionet, Rama tha se qeveria e tij synon që pensionin minimal deri në vitin 2030 ta çojë në 200 euro, pra pas 5 vjetësh dhe jo mandatin e ardhshëm.

“Pensionet bazohen te fondi i sigurimeve. Ne synojmë që deri në 2030 të arrijmë te minimumi 200 euro. Ndërsa për ata që janë me sigurime të plotë të kenë pension mestar 700 euro. Kjo është rruga. Rruga tjetër është e katastrofës. Pensionistët po marrin bonuse domethënëse, ndërsa ne gradualisht do e çojmë pensionin në atë minimalin që sapo thashë”, – tha Rama.

The post Rama: Më votoni mua, vetëm unë mund ta “kyç” Shqipërinë në BE appeared first on Albeu.com.

“Secili prej jush me punën që bën, me biznesin që ka, profesionin që ka, i ka bërë nder Shqipërisë dhe shqiptarëve. Dhe shqiptarët këtu në Kanada vlerësohen si komuniteti i integruar plotësisht.

Ju falënderoj me gjithë zemër. Largimi juaj ka lënë një boshllëk në Shqipëri, sepse në Kanada kanë ardhur kryesisht profesionistë të fushave të ndryshme. Kanadaja ka qenë pak përzgjedhëse dhe, ua themi, na ka marrë më të mirët”.

Balla përmendi faktin se në sallë para tij kishte ish pjesëmarrës në grevën e studentëve në vitin 1990 dhe madje themelues të PD që e nisën me thirrjet ta bëjmë Shqipërinë si gjithë Europën.

“Tani shumë vite kanë kaluar. Mund të themi se Shqipëria është vonuar. Nuk po hyj në diskutim pse jemi vonuar. Po jua them me plot siguri, ky mandat i ri është ai ku do ta shohim Shqipërinë pjesë e BE. Po jua them si politikan i vjetër, 20 vjet tashmë, si deputet i Kuvendit të Shqipërisë, se dhjetë vitet e fundit kanë qenë 10 vite të rëndësishme transformimi të vërtetë dhe përmbushjes së këtyre kushteve. Shqipëria i ka të gjitha mundësitë që të jetë vendi i parë nga Ballkani Perëndimor që të bëhet pjesë e Bashkimit Europian, ndaj kam ardhur këtu t’ju kërkoj të regjistroheni”.

Shqiptarët këtu ka rëndësi të tregojnë pjesëmarrje, tha Balla, duke iu referuar edhe një pjesëmarrësi në takimin e Detroitit që pasi përfundoi takimi u ngrit me telefon në dorë.

“Unë jam i gatshëm që këto takime në diasporë t’i bëjmë të gjithë bashkë, të kursejmë dhe qiratë e sallave dhe natyrshëm të tregojmë edhe këtu në diasporë të paktën të mos transferojmë këtu sherret e përditshme të politikës në Shqipëri. Ndjehem ndonjëherë i habitur, isha në një takim të madh në Detroit, u ngrit njëri nga ata që bënte atë filmimin se duhej furnizuar Facebook-u i njërit në Tiranë, një harxhim kohe kot, ndërkohë që ne mund të flasim realisht për gjëra konkrete sesi mund t’i bëjmë më mirë punët në Shqipëri”.

Pas zgjedhjeve, edhe politika shqiptare do ketë një qasje tjetër ndaj diasporës, parashikon Balla.

“Si unë edhe kolegë të tjerë do vijnë shumë më shpesh në Toronto, për llogaridhënie. Të njëjtën gjë kemi bërë, unë jam një deputet që nuk kam munguar në takime me zgjedhësit në zonën time elektorale. Ne do kemi përfaqësues të diasporës në listat tona”.

Balla bëri një përmbledhje të mënyrës se si mund të regjistrohen shqiptarët e Kanadasë në Kqz.gov.al dhe kërkoi votën për Partinë Socialiste, duke thënë se nuk ka ofertë më të mirë se ajo e socialistëve sot për sot.

“Unë ju them me plot bindje se ne nuk jemi më të mirët, por më të mirë se ne nuk ka, për momentin të paktën. Ka dhe një arsye tjetër. Të tjerët, ata që janë konkurrentët tanë të drejtpërdrejtë, nuk përmbushin asnjë prej kushteve që duhet të plotësojë një ofertë politike: një ekip, një udhëheqës, një program. Ne i kemi të tre. Ata përballë nesh, udhëheqës jo e jo, biem të gjithë dakord unanimisht. Ekip, o zot na ruaj. Program, të marrtë të keqen Sudja, Vehbiu, Vefa etj. Sepse një parti që në këto 30 vite ka qenë 13 vjet në pushtet, nuk mund të premtojë unë do t’i bëj pensionet kaq. Nuk bëhen se do të kishim dashur dhe ne”.

Balla bëri një ekspoze të asistencës që u jepet pensionistëve, pavarësisht vështirësive të trashëguara nga rënia e sistemit të dikurshëm, rritjes ekonomike të trefishuar, përmirësimit të imazhit të Shqipërisë në botë dhe ardhjes së liderëve të huaj, përfshi një vizitë e ardhshme e kryeministrit kanadez për samitin e NATO-s.

The post Taulant Balla kërkon votën e emigrantëve në Toronto: Dhjetë vitet e fundit, transformim i vërtetë appeared first on Albeu.com.

Takimet e Ramës, do të nisin në 12 maj me Athinën, ku pritet të zhvillohet një takim me pjesëmarrje të gjerë.

Për këtë qëllim në Athinë u ndodh edhe Sekretari Organizativ i Partisë Socialiste, Blendi Klosi dhe drejtues të tjerë të PS, të cilët patën takime me personalitetet të emigracionit shqiptar që jeton në Athinë.

Sipas zotit Klosi, nisja e tourit të takimeve të kryeministrit Rama në diasporë, synon të thellojë lidhjet që vendi Ynë ka me shqiptarët kudo në botë.

“Janë politikat e partisë sonë”, tha klosi që synojnë lidhje të forta të Diasporës me vendlindjen, duke rreshtuar disa pika që sipas tij kanë interes për emigrantët, ku mes kryesoreve renditi vullentin e qeverisë për të mundësuar votën e emigrantëve, por edhe një sërë çështjesh të karakterit ekonomik, të cilat i clirojnë ata nga pengesat burokratike dhe që tashmë kryehen tërësisht falas dhe shumë shpejtë nëpërmjet portalive të qeverisë.

Sipas organizatorëve të eventit, takimi i Kryeministrit do ketë shumë surpriza të këndëshme për emigrantët.

Me synimin që takimi të jetë një festë për shqiptarët që jetojnë në Greqi, pranë Ramës pritet të përformojnë me muzikën e tyre edhe këngëtare të njohur si Noizy dhe të tjerë.

Edhe pse ngulomohet me forcë, vota e emigrantëve mbetet një problem i pazgjidhur në Kodin Zgjedhor, kjo edhe pas refuzimit te mazhorancës socialiste të vendimit të Gjykatës Kushtetuese.

The post Ethet e fushatës/ Rama nis kërkimin e votës së emigrantëve appeared first on Albeu.com.