Përmes një postimi në rrjetet sociale, Ademi njofton se ka humbur nënën e bashkëshortit të saj.

“Nana e shpisë tonë, Domenika Mjeda largohet fizikisht nga jeta.

Domja, nana jonë ishte një grua që me jetën e punën e saj më ka frymëzuar e mbështetur pa limit.  Ishte gruaja me karakterin e fortë dhe që me vetmohimin e saj sfidoi vështirësitë e jetës në çdo ditë.

Ajo na dhuroi dashni e përkujdes pa dallim e me zemrën plot, të gjithëve ne, familjes së saj, nipërve e mbesave.

Nana jonë punoi gjithë jetën shumë. Gëzimi i saj ishte mirëqenia e lumtunia e familjes së saj.

Unë isha për të vajza e ajo Nana që e deshta shume!

Pushofsh në paqe nanë!”, shkruan Voltana Ademi./albeu.com/

The post Voltana Ademi në zi, njofton humbjen e njeriut të afërt (FOTO LAJM) appeared first on Albeu.com.

Krah Berishës, përveç Belind Këlliçit dhe Arben Imamit, është dhe Voltana Ademi. Ajo është fokusuar nga kamerat dhe gjatë gjithë kohës shfaqe e buzëqeshur dhe duartroket.

Kujtojmë se Ademi nuk pranoi të merrte pjesë si kandidate në primaret e organizuara nga mbështetësit e Berishës për të nxjerrë kandidatin e tyre për 6 mars.

Gjatë fjalës së tij, Spahia tha se dera e bashkisë do të jetë e hapur për çdo qytetar të Shkodrës, praktikë që e ka aplikuar edhe gjatë profesionit të tij si mjek.

Spahia tha se askush nuk do t’i ndalë demokratët në rrugën kundër të keqës që sipas tij ka përfshirë vendin.

“Sot dua të garantoj të gjithë demokratët se askush nuk na dal dot në rrugën tonë për të patur një parti fituese që nuk bën pazare me sakrificat e demoratëve. Askush nuk na përçan dot në rrugën drejt triumfit ndaj të keqës që ka përfshirë vendin. Bashkë, ne do të jetojmë për një qytet ku do të jetohet më mirë”, tha ai.

E pranishme në takim është edhe Voltana Ademi, e cila nuk pranoi të merrte pjesë si kandidate në primaret e organizuara nga mbështetësit e Berishës për të nxjerrë kandidatin e tyre në zgjedhjet e 6 marsit. Të pranishëm, krahas Ademit dhe Berishës janë edhe Belind Këlliçi dhe Arben Imami.

Gjatë fjalës së tij, Belind Këlliçi tha se demokracia ka lindur në Shkodër para se të lindte Partia Demokratike.

“Këto zgjedhje nuk janë vetë lokale, por kanë rëndësi shumë të madhe politike, janë zgjedhje të një rëndësie të veçantë. Nuk luhet fati vetëm i pushtetit lokal, se në bashkinë Shkodër do ta fitojmë, por këtu po luhet fati i pluralzimit. Në zgjedhjet  6 marsit është shumë e rëndësishme që çdo votë opozitare të shkojë për një qytetar, për një intelektual, i cili mëshiron më së miri vlerat e këtij qyteti, për Bardh Spahinë. Nga Shkodra, në datën 6 mars çdo qhtetar do të marrë një mesazh të fortë që PD është më e fortë se kurrë, më e bashkuar se kurrë dhe po shkon aty ku e ka destinacionin në krye të puëve të vendit, për të bërë vepra të mira për Shqipërinë dhe shqiptarët”, tha ai./albeu.com

The post Voltana Ademi krah Berishës në prezantimin e Bardh Spahisë për Shkodrën, shfaqet e qeshur appeared first on Albeu.com.

Berisha ka mohuar të ketë ndërhyrë që Voltana Ademi të tërhiqej nga garimi për zgjedhjet e 6 marsit për Bashkinë e Shkodrës.

Ai u shpreh se e kishte mbështetur vendimin e saj, por nuk kishte ndërhyrë as tek ajo, e as tek të tjerë.

“Nuk ka pasur asnjë marrëveshje. Nëse do kandidonte dhe fitonte, do të kishte mbështetjen time. Kam vlerësuar qëndrimet e saj kurajoze. S’i kam kërkuar askujt që të mos kandidojë. Asnjë lloj ndërhyrjeje nuk ka pasur nga Sali Berisha”, u shpreh Berisha ndër të tjera në Syri Tv.

Në primaret për Shkodrën të organizuara nga Komisioni i Rithemelimit fitoi ish-deputeti Bardh Spahia me një diferencë të thellë me ndjekësit e tij./albeu.com/

The post “Zbërthehet” Berisha: E vërteta e tërheqjes së Voltana Ademit nga Shkodra appeared first on Albeu.com.

Ademi ditën e sotme ka votuar në primaret e grupit “Berisha” dhe ka theksuar se do i rikthehet profesionit.

Ajo shtoi se Basha është në krizë dhe ka bërë apel që të mbështeten kandidatët e Berishës.

“Ky është procesi demokratik që për herë të parë grupi i Rithemelimit të PD në Shkodër bën për të zgjedhur nga anëtarësia të zgjedhurin e tyre që do të jetë nesër kandidat për zgjedhjet e 6 marsit. Është procesi i parë që ndodh. Për mua është shumë vonë. PD do duhet ta kishte bërë shumë kohë përpara. Përzgjedhja është proces meritokracie. PD ka pasur shumë nevojë. Ne bëjmë të mundur që grupi i njerëzve do të jenë të vlerësuarit që do të kenë tagrin dhe përgjegjësinë për t’u votuar nga qytetarët e Shkodrës. Kjo e ndihmon që PD të fillojë përmes një sistemi meritokracie përzgjedhjen për drejtimin.

Ky proces nuk ndihmon vetëm PD dhe opozitën por është një ushtrim demokracie në vend. Fakti që bëhet edhe në Shkodër i jep vlerë sistemit të demokracisë që duam të ndërtojmë në vend. Ky është një ogur i mirë për të ardhmen e Shqipërisë. Ka ardhur fundit dhe gjithmonë kjo mënyrë do kthehet sa herë që drejtuesit nuk e sigurojnë. Unë kam qenë e qartë dhe jam përpjekur të jem e qartë duke e qenë e bindur se përfaqësimi i njerëzve që duan të drejtojnë Shkodrën do jenë një grup. Jam ndër ato që e kam mbështetur lëvizjen e Berishës duke bërë të mundur që ky grup të votohet duke bërë të mundur që të kemi një pjesëmarrje sa më të mirë.

Edhe një thirrje për të votuar edhe për datën 6 mars. Bëhet fjalë për një leksion demokracie që duhet ta japim në bashkitë e të gjithë vendin. Mendoj se do fillojmë nga 6 bashkitë për të arritur në 61 që sistemin e monoplozimit ta zhbëjmë. Ne do fitojmë bashkinë e Shkodrës dhe të shohim angazhimin e anëtarëve të PD. Në krizë sot është Lulzim Basha. Nuk e di kush është Lulzim Basha. Procesi politik që bëjmë sot është pjesë e demokratizimit për të shporrur monopolizimin e shtetit nga Lulzim Basha te Edi Rama. Fillojmë të gjithë kemi imazh më të mirë si vend.

Pas këtij mandati do jem në Shkodër në funksion të profesionit tim dhe angazhimit tim politik që do të jetë si përpara. Nuk do vendosë Sali Berisha kush është kryetar i bashkisë së Shkodrës. Ai ka bërë të mundur t’i japë fuqi secilit prej nesh përmes votës. Jam e lumtur që ia kemi arritur kësaj dite dhe që sistemi primar bëhet pikërisht nga forca politike dhe jo nga kryesia me 5 veta. Kjo është fuqia që na ka dhënë statuti i ri. Sot votoni për atë që ju mendoni se do të jetë përfaqësuesi juaj”, u shpreh Voltana Ademi./albeu.com/

The post U tërhoq nga kandidimi, Voltana Ademi voton sot në Shkodër: Basha në krizë appeared first on Albeu.com.

