Arbër Krasniqi ka deklaruar në Gjykatën Themelore në Prishtinë se nuk ka futur në mënyrë të paligjshme vota në sistem për ish-ministren Meliza Haradinaj-Stublla. Deklarata e tij u dha të hënën, gjatë mbrojtjes në procesin gjyqësor për falsifikimin e votave në zgjedhjet e vitit 2021.

Në këtë çështje, përveç Krasniqit, të akuzuar janë edhe Përparim Përvetica, Ilirjan Hysenaj dhe Sahit Mataj, raporton “Betimi për Drejtësi”.

Në hapje të seancës, kryetari i trupit gjykues, Vesel Ismaili, bëri të ditur se përbërja e trupit gjykues ka pësuar ndryshim. Gjyqtari Ngadhnjim Arrni është larguar dhe është zëvendësuar nga gjyqtari Lutfi Shala. Ismaili po ashtu njoftoi se nga seanca e fundit kanë kaluar më shumë se gjashtë muaj.

Me pajtimin e të gjitha palëve, trupi gjykues vendosi që deklaratat dhe veprimet e zhvilluara më herët në këtë proces të konsiderohen të lexuara.

Duke folur për angazhimin e tij në Qendrën e Numërimit dhe Rezultateve (QNR), Krasniqi tha se kishte punuar në pozitën “data entry”, e jo si pjesë e sektorit të IT-së.

Ai mohoi se ka regjistruar vota në sistem në kundërshtim me ligjin. Sa i përket kartelës identifikuese, përkatësisht bexhit me emrin “Arigon Beka”, Krasniqi tha se këtë e kishte marrë nga zyrtarët e qendrës.

Sipas tij, përdorimi i këtij bexhi kishte ardhur për shkak të vonesave dhe pengesave procedurale për sigurimin e një kartelë të re në emrin e tij. Ai deklaroi se zyrtarët e QNR-së i kishin sugjeruar ta përdorte atë, pasi pajisja me një tjetër kartelë kërkonte procedurë të gjatë.

Krasniqi theksoi se kishte ndjekur këto udhëzime për të nisur punën si numërues, pa pritur për përmbylljen e procedurave administrative.

Për raportin me Sahit Matajn, Krasniqi deklaroi se Mataj punonte në të njëjtën sallë të QNR-së dhe se kishte qenë ai që ishte afruar fillimisht në tavolinën e tyre në mënyrë shoqërore.

Ai shpjegoi se Mataj lëvizte kohë pas kohe pranë tavolinës së tij dhe tavolinave të tjera, duke pyetur punonjësit nëse u nevojitej ndonjë gjë.

Sa i përket takimit me Jetmir Bytyqin, Krasniqi tha se Mataj e kishte ftuar për një takim në një pompë derivatesh. Sipas tij, Mataj e kishte paralajmëruar se bëhej fjalë për një rast të dyshuar të keqpërdorimit të votave.

“Sahiti më ka njoftuar që po dua me u taku me dikë, në këtë rast me Jetmirin”, u shpreh Krasniqi.

Ai tha se Mataj i kishte treguar se Bytyqi pretendonte që po i merreshin votat dhe se synimi i takimit ishte krijimi i një skenari për t’i bërë publike këto dyshime, me qëllim që të arrihej rinumërimi i votave.

Sipas Krasniqit, gjatë rrugës drejt vendit të takimit, Mataj kishte qenë vazhdimisht në komunikim telefonik me Bytyqin, duke e informuar për afrimin e tyre.

Krasniqi deklaroi se nuk e njihte më herët Jetmir Bytyqin dhe se prezantimi mes tyre ishte bërë nga Sahit Mataj, pasi ishin ulur në tavolinë.

Ai tha se Bytyqi, sapo kishte kuptuar se Krasniqi punonte në QNR, i kishte kërkuar drejtpërdrejt benefite.

“Normalisht ajo natyra e atij takimi ka qenë për atë. Ai ka kërkuar benefite”, tha Krasniqi.

I akuzuari deklaroi se gjatë bisedës ishin përmendur para, por insistoi se ai vetë nuk kishte përfituar asgjë.

“Paratë janë përmend, por a janë krijuar benefite apo nuk janë krijuar benefite për ato para që përmend? Unë nuk e di. Nga unë asnjëherë”, thotë tutje i akuzuari.

Sipas deklarimit të tij, takimi kishte zgjatur afërsisht 30 deri në 40 minuta. Pas tij, Krasniqi ishte larguar me automjetin me të cilin kishte ardhur, ndërsa Mataj kishte hipur në veturën e Bytyqit.

I pyetur për shprehjen “strukturë shumë e ndyrë”, të përdorur në deklarimet e mëparshme, Krasniqi sqaroi se me të kishte nënkuptuar skenarin me të cilin ishte përballur. Ai tha se kjo nuk kishte qenë një cilësim ndaj Matajt, por ndaj situatës së krijuar.

Sipas Krasniqit, qëllimi i organizimit nga Jetmir Bytyqi ishte publikimi i video-incizimit për të ushtruar presion që të rinumëroheshin votat, pasi Bytyqi dyshonte se votat e tij po vidheshin.

Krasniqi tha gjithashtu se nuk kishte vërejtur ndonjë parregullsi që do të favorizonte ish-ministren Meliza Haradinaj-Stublla.

“Në tavolinën ku kam qenë unë duke numëruar votat, nuk ka pasur asnjë vjedhje votash”, shtoi ai.

Pas publikimit të videos, Krasniqi deklaroi se e kishte telefonuar Matajn për ta pyetur për arsyen e këtij veprimi.

“Ti je i pastër dhe s’ke nevojë të brengosesh”, citoi Krasniqi t’i ketë thënë Mataj.

Në përfundim të dëshmisë, Krasniqi tha se e fton Matajn të tregojë të vërtetën që di, pavarësisht se cila është ajo.

Pas mbrojtjes së Krasniqit, seanca u ndërpre me kërkesë të avokatit Imer Beka, mbrojtës i Ilirjan Hysenajt. Beka e njoftoi trupin gjykues se nuk mund të vazhdonte, pasi nuk ndihej mirë me shëndet.

Më 13 nëntor 2023, Gjykata kishte ndarë procedurën penale për Granit Halilajn dhe Dardan Gashin, pasi të dy kishin arritur marrëveshje për pranimin e fajësisë.

Për Halilajn, më 14 nëntor 2023 u shpall aktgjykimi, me të cilin ai u dënua me 1 vit burgim me kusht për veprën penale të falsifikimit të rezultateve të votimit.

Ndërkaq, Gashi u dënua me 12 muaj burgim me kusht, me kusht që gjatë 12 muajve të mos kryente ndonjë vepër tjetër penale. Atij iu shqiptua edhe dënim plotësues prej 12 muajsh ndalim i ushtrimit të profesionit në administratë publike.

Procesi gjyqësor vazhdoi ndaj Shalës, Krasniqit, Matajt, Përveticës dhe Hysenajt. Në seancën e 20 shkurtit 2025, Gjykata e veçoi procedurën ndaj ish-deputetit Haxhi Shala, pasi ai po gjykohej në një proces tjetër në Gjykatën Speciale në Hagë.

Prokuroria Speciale e Republikës së Kosovës kishte ngritur më 30 dhjetor 2022 aktakuzë kundër ish-deputetit Haxhi Shala, Arbër Krasniqit, Sahit Matajt, Përparim Përveticës, Ilirjan Hysenajt, Granit Halilajt dhe Dardan Gashit. Ata akuzohen për falsifikim të rezultateve të votimit në zgjedhjet e parakohshme për Kuvendin e Republikës së Kosovës. Sipas aktakuzës, përmes falsifikimit ishin shtuar vota për ish-ministren Meliza Haradinaj-Stublla nga subjekti i Aleancës për Ardhmërinë e Kosovës (AAK), si dhe për kandidatin për deputet Haxhi Shala.

The post Arbër Krasniqi mohon manipulimin e votave në favor të Meliza Haradinaj-Stubllës appeared first on Albeu.com.

Komisioni Qendror i Zgjedhjeve po pret vendimin e Gjykatës Supreme për ankesat e dorëzuara ndaj rezultateve të shpallura më 27 qershor, ndërsa certifikimi i tyre do të varet nga përfundimi i këtij procesi.

Zëdhënësi i KQZ-së, Valmir Elezi, ka thënë për KosovaPress se, në rast se vendimet e Gjykatës Supreme nuk parashehin detyrime për KQZ-në, atëherë institucioni mund të vazhdojë me certifikimin e rezultateve.

Ai sqaroi se, nëse nga vendimet e Supremes dalin obligime për KQZ-në, ato do të zbatohen paraprakisht dhe vetëm pas kësaj do të procedohet me certifikimin.

“Komisioni Qendror i Zgjedhjeve është në pritje të vendimmarrjes së Gjykatës Supreme lidhur me ankesat e paraqitura për rezultatet e shpallura më 27 qershor. Nëse vendimet nuk përmbajnë obligime për KQZ-në, mund të procedohet me certifikimin e rezultateve. Ndërkaq, nëse vendimet përmbajnë obligime për KQZ-në, ato do të zbatohen fillimisht, ndërsa më pas do të procedohet me certifikimin e rezultateve”, deklaron Elezi.

Nga ana tjetër, profesori dhe njohësi i proceseve zgjedhore Mazllum Baraliu e konsideron të panevojshme kërkesën për rinumërimin e të gjitha votave të një subjekti politik, me arsyetimin se verifikimi tashmë është bërë nga institucionet përgjegjëse në praninë e komisionerëve dhe vëzhguesve të të gjitha subjekteve politike.

Sipas tij, stërzgjatja e këtij procesi po e shtyn pa nevojë certifikimin e rezultateve dhe krijimin e institucioneve të reja.

Baraliu: Rinumërimi i votave, i panevojshëm

“Mendoj që futja në një proces të rinumërimit të të gjitha qindra mijëra votave të një subjekti politik është diçka që nuk ka nevojë, sepse ato janë verifikuar. Të gjitha votat janë kontrolluar në Qendrën e Numërimit dhe Rezultateve nga zyrtarët kompetentë dhe në prani të përfaqësuesve të të gjitha subjekteve politike. Prandaj, Gjykata Supreme duhet ta përfundojë pa vonesë shqyrtimin e kësaj ankese, ose të këtyre dy ankesave, nëse janë të ndara, dhe t’i hapë rrugë KQZ-së për certifikimin e rezultateve dhe formimin e institucioneve. Jemi vonuar tepër shumë dhe nuk ka më bazë apo arsyetim për vonesa të mëtejshme, qoftë edhe nga organet gjyqësore”, thekson Baraliu për KosovaPress.

KosovaPress ka kërkuar koment edhe nga Gjykata Supreme në lidhje me ankesat e paraqitura, por deri në momentin e publikimit të këtij artikulli nuk ka pranuar përgjigje.

KQZ i publikoi rezultatet përfundimtare të zgjedhjeve të 7 qershorit më 27 qershor.

Sipas këtyre rezultateve, vendin e parë e ka zënë Lëvizja Vetëvendosje, në koalicion parazgjedhor me Guxo dhe Alternativa, me 47.13%, duke siguruar 53 ulëse. Partia Demokratike e Kosovës, me 19.44%, ka marrë 22 ulëse, ndërsa Lidhja Demokratike e Kosovës, me 16.69%, ka fituar 18 ulëse. Aleanca, me 6.74%, ka siguruar shtatë ulëse.

Vendimi i Gjykatës Supreme pritet të përbëjë hapin e fundit në aspektin juridik përpara certifikimit të rezultateve zgjedhore.

Përveç konstituimit të Kuvendit dhe formimit të Qeverisë, deputetët e legjislaturës së njëmbëdhjetë kanë edhe detyrimin për të zgjedhur presidentin e ri, për të cilin afati është 60 ditë nga momenti i konstituimit të Kuvendit.

Zgjedhjet e 7 qershorit u mbajtën pikërisht pas dështimit të partive parlamentare për të zgjedhur presidentin e vendit, pas përfundimit të mandatit të ish-presidentes Vjosa Osmani.

The post KQZ pret verdiktin e Supremes, Baraliu kundër rinumërimit të përgjithshëm të votave appeared first on Albeu.com.

Edhe pse disa muaj më parë këmbëngulte se posti i presidentit duhej t’i besohej një figure jopartiake dhe bashkuese, Lidhja Demokratike e Kosovës tashmë po e kushtëzon përkrahjen për krijimin e institucioneve me emërimin e një kandidati të saj në këtë detyrë.

Nënkryetari i LDK-së, Lutfi Haziri, ka bërë të ditur se 18 deputetët e kësaj partie mund të votojnë në mënyrë të unifikuar vetëm në rast se kandidati për president del nga radhët e LDK-së.

Çështja që shtrohet është nëse kemi të bëjmë me një lëvizje nga qëndrimi i mëparshëm i partisë, apo me një situatë të re politike që ka sjellë një qasje tjetër.

Për këtë zhvillim, në një prononcim për “Bota sot”, profesori Nijazi Halili tha se deklarata e fundit e Hazirit e rikthen në fokus një praktikë të njohur të politikës në Kosovë, atë të shkëmbimit të posteve institucionale për të siguruar shumicën parlamentare.

“Deklaratat e fundit të nënkryetarit të LDK-së, Lutfi Haziri, lidhur me mundësinë që LDK t’i ofrojë 18 votat e saj në Kuvendin e Kosovës në kuadër të një marrëveshjeje të mundshme me Lëvizjen Vetëvendosje, në këmbim të postit të Presidentit, rikthejnë në qendër të vëmendjes një praktikë tashmë të njohur në politikën kosovare: shkëmbimin e pozicioneve institucionale për sigurimin e shumicave parlamentare.

Nga këndvështrimi politik, kjo qasje nuk përbën një risi për kulturën e koalicioneve në Kosovë. Megjithatë, ajo krijon një tension të dukshëm me diskursin e mëhershëm publik të LDK-së, e cila në mënyrë të përsëritur ka theksuar nevojën për një president konsensual, mbipartiak dhe unifikues”.

Sipas Halilit, kjo mënyrë veprimi nuk është e re në kulturën e koalicioneve në vend, por njëherazi e dëmton LDK-në për shkak të ndryshimit të qasjes së saj politike.

Ai theksoi gjithashtu se synimi i LDK-së për të marrë postin e presidentit tregon një zhvendosje nga koncepti i një figure neutrale shtetërore drejt një kandidature të hapur partiake.

Për këtë aspekt, profesori u ndal më gjerësisht te ndryshimi i qëndrimit parimor të kësaj partie.

“Deklarata e Hazirit, sipas së cilës votat e LDK-së do të unifikoheshin vetëm në rast se kandidati për president vjen nga vetë radhët e partisë, duke përmendur edhe emra si Lumir Abdixhiku apo vetë ai, e zhvendos theksin nga ideja e një figure neutrale shtetërore drejt një kandidature të qartë partiake.

Kjo qasje krijon perceptimin e një ndryshimi në qëndrimin parimor: nga kërkesa për një president jopartiak si standard institucional, në një pozicionim politik që e kushtëzon mbështetjen me përfaqësim të drejtpërdrejtë partiak në postin më të lartë shtetëror.

