Raportohet se procesi pritet të nisë në orën 10:30.

Ndërkohë, vota elektronike pritet të bëhet publike dhe të hidhet në faqen e KQZ pas rreth 1 orë e 30 minutash, pra rreth orës 08:30.

Zarfet e Greqisë, janë lënë veç dhe do të numërohen veç, gjë që është ankimuar nga PS.

Partia Socialiste, ka reaguar ndaj vendimit të KQZ-së për numërimin e veçantë të votave të diasporës në Greqi.

Me anë të një shkrese drejtuar Komisionit Qendror të Zgjedhjeve, PS kërkon shfuqizimin e vendimit të mëparshëm të KQZ për ndarjen e procesit të numërimit të votës së diasporës në Greqi më vete.

PS argumenton se vendimi i KQZ, është nxjerrë në kundërshtim me dispozitat e Kodit Zgjedhor.

“Nga ana substanciale, ky akt nuk është nxjerrë në respektim të dispozitave ligjore, konkretisht vendimit nr. 22, datë 20.03.2025 i ndryshuar, të Komisionit Rregullator”, thuhet në letër.

Sipas rezultateve të deritanishme të reflektuara në faqen e KQZ për votën e diasporës, PD-ASHM ka marrë 726, pra 43.95 %; PS 705 vota, pra 42.68 % dhe NISMA-SHB 117, pra 7.08 %.

The post Prej më shumë se 2 orësh procesi i numërimit për votën e diasporës i ndërprerë, ja si ndahen shifrat deri tani appeared first on Albeu.com.

Në Shqipëri, nga 3.467.962 persona me të drejtë vote, kanë votuar 32.6 përqind e tyre.

Në Diasporë, nga 245.935 shtetas me të drejtë vote, kanë votuar 73.5 përqind e tyre.

Ndryshe nga interesi relativisht i ulët brenda vendit, në diasporë interesi për të votuar është shumë i lartë.

The post Vota e Diasporës/ Pjesëmarrja deri në orën 15:00 appeared first on Albeu.com.

Celibashi tha se pas verifikimeve teknike, numri përfundimtar i votuesve nga jashtë është 245 935.

Ndërkohë, sa i takon vlerës totale të kontraktimit me operatorin shpërndarës që i është besuar postës DHL, është llogaritur tek 9.2 milion Euro.

Kreu i KQZ-së, tha se ka nisur printimi i fletëve të votimit e cila do të bëhet nga një kompani sllovene, si për votat e diasporës po ashtu edhe për votimet brenda vendit.

Sa i takon fletëve të votimit Celibashi, bën të ditur se pritet të jenë gati mes datave 7 dhe 8 Prill.

“Sa i përket votimit nga jashtë ashmë e kemi të zgjedhur edhe operatorin e shërbimit postar. Do të jetë kompania DHL Internacional Albania shpk, që do ta kryejë shërbimin e dërgimit të fletëve të votimit tek votuesit dhe kthimit mbrapsht në KQZ. Koston e paguan shteti shqiptar nga buxheti i shtetit. Vlera totale e kontraktimit me këtë operator është 9.2 milion Euro, pra nga 12.5 milionë Euro që ishte fondi i vënë në dispozicion KQZ për koston e këtij shërbimi ne do të paguajmë 9.2 milionë Euro me një çmim mesatar për dërgesë vajtje ardhje 37.52 Euro.

Sot besoj formalizojmë edhe në një kontratë këtë marrëdhënie mes KQZ dhe këtij operatori. Ka filluar procesi i printimit të fletëve të votimit për votimin jashtë vendit dhe besojmë se nga komunikimi që është duke prodhuar këto fletë votimit, kompaninë sllovene po prodhohen në Slloveni fletët e votimit si për votimin brenda vendit po ashtu edhe jashtë, por kemi nisur me printimin e fletëve të votimit për jashtë vendit. Besoj që midis datave 7 dhe 8 do të kemi fletat e votimit për jashtë dhe midis datës 8, 9 dhe 10 do të fillojmë përgatitjen për zarfet dhe çdo dokumentacioni tjetër i cili do tu dërgohet votuesve jashtë vendit, duke shpresuar që gjithë ky proces të bëhet brenda datës 15 Prill. Është kohë e mjaftueshme sipas parashikimeve kontraktuale që kemi me operatorin e shërbimit postar për të dërguar zarfat, për tu dhënë kohë 3, 4 apo më shuam ditë zgjedhësve nga jashtë për të vendosur dhe koha për tu kthyer mbrapsht në KQZ”, deklaroi Celibashi.

Gjithashtu, Celibashi bëri me dije se është duke u përfunduar edhe një tutorial që do të jetë në ndihmë të votuesve nga jashtë për procesin e votimit.

“Jemi duke përfunduar një spot dhe tutorial për gjithë sa do duhet të dijë dhe bëjë votuesi nga jashtë dhe me shumë mundësi brenda dy apo tre ditëve do të bëhet publike përmes mediave. Ndërkohë po ndërtojmë një sistem ndihmës për këshillim të votuesve nga jashtë. Kemi përcaktuar tashmë edhe vendin e numërimit për votimin nga jashtë. Do të jetë pallati i sportit tek parku Olimpik i Tiranës. Do të jetë i aksesueshëm dhe i mbikëqyrur nga media dhe vëzhgues. I monitoruar me kamera live në 24/7. Numri përfundimtar i votuesve nga jashtë është 245, 935 zgjedhës”, shprehet Celibashi.

The post Diaspora/ Ilirjan Celibashi: Kompanisë DHL do i jepen 9.2 mln euro për postën, ja numri i saktë i votuesve appeared first on Albeu.com.

Ndërkohë ditën e sotme, është finalizuar plotësisht procesi i shqyrtimit të kërkesave të ardhura nga diaspora, duke çuar në total numrin e zgjedhësve që do të votojnë nga jashtë në 245,975.

Nga 294,155 kërkesa që kanë mbërritur online në KQZ, 48,180 prej tyre janë refuzuar për gabime në aplikim apo parregullsi në dokumentacione.

Shifrat e kërkesave të diasporës për të votuar

Zgjedhës (unikë) që kanë bërë kërkesë për regjistrim 294,155

Zgjedhës (unikë) të cilëve u është miratuar kërkesa 245,975

Zgjedhës (unikë) të cilëve u është refuzuar kërkesa 48,180

Numri më i madh i aplikimeve është bërë nga shqiptarët e Italisë 148,178 zgjedhëz ose  40.6%, duke u ndjekur më pas nga Greqia me 103,421 aplikime ose 28.3%.

Vota e zgjedhësve do të numërohet në qarkun që ata janë rezidentë në Shqipëri. Në dominancë është Tirana me 74,566 regjistrime ose 20.4%, më pas është Fieri me 49,293 aplikime ose 13.5%, duke u ndjekur nga Durrësi, Korça, Vlora etj.

Keshtu, numrin më të lartë të kërkesave të miratuara e ka qarku i Tiranës me 52 425 shtetas shqiptarë të regjistruar në PER, i ndjekur nga qarku Fier me 32 559, më pas qarku Elbasanit me 25 196, qarku i Durrësit me 25 034 dhe qarku Korçë me 20 638 kërkesa të miratuara.

Kërkesat për regjistrime janë nga vende të ndryshme të botës. Numri më i lartë i kërkesave të miratuara është nga Italia me 91 223, e ndjekur nga Greqi me 68 223, Gjermania me 25 499 si dhe nga SHBA me 20 653 e Britania e Madhe 17 227.

Sipas gjinisë, përqindjen më të lartë të regjistruesve e kanë meshkujt, me 212 982 kërkesa, ndërsa femrat janë 152 184.

Brenda datës 9 mars, Komisioni Qendror i Zgjedhjeve, pritet të publikojë listën paraprake të këtyre zgjedhësve.

Emrat e tyre do të hiqen më pas nga lista e votuesve në Shqipëri.

