Me të mbërritur në takim, Vuçiq i tha asaj se “sapo kishte marrë një mesazh nga Moska”, të cilit ajo iu përgjigj: “Në rregull, le të presim dhe të shohim”.

Regjistrimi u publikua nga gazetarja e Euronesa, Maria Tadeo, transmeton Telegrafi.

Shkëmbimi i shkurtër, por domethënës, tërhoqi shpejt vëmendjen e gazetarëve evropianë, veçanërisht duke pasur parasysh momentin e ndjeshëm në marrëdhëniet midis Bashkimit Evropian dhe Rusisë.

Brukseli e ka kritikuar vazhdimisht Serbinë për mospërputhje me politikën e jashtme të BE-së, veçanërisht ndaj Moskës.

Ende nuk dihet se për çfarë referohej konkretisht mesazhi i Vuçiqit, dhe asnjëra palë nuk ka komentuar zyrtarisht ende për incidentin.

The mic is always hot. Serbia’s president Vucic last night «I got a message from Moscow now…» von der Leyen aware of cameras «Let’s…let’s wait till we are…» pic.twitter.com/YoDuGOF44R

— Maria Tadeo (@mariatad) December 11, 2025

The post Vuçiq shihet duke i thënë Von der Leyen: Sapo mora një mesazh nga Moska appeared first on Albeu.com.

“Vendi duhet të përmbushë reformat e BE-së, veçanërisht për të ndërmarrë hapa vendimtarë drejt lirisë së medias, luftës kundër korrupsionit dhe reformës zgjedhore”, shkruan ajo.

Together with @eucopresident, we had an important meeting with President @avucic.

The country needs to deliver on EU reforms, in particular to take decisive steps towards media freedom, the fight against corruption and the electoral reform.

Serbia’s future lies in the EU.

— Ursula von der Leyen (@vonderleyen) March 25, 2025

Komisioni Evropian ka identifikuar sot një listë me 47 projekte strategjike për sigurinë e lëndëve të para kritike në Bashkimin Evropian, duke përfshirë një numër të konsiderueshëm iniciativash të litiumit, të cilat duhet të forcojnë zinxhirin evropian të vlerës së lëndëve të para dhe të diversifikojnë burimet e furnizimit.

The post Von der Layen takon presidentin Vuçiç në Bruksel: Vendi duhet të ndërmarrë hapa vendimtare drejt lirisë së medias appeared first on Albeu.com.

”Janë dy kushte kryesore: përafrimi me vlerat evropiane dhe respektimi i shtetit të së drejtës. Integrimi ekonomik dhe kjo është ajo që parashikonte procesi i Berlinit”, shtoi ajo.

”Ju përgëzoj për rolin ndërmjetësues që ende luan Gjermania”, tha Von der Leyen duke iu drejtuar kancelarit Scholz.

“Ne kemi nevojë për një urë midis tregut rajonal të Ballkanit Perëndimor dhe tregut unik. Dhe kjo urë është Plani i Rritjes që ne po çojmë përpara”, shpjegoi Von der Leyen duke nënvizuar se “procesi i Berlinit është një histori suksesi”.

“Është shumë e rëndësishme që të ketë vullnet politik për të punuar së bashku. Është një proces që ka të bëjë me çdo vend individual dhe bazohet në merita, por padyshim sa më shumë kandidatë të ketë në procesin e pranimit, aq më mirë do të jetë”, tha ajo.

”Plani i Rritjes, i miratuar nga BE-ja për Ballkanin Perëndimor hap derën për sektorë specifikë të tregut të vetëm. Prandaj, për të përdorur këtë minimum hapjeje, vendet e Ballkanit Perëndimor duhet të miratojnë reformat përkatëse për të pasur një fushë loje të barabartë”, shtoi Von der Leyen.

Von der Leyen njoftoi se, këtë javë, BE do të miratojë “pesë ose gjashtë axhenda reformash” të planifikuara nga vendet e Ballkanit dhe, për rrjedhojë, gjashtë miliardë të parashikuara nga Plani i Rritjes do të fillojnë të disbursohen “deri në fund të vitit”.

The post Von der Leyen: Zgjerimi është në krye të agjendës së BE-së appeared first on Albeu.com.

Në këtë takim morën pjesë kryeministrat e Kosovës, Shqipërisë, Maqedonisë së Veriut, Malit të Zi dhe Bosnje e Hercegovinës, ndërsa Serbia u përfaqësua me presidentin e saj.
Në një shkrim në X pas takimit, Von der Leyen tha se gjashtë vendet e Ballkanit Perëndimor e kanë vendin në Bashkim Evropian.

“Sot i prita liderët e gjashtë partnerëve nga Ballkani Perëndimor. Që të gjitha gjashtë vendet e kanë vendin në Evropë. Pikërisht për këtë jemi duke punuar.

Njëkohësisht, ne jemi duke i sjell ekonomitë dhe tregjet e tyre më afër tonave me Planin tonë të Rritjes prej 6 miliardë eurosh për rajonin”, shkroi ajo.

Sipas burimeve në Komisionin Evropian, takimi i Von der Leyen me liderët e Ballkanit ishte informues lidhur me qëllimet dhe misionin që do të ketë KE-ja në pesë vjetët e ardhshëm, sa do të zgjasë mandati i saj i dytë në krye të këtij institucioni.

Von der Leyen ka caktuar kandidaten nga Sllovenia, Marta Kos, si komisionare për Zgjerim, që do të thotë se ajo do të merret edhe me raportet me rajonin e Ballkanit Perëndimor.

Von der Leyen me këtë takim po ashtu dëshmoi se edhe në mandatin e ri do t’i kushtojë kujdes të veçantë këtij rajoni dhe në përgjithësi procesit të zgjerimit të BE-së.

Në takim u diskutua edhe për “agjendën e reformave dhe rritjes”, të cilat tashmë i kanë dorëzuar në Komisionin Evropian të gjitha vendet e rajonit të Ballkanit, si parakusht për të pranuar pagesat e para nga Plani i Rritjes për Ballkanin Perëndimor. Bosnja e Hercegovina ka qenë e fundit që ka dorëzuar një dokument të tillë.

Von der Leyen personalisht ishte angazhuar për të promovuar këtë plan, ndërsa atë e ka mbështetur edhe Parlamenti Evropian edhe vendet anëtare në Këshillin e BE-së.

Ky plan, që është një paketë prej 6 miliardë eurosh, konsiderohet si plani më ambicioz financiar i BE-së për vendet e rajonit dhe ka për qëllim t’iu ndihmojë atyre të përshpejtojnë rritjen ekonomike, procesin e reformave dhe në këtë mënyrë të jenë më të gatshme për procesin e integrimit në BE.

Sipas një përllogaritje jozyrtare, Kosova do të mund të përfitojë mbi 880 milionë euro nga ky Plan i Rritjes.

Për Kosovën dhe për Serbinë, përveç kritereve të përgjithshme që kanë të bëjnë me sundimin e ligjit, kusht për të përfituar nga ky Plan i Rritjes është edhe angazhimi konstruktiv në procesin e normalizimit të raporteve mes tyre, që përfshin edhe zbatimin e të gjitha obligimeve nga procesi i dialogut të lehtësuar nga BE-ja.

Kryeministri i Kosovës Albin Kurti gjatë qëndrimit në Bruksel, përveç drekës së punës të organizuar nga presidentja e Komisionit Evropian, do të ketë edhe një diskutim në Qendrën e Politikave Evropiane (EPC)./REL

The post Von der Leyen takon liderët e Ballkanit Perëndimor: Të gjashtë vendet i përkasin Evropës appeared first on Albeu.com.

Ndërsa ka shtuar se do të ketë dhe një mbështetje tjetër prej 500 mln euro grante por kjo mbas janarit të vitit 2023 për Ballkanin Perëndimor.

Von der Layen: Është kënaqësi. Kanë ndodhur shumë gjera deri tek vizita ime e fundit. Unë jam shumë e kënaqur që ju keni nisur negociatat me Be. Ky është një rezultat i arritur nga ju dhe populli shqiptar, gjithashtu ju keni mbajtur një qëndrim shumë të mirë për hapjen e këtyre negociatave. Shembullore është të shohim sesi Shqipëria ka mbrojtur rregullat e OKB. Shqipëria po ec përpara, raporti i fundit i zgjerimit ka treguar se çfarë përparimi po bën Shqipëria. Ju keni fituar një proces partiak dhe kjo është mënyra më e duhur. Ju keni marrë masa për gjithë përfshirjen e të gjithëve në këtë luftë ekonomike. Rusia po shkel çdo kartë të OKLB , ne ndjejmë se ajo o manipulon tregjet dhe kjo ka ndikuar në të gjithë ekonominë gjithëpërfshirëse të vendeve.

Ne jemi pjesë e një unioni dhe ne po bëjmë një paketë energjetike. 80 milion euro grante mbështetje për Shqipërinë. Pjesa e dyte do të vijë pas janarit 500 milion euro grante në infrastrukturën e energjisë që do të përfshijë të gjithë Ballkanin Perëndimor.

Ne duhet të investojmë në energjinë e rinovueshme. Impianti lundrues diellor tek Vau i Dejës, hidrocentralit të Fierzës, si dhe rinovime tek Qyteti studenti.  Shqipëria duhet të jetë krenare për arritjet e saj. Jeni në rrugën drejt OKB dhe ju uroj urime dhe për mbledhjen e OKB më datën 6 nëntor./albeu.com

The post Von der Layen: Do japim 80 mln euro grante mbështetje për Shqipërinë appeared first on Albeu.com.

Bashkimi Evropian shpalosi sot (e mërkurë) planet që vendet anëtare të bllokut të shkurtojnë konsumin e gazit me 15 për qind deri në mars të vitit të ardhshëm. BE-ja paralajmëroi se pa këto shkurtime të thella që duhen kryer tani, vendet mund të përballen me mungesa gjatë dimrit, nëse Rusia ndërpret furnizimin.

“Rusia po na shantazhon, duke përdorur energjinë si armë. Në çdo rast, qoftë për një ndërprerje të pjesshme, të madhe, apo ndërprerje totale të gazit rus, Evropa duhet të jetë gati”, tha Presidentja e Komisionit Evropian, Ursula von der Leyen në një konferencë për shtyp.

Komentet e saj vijnë ndërsa Evropa po mundohet të sigurojë rezerva të mjaftueshme të gazit para futjes në sezonin e dimrit dhe të krijojë një mburojë në rast se Moska kufizon më tej furnizimet e saj si hakmarrje për mbështetjen që Brukseli i ka dhënë Ukrainës.

Një pjesë e vendeve anëtare të Bashkimit Evropian tashmë po përballen me furnizime të reduktuara ruse, ndërsa zyrtarët e BE-së paralajmërojnë se ka të ngjarë të ndodhë një ndalim i plotë i furnizimit me gaz nga Rusia.

Komisioni Evropian propozoi sot një objektiv për të gjitha vendet anëtare të BE-së, për uljen e përdorimit të gazit me 15 për qind nga gushti në mars, krahasuar me konsumin mesatar të këtyre vendeve në të njëjtën periudhë, nga viti 2016 e deri më 2021.

Propozimi i mundëson Brukselit ta bëjë këtë objektiv të detyrueshëm, në rast të ndonjë urgjence, nëse BE-ja deklaron rrezikun e konsiderueshëm për mungesë të madhe të gazit.

Rregullorja duhet të miratohet nga një shumicë e cilësuar e vendeve anëtare, të cilat së bashku duhet të përfaqësojë 65 për qind të popullsisë së Bashkimit Evropian.

Diplomatët e vendeve të BE-së pritet të diskutojnë mbi këtë çështje të premten, ndërsa miratimi i rregullores pritet të bëhet në një takim urgjent të ministrative të energjisë më 26 korrik.

Para se ta sulmonte Ukrainën, Moska siguronte 40 për qind të nevojave të BE-së për gaz. Por pas fillimit të luftës, sasia e gazit rus që transportohet në Evropë kanë rënë nën 30 për qind të mesatares së viteve 2016-2021.

The post Von der Leyen: Rusia po na shantazhon, po përdor energjinë si armë, Evropa duhet të jetë gati appeared first on Albeu.com.