Vora ka njoftuar se gjatë ditës së sotme do të udhëtojë drejt Bansko të Bullgarisë, ku do të vijojë fazën përgatitore për sezonin e ri në “Abissnet Superiore” dhe do të zhvillojë edhe disa ndeshje miqësore.

Klubi vorak ka ndjekur të njëjtën rrugë si dy skuadra të tjera të Superiores, Egnatia dhe Teuta, duke përzgjedhur pikërisht këtë destinacion për të vëzhguar më nga afër futbollistët që janë aktualisht pjesë e organikës, por edhe afrimet e bëra në këtë sesion merkatoje.

Tashmë pritet të mësohet se cilat do të jenë kundërshtaret e Vorës në këtë etapë përgatitore, si edhe mënyra se si trajneri Arjan Bellai do t’i integrojë prurjet e reja në skemën e skuadrës.

The post Vora zhvendoset në Bullgari për përgatitjet verore, në plan miqësore dhe vlerësimi i grupit para nisjes së sezonit të ri appeared first on Albeu.com.

Laçi doli fitues në miqësoren e zhvilluar sot ndaj Vorës, duke e mbyllur takimin me rezultatin 4-1 në stadiumin “Laçi”.

Ekipi kurbinas realizoi nga dy gola në secilën pjesë, rezultat që vulosi suksesin e skuadrës së drejtuar nga Qatip Osmani.

Pasi ishte mundur 0-1 nga Besa në ndeshjen e parë, trajneri Qatip Osmani reagoi në sfidën e dytë duke ardhur me katër gola të shënuar.

Ndërkohë, Laçi do të mësojë shortin e sezonit të ri në Superiore të hënën e 13 korrikut.

The post Laçi triumfon 4-1 ndaj Vorës, Qatip Osmani përgjigjet me “poker” pas humbjes ndaj Besës appeared first on Albeu.com.

Okseold Sefa është zyrtarisht afrimi më i fundit i Trepçës së Mitrovicës. Mesfushori 24-vjeçar ka vendosur të lërë pas eksperiencën me Vorën në Superiore, duke nisur një aventurë të re në Ligën e Parë të Kosovës.

Për Sefën, kjo shënon herën e parë që aktivizohet jashtë Shqipërisë. Futbollisti është formuar te Tirana, ndërsa më pas ka qenë pjesë edhe e Kukësit dhe Vorës.

Në njoftimin e bërë publik, klubi kosovar konfirmoi marrëveshjen me lojtarin.

Okseold Sefa bashkohet me KF Trepçën KF Trepça ka kënaqësinë të ju njoftojë për arritjen e marrëveshjes me mesfushorin defensiv Okseold Sefa.

24-vjeçari nga Shkodra i bashkohet skuadrës sonë pas eksperiencave me KF Vora dhe KF Kukësi, ndërsa hapat e parë në futboll i ka zhvilluar në akademinë e KF Tirana.

Me energjinë dhe cilësitë e tij në mesfushë, Sefa vjen për t’i dhënë forcë dhe stabilitet skuadrës sonë në sezonin e ri. Mirë se erdhe në familjen Gjelbërt dhe Zi, Okseold!

The post Okseold Sefa largohet nga Vora, ish-mesfushori i Tiranës firmos me Trepçën e Mitrovicës appeared first on Albeu.com.

Vora ka bërë publik afrimin më të fundit në këtë merkato të nxehtë vere, duke zyrtarizuar sulmuesin brazilian Pedro Clemente.

Në njoftimin e shpërndarë pak minuta më parë, klubi vorak bën me dije se futbollisti 23-vjeçar do t’i bashkohet menjëherë ekipit për të nisur përgatitjet për sezonin e ri në Superiore.

Clemente mbërrin me një profil interesant, teksa është formuar në akademinë e Gremios, klubit prestigjioz brazilian. Me këtë përvojë, ai shihet si lojtari i duhur për t’i dhënë më shumë freski repartit ofensiv të skuadrës së drejtuar nga trajneri Arjan Bellai.

Sulmuesi brazilian ka qenë pjesë e Torreenses, ndërsa gjatë karrierës së tij është aktivizuar edhe në formë huazimi te skuadra të tjera si Dezembro dhe Varzim.

