Vlora Çitakut nuk arriti të sigurojë numrin e duhur të votave për postin e Nënkryetares së Kuvendit.

Vedtem Partia Demokratike e Kosovës dhe Lidhja Demokratike e Kosovës e mbështetën kandidaturën e saj, ndërsa Lëvizja Vetëvendosje nuk i dha asnjë votë.

Si rrjedhojë, grupi parlamentar i PDK-së u largua nga salla e seancës.

The post Nuk i jepet mbështetja nga Vetëvendosje, Vlora Çitakut nuk zgjidhet Nënkryetare; PDK braktis seancën appeared first on Albeu.com.

Qëndrimi i kryetarit të LDK-së, Lumir Abdixhiku, se gjashtë deputetë të kësaj partie nuk do ta mbështesin Bekim Sejdiun për president të Kosovës, ka shtuar pasigurinë lidhur me sigurimin e votave të nevojshme për zgjedhjen e kreut të shtetit. Deklarata është bërë në një periudhë të ndjeshme politike, kur prania dhe vota e çdo deputeti mund të ndikojë në shmangien e një bllokade të re institucionale.

Përballë këtij zhvillimi, mbetet e hapur dilema nëse kundërshtimi i deputetëve të LDK-së mund ta pamundësojë zgjedhjen e Sejdiut dhe nëse, në mungesë të votave ose kuorumit, partitë duhet të shqyrtojnë alternativa të tjera politike.

Një prej mundësive është rikthimi i komunikimit me Aleancën për Ardhmërinë e Kosovës. Kryetari i saj, Ardian Gjini, ka thënë më herët se AAK-ja do të kontribuojë në sigurimin e kuorumit për zgjedhjen e presidentit, nëse pranohen gjashtë pikat e propozuara nga kjo parti.

Gjini kishte shkruar në Facebook se më 26 qershor 2026 e kishte bërë publike ofertën e AAK-së për mbështetjen e themelimit të institucioneve të reja të Kosovës. Sipas tij, Aleanca është e gatshme, pa kushte dhe pa kërkesa personale, të ndihmojë në krijimin e kuorumit për zgjedhjen e presidentit apo presidentes, nëse mandatari për formimin e Qeverisë pranon gjashtë pikat e ofertës së saj.

Analistët politikë i kanë vlerësuar në mënyra të ndryshme zhvillimet, duke i konsideruar ato vendimtare për tejkalimin e krizës institucionale. Njëra prej qasjeve është negocimi me AAK-në për garantimin e kuorumit, me qëllim që procesi presidencial të mos dështojë dhe vendi të mos shkojë në zgjedhje të reja.

Qasja tjetër e konsideron të vështirë zgjedhjen e presidentit përpara zgjedhjeve të jashtëzakonshme dhe sheh si zgjidhje krijimin e një koalicioni të gjerë politik.

Qarri: AAK-ja përdor propagandë destruktive, por refuzon dialogun

Analisti politik Gani Qarri, në një deklaratë për “Bota sot”, ka thënë se qëndrimi i gjashtë deputetëve të LDK-së mund ta çojë Kosovën drejt zgjedhjeve të reja të parakohshme. Sipas tij, një skenar i tillë do të sillte pasoja të rënda edhe për vetë LDK-në.

Qarri i ka cilësuar këta deputetë si problematikë, zhurmues dhe të prirë për të çuar vendin me çdo kusht në zgjedhje të reja. Ai ka vlerësuar se zgjedhjet do ta bënin të paparashikueshme situatën, veçanërisht për LDK-në, e cila, sipas tij, mund të binte në përqindje njëshifrore dhe të përfshihej në kaos politik e partiak.

Analisti ka paralajmëruar se një proces i ri zgjedhor nuk do të thellonte vetëm ndarjet ideologjike, por mund të shkaktonte edhe përçarjen e LDK-së në degë e fraksione të vogla. Përgjegjësinë kryesore për këtë zhvillim, ai ua ka atribuar gjashtë deputetëve që i ka përshkruar si “musketarë” të partisë, duke thënë se kryengritja e tyre e brendshme rrezikon dërgimin e Kosovës në zgjedhje të parakohshme, bllokimin e institucioneve dhe pengimin e qeverisjes së qëndrueshme.

Sipas Qarrtit, përgjegjësinë për situatën e ka vënë në dukje edhe kryetari i LDK-së, Lumir Abdixhiku. Ai ka theksuar se Abdixhiku ka bërë të ditur publikisht se gjashtë deputetë të partisë nuk do ta votojnë as profesor doktor Bekim Sejdiun, ndonëse emri i tij ishte paraqitur si ide dhe kërkesë konsensuale e vetë LDK-së, të cilën e kishte pranuar edhe kryeministri në detyrë dhe kryetari i partisë më të madhe në vend.