Ademi është shprehur se ka zgjedhur vetë të mos marrë pjesë në “primaret”.

“Unë jam kryetarja në detyrë e Bashkisë së Shkodrës. Për shkak të këtij pozicioni, të pozicioneve të mëparshme publike që më janë besuar por edhe për shkak të angazhimit tim dhjetëravjeçar në Partinë Demokratike, kam vendosur të mos marr pjesë në “primaret” që do të zhvillohen me 30 janar 2022 për përcaktimin e kandidatit për kryetar bashkie në Shkodër”, thotë ndër të tjera Ademi.

Postimi i Voltana Ademit:

Të dashur bashkëqytetarë,

Të nderuar demokratë,

Bashkëpunëtorë dhe miq të mi,

Prej 7 vitesh vazhdojmë së bashku një rrugëtim, i cili në shumë etapa nuk ka qenë i lehtë. Kur mora përsipër në vitin 2015 kandidimin si kryetare e Bashkisë së Shkodrës, e dija se nuk do të ishte një sfidë e lehtë. Ndarja e re territoriale rriti ndjeshëm numrin e banorëve, sipërfaqen e administrimit por bashkë me to, edhe përgjegjësinë për të bërë më të mirën e mundshme për Shkodrën tonë.

E dija se mbështetja jo vetëm e demokratëve por të gjithë shkodranëve vullnetmirë, nuk do të më mungonte. Në fakt, e kam ndjerë këtë mbështetje në çdo sekondë të punës sime. Kur ngarkesa e punës, problematikat e përditshme shtoheshin dhe kërkonin zgjidhje të shpejtë, shumë herë kam dalë nga zyra dhe jam takuar me njerëzit. Dëshira më është shtuar për të vijuar përpara, për të kapërcyer vështirësi e pengesa, bashkë me njerëzit dhe për njerëzit.

Në këto 7 vite, jam përpjekur të jap maksimumin tim, më të mirën time. Parime të punës sime në administrimin e shtëpisë sonë të përbashkët- Shkodrën, kanë qenë ndershmëria, përkushtimi dhe transparenca. Besoj se pavarësisht vështirësive që na kanë shoqëruar thuajse çdo ditë të punës sonë, edhe unë, edhe ne, të gjithë bashkë, kemi vendosur një tjetër “gur” të rëndësishëm në ecjen tonë përpara, me synim përmirësimin e jetës sonë.

Sot, Shkodra por edhe Shqipëria, janë në një moment kur diskutohen parimet më elementare të funksionimit të një demokracie. Çdo gjë, çdo hallkë e shoqërisë po monopolizohet ose është monopolizuar tashmë nga regjimi në fuqi. Secili prej nesh, edhe nëse nuk e thotë me zë të lartë, e mendon këtë fakt. Po vihet në dyshim edhe ekzistenca e një opozite të vertetë, e domosdoshme për të ruajtuar balancat e funksionimit normal të një shteti, i cili aspiron të jetë pjesë e kombeve të Bashkimit Europian.

Situata është alarmante. Por si për çdo gjë, siç edhe na kanë mësuar këto 7 vite të rrugëtimit tonë të përbashkët, ka një alternativë, ka një zgjidhje. Bashkimi, kundërvënia ndaj të keqes dhe fenomeneve negative që e shoqërojnë atë, duke u bazuar mbi vlerat tona, mbi të ato që na bashkojnë dhe jo tek ato gjëra të pakta, të vockla që për momentin, duket se mund të na ndajnë. Sigurisht, kjo pikë së pari kërkon që të gjithë ne, përpara interesit personal të momentit, dëshirës për të menduar si individ, duhet të mendojmë për Shkodrën, shtëpinë tonë të madhe të bukur. Këtë ia kemi detyrim kujtimit të të parëve tanë, neve por sidomos fëmijëve tanë. Përgjegjësia jonë është të mos mendojmë e punojmë për sot por për të nesërmen, që të jetë më e mirë se e sotmja.