Në këtë kuptim, mund të thuhet se LDK nuk e ka braktisur plotësisht idenë e presidentit unifikues, por e ka riformuluar atë në funksion të realpolitikës dhe balancave të reja në Kuvendin e Kosovës”.

Në përfundim, ai vlerësoi se deklaratat e fundit të LDK-së për postin e presidentit flasin më shumë për një lëvizje taktike politike sesa për një ndryshim ideologjik.

“Në përmbyllje, ky pozicionim duket më shumë si një qasje taktike e momentit sesa një ndryshim i thellë ideologjik, duke reflektuar dinamikën e zakonshme të negociatave politike në një sistem parlamentar ku kompromisi mbetet instrumenti kryesor i funksionimit institucional”, përfundoi Nijazi Halili për “Bota sot”.

The post LDK-ja e lidh mbështetjen me postin e presidentit, Halili: Po ndiqet një taktikë e njohur politike appeared first on Albeu.com.

Ankesa është dorëzuar pasi, sipas Haxhiut, rinumërimi i votave i urdhëruar nga Komisioni Qendror i Zgjedhjeve (KQZ) ka nxjerrë në pah pasaktësi në numërimin e kryer në qendrat komunale.

“Sot kemi dorëzuar në Gjykatën Supreme ankesën me arsyetimin tani më të njohur, që procesi i rinumërimit i urdhëruar nga KQZ, ka treguar që ka pasaktësi në numërimin që është bërë nëpër qendrat komunale të numërimit dhe kjo marzhë e gabimit në numërimin fillestar nuk është e vogël, sepse në këtë rinumërimin e urdhëruar nga KQZ janë numëruar vetëm 5201 vota të Partisë Demokratike dhe në këtë rinumërim janë 220 vota të cilat janë shtuar ose i janë hequr kandidatëve vota preferenciale. Prandaj, për të pasur një rezultat të saktë, kërkojmë që Gjykata Supreme të miratojë kërkesën tonë dhe të urdhërojë KQZ për numërimin e votave preferenciale për kandidatë dhe deputetë të Partisë Demokratike, sepse edhe ligji e obligon që procedura e numërimit të fletëvotimeve të udhëhiqet nga saktësia dhe e jep edhe mundësinë e rinumërimit në rast se evidentohen pasaktësi në numërimin fillestar”, ka thënë ai.

Haxhiu ka theksuar se kërkesa e tyre ka të bëjë me rinumërimin e votave të Partisë Demokratike të Kosovës.

“Përtej dyshimeve tona, tani kemi një proces të urdhëruar nga KQZ, që është procesi i rinumërimit të 185 kutive, apo vendvotimeve. Ky proces i urdhëruar nga KQZ ka vërtetuar pasaktësi në numërimin fillestar dhe kjo tanimë është fakt i provuar nga vetë KQZ, prandaj edhe po kërkojmë që të ketë një rinumërim të votave të Partisë Demokratike, sepse sipas rregullativit të KQZ, votat e subjekteve politike nuk numërohen nga komisionerët e atij subjekti politik, por numërohen nga komisionerë ose numërues të subjekteve tjera politike. Tani a kanë qenë gabime të qëllimshme apo të paqëllimshme, Kushtetuta e Kosovës, neni 45 në të drejtën zgjedhore, garanton që përveç të drejtës për votim, ekziston edhe e drejta që saktësia e rezultatit duhet të jetë dhe vota e njehur, ashtu siç e ka hedhur votuesi, nuk ka të drejtë askush sipas Kushtetutës dhe ligjit të Kosovës të devijojë votën e qytetarit, qoftë edhe 2, 3, 5, 6, 500 vota rezultati zgjedhor duhet të jetë i saktë, ashtu siç e ka hedhur votuesi në kuti të votimit”, ka shtuar Haxhiu.

Nga ana tjetër, Qëndrim Kryeziu është shprehur se do t’i ndjekin deri në fund të gjitha të drejtat që u takojnë.

“Ne kur i kemi tërhjekë dokumentet bashkë, na kanë thënë që gabimet e vogla janë minimale, kështu që tha s’keni nevojë me u anku, po ua themi shoqërisht, por nuk janë këto gabime të vogla minimale, as gabime teknike, sepse është thjeshtë numri shumë i ngushtë që të jesh deputet, si për kolegun, si për mua, me një marzhë gabimi prej 589 që ka ndodhur në sistemin e KQZ, pastaj thanë jo vetëm dy ti kemi shtu, po ne e kemi pa atë vetë prezent, na thanë që është gabim teknik i vogël, po duhet tha me vazhdu.

Ne i kemi të drejtat tona me i shfrytëzu deri në maksimum, edhe të drejtën e fundit në rinumërim kemi me bë ankesë edhe aty dhe do të kërkojmë çdo mundësi të mundshmë që është në të drejtën tonë dhe në të drejtën e Zotit që ne ta shfrytëzojmë maksimalisht, sepse çdo votë ka rëndësi, ka vlerë dhe s’ka nevojë askush të bëhet deputet me votat tona. Kështu që ne do t’i shfrytëzojmë të gjitha mundësitë që na takojnë me ligj.

Dyshojmë sepse unë vetë kam qenë duke përcjellur në telefon faqen zyrtare të KQZ dhe 589 më janë shtuar dhe më është thënë që është gabim teknik, ndërsa në përgjigjen e ankesës më kanë thënë vetëm 2 vota, si 2 vota si 589 vota, quhet vjedhje.

Kështu që ai që i ka vjedhur le ta bajë barrën dhe le të mësohet të punojë një herë e përgjithmonë pa vjedhje, pa asnjë gjë”, ka thënë Kryeziu.

Të hënën, Paneli Zgjedhor për Ankesa dhe Parashtresa (PZAP) i hodhi poshtë si të pabazuara ankesat e Bekim Haxhiut dhe Qëndrim Kryeziut, kandidatë për deputet nga Partia Demokratike e Kosovës (PDK), të cilët kishin kërkuar rinumërimin e plotë të votave preferenciale të kandidatëve të këtij subjekti politik pas rinumërimit të 185 vendvotimeve të rregullta.

The post Haxhiu dhe Kryeziu i drejtohen Supremes, kërkojnë rinumërim të plotë të votave preferenciale të PDK-së appeared first on Albeu.com.

Ai bëri të ditur se avokati i tij po përgatit ankesën, e cila, sipas tij, do të dorëzohet brenda afatit të paraparë ligjor, transmeton IndeksOnline.

“Afati për dorëzimin e ankesës është deri nesër në ora 12:30, por besoj që avokati im do ta paraqesë atë në Gjykatën Supreme që nesër në mëngjes”, deklaroi Haxhiu.

Sipas tij, ka bazë të mjaftueshme ligjore që të bëhet rinumërimi i votave të kandidatëve të PDK-së dhe ai pret që Gjykata Supreme të marrë një vendim në favor të kërkesës së tij.

“Besoj që Gjykata Supreme do të nxjerrë vendim në favorin tim, sepse ka bazë për t’u rinumëruar votat e kandidatëve të PDK-së”, tha Haxhiu.

Një ditë më herët, ai kishte shprehur dyshime lidhur me procesin e rinumërimit të votave të urdhëruar nga Komisioni Qendror i Zgjedhjeve (KQZ), duke pretenduar se mostrat për rinumërim nuk janë zgjedhur në mënyrë të rastësishme dhe se në 185 vendvotime janë konstatuar ndryshime në rezultatet e kandidatëve.

Haxhiu kishte nënvizuar se ankesa synon të sigurojë një rezultat të saktë zgjedhor dhe të garantojë respektimin e votës së qytetarëve.

The post Bekim Haxhiu paralajmëron ankesë në Supremen, kërkon rinumërim të votave për kandidatët e PDK-së appeared first on Albeu.com.

Ai ka bërë të ditur se kjo kërkesë, sipas tij, mbështetet në gjetjet e dala nga procesi i deritanishëm i rinumërimit që është zhvilluar nga Komisioni Qendror i Zgjedhjeve.

“Përshëndetje miq, unë sot kam paraqitur ankesë në Panelin Zgjedhor për Ankesa dhe Parashtresa (PZAP), duke kërkuar rinumërimin e plotë të votave të kandidatëve për deputet të Partisë Demokratike të Kosovës. Kjo kërkesë nuk bazohet në supozime apo pakënaqësi me rezultatin e zgjedhjeve, por në fakte të konfirmuara nga vetë procesi i rinumërimit të zhvilluar nga KQZ”, ka shkruar ai.

Sipas Kryeziut, rinumërimi i 185 vendvotimeve ka evidentuar pasaktësi në numërimin fillestar, ndërsa ka theksuar se nga ky proces atij i janë shtuar 589 vota.

“Rinumërimi i vetëm 185 vendvotimeve, që përfshin rreth 3.52% të votave të PDK-së, dëshmoi se kishte gabime në numërimin fillestar. Edhe në këtë mostër të kufizuar, më janë shtuar 589 vota që nuk i kisha më parë. Duke u bazuar në këtë fakt, i bie 11.3% e votës së PDK-së, që i bie të kem mbi 22 mijë vota, andaj çdo votë ka rëndësi dhe çdo pasaktësi mund të ndikojë drejtpërdrejt në rezultatin përfundimtar”, ka deklaruar ai.

Ai ka vlerësuar se vetëm rinumërimi i plotë i të gjitha votave të kandidatëve të PDK-së mund të sigurojë që mandati parlamentar t’i takojë kandidatit që ka marrë mbështetjen e qytetarëve.

“Për këtë arsye kam kërkuar që të rinumërohen të gjitha votat e kandidatëve të PDK-së që nuk janë përfshirë në rinumërimin e deritanishëm. Vetëm një verifikim i plotë mund të garantojë që mandati parlamentar t’i takojë kandidatit që ka fituar besimin e qytetarëve dhe që çdo votë të numërohet saktë”, ka thënë ai.

Në fund, ai ka kërkuar që ankesa e paraqitur prej tij të shqyrtohet në mënyrë të paanshme nga PZAP-i, duke theksuar se transparenca dhe saktësia në numërim janë thelbësore për integritetin e procesit zgjedhor.