Qarri ka pretenduar se këta deputetë, të nxitur ose joshur nga faktorë jashtë partisë, po rrezikojnë edhe shpërbërjen e LDK-së, e cila tradicionalisht është parë si parti institucionale. Ai ka shtuar se, përveç rrezikut të mungesës së votave për zgjedhjen e Sejdiut, deputetët mund të pengojnë edhe sigurimin e numrit të nevojshëm të të pranishmëve në sallë për krijimin e kuorumit.

Ai ka rikujtuar edhe zhvillimet e vitit të kaluar, kur LDK-ja nuk kishte pranuar ofertat për koalicion nga LVV-ja. Sipas tij, pranimi i të paktën njërës prej ofertave do ta kishte shmangur nevojën për mbajtjen e dy palë zgjedhjeve të parakohshme, të cilat sërish nuk sollën zgjidhje për problemin politik.

Qarri ka paralajmëruar se nëse gjashtë deputetët e LDK-së bëhen shkaktarë të zgjedhjeve të reja, qytetarët mund të zhgënjehen deri në atë pikë sa ta çojnë partinë pranë pragut zgjedhor. Ai ka thënë se në një rast të tillë LDK-ja mund të mos gjejë më parti të gatshme t’i ofrojnë koalicion qeverisës apo bashkëpunim politik për krijimin e institucioneve dhe bashkëqeverisjen e vendit.

Për situatën aktuale, analisti ka vlerësuar se qëndrimi i deputetëve të LDK-së po rrezikon që Bekim Sejdiu të mos sigurojë votat për president. Ai u ka bërë thirrje deputetëve të tjerë opozitarë që, edhe nëse nuk votojnë, të qëndrojnë në sallë për të garantuar kuorumin. Në këtë mënyrë, sipas tij, Sejdiu do të mund të zgjidhej me shumicë të thjeshtë, prej 61-63 votash, të siguruara nga partia fituese dhe deputetët e komuniteteve joserbe.

Sipas Qarrit, një zgjidhje e tillë do të hapte rrugën për formimin e institucioneve të qëndrueshme dhe për një qeverisje stabile, të dalë nga legjislatura e 11-të me radhë dhe me mandat të plotë të Republikës së Kosovës. Ai ka propozuar që, për interesin e vendit, të zhvillohen bisedime edhe me deputetët e AAK-së, në mënyrë që të shmangen zgjedhjet e parakohshme dhe një krizë e re institucionale, nga e cila, sipas tij, është lodhur populli i Kosovës.

Qarri ka thënë se Bekim Sejdiu i përmbush kërkesat, veçanërisht ato të LDK-së, pasi e ka cilësuar kandidat institucionalist, mbrojtës të ligjit dhe Kushtetutës, garantues të vlerave kombëtare dhe të shtetndërtimit, si dhe figurë mbipartiake me profil të dëshmuar dhe parime të përafërta me LDK-në.

Ai ka vlerësuar se ky rast i jep LDK-së mundësinë të dëshmojë vullnetin e saj për zgjidhjen e krizës politike. Në të kundërtën, duke pasur parasysh se zgjedhjet e parakohshme do të ishin të dëmshme dhe të panevojshme, Qarri ka thënë se përgjegjësia për zgjatjen e ngërçit politik, bllokadat institucionale dhe problemet e vendit do t’i mbetej kësaj partie.

Në fund, Qarri është shprehur kritik edhe ndaj AAK-së dhe refuzimit të saj për të marrë pjesë në takimet e ftuara nga kryeministri në detyrë, Albin Kurti. Ai e ka përshkruar partinë si të paqartë në deklarime, pasi, sipas tij, nuk pranon të ulet në tryezë me Kurtin për të diskutuar gjashtë pikat e saj, ndërsa zhvillon një propagandë të zëshme dhe destruktive duke thënë se nuk ka çfarë të bisedojë me të.

Analisti ka shtuar se ky qëndrim e bën të vështirë të kuptohet se si mund të zhvillohet dialogu me drejtuesit e AAK-së. Ai ka ngritur mundësinë që Ardian Gjini të kërkojë ndërmjetësues ose “mësitë politikë”, por ka vlerësuar se një formë e tillë komunikimi do të përcillte më shumë kalkulime personale sesa qëndrimet reale të palëve dhe do ta vështirësonte arritjen e një marrëveshjeje me AAK-në, nëse ajo nuk pranon të dialogojë drejtpërdrejt me partinë fituese.

Burjani: Kriza duhet të tejkalohet përmes një koalicioni të gjerë

Analisti politik Blerim Burjani ka deklaruar për “Bota sot” se LDK-ja duhet të veprojë në përputhje me interesat e veta politike. Ai nuk pret që presidenti të zgjidhet para mbajtjes së zgjedhjeve të jashtëzakonshme.

Burjani ka thënë se është e vështirë të besohet që LDK-ja do të votojë për të mbrojtur pushtetin e VV-së, pasi një veprim i tillë, sipas tij, nuk do të kishte arsyetim politik. Për këtë arsye, ai ka kërkuar që LDK-ja të fokusohet te interesat e saj dhe jo te mbështetja e partive të tjera.

Ai nuk beson se zgjedhja e presidentit do të realizohet para zgjedhjeve të jashtëzakonshme dhe ka vlerësuar se Abdixhiku nuk duhet të insistojë më tej në këtë çështje, e cila, sipas tij, duhet trajtuar nga një këndvështrim tjetër.

Si rrugëdalje nga situata, Burjani ka propozuar që Kurti të bëjë lëshime dhe të bashkohet me partitë e tjera opozitare për krijimin e një qeverie dyvjeçare me koalicion të gjerë. Sipas tij, një qeveri e tillë do të mundësonte konsolidimin e raporteve shtetërore dhe avancimin e agjendës së integrimit evropian të Kosovës.

Burjani ka theksuar se shteti ka nevojë për një koalicion të gjerë dhe se partitë duhet t’i lënë mënjanë inatet dhe egon për të formuar një qeveri të përbashkët.

Në skemën e propozuar prej tij, posti i presidentit do t’i takonte LDK-së, kryeministri do të vinte nga VV-ja, PDK-ja do të merrte postin e zëvendëskryeministrit, ndërsa edhe AAK-ja do të kishte një zëvendëskryeministër.

The post A mund të jetë AAK-ja zgjidhja nëse mungojnë votat për Sejdiun? appeared first on Albeu.com.

Plani i përbashkët mes Lëvizjes Vetëvendosje dhe Lidhjes Demokratike të Kosovës për kreun e ri të shtetit është vënë në dyshim, pasi gjashtë ligjvënës të LDK-së refuzuan ta mbështesin marrëveshjen, duke bërë që zgjedhja e presidentit të ardhshëm të bëhet e pasigurt.

Megjithë kundërshtimin e brendshëm, kryeministri Albin Kurti këmbëngul se marrëveshja me subjektin e drejtuar nga Lumir Abdixhiku mbetet në fuqi dhe është plotësisht valide.

Mirëpo, për analisten Donika Emini, formula aktuale politike thjesht nuk mjafton më.

Emini, e cila është hulumtuese pranë Grupit Këshillues për Politikat e Ballkanit në Evropë, shpjegon për Radion Evropa e Lirë se qëndrimi i gjashtë deputetëve kundër kandidatit të përbashkët Bekim Sejdiu tregon se koalicioni nuk i ka 80 votat e nevojshme për kuorum, duke e bërë të domosdoshme përfshirjen e forcave të tjera parlamentare në këtë marrëveshje.

Vetëvendosja zotëron 53 ulëse në Kuvend, ndërsa Abdixhiku pranon se aktualisht vetëm 12 deputetë të LDK-së janë të gatshëm ta votojnë Sejdiun. Edhe sikur t’u shtohen votat e pakicave joserbe, me të cilat Kurti formoi ekzekutivin e mëparshëm, prapë numrat nuk plotësohen që Sejdiu të bëhet presidenti i gjashtë i Kosovës që nga shpallja e pavarësisë.

Kurti ka mbajtur prej kohësh një qëndrim të prerë kundër Listës Serbe, partisë kryesore të komunitetit serb që gëzon përkrahjen e Beogradit dhe që siguroi nëntë mandate në zgjedhjet e qershorit.

Ndërkohë, Partia Demokratike e Kosovës numëron 22 ligjvënës, kurse Aleanca për Ardhmërinë e Kosovës ka shtatë.

“Që kjo marrëveshje të bëhet funksionale, duhet domosdoshmërisht të zgjerohet me një partner shtesë, qoftë Aleanca apo PDK-ja. Por kjo do të krijonte një konfigurim krejt të ri politik, i cili do të sillte një varg sfidash të tjera,” vlerëson Emini.

Prej muajsh, Aleanca e udhëhequr nga Ardian Gjini ka parashtruar gjashtë kushte për të dhënë mbështetjen e saj për institucionet, ndërsa PDK-ja e Bedri Hamzës ka refuzuar çdo bashkëpunim me Kurtin, si për ekzekutivin ashtu edhe për kreun e shtetit, duke deklaruar se këtë mandat do të vijojë në opozitë.

Vetëm LDK-ja e Lumir Abdixhikut pranoi të hynte në bisedime me Kurtin, në fillim për një qeverisje të përbashkët, një proces që ngeci pas kërkesës së LDK-së për postin e presidentit, dhe më pas për vetë presidentin, çka solli marrëveshjen e 31 gushtit.

Atë ditë, të dyja partitë prezantuan kandidatin e përbashkët, por vetëm 24 orë më vonë, gjashtë deputetë të LDK-së dolën hapur kundër tij.

Kreu i LDK-së deklaroi se me këtë sjellje, këta deputetë po e çojnë pashmangshmërisht vendin drejt zgjedhjeve, kurse Kurti e cilësoi më pas si “absurde”, “të dëmshme” dhe “të papërgjegjshme” sjelljen e tyre, duke shtuar se ata synojnë zgjedhje të reja.

Emini thekson se sinjali i Kurtit se do të takohet sërish me Abdixhikun dhe me kryesinë e LVV-së për marrëveshjen nuk tregon se ai po planifikon medoemos zgjedhje, por përbën një “strategji që i jep atij kohë dhe hapësirë politike”.

“Ai mund të vazhdojë bisedimet me LDK-në, të shohë nëse gjashtë deputetët ndryshojnë qëndrim, të vlerësojë nëse Aleanca tregohet më elastike dhe, mbi të gjitha, të presë zhvillimet në Hagë më 16 shtator,” thotë ajo, duke iu referuar shpalljes së aktgjykimit për ish-udhëheqësit e Ushtrisë Çlirimtare të Kosovës, të akuzuar për krime lufte dhe krime kundër njerëzimit.

Edhe pse thotë se Kurti nuk po planifikon domosdoshmërisht zgjedhje, nëse nuk arrihet të përfshihen Aleanca apo PDK-ja në marrëveshje, “koha e fituar mund të funksionojë edhe në favor të një skenari zgjedhor”.

“Dhe këtu, kalendari merr një peshë të madhe politike. Pamundësia për të zgjedhur presidentin do ta çonte vendin në një tjetër cikël zgjedhor në një kohë që mund t’i përshtatet Kurtit shumë më shumë sesa kundërshtarëve të tij,” shprehet ajo.

Përsa i përket Aleancës, Emini sheh hapësirë për fleksibilitet, pavarësisht kushteve të parashtruara. Megjithatë, sipas saj, shtatë votat e partisë që drejtohej nga Ramush Haradinaj “nuk mund të sigurohen automatikisht”.

Ndërsa PDK-ja e Hamzës, sipas hulumtueses, mban një qëndrim më kalkulues. Ajo vlerëson se kjo parti nuk dëshiron zgjedhje, por është më e interesuar për atë që do të ndodhë pas vendimit të Gjykatës Speciale në Hagë.

Një vendim lirues për ish-presidentin Hashim Thaçi, njëkohësisht ish-udhëheqës i PDK-së, do t’i hapte rrugë një rikthimi të mundshëm të tij në politikë, duke ndryshuar thellësisht dinamikat brenda kësaj force dhe gjithë skenës politike.

Emri i Thaçit për president ishte hedhur nga ish-kreu i Aleancës, Haradinaj. Edhe pse Arian Tahiri i PDK-së e ka mbështetur këtë ide, sekretarja e përgjithshme e partisë, Vlora Çitaku, ka deklaruar se Thaçit nuk i duhen poste, por “liri”.

Pikërisht për shkak të zhvillimeve në Hagë, Emini gjykon se në këtë moment do të ishte jashtëzakonisht e vështirë për PDK-në që të angazhohej në një marrëveshje të re politike me Kurtin.

“Pas vendimit, në varësi të asaj se çfarë ndodh dhe si ndikon kjo në PDK, mund të kemi një situatë krejtësisht tjetër dhe një diskutim tjetër politik,” analizon ajo.

Megjithatë, duke folur për gjetjen e një rrugëdaljeje, ajo e vendos theksin tek afatet kohore.

“Afatet për zgjedhjen e presidentit janë shumë të ngushta dhe zgjerimi i një koalicioni, negocimi me një partner të ri dhe gjetja e një formule që mund të pranohet nga të gjithë nuk është diçka që realizohet lehtë në pak ditë,” shprehet ajo.

Numërimi i afatit 60-ditor për kreun e shtetit fillon me konstituimin e Kuvendit, një proces që nisi më 6 gusht, por mbeti pezull pasi LVV-ja këmbëngul që së pari të arrihet pajtimi për presidentin.

Megjithatë, Emini vlerëson se Kurti e menaxhoi politikisht me mjeshtëri situatën pas zhvillimeve në LDK, të cilat vetë kreu i LVV-së i kishte quajtur negative.

Sipas saj, ai po ndërton një narrativ ku paraqitet si një lider i gatshëm për kompromis, “që vazhdon të kërkojë dialog me LDK-në dhe që është i gatshëm të presë deri në fund për ta gjetur një zgjidhje”.

Në deklaratën e tij vonë më 1 shtator, Kurti këmbënguli se kandidati i LVV-së për president mbetet Bekim Sejdiu, ish-gjyqtar i Gjykatës Kushtetuese dhe ish-diplomat.

Sipas Eminit, Kurti po kryen “një lëvizje shumë strategjike” duke ngulur këmbë se “Bekim Sejdiu është ‘kandidat i Republikës’ dhe jo thjesht kandidat i një marrëveshjeje partiake”.

“Në këtë mënyrë, ai e ngre kandidaturën mbi marrëveshjen LVV–LDK dhe e paraqet mbështetjen e tij si çështje të interesit institucional. Në mënyrë indirekte, kjo është edhe një kritikë ndaj mënyrës se si po sillet LDK-ja: nëse kandidati është i Republikës dhe nëse qëllimi është zhbllokimi i institucioneve, atëherë ata që e kundërshtojnë mund të paraqiten si ata që po e pengojnë këtë interes,” vlerëson ajo.

Një pikë e përbashkët mes Kurtit dhe Abdixhikut pas zhvillimeve të 1 shtatorit është fajësimi i gjashtë deputetëve të LDK-së që kundërshtuan marrëveshjen: Avdullah Hoti, Hykmete Bajrami, Kujtim Shala, Arben Gashi, Armend Zemaj dhe Janina Ymeri.

Të gjithë ata janë arsyetuar se vota e tyre është kundër bashkëpunimit me LVV-në dhe “zgjatjes së pushtetit” të Kurtit.

Emini thotë se Kurti dhe Abdixhiku kanë motive të ndryshme përse e zhvendosin fajin te ky grup deputetësh.

Kurti, sipas saj, fajëson këta deputetë për bllokadën, e jo udhëheqjen e LDK-së, sepse ajo “mund t’i duhet për marrëveshje në të ardhmen edhe nëse ka zgjedhje të jashtëzakonshme”.

Abdixhiku, ndërkaq, e përdor fajësimin për një objektiv tjetër politik. Ai “mund të distancohet nga përgjegjësia për rezultatin e ardhshëm të LDK-së”, gjykon Emini.

“Nëse partia e tij dështon, ai tashmë ka krijuar një narrativ ku fajin e mbajnë ata gjashtë deputetë që bllokuan marrëveshjen, ndërsa përgjegjësia politike për performancën e partisë zhvendoset tek ata. Në këtë kuptim, gjashtë deputetët mund të bëhen edhe një lloj ‘dash kurbani’ për problemet më të gjera të LDK-së,” vlerëson ajo.

Megjithatë, kundërshtimet brenda LDK-së, sipas Eminit, kanë të bëjnë me faktin se procesi i negociatave për marrëveshjen nuk ishte transparent. Ajo thotë se ky rezultat ishte i pritshëm, pasi prej kohësh brenda partisë së Abdixhikut ka ndarje e rivalitete “që shkojnë përtej kësaj kandidature”.

Abdixhiku u përball me një mocion mosbesimi në korrik, por arriti t’i mbijetojë, duke qëndruar në krye të partisë. Edhe më herët, ai kishte kërkuar votëbesim për të udhëhequr partinë, pas rezultatit zgjedhor.

“Abdixhiku, si lider i partisë, mban përgjegjësinë kryesore për faktin që nuk ka arritur ta mbajë të bashkuar grupin e tij parlamentar dhe ta menaxhojë këtë konflikt brenda partisë. Ajo që po shohim sot është, mbi të gjitha, një krizë e lidershipit dhe e kohezionit të brendshëm të LDK-së, e cila tani po manifestohet përmes procesit presidencial,” përfundon Emini.

Nëse skena politike e Kosovës nuk arrin të zgjedhë një president të ri, qytetarët do t’i drejtohen sërish kutive të votimit, për zgjedhjet e katërta në më pak se dy vjet dhe të dytat që vijnë si pasojë e mungesës së konsensusit për çështjen e presidentit. /REL

The post Përplasja brenda LDK-së dhe rruga e bllokuar drejt presidencës: Çfarë pritet më pas? appeared first on Albeu.com.

Deri tani, Lëvizja Vetëvendosje ka shënuar fitore bindëse në të shtatë komunat e mëdha.

Në Gjakovë, VV prin me 48.72 për qind të votave, duke lënë pas Aleanca për Ardhmërinë e Kosovës me 27.49 për qind, Lidhja Demokratike e Kosovës me 12.38 për qind dhe Partia Demokratike e Kosovës me 6.97 për qind.

Edhe në Gjilan, VV ka dalë forca e parë me 54.18 për qind të votave. Pas saj renditet LDK me 22.04 për qind, PDK me 14.91 për qind dhe AAK me 3.22 për qind.

LVV kryeson bindshëm edhe në Mitrovicë me 60.53 për qind të votave. E dyta renditet PDK me 26.02 për qind, e treta është LDK me 9.14 për qind dhe AAK me 1.78 për qind.

Edhe në Pejë, LVV ka dalë forca e parë me 42.73 për qind të votave. Pas saj renditet LDK me 25.82 për qind, AAK me 15.17 për qind dhe PDK me 8.82 për qind.

Gjithashtu në Prishtinë, LVV ka dalë forca e parë me 48.90 për qind të votave. Pas saj renditet LDK me 24.44 për qind, PDK me19.05 për qind dhe AAK me 5.13 për qind.

Në Prizren, LVV ka siguruar vendin e parë me 44.07 për qind të votave. Në vendin e dytë renditet PDK me 22.12 për qind, ndërsa pasojnë LDK me 12.51 për qind dhe AAK me 3.05 për qind të votave.

Edhe në Ferizaj, LVV ka dalë forca e parë me 53.81 për qind të votave. Pas saj renditet PDK me 24.76 për qind, LDK me 14.82 për qind dhe AAK me 2.64 për qind.

Rezultatet vazhdojnë të jenë preliminare deri në përfundimin e procesit të numërimit të të gjitha votave dhe verifikimit të tyre. /Telegrafi

The post Zgjedhjet në Kosovë/ Kështu renditen votat e partive në shtatë komunat më të mëdha appeared first on Albeu.com.

Sipas njoftimit për media thuhet se koordinatorja nacionale për zgjedhje, prokuroja Laura Pula, pas evidentimit të mospërputhjeve të votave gjatë rinumërimit, ka kërkuar nga kryeprokurorët e të gjitha prokurorive themelore që në komunat ku ka përfunduar rinumërimi të fillojnë grumbullimin e informatave dhe provave relevante që mund të vërtetojnë kryerjen e ndonjë vepre penale lidhur me procesin zgjedhor.

“Prokurorja Pula ka kërkuar gjithashtu që edhe në komunat ku rinumërimi nuk ka përfunduar, menjëherë pas përfundimit të tij të fillohet me procesin e grumbullimit të provave të nevojshme”, thuhet në njoftim.

Zyra e Kryeprokurorit të Shtetit thekson se Prokurori i Shtetit do të mbetet i angazhuar për ta mbrojtur votën e lirë të qytetarëve, dhe do të hetoj çdo rast, për të cilin ka dyshime se është keqpërdorë – falsifikuar vota në çfarëdo mënyre dhe nga kushdo qoftë.

The post Dyshimet për manipulim të votave, Prokuroria nis grumbullimin e provave appeared first on Albeu.com.

“Në emër të grupit të PS dua përgëzoj qeverinë për sjelljen në Kuvend jo vetëm të buxhetit më të madh në historinë e Shqipërisë, por mbi të gjitha për faktin se kjo shumicë kryeministri dhe qeveria, populli na besoi për të rritur me këtë buxhet, rritjen e pensioneve.

E dimë të gjithë, pensionet janë pjesa më e vështirë e politikës financiare të një vendi, besoj se bashkëndani dhe ju vlerësimin bashkë me ne, Shqipëria nuk është ai vendi që mezi rri në këmbë. Pensionistët do marrin në dhjetor bonusin, pro do kemi një rritje të shtirë gjatë 12 muajve. Nga 1 janari rritet paga miminale në 500 euro dhe nga ajo që do të lexoni në buxhet, jo vetëm pensionistët do marrin 100 mln euro më shumë. Më 11 dhjetor duhet të votohet në tërësi”, tha Balla.

Opozita mbajti qëndrimin e saj se buxheti, duhej tërhequr dhe duhej sjellë në Kuvend bashkë me paketën fiskale, e cila ende nuk është depozituar.

Zhupa e ka quajtur projekt buxhetin e vitit 2026, si një buxhet i vjedhjes së madhe të shqiptarëve për xhepat e qeveritarëve.

Ajo shtoi se çdo firmë e hedhur nga anëtarët e qeverisë Rama, është një tender apo koncesion për pasurimin e tyre në kurriz të qytetarëve.

“Në këtë parlament ndodh çudi, vjen projekt buxheti por nuk shoqërohet siç e kërkon rregullorja me paketën fiskale. Këtu vijnë se si do të shpenzohen paratë e shqiptarëve, por nga do të dalin këto para, politikat për taksat e tatimet që të kuptojmë nëse kemi buxhet të balancuar apo do të kërkojë deficit të tepruar nëq Shqipëri.