Mbi këto baza e kam ndërtuar aktivitetin tim publik, në të gjitha pozicionet që më janë besuar, jo vetëm në politikë dhe administrimin vendor por edhe në mësimdhënie apo si profesioniste e lirë. Është e vështirë, ka mjaft pengesa por nuk ka rrugë tjetër veçse të ecësh përpara, drejt, duke u mbështetur përveç parimeve, edhe tek njerëzit vullnetmirë të cilët fatmirësisht nuk i kanë munguar e nuk do të mungojnë asnjëherë Shkodrës e Shqipërisë.

Siç jeni të gjithë në dijeni, Presidenti i Republikës ka dekretuar zgjedhje të pjesshme vendore për Bashkinë e Shkodrës. Këto zgjedhje, duhej të ishin bërë në vitin 2019, atëherë kur e përcaktonte Kushtetuta e ligji. Për arsye tashmë të ditura, për përgjegjësi të ushtruara apo të munguara edhe në tejkalim apo shkelje të ligjit, është vendosur që të zhvillohen me 6 mars 2022. Në periudhën zgjedhore maj- prill 2023, do të zhvillohen zgjedhjet e zakonshme vendore në të gjitha bashkitë e vendit. Ndërsa këto zgjedhje të pjesshme vendore, do ti japin Shkodrës siç edhe 6 bashkive të tjera, një drejtues vendor për një vit.

Me 5 janar të këtij viti, ne kemi miratuar buxhetin për vitin 2022, bazuar në prioritetet që vetë banorët e Bashkisë Shkodër kanë përcaktuar si prioritare. Jam shpresëplotë që implementimi i këtij buxheti, do të përmirësojë më shumë jetën tonë, me investime dhe sherbime më cilësore për të gjithë. Jam shumë e kënaqur që si në vitet e tjera, edhe në këtë vit të fundit të atij që mund të quhet “mandati i dytë”, kemi bërë një bashkëshpërndarje cilësore.

Për shkak edhe të prejardhjes sime familjare, prej shumë e shumë vitesh jam pjesë e familjes së madhe të demokratëve, Partisë Demokratike. Nga viti 1990, kam nisur një rrugëtim gradual, me bindjen se është alternativa më e mirë për Shkodrën e shkodranët, Shqipërinë e shqiptarët. Historia e 31 viteve të fundit, i jep të drejtë çdo antari të PD- së të krenohet dhe të gjejë motivim për të ecur përpara, pavarësisht “incidenteve” të momentit. Ndjehem shumë e vlerësuar nga mbështetja që kam marrë e marr në vijimësi nga Partia Demokratike, anëtaret e saj, kolegët e miqtë e mi brenda familjes sonë politike.

Kjo mbështetje nga demokratët, më shoqëroi edhe në këto ditë. Në procesin e propozimit të kandidaturave për kryetar bashkie për zgjedhjet e 6 mars 2022, jam ndër më të votuarit. Mirënjohja dhe falenderimi janë më e pakta që unë shpreh për të gjithë demokratët e Bashkisë Shkodër, janë motivi që unë të mos ndalem por të eci bashkë me të gjithë drejt një Shkodre e Shqipërie më të mirë për të gjithë.

Unë jam kryetarja në detyrë e Bashkisë së Shkodrës. Për shkak të këtij pozicioni, të pozicioneve të mëparshme publike që më janë besuar por edhe për shkak të angazhimit tim dhjetëravjeçar në Partinë Demokratike, kam vendosur të mos marr pjesë në “primaret” që do të zhvillohen me 30 janar 2022 për përcaktimin e kandidatit për kryetar bashkie në Shkodër. Gjykoj se futem në garë me një avantazh përballë të gjithë kolegëve të tjerë, për arsyet që përmenda më sipër.