The post Kandidati i PDK-së, Qëndrim Kryeziu, dorëzon ankesë në PZAP dhe kërkon rinumërim të plotë të votave të kandidatëve appeared first on Albeu.com.

Sipas gjetjeve, në komunat me shumicë serbe janë hasur një numër i madh fletëvotimesh të plotësuara me të njëjtin shkrim dhe të njëjtën mënyrë shënjimi, ku në disa raste është përdorur edhe shenja e barazimit, si dhe elemente të tjera të ngjashme.

Parregullsi janë vërejtur edhe në listat ku votuesit firmosin përpara se të ushtrojnë të drejtën e tyre të votës, pasi në disa raste janë evidentuar nënshkrime të njëjta.

Lidhur me këtë rast, është bërë kallëzim në Policinë e Kosovës.

Në denoncim thuhet: “KQZ, ka filluar ri numërimi i kutive të votimit për vendvotimet e përzgjedhura sipas rastësisë. Nga ri numërimi i kutisë së votimit për vendvotimin 3602/02 në Komunën e Parteshit, kemi hasur në fletëvotime (të bashkangjitura në e-mail) për të cilat shihet paterni i njëjtë (shënjimi në fletëvotim) në tri (3) raste të ndryshme. Po ashtu, për këtë vendvotim, gjeni edhe imazhe të listës përfundimtare të votuesve, ku vërehen nënshkrime të njëjta, e për të cilat duhet të vërtetohen nga institucione/ organe kompetente. Raste të tilla sikurse në Komunën e Parteshit, ka edhe në komunat tjera, si: Graçanicë në dy vendvotime: 3401/01 dhe 3403/01. Po ashtuë në Zveçan në vendvotimin: 2905/01”.

The post Dyshime për ndërhyrje në vota nga Lista Serbe appeared first on Albeu.com.

Prokuroria e Posaçme kundër Korrupsionit dhe Krimit të Organizuar (SPAK), kishte paraqitur kërkesën për gjykimin e çështjes në ngarkim të shtetasve Gersi Kaçorri, Besnik Uka dhe Artur Jahja, ndërsa gjykimi u zhvillua me rregullat e gjykimit të shkurtuar.

Sipas vendimit të gjykatës, Gersi Kaçorri, u shpall fajtor për veprën penale “Korrupsion aktiv në zgjedhje” dhe u dënua fillimisht me 1 vit burgim, dënim i cili, për shkak të gjykimit të shkurtuar, u reduktua në 8 muaj. Gjykata vendosi pezullimin e ekzekutimit të dënimit dhe vënien e tij në provë për një periudhë 1 vit e 6 muaj.

Besnik Uka u shpall fajtor për veprën penale “Korrupsion pasiv në zgjedhje”, kryer në bashkëpunim. Ai u dënua me 1 vit burgim, i reduktuar në 8 muaj për shkak të gjykimit të shkurtuar, ndërsa edhe për të u vendos pezullimi i dënimit dhe vënia në provë për 1 vit e 6 muaj.

Po ashtu, fajtor u shpall edhe Artur Jahja, i cili u dënua për “Korrupsion pasiv në zgjedhje”, kryer në bashkëpunim, me 1 vit burgim, dënim i reduktuar në 8 muaj, me pezullim të ekzekutimit dhe vënie në provë për 1 vit e 6 muaj.

Gjykata urdhëroi që gjatë periudhës së provës, të pandehurit të mbajnë kontakte me shërbimin e provës, të mos kryejnë vepra të tjera penale dhe të mos shoqërohen me persona të dënuar për vepra penale.

Në vendim u urdhërua gjithashtu konfiskimi i tre aparateve telefonike dhe kartave SIM, të sekuestruara gjatë hetimit, si prova materiale në këtë çështje.

Sipas SPAK, gjatë fushatës zgjedhore, të pandehurit, në bashkëpunim me njëri-tjetrin, kanë premtuar, ofruar dhe dhënë shuma monetare zgjedhësve të Bashkisë Kurbin, në këmbim të votimit në mbështetje të Partisë Socialiste.

Hetimet kanë evidentuar se ata kanë qenë aktivë në fushatën zgjedhore në mbështetje të këtij subjekti politik, duke shpërndarë mjete monetare tek zgjedhësit me qëllim ndikimin në vullnetin e tyre të votës.

Njoftimi i SPAK:

SPAK dërgon për gjykim tre të pandehur për korrupsion aktiv dhe pasiv në zgjedhje në Qarkun Lezhë

Prokuroria e Posaçme kundër Korrupsionit dhe Krimit të Organizuar ka përfunduar hetimet dhe më datë 7.11.2025, ka dërguar për gjykim në Gjykatën e Posaçme, procedimin penal nr. 55 të vitit 2025, për korrupsion në zgjedhjet e zhvilluara në Qarkun Lezhë.