Atë që kërkon rregullorja e Kushtetuta, këta nuk e zbatojnë. Ne jemi kundër buxhetrit të vjedhjes së madhe, që numk nxjderr shqiptarëtr nga varfëria, që iu jep më shumë para koncesionarëve dhe ministrave tuaj. E kemi parë se çdo frimë,e vulë është një koncesion.

50 mln në Llogara, koncesioni i Shëndetësisë, check upe që nxjerrin burrat me barrë. Të dhënat që janë zyrtare, që vijnë në krahasim nga Eurostat dhe merr të dhëna të shtrembëruara nga INSTAT i juaj tregon se jemi kampion në rajon dhe Evropë se kemi 40.5 % të popullsisë në varfëri.

Premtimi juaj për pensionit është 60 lekë në ditë për pens në qytet dhe 20 lekë në ditë për pensionstin në fshat.

Çfarë mund të bëjë? Ju mund të bëni propagandë të madhe me këtë rritje, por pensionistët nuk bëjnë asgjë, nuk garantojnë jetesë më të mirë, ilaçe apo sistem më të mirë përkujdesi. Tërhiqeni buxhetin dhe silleni me paketën fiskale”, tha Zhupa.

Por, me votat e socialistëve u miratua kalendari për pr.buxhetin 2026.

The post Kalendari i projektbuxhetit 2026 miratohet me votat e mazhorancës, opozita kundër appeared first on Albeu.com.

Nga procesi rezulton se PD-së i ishin shtuar padrejtësisht 567 vota, ndërsa PS-së 356 të tilla. Vota i ishin shtuar edhe Lëvizjes Bashkë, 57, koalicionit “Nisma-Shqipëria Bëhet” 38, Partisë Mundësia 39 apo dhe PSD-së 32.

Ndërsa koalicionit Euroatlantik në 11 maj i ishin mohuar 22 vota, të cilat pas rinumërimit i janë rikthyer në rezultatin përfundimtar. 6 vota iu rikthyen koalicionit Djathtas për Zhvillim.

Vota i ishin zbritur edhe partisë Aleanca Kombëtare Shqiptare, 7 të tilla, ndërsa Aleancës Demokracia e Re i ishin shtuar 11 vota më shumë.

The post Numërohen mbi 1 mijë kuti në Tiranë, ja sa vota i zbriten PS-së e PD-së appeared first on Albeu.com.

Deri më tani, nga rinumërimi i votave preferenciale, kandidatit të Partisë Demokratike, Ilir Alimehmeti, i cili ka pretenduar se shumë vota të tij i janë numëruar të tjerëve në garë, arsye kjo sipas tij që nuk mori as mandatin e deputetit, por nga rezultatet paraprake të KQZ, rezulton se Alimehmetit i janë shtuar padrejtësisht 61 vota.

Ndërkohë kundërshtares së tij në këtë garë, Jorida Tabakut ka rezultuar se janë 22 vota më shumë në procesverbal sesa në kuti.

Të tjerë kandidatë me më shumë vota në procesverbal në radhët e PD-së janë: Petrit Gjonaj – 43 vota; Myslym Murrizi – 31 vota; Edit Hardhi – 21 vota dhe Ilir Meta – 28 vota.

E kundërta ka ndodhur me Asllan Dogjanin në PD, të cilit i mungojnë 10 vota, Salvador Kaçaj 17 vota dhe Ilda Zhulalit 5 vota.

Në kampin tjetër, ministri i Brendshëm Ervin Hoxha rezulton me 193 më tepër, Xhemal Qefalia me 125 vota, Fatmir Xhafaj me 82 vota. Ndërkohë Mimi Kodhelit deri më tani i mungojnë 33 vota.

Procesi i rinumërimi të votave do të nisë përsëri ditën e hënë.

The post Rinumërimi i preferencialeve në Tiranë/ Alimehmeti me vota të shtuara, jo të vjedhura! Rekord për Ervin Hoxhën appeared first on Albeu.com.

Në një deklaratë për mediat, Berisha tha se dokumente të pakundërshtueshme faktojnë një “krim të shëmtuar kushtetues elektoral”.

Ai e cilësoi procesin si një akt të shtetëzimit të votës nëpërmjet korrupsionit masiv dhe e quajti “goditje të rëndë ndaj idealeve të lirisë së shqiptarëve”.

Sipas tij, manipulimi i votës së 340 mijë emigrantëve është i paprecedent dhe përfaqëson një akt hakmarrës ndaj qytetarëve.

Berisha e quajti këtë proces një instrument të narkodiktaturës në Shqipëri. Ai u bëri thirrje qytetarëve të përgatiten për një betejë pa kompromis kundër qeverisë.

Berisha tha se procesi është shtetëzuar përmes mekanizmave korruptivë, përfshirë nënkontraktorë dhe ambasada. Ai paraqiti pamje ku, persona transportojnë dengje me vota drejt konsullatave.

Berisha përgëzoi demokratët e Selanikut për dokumentimin e këtij manipulimi. Ai akuzoi se edhe qendrat e bixhozit janë përdorur për ndërhyrje në procesin zgjedhor. “Siç e patë, ky ishte një proces i kontrolluar dhe i manipuluar nga fillimi në fund,” u shpreh Berisha.

FJALA E BERISHES

Dokumente të pakundërshtueshme faktojnë krimin e shëmtuar kushtetues elektoral të Edi Ramës, manipulimin e tij ekstrem, shtetëzimin e procesit të votimit të diasporës nëpërmjet akteve më madhore korruptive të njohura ndonjëherë.

Shtetëzimi dhe manipulimi i votës së shumicës së shqiptarëve që jetojnë jashtë vendit, që kësaj here me një përfaqësi prej 340 mijë vetësh zgjodhën të votojnë, është një goditje e rëndë e idealeve të lirisë së shqiptarëve, e përpjekjeve të tyre madhore për të qenë së bashku, pavarësisht se ku jetojnë, për të gëzuar të drejtat kushtetuese të vendit të origjinës.

Ky manipulim është i paprecedent në historinë e votimeve të diasporës dhe mund t’u them këtu se në dijeninë timë, diaspora shqiptare është e fundit që fitoi të drejtën e votës.

Shqipëria kishte mbetur i vetmi vend në të cilin njëlloj si në ditët e zeza të diktaturës komuniste, nuk u lejohej të votonin, pavarësisht se ata në Kushtetutë dhe në dokumente zyrtare kishin të drejtën e votës dhe ishin të listuar në listat e votimit.

Ky akt hakmarrës primitiv poshtërues për çdo qytetar shqiptar, ky akt shkelmues i idealeve të lirisë të shqiptarëve, de facto shndërroi procesin e;elektoral të diasporës në një instrument të shëmtuar të narkoshtetit shqiptar, narkodiktaturës në Shqipëri.

PD në betejën e saj, në luftën e saj për votën e lirë të shqiptarëe, ka besimin më të madh se diaspora shqiptare do të mobilizohet dhe angazhohet me të gjithë forcën, potencialin e saj, kundër narkodiktaturës së Edi Ramës në Shqipëri dhe do japë kontributin e madh në rivendosjen e të drejtës së votës qytetarëve shqiptarë në Shqipëri dhe kudo që janë.

Në këtë rast, ftoj të gjithë qytetarët shqiptarë që votuan, të përgatiten për një luftë pa kompromis kundër këtij narkoshteti si një ndëshkim i merituar për krimin monstruoz që kreu ndaj atyre dhe vendit dhe për rikthimin e të drejtës së votës qytetarëve shqiptarë.

Këtu janë video të përgatitura për të dëshmuar se si Edi Rama nëpërmjet mekanizmave korruptive, nënkontraktorëve, ambasadave, etj, e shtetëzoi procesin e votimit dhe realizoi manipulimin më të madh.

Urdhëroni, dengje me vota.

Ky me krah votash shkon drejt konsullatës.

Dua të përgëzoj shumë demokratët e Selanikut për punën e shkëlqyer që kanë bërë në dokumentimin e këtij procesi, manipulimit të këtij procesi.

Qendrat e bixhozit janë përdorur gjerësisht pra…

Siç e patë, me dëshmitarë, një proces fund e krye i kontrolluar dhe i manipuluar.

The post Berisha publikon “fakte dhe dëshmi” për “manipulimin” e votave të Diasporës: Rama shtetëzoi procesin e votimit nëpërmjet … appeared first on Albeu.com.

Sakaq, Alimehmeti u shpreh se sa i përket rinumërimit të votave, do të dalin problematika ndërsa shtoi se ka pasur probleme dhe në votat e Partisë Socialiste.

“Ky sistem zgjedhor ishte i gabuar që në fillim. Ishte një kurth që gara të bëhej brenda partisë. Do hapen dhe votat e PS në Tiranë dhe do shihni çfarë kanë ndodhur.

Partitë kanë përgjegjësinë e tyre dhe ne po bëjmë detyrën tonë që është mbrojtja e votës së kandidatit. Nëse institucionet ligjore kanë këtë drejtim jam i detyruar ta ndjek.

Prova është video që ka regjistruar vetë KQZ. Ka vota që janë të PD dhe janë regjistruar si të PS.”-tha Alimehmeti.

The post Alimehmeti: Sistemi zgjedhor, kurth për garën brenda partisë! Votat e PD janë regjistruar si të PS-në, provat janë tek videot e KQZ appeared first on Albeu.com.