Tiranë

74,566/20.4%

Fier

49,293/13.5%

Elbasan

39,690/10.9%

Durrës

38,562/10.6%

Korçë

30,001/8.2%

Vlorë

28,242/7.7%

Shkodër

26,068/7.1%

Berat

23,495/6.4%

Lezhë

22,267/6.1%

Dibër

15,792/4.3%

Gjirokastër

11,569/3.2%

Kukës

5,621/1.5%

The post Zgjedhjet e 11 majit/ KQZ mbyll shqyrtimin e kërkesave, rreth 246 mijë emigrantë fituan të drejtën e votës, ja shifrat sipas qarqeve appeared first on Albeu.com.

Sipas të dhënave të bëra publike nga Komisioni Qendror i Zgjedhjeve, deri në këto momente ka pasur 284,114 kërkesa për regjistrim, ndërsa janë miratuar 225,797 prej tyre dhe janë refuzuar 42,009

Kërkesat më të larta vijojnë të jenë nga shqiptarët të cilët jetojnë në Itali me 142,895 aplikime(40.5%) dhe duke u ndjekur më pas nga Greqia me100,187 (28.4%) dhe Gjermania me 35,331 (10.0%).

Kujtojmë se ditën e djeshme, është miratuar shtyrja e afatit të regjistrimit në platformën për shtetasit shqiptarë që jetojnë jashtë vendit, duke e mundësuar këtë vetëm për ata që aktualisht janë regjistruar si aplikantë të refuzuar në sistem.

Duke marrë në konsideratë faktin se këta shtetas i janë përgjigjur pozitivisht thirrjes së KQZ për regjistrim, e kanë shprehur vullnetin e qartë brenda afatit të deklaruar, janë në një numër të konsiderueshëm (42,000), kanë aktualisht një llogari të hapur në sistem dhe u është njohur e drejta e riaplikimit pavarësisht të qënit të refuzuar, shtyrja me disa ditë e afatit mund tu krijojë atyre shansin e fundit për të korrigjuar mangësitë dhe konfirmuar regjistrimin.

The post Përfundon sot afati për regjistrimin e diasporës, miratohen rreth 226 mijë aplikime appeared first on Albeu.com.

Më pas, do të shqyrtohet projektligji “Për disa shtesa dhe ndryshime në ligjin nr. 10 019, datë 29.12.2008, “Kodi Zgjedhor i Republikës së Shqipërisë””, i ndryshuar si dhe projektligji “Për disa shtesa dhe ndryshime në ligjin nr. 10 019, datë 29.12.2008, “Kodi Zgjedhor i Republikës së Shqipërisë””, i ndryshuar.

Në rendin e ditës në Kuvend, është edhe projektligji “Për ratifikimin e vendimit nr.1/2024 të Komitetit të Përbashkët të Konventës Rajonale për Rregullat Preferenciale të Origjinës Pan-Euro-Mediteriane të 12 dhjetorit 2024, për ndryshimin e vendimit nr.1/2023 të Komitetit të Përbashkët, miratuar me ligjin nr.59/2024, në lidhje me përdorimin e certifikatave të qarkullimit të lëshuara në mënyrë elektronike, në kuadrin e kësaj konvente, të zbatueshme që nga 1 janari 2025”.

Më pas, do të diskutohet projektligji “Për disa ndryshime në ligjin nr. 133/2015, “Për trajtimin e pronës dhe përfundimin e procesit të kompensimit të pronave”, të ndryshuar.

Kuvendi do të shqyrtojë edhe dy projektvendime për zgjedhjen e kryetarit dhe një anëtari të Këshillit Drejtues të Autoritetit të Komunikimeve Elektronike dhe Postare.

Gjithashtu, nesër Kuvendi do të shqyrtojë edhe projektvendimin “Për zgjedhjen e Avokatit të Popullit”.

Në seancën e nesërme pritet të shqyrtohet edhe projektvendimi “Për emërimin e anëtarit të Bordit të Autoritetit të Mbikëqyrjes Financiare, që do mbajë funksionin e Kryetarit të Bordit”.