Të pandehurit e dërguar për gjykim janë:

Gersi Kaçorri, i akuzuar për kryerjen e veprës penale “Korrupsion aktiv në zgjedhje”, kryer në bashkëpunim, e parashikuar nga nenet 328 dhe 25 të Kodit Penal;

Besnik Uka, i akuzuar për kryerjen e veprës penale “Korrupsion pasiv në zgjedhje”, kryer në bashkëpunim, e parashikuar nga nenet 328/b dhe 25 të Kodit Penal;

Artur Jahja, i akuzuar për kryerjen e veprës penale, “Korrupsion pasiv në zgjedhje”, kryer në bashkëpunim, e parashikuar nga nenet 328/b dhe 25 të Kodit Penal.

Rrethanat e çështjes

Procedimi penal është regjistruar mbi bazën e materialit të referuar nga hetuesit e Byrosë Kombëtare të Hetimit (BKH), në ngarkim të shtetasve të mësipërm, të dyshuar për veprën penale, “Korrupsion aktiv në zgjedhje” dhe “Korrupsion pasiv në zgjedhje”, të kryera në bashkëpunim, gjatë fushatës elektorale për zgjedhjet parlamentare të datës 11 maj 2025.

Aktet e administruara gjatë hetimit proaktiv dhe ndjekjes me metoda speciale të hetimit (përgjime të komunikimeve telefonike, vëzhgime dhe veprime të tjera hetimore treguan se të pandehurit; Gersi Kaçorri, Besnik Uka dhe Artur Jahja janë përfshirë në veprimtari të kundërligjshme në Qarkun e Lezhës, gjatë zgjedhjeve për Kuvendin e Shqipërisë.

Gjatë fushatës zgjedhore, të pandehurit, në bashkëpunim me njëri-tjetrin, premtuan, ofruan dhe dhanë shuma monetare zgjedhësve të Bashkisë Kurbin, në këmbim të votimit në një mënyrë të caktuar, në mbështetje të subjektit politik, Partia Socialiste.

Hetimi evidentoi se të pandehurit kanë qenë aktivë në fushatën zgjedhore në mbështetje të këtij subjekti politik, duke ofruar dhe shpërndarë mjete monetare tek zgjedhësit për të ndikuar në mënyrën e votimit të tyre.

NJOFTIM PËR MEDIAT GJKKO

NJOFTIM PËR MEDIAT

1. Prokuroria e Posaçme kundër Korrupsionit dhe Krimit të Organizuar ka paraqitur pranë Gjykatës kërkesën me objekt: “Gjykimin e çështjes penale që i përket procedimit penal nr. 55 të vitit 2025, në ngarkim të të pandehurve Gersi Kaçorri, Besnik Uka dhe Artur Jahja”.

2. Gjykimi i kësaj ҫështje u zhvillua me rregullat e gjykimit të shkurtuar. Në përfundim të gjykimit, Gjykata e Posaçme e Shkallës së Parë për Korrupsionin dhe Krimin e Organizuar me trup gjykues të përbërë nga gjyqtarët Flora Hajredinaj, Etleva Deda dhe Rudina Palloj, me vendimin nr. 8, datë 05.02.2026 vendosi:

1. Deklarimin fajtor të të pandehurit Gersi Kaçorri, për veprën penale “Korrupsioni aktiv në zgjedhje”, parashikuar nga neni 328 të Kodit Penal, dhe dënimin e tij me 1 (një) vit burgim.

-Në bazë të nenit 406 pika 1 të Kodit të Procedurës Penale, të pandehurit Gersi Kaçorri, i ulet 1/3 e dënimit për shkak të aplikimit të gjykimit të shkurtuar dhe, përfundimisht dënohet me 8 (tetë) muaj burgim.

-Në bazë të nenit 59 të Kodit Penal, urdhërohet pezullimi i ekzekutimit të vendimit me burgim dhe vënia në provë e të pandehurit Gersi Kaçorri, për një afat prove prej 1 (një) vit e 6 (gjashtë) muaj gjatë së cilës i pandehuri duhet të mbajë kontakte me shërbimin e provës dhe të mos kryejë vepër tjetër penale.

-Bazuar në nenin 60 paragrafi i parë pika 9 të Kodit Penal, urdhërohet i pandehuri që brenda periudhës së provës të mos shoqërohet me persona të dënuar për vepra penale. -Afati i provës fillon pas marrjes formë të prerë të vendimit, nga momenti i kontaktit të parë të të pandehurit me shërbimin e provës.

2. Deklarimin fajtor të të pandehurit Besnik Uka, për veprën penale “Korrupsioni pasiv në zgjedhje”, kryer në bashkëpunim, parashikuar nga nenet 328/b dhe 25 të Kodit Penal dhe dënimin e tij me 1(një) vit burgim.

-Në bazë të nenit 406 pika 1 të Kodit të Procedurës Penale, të pandehurit Besnik Uka, i ulet 1/3 e dënimit, për shkak të aplikimit të gjykimit të shkurtuar dhe, përfundimisht dënohet me 8 (tetë) muaj burgim.

-Në bazë të nenit 59 të Kodit Penal, urdhërohet pezullimi i ekzekutimit të vendimit me burgim dhe vënia në provë e të pandehurit Besnik Uka, për një afat prove prej 1(një) vit e 6 (gjashtë) muaj gjatë së cilës i pandehuri duhet të mbajë kontakte me shërbimin e provës dhe të mos kryejë vepër tjetër penale.