The post Vora zyrtarizon Pedro Clemente, 23-vjeçari i dalë nga Gremio i bashkohet skuadrës në Superiore appeared first on Albeu.com.

Mbrëmjen e sotme, Elbasani nis aventurën në turin kualifikues të Conference League, teksa do të luajë ndeshjen e parë ndaj BATE Borisov.

Në dispozicion të trajnerit Ivan Gvozdenovic për këtë sfidë do të jenë jo vetëm shumë prej futbollistëve të skuadrës, por edhe Bernard Karrica dhe Marjo Bajramaj. Të dy lojtarët janë afruar nga Vora në huazim, vetëm për këto përballje europiane, dhe mund të marrin minuta në këtë takim.

Në prag të kësaj ndeshjeje të rëndësishme për nënkampionët, klubi i Superiores ka shpërndarë një mesazh mbështetës për futbollistët.

“Suksese djemve tanë në sfidën ndaj BATE Borisov në kualifikueset e UEFA Conference League! Ju urojmë një paraqitje sa më të mirë dhe shumë fat. Na bëni krenarë”, shkruan Vora.

The post Vora motivon Karricën dhe Bajramajn para duel-it të Elbasanit me BATE Borisov në Conference League appeared first on Albeu.com.

Vora ka bërë afrimin më të fundit në Superiore, duke zyrtarizuar mbrojtësin Renato Halili. Futbollisti 18-vjeçar vjen nga Italia dhe është aktivizuar me Shqipërinë U-19.

Halili ka pasur eksperiencën e tij të fundit profesionale te FC Sudtirol, në ekipin Primavera të Italisë. Me këtë lëvizje, trajneri Arjan Bellaji fiton më shumë alternativa për repartin mbrojtës.

Në prezantimin e lojtarit, klubi i Vorës shkroi: “Klubi ynë ka kënaqësinë të njoftojë se Renato Halili është zyrtarisht pjesë e skuadrës sonë.

Mbrojtësi qendror 18-vjeçar vjen pas një eksperience të rëndësishme në Itali, ku është zhvilluar te Sudtirol, duke kaluar nëpër ekipet zinxhir dhe aktualisht ishte pjesë e Sudtirol Primavera. Me gjatësi 185 cm dhe profil modern në mbrojtje, Halili spikat për sigurinë në duele, leximin e lojës dhe ndërtimin nga prapa.

Renato është aktualisht pjesë e Kombëtares së Shqipërisë U-19, ndërsa më parë ka qenë pjesë edhe e U-16 dhe U-17, një rrugëtim që tregon potencialin dhe vazhdimësinë e tij.

Me talentin dhe potencialin e tij, pritet që Renato Halili të rritet vazhdimisht dhe të zhvillojë më tej cilësitë e tij, duke u bërë një vlerë e shtuar për ekipin në vazhdim”, ka shkruar klubi i Vorës në përshkrimin për lojtarin Halili.

The post Vora zyrtarizon Renato Halilin, 18-vjeçari kuqezi mbërrin nga Italia appeared first on Albeu.com.

Vora ka bërë zyrtare afrimin e Dimitar Trajkov, duke shtuar në organikë një qendërsulmues që vjen nga Maqedonia e Veriut. Megjithëse vetëm 21 vjeç, futbollisti po tregon se zotëron cilësi të spikatura.

Eksperienca e tij më e fundit lidhet me Polissya në Premier League të Ukrainës. Sipas “Transfermarkt”, vlera e sulmuesit ballkanas është 350 mijë euro, ndërsa me këtë lëvizje trajneri Arjan Bellaj fiton më shumë alternativa në repartin ofensiv.

Në njoftimin e publikuar nga klubi i Vorës thuhet: “Klubi ynë ka kënaqësinë të njoftojë se Dimitar Trajkov është zyrtarisht pjesë e skuadrës sonë. Sulmuesi qendror 21-vjeçar nga Maqedonia e Veriut vjen pas një eksperience të rëndësishme në futbollin maqedonas, ukrainas dhe kroat.

Gjatë karrierës së tij ai ka qenë pjesë e klubeve si AP Brera, Polissya Zhytomyr, NK Dugopolje dhe Rabotnički, duke fituar përvojë në nivele të ndryshme të futbollit profesionist.