Gjithashtu, do të shqyrtohet edhe projektvendimi “Për miratimin e fondit për financimin e partive pjesëmarrëse në zgjedhjet e vitit 2025”.

Kuvendi do të shqyrtojë projektvendimet për lirimin e Gëzim Podgoricës dhe Genc Përmetit nga detyra e anëtarit të Këshillit Drejtues të Radiotelevizionit Shqiptar, si dhe projektvendimet për shkarkimin e Leka Bungos nga detyra e kryetarit të Këshillit Drejtues të Radio Televizionit Shqiptar, si dhe shkarkimin nga detyra e anëtarëve të Këshillit Drejtues të Radiotelevizionit Shqiptar, Albert Minga, Ardita Reçi, Dionis Papadhimitri, Edmond Tullumani, Engjëll Ndocaj, Ilir Keko, Mevlan Shanaj dhe Milena Selimi.

The post Nga ndryshimet në Kodin Zgjedhor për votën e diasporës te interpelanca me ministrin Hoxha, çfarë pritet të ndodhë sot në Kuvend appeared first on Albeu.com.

“Edi Rama s’mund të grabisë kurrë këto zgjedhje, jemi përgatitur për fushatë elektorale të ndershme, të drejtë, të qartë dhe të konkurrojmë me alternative, por nëse ai shpalos shtetin elektoral dhe ne shpalosim të gjithë zemërimin e qytetarëve kundër shtetit elektoral”, deklaroi kryedemokrati.

Ai shtoi se kryebashkiakët në të gjithë vendin, kanë braktisur detyrat dhe se po rrinë nëpër botë për fushatë elektorale.

Por, theksoi Berisha, “përgëzoj emigracionin që po i refuzon, as sa nuk janë në gjendje të filmojnë takimet e tyre sepse janë të dështuara të gjitha, kryetarët e bashkive nga Saranda gjer në Kukës janë shpërndarë si terroristë elektoralë”.

Sali Berisha: Përdorimi i shtetit elektoral për dhunim e votës është thirrje e brendshme për demokratët, mosbindje civile.

Edi Rama s’mund të grabisë kurrë këto zgjedhje, jemi përgatitur për fushatë elektorale të ndershme, të drejtë, të qartë dhe të konkurrojmë me alternative, por nëse ai shpalos shtetin elektoral dhe ne shpalosim të gjithë zemërimin e qytetarëve kundër shtetit elektoral.

Lubi loti është monstër e shtetit elektoral. Peshkopinë e drejtonte me Ymer Lalë, nga resorti i tij, që ia asfaltonte rrugën deri tek dera e resortit.

Tani në Fier përdor metodat e një terrorizmi të vërtetë elektoral. Të njëjtët gjë bëjnë kudo, kryetarët e bashkive kanë braktisur detyrat.

Rrinë nëpër botë nëpër fushatë elektorale, përgëzoj emigracionin që po i refuzon, as sa nuk janë në gjendje të filmojnë takimet e tyre sepse janë të dështuar atë gjitha, kryetarët e bashkive nga Saranda gjer në Kukës janë shpërndarë si terroristë elektoralë.

Edi Rama po përdor trafikantë e oligarkë, ai i paguan takimit në Milano, këtu i jep leje ndërtimi.

The post “Diaspora”/ Berisha thirrje për mosbindje civile: Krerët e Bashkive kanë braktisur detyrat, rrinë nëpër botë nëpër fushatë elektorale, por emigracioni i ka refuzuar appeared first on Albeu.com.

Kreu i Komisionit Qendror të Zgjedhjeve, Ilirjan Celibashi, ka sqaruar detaje në lidhje me aplikimin në Platformën Elektronike të Regjistrimit (PER).

Sipas të dhënave të publikuara nga KQZ, deri në këto momente numri i aplikimeve për regjistrim ka qenë 405 aplikime.

The post Regjistrimi i diasporës për 11 majin/ Celibashi shpjegon procedurën, sa emigrantë janë regjistruar deri më tani appeared first on Albeu.com.