-Bazuar në nenin 60 paragrafi i parë pika 9 të Kodit Penal, urdhërohet i pandehuri që brenda periudhës së provës të mos shoqërohet me persona të dënuar për vepra penale. -Afati i provës fillon pas marrjes formë të prerë të vendimit, nga momenti i kontaktit të parë të të pandehurit me shërbimin e provës.

3. Deklarimin fajtor të të pandehurit Artur Jahja, për veprën penale “Korrupsioni pasiv në zgjedhje”, kryer në bashkëpunim, parashikuar nga nenet 328/b dhe 25 të Kodit Penal, dhe dënimin e tij me 1(një) vit burgim.

-Në bazë të nenit 406 pika 1 të Kodit të Procedurës Penale, të pandehurit Artur Jahja, i ulet 1/3 e dënimit, për shkak të aplikimit të gjykimit të shkurtuar dhe përfundimisht dënohet me 8 (tetë) muaj burgim.

-Në bazë të nenit 59 të Kodit Penal, urdhërohet pezullimi i ekzekutimit të vendimit me burgim dhe vënia në provë e të pandehurit Artur Jahja, për një afat prove prej 1(një) vit e 6 (gjashtë) muaj gjatë së cilës i pandehuri duhet të mbajë kontakte me shërbimin e provës dhe të mos kryejë vepër tjetër penale.

-Bazuar në nenin 60 paragrafi i parë pika 9 të Kodit Penal, urdhërohet i pandehuri që brenda periudhës së provës të mos shoqërohet me persona të dënuar për vepra penale. -Afati i provës fillon pas marrjes formë të prerë të vendimit, nga momenti i kontaktit të parë të të pandehurit me shërbimin e provës.

4. Në lidhje me provat materiale të bashkuara me fashikullin e gjykimit sipas procesverbalit datë 06.11.2025, gjykata disponon si më poshtë: Aparat telefonik i markës “Samsung Galaxy A12”, me numër imei 1: **** dhe imei 2: **** dhe karta sim e kompanisë ONE me numër serial ****, të sekuestruar të pandehurit Besnik Uka; aparat telefonik i markës “iPhone XR”, me numër imei 1: **** dhe imei 2: **** dhe karta sim e kompanisë ONE me numër serial ****, sekuestruar të pandehurit Gersi Kaçorri, dhe aparat telefonik i markës “Samsung Galaxy A04S”, me numër imei 1: **** dhe imei 2: **** dhe karta sim e kompanisë ONE me numër serial ****, sekuestruar të pandehurit Artur Jahja, të konfiskohen.

5. Shpenzimet proceduriale, të kryera gjatë hetimit paraprak si dhe ato të gjykimit, sipas procesverbalit të shpenzimeve bashkëngjitur këtij vendimi, u ngarkohen të pandehurve, në mënyrë solidare.

6. Kundër këtij vendimi lejohet ankim, brenda 15 (pesëmbedhjetë) ditëve nga e nesërmja e njoftimit, në Gjykatën e Posaçme të Apelit për Korrupsionin dhe Krimin e Organizuar.

Tiranë, më datë 05.02.2026

Gjykata e Posaçme e Shkallës së Parë për Korrupsionin dhe Krimin e Organizuar

The post Ofruan para në këmbim të votave për PS-në, GJKKO shpall fajtor dhe jep dënimin për tre të pandehurit për korrupsion (EMRAT) appeared first on Albeu.com.

Sipas të dhënave të përditësuara deri më tani nga 31 vendvotime të numëruara nga 57 gjithsej (54.39%), Lëvizja Vetëvendosje kryeson me 49.06% të votave, që përkthehet në 2,086 vota.

Në vendin e dytë renditet Partia Demokratike e Kosovës (PDK) me 19.29% ose 820 vota, ndërsa e treta është Lidhja Demokratike e Kosovës (LDK) me 11.08% (471 vota).

Aleanca për Ardhmërinë e Kosovës renditet e katërta me 7.62% (324 vota)

KQZ ka bërë të ditur se procesi i numërimit po vazhdon dhe se rezultatet përfundimtare do të publikohen pas përfundimit të numërimit të të gjitha vendvotimeve dhe verifikimeve përkatëse.

The post Kosovë/Numërohen mbi 50% e votave me kusht, këto janë rezultatet e deritanishme appeared first on Albeu.com.

Komisioni Qendror Zgjedhor bëri të ditur se tashmë janë në verifikim të votave të partive, derisa kanë filluar edhe numërimin e votave për deputetë.

Aktualisht janë duke u numëruar votat nga qendrat me numër më të vogël, si ato në Han të Elezit, Viti, Dragash dhe Shtërpcë.

Deri më tani, në nivel të përgjithshëm, LVV ka kaluar shifrën e 430 mijë votave, deri PDK ka mbi 183 mijë dhe LDK me 118 mijë sosh.

Në fotot që shikoni në këtë lajm, janë votat e kandidatëve për deputetë.

The post Fillon numërimi i votave për kandidatët për deputetë appeared first on Albeu.com.