Trajkov ka përfaqësuar gjithashtu kombëtaren e Maqedonisë së Veriut në grupmoshat U-18, U-19 dhe U-21, duke konfirmuar potencialin dhe cilësitë e tij si një nga talentet premtues të brezit të tij.

Me eksperiencën dhe cilësitë e tij, Trajkov pritet të jetë një vlerë e shtuar për repartin ofensiv të skuadrës dhe të kontribuojë në arritjen e objektivave të klubit gjatë sezonit të ri. Mirë se erdhe, Dimitar”, ka shkruar klubi i Vorës.

The post ZYRTARE/ Vora prezanton Dimitar Trajkovin, qendërsulmuesi 350 mijë euro vjen pas aventurës në Premier League appeared first on Albeu.com.

Vora ka zyrtarizuar afrimin e radhës, teksa pjesë e skuadrës është bërë Milan Kovaçi. Mbrojtësi 19-vjeçar ka zgjedhur të mbyllë qëndrimin te Peterbourough në Angli për të nisur një eksperiencë të re në “Abissnet Superiore”.

Për talentin e lindur në Londër dhe të formuar në akademinë e Peterbourough, kjo do të jetë hera e parë që luan jashtë Anglisë. Më herët, ai ka qenë gjithashtu pjesë e Kombëtares shqiptare U15, U16 dhe U17.

“Milan Kovaci i bashkohet klubit tonë. Klubi ynë ka kënaqësinë të njoftojë se Milan Kovaci është zyrtarisht pjesë e skuadrës sonë. Me talentin dhe dëshirën për t’u zhvilluar, besojmë se Milani do të ketë një të ardhme premtuese me ekipin tonë”, shkruan klubi vorak ndër të tjera.

The post Vora afron Milan Kovaçin, 19-vjeçarin që vjen nga Anglia dhe ka luajtur me Shqipërinë appeared first on Albeu.com.

Leandro Frroku është zyrtarisht afrimi më i fundit i Vorës. Mesfushori 22-vjeçar i dha fund eksperiencës së tij te Ateras Aktor B në Greqi dhe ka zgjedhur të kalojë në Superiore si lojtar i lirë.

Klubi vorak thekson mes të tjerash: “Frroku ka qenë gjithashtu pjesë e përfaqësueseve të moshave të Shqipërisë, duke përfaqësuar fanellën kuqezi nga U-16 deri te U-21, rrugëtim që pasqyron cilësinë, vazhdimësinë dhe potencialin e tij”.

22-vjeçari e ka filluar rrugëtimin e tij në futboll te Panathinaikos, aty ku edhe është formuar si lojtar. Ai u nda me klubin e kryeqytetit grek në janar të vitit 2025, ndërsa tashmë nis një eksperiencë të re në Shqipëri.

The post Vora afron Leandro Frrokun, mesfushori i kombëtareve të moshave firmos në Superiore appeared first on Albeu.com.

Merkatoja e verës po hyn në momentin e saj më intensiv dhe klubet e Superiores kanë shtuar ritmin e lëvizjeve. Sipas burimeve për mediat, Vora ka shfaqur interes të fortë për mesfushorin Martin Gjorgievski.

21-vjeçari konsiderohet një prej talenteve më premtuese në Maqedoninë e Veriut, me pritshmëri për të spikatur edhe përtej vendit të tij. Aktualisht, ai është pjesë e Maqedonia e Veriut U21.

Për momentin, Gjorgievski aktivizohet te Zbrojovka Bruno në Çeki dhe ka kontratë deri në verën e vitit 2029. Mesfushori ka dëshmuar se është një lojtar i gjithanshëm, i aftë të luajë si “shkatërrues”, në qendër të mesfushës, por edhe në rolin e numrit “10”.

Nëse Vora arrin të bindë Zbrojovka Brno dhe vetë lojtarin, atëherë kjo lëvizje do të ishte një goditje “big” dhe një “armë” sekrete për trajnerin Arjan Bellaj te vorakët.

The post Vora synon goditjen e madhe në merkato, Martin Gjorgievski mund të vijë në Shqipëri appeared first on Albeu.com.