Unë jam në mbështetje të çdo demokrati, të strukturave ndaj të cilave unë ndjehem e detyruar për vlerësimin në vijimësi. Voltana Ademi nuk i shmanget asnjë sfide, por brenda familjes sonë politike, duhet të jemi të gjithë të barabartë në mes të barabartëve, të kemi mundësitë dhe hapësirat tona për të dhënë kontribut për PD- në, Shkodrën e Shqipërinë.

Zgjedhjet e zhvilluara këto 31 vite, edhe ato të 25 prill 2022, kanë evidentuar individë me mbështetje të gjërë jo vetëm brenda demokratëve por edhe qytetarisë shkodrane. Zëri, mbështetja dhe vota ime, do të bashkohet me të gjithë demokratët e shkodranët, që me 30 janar 2022, në “primaret” e PD- së, të evidentojmë më të mirët, më të mirin, atë që ka mbështetjen më të gjërë. Është shërbimi më i mirë që i bëjmë Shkodrës, të sotmes e të nesermes. Pas 30 janarit, do të jemi dhe duhet të jemi të gjithë bashkë, një skuadër edhe më e madhe, e fuqishme dhe e bashkuar, për të vazhduar rrugëtimin e pandalshëm për të mirën e shtëpisë sonë të përbashkët, Shkodrës.

Vetëm të gjithë bashkë fitojmë, vetëm të gjithë bashkë mundim të keqen e madhe që ka kapluar këtë vend, vetëm të gjithë bashkë do ta ndërtojmë të nesermen më të mirë se e sotmja!

The post Nuk e futi Berisha në listën e kandidatëve për Shkodrën apo zgjedhje e saj? Reagon Voltana Ademi appeared first on Albeu.com.

Votimi për ta do të zhvillohet nesër, ndërsa abcnews.al ka siguruar listën e kandidatëve për të qenë kandidatë të grupit të Berishës në zgjedhjet e 6 marsit për Bashkinë e Shkodrës.

Në listë mungon kryebashkiakja aktuale Voltana Ademi. Lista është si më poshtë:

Astrit Bushati

Irena Shestani

Bardh Spahija

Irma Kopliku

Bashkim Rroji

Ben Maliqi

Alfred Koçobashi

/abcnews.al

The post Primaret e grupit të Berishës, kjo është lista e kandidatëve për Shkodrën, mungon Voltana Ademi appeared first on Albeu.com.

Në Shkodër, socialistët i besuan prefektes Majlinda Angoni, si njeriu që mund të thyejë bastionin e PD-së. Por çfarë mendon kandidatja socialiste, a është ky momenti më i mirë për PS-në për të “rrëmbyer” “kështjellën” e Shkodrës, pasi demokratët janë më të përçarë se kurrë?

Në një prononcim për Abcnews.al, Angoni shprehet se nuk ka humbur asnjë betejë në jetë dhe beson se ka ardhur momenti që pas 30 vitesh, Shkodra të drejtohet nga një i zgjedhur socialist.

“Propozimi ishte nga organet e partisë në Shkodër dhe u miratua nga kryeministri. E vështirë në Shkodër, por jo e pamundur. Unë nuk hyj kurrë me humbur. Nuk e njoh humbjen si natyre njerëzore. Se kë kam përballë, pak rëndësi ka” tha ajo.

Por a e ka “frikë” nëse Voltana Ademi rikandidon? “Jo, jo, do ta shikoj si konkurrente, që pretendon për ta marrë, me pikat e forta dhe të dobëta të saj”.

Momenti i keq i opozitës mund t’ju dhurojë fitoren socialistëve. “Fitorja asnjë nuk dhurohet. Shkodra është bastion i së djathtës, edhe lufta e së djathtës do të jetë shumë e fuqishme, do të kërkojnë për ta mbajtur” tha ajo.

E pranon faktin që përçarja e opozitës që mund të dalë me tre kandidatë e favorizon, por thekson se beson më shumë të puna e strukturave dhe besimi i qytetarëve. “Mbase do të jetë më pozitiv për ne. Por ne do të fitojmë, do të hyjmë solidarë për ta marrë për herë të parë pas 30 viteve” tha ajo./abcnews.al

The post Flasin kandidatët e PS-së: Nuk e njoh humbjen, pas 30 viteve fitojmë Shkodrën appeared first on Albeu.com.

Komisioni i Rithemelimit ka depozituar emrat e kandidatëve për primaret në Bashkinë e Shkodrës.

Mësohet se të dielën në Shkodër do të votojë anëtarësia e PD dhe kandidatët potencialë për këtë bashki janë ish zëvendësministri i Shëndetësisë Bardh Spahia dhe kryetarja aktuale e Bashkisë Voltana Ademi.

Disa ditë më parë, ish-kryeministri Berisha tregoi, me anë të një postimi në llogarinë e tij në Facebook, sesi grupi i tij  do të përcaktojë kandidatët për kryebashkiakë për zgjedhjet e pjesshme të 6 Marsit në 6 bashkitë pa kryetarë. Berisha tregoi se kandidatët do të përcaktohen nga anëtarët përmes zgjedhjeve në struktura. Ata që do të marrin më shumë vota do të jetë zyrtarisht kandidatë.

Sipas tij, procesi është i ngjashëm me primaret në SHBA dhe sipas tij është dëshmuar i suksesshëm, transparent dhe do të sjellë rezultate të mira./albeu.com/

The post ZGJEDHJET/ Grupi “Berisha” mban të dielën “primaret” në Shkodër! Favorit Spahia e Ademi appeared first on Albeu.com.

Gjithashtu siç bëhet me dije, edhe nënkryetarja e PD-së, Irena Shestani apo dhe drejtues të strukturave, seksioneve e grup-seksioneve, nuk e kanë pasur emrin në listën e votuesve.

Gjithsesi kjo gjë nuk i pengoi ato që të votojnë, pasi e kanë pasur emrin në listat e vjetra të antarësisë, përmes të cilës realizuan edhe votimin.

“Është një leksion demokracie ky proces. Po ecën mirë, ka një pjesëmarrje që më emocionon. Për këtë duhet të jetë një reflektim për të gjithë ne për të ndryshuar. PD duhet të ringrihet mbi vlerat që është krijuar. Procesi kalon përtej emrave të veçantë.Bashkimi është themeli mbi të cilin PD duhet të ringrihet. Ku ka më mirë sesa ajo që dëshmojnë kamerat dhe prania juaj. Monitorimi dhe prezenca e medias që dokumenton angazhimin vullnetar dhe vullnetmirë të demokratëve është mbresëlënëse”, u shpreh ndër të tjera kryebashkiakja e Shkodrës, Voltana Ademi.

Pyetjes se kush është kryetar i PD sot ajo iu përgjigj me vendimin e Kuvendit teksa nuk hezitoi të tregojë publikisht dhe votën e saj.

“Vendimmarrja është marrë me 11. Procesi i ringritjes dhe rithemelimit ka vijuar, edhe dita e sotme është në proces i tillë. Sot kam ratifikuar vendimin e Kuvendit të 11 Dhjetorit ku kam marrë pjesë, kam votuar për shkarkim. Fakti i këtij procesi sot shkon përtej emrave. Është nevojë e demokratëve për të ringritur PD. Unë jam këtu duke mbështetur një proces të nevojshëm, të domosdoshëm, të vonuar”, përfundoi Ademi./albeu.com/

The post Nuk e kishte emrin në listën e votuesve, por Voltana Ademi gjen zgjidhjen për të votuar kundër Bashës appeared first on Albeu.com.

The post Voltana Ademi e konfirmon: Do të jem në Kuvendin e datës 11 Dhjetor appeared first on Albeu.com.