Ai tha se Rusia ka shkaktuar 754 ditë vuajtje dhe shtoi se agresoni rus synon aneksimin e territoreve ukrainase, por jo vetëm kaq.

“I nderuar kryeministri Rama, i jam mirënjohës kryesisë shqiptare për ogranizimin e këtij takimi. Qysh prej nisjes së agresionit në shkallë të gjerë, shteti, që për disa arsye ështëisërish i pranishëm këtu mes anëtyarëve të KS, ka shkaktuar 754 ditë vuajtje. Rusia ka vrarë dhejtëra mijëra nga njerëzit tanë, i ka shndërruar civilët në refugjatë duke shkatërruar familjet e tyre. Natyrisht, shumica njohin të vërtetën për këtë luftë, një agresion kriminal, i paprovokuar nga Rusia kundër vnedin tonë, që synon të aneksojë territoret dhe burimet ukrainase. Por nuk është vetëm kaq. Përmes këtij agresioni, synon të minojë të gtjitha normat ndërkombëtare që kërkojnë të mbrojnë botën nga luftërat. Dua t’i shpreh mirënjohjen të gjithë atyre që e kanë njohur agresionin.

Asambleja e Përgjithshme ka njohur faktin që kjo është një luftë e shkaktuar nga Rusia, por kjo nuk ka ndryshuar asgjë për Rusinë në OKB. OKB e gjen veten në një situatë të bllokuar kur vjen fjala te agresioni”,tha Zelensky.

The post “Mirënjohës ndaj kryesisë shqiptare”, Zelensky në OKB: Rusia na ka shkaktuar vuajtje appeared first on Albeu.com.

Lideri ukrainas, i cili ishte personalisht i pranishëm në Asamblenë e Përgjithshme, u prit me duartrokitje të ngrohta.

Kur të mbaronte fjalimin e priste një fjalë edhe më e ngrohtë, pasi delegatët e duartrokitën në këmbë për 30 sekonda.

Zelensky e hapi fjalimin e tij duke iu referuar armëve bërthamore dhe sesi shekulli i 20-të na mësoi jo vetëm të mos përdorim, por edhe të promovojmë çarmatimin e plotë bërthamor.

Në lidhje me pacifikimin në Ukrainë, ai tha se propozimi i tij do t’i jepte fund luftës dhe njoftoi se një samit i paqes është në punë , në të cilin ftoi vendet anëtare të marrin pjesë pasi të finalizohet.

“Ne nuk mund t’i besojmë të keqes, pyesni edhe Prigozhin,” tha ai në një referencë indirekte ndaj Putinit (ai është i keq) dhe shefit të Wagner Yevgeny Prigozhin, i cili u vra në gusht kur avioni i tij u rrëzua.

Ai iu referua edhe transportit të fëmijëve nga Ukraina në Rusi. Ishte një taktikë e zakonshme në luftërat e kaluara, por nga Rusia ajo u bë “politikë e qeverisë, diçka që nuk e kishim parë kurrë më parë”.

Dhjetëra mijëra fëmijë janë rrëmbyer nga Rusia, vazhdoi presidenti i Ukrainës, duke thënë se Kievi po përpiqet t’i sjellë në shtëpi. “Gjykata Ndërkombëtare Penale ka lëshuar urdhër-arreste lidhur me rrëmbimet. Mirë, por koha po kalon, çfarë do të ndodhë me fëmijët?”, tha ai.

Ai gjithashtu përshkroi se si fëmijët mësohen të urrejnë Rusinë dhe se si ndërpriten të gjitha lidhjet me familjen e tyre. “Ky është qartësisht gjenocid”, theksoi ai.

Përveç kësaj, ai iu referua edhe kërcënimeve kundër vendit, si transferimi i luftës nga Rusia në hapësirën kibernetike.

Më tej ai tha se “falë Zotit nuk kanë mësuar ta përdorin klimën si armë”. Ai madje tha se si Rusia përdor ushqimin si armë, duke iu referuar bllokadës së porteve të Ukrainës, të cilat Rusia po i bombardon.

Zelensky e mbylli fjalimin e tij me dëshirën që lufta e Rusisë të ishte e fundit në botë dhe thirri “Slava Ukraini” mes duartrokitjeve.

The post Zelensky – OKB-së: Rrëmbimi i mijëra ukrainasve nga Rusia është gjenocid appeared first on Albeu.com.

Ai tha se ka rënë dakord me Sekretarin e Përgjithshëm të OKB-së Antonio Guterres për të punuar me “shtetet përgjegjëse për të rivendosur sigurinë ushqimore dhe furnizimin me ushqime” përmes rrugëve të Detit të Zi.

Në video-mesazhin e tij të mbrëmjes, Zelensky theksoi se marrëveshja e drithërave e Detit të Zi, nga e cila Rusia u tërhoq të hënën, ka potencialin të funksionojë në mënyrë efektive edhe pa përfshirjen e Moskës. Ai tha se vendimi i Rusisë paraqet një mundësi për komunitetin ndërkombëtar që të tregojë se “shantazhi” nuk mund të përcaktojë se kush ka ushqim të mjaftueshëm.

Më herët, përmes një zëdhënësi, u tha se Ukraina është e gatshme të vazhdojë eksportet e saj të grurit, edhe pa pjesëmarrjen ruse. Sipas tyre, Ukraina ka marrë qasje nga kompanitë pronare të anijeve që shprehin gatishmërinë e tyre për të marrë pjesë në proces.

Ministri i Punëve të Jashtme i Ukrainës, Dmytro Kuleba, kritikoi vendimin e Rusisë pas takimeve në Nju Jork me diplomatë amerikanë dhe evropianë, duke thënë se marrëveshja ka qenë “jetike” për të parandaluar rritjen e çmimeve globale të ushqimeve.

“Ukraina dhe [SHBA] nuk do të kursejnë asnjë përpjekje për të siguruar eksportin e drithërave ukrainase në Afrikë, Azi dhe më gjerë”, tha Kuleba në Twitter.

Zëdhënësi i Sigurisë Kombëtare të Shtëpisë së Bardhë, John Kirby, kritikoi gjithashtu Moskën për tërheqjen nga marrëveshja dhe tha se vendimi do të “dëmtonte miliona njerëz në mbarë botën”.

Shtetet e Bashkuara do të vazhdojnë të punojnë me vendet e tjera për të siguruar lëvizjen e grurit nga Ukraina, por nuk po konsiderojnë përdorimin e aseteve ushtarake të SHBA-së për të ndihmuar në mbrojtjen e dërgesave të grurit, tha Kirby.

Ai tha gjithashtu se përdorimi i anijeve turke për të lehtësuar lëvizjen e grurit ukrainas nuk ishte një zgjidhje e mundshme.

Presidenti turk Recep Tayyip Erdogan, tha se po zhvillohen diskutime me zyrtarët rusë dhe shprehu optimizëm për zgjatjen e marrëveshjes.

Nga ana tjetër, Sekretari i Përgjithshëm i OKB-së Guterres përcolli zhgënjimin e tij për tërheqjen e Rusisë, duke theksuar se marrëveshja kishte shërbyer si një mbështetje jetike për sigurinë globale të ushqimit dhe një simbol i “shpresës në një botë të trazuar”.

Sekretari amerikan i Shtetit, Antony Blinken iu bashkua diplomatëve të tjerë perëndimorë në kritikimin e vendimit të Rusisë, duke e quajtur atë “të pandërgjegjshëm”.

Blinken tha se Rusia po “përdor ushqimin si armë”.

Një ditë më parë, Rusia njoftoi pezullimin e marrëveshjes që lehtësoi transportin e grurit nga Ukraina për në vendet e Afrikës, Lindjes së Mesme dhe Azisë, marrëveshje kjo e arritur në kohë lufte që kishte për qëllim lejimin e kalimit të sigurt të drithërave nëpër vendet në zhvillim.

Sipas Organizatës së OKB-së për Ushqimin dhe Bujqësinë, 45 vende kanë nevojë për ndihmë të jashtme për ushqim.

Marrëveshja për drithërat e Detit të Zi ka mundësuar tre porte të Ukrainës të eksportojnë 32.9 milionë tonë grurë dhe produkte të tjera ushqimore në botë, me mbi gjysma e eksporteve që shkojnë në vendet në zhvillim, siç raportohet nga Qendra e Përbashkët Koordinuese në Stamboll.

Megjithatë, që kur marrëveshja u ndërmjetësua nga OKB-ja dhe Turqia, ka pasur sfida. Rusia u tërhoq shkurtimisht nga marrëveshja në nëntor, por më vonë u ribashkua dhe zgjati pjesëmarrjen e saj.

Në mars dhe maj, Rusia ra dakord të zgjaste marrëveshjen vetëm për 60 ditë në vend të 120 ditëve./rel

The post Zelensky kërkon vazhdimin e marrëveshjes së drithërave pa pjesëmarrjen ruse appeared first on Albeu.com.

Ata gjithashtu diskutuan nevojat ushtarake të Ukrainës.

Zelensky, gjatë një videofjalimi para popullit ukrainas, tha se ata koordinuan pozicionet e tyre për luftën dhe falënderoi Francën për premtimin për dërgimin e armëve në Ukrainë.

“I jam mirënjohës Francës dhe Emmanuelit personalisht për mbështetjen e tyre ndaj vendit tonë dhe popullit tonë”, tha ai.

Presidenca franceze tha se Macron kishte riafirmuar mbështetjen e Francës për Ukrainën për Zelenskyn dhe kishte dhënë një përditësim mbi koordinimin evropian për t’i dhënë ndihmë ushtarake Ukrainës.

Në fillim të kësaj jave, shefi i politikës së jashtme të Bashkimit Evropian, Josep Borrell, shprehu besimin se blloku do të finalizonte një plan brenda disa ditësh për të blerë municion për Ukrainën, pasi Kievi shprehu zhgënjimin për shqetësimin midis vendeve anëtare të BE-së.

The post Zelensky bisedë telefonike me Macron, diskutojnë për t’i dhënë fund luftës appeared first on Albeu.com.

Presidenti ukrainas ishte sot në Poloni, me bashkëshorten e tij Olena, duke takuar presidentin e vendit Andrzej Duda.

Zelensky shtoi se në të ardhmen “nuk do të ketë kufij mes popujve tanë” në një mesazh të postuar në Twitter.

In the future, there will be no borders between our peoples: political, economic and – what is very important – historical. But for that we still need to gain victory. For that, we need to walk side by side a little more. ???? pic.twitter.com/ncVj49kLgG

— Володимир Зеленський (@ZelenskyyUa) April 5, 2023

The post Zelensky premton: Në të ardhmen nuk ka kufij midis Polonisë dhe Ukrainës appeared first on Albeu.com.

Udhëheqësi ukrainas tha gjithashtu se kishte marrë pjesë në Samitin global për Demokraci me ftesë të Presidentit Joe Biden.

Ai tha se pothuajse në të gjitha fjalimet e liderëve në samit, kishte “fjalë të përshtatshme mbështetjeje për vendin tonë dhe popullin tonë”.

“Por për të fituar kundër tiranisë, nevojitet unitet më i madh. Jam i sigurt se bota demokratike është në gjendje ta arrijë atë. Ajo është e aftë të fitojë,” tha ai.

Zelensky vazhdoi duke thënë se demokracia kishte nevojë për fitore dhe “sa më shpejt të jetë e mundur”.

“Sot është bërë gjithashtu një hap për të forcuar pavarësinë shpirtërore të shtetit tonë, për të mbrojtur shoqërinë tonë nga manipulimi i vjetër dhe cinik i fesë nga Moska.

Ukraina është territori i lirisë më të madhe fetare në pjesën tonë të Evropës. Kështu ka qenë që nga viti 1991. Kështu do të jetë gjithmonë.”/albeu.com

The post Zelensky: Për të fituar kundër tiranisë nevojitet unitet më i madh appeared first on Albeu.com.

“Do të vijë dita kur do të krijohet një gjykatë për të sjellë drejtësi për popullin tonë, një gjykatë që do ta ndëshkojë këtë agresor në të njëjtën mënyrë siç u ndëshkuan agresorët e së kaluarës.

Do të vijë dita kur të gjithë autorët e krimeve të luftës kundër ukrainasve do të sillen para drejtësisë në sallat e Gjykatës Penale Ndërkombëtare dhe gjykatave kombëtare.

Ne do të bëjmë të gjithë punën ligjore.

Ne do të mobilizojmë të gjithë partnerët që janë të nevojshëm për këtë, kjo tashmë po bëhet.

Çdo ditë ne e sjellim drejtësinë më pranë Ukrainës.

Ne punojmë për këtë çdo ditë, prokurori i përgjithshëm dhe zyra e tij, forcat ukrainase të ligjit, shërbimet speciale, qeveria, diplomatët, zyra ime.

Rashizmi nuk do të jetë në gjendje të mbetet e keqe e pandëshkuar. Do të ketë ndëshkim. Kujtimi i përjetshëm për të gjithë njerëzit tanë, të gjithë të rriturit dhe fëmijët, jetët e të cilëve u morën nga terrori rus”, tha Zelensky.

Ai përmendi gjithashtu thirrjen e tij me kryeministrin e Mbretërisë së Bashkuar Rishi Sunak, duke thënë: “Në përgjithësi, ne folëm se si të rrisim aftësitë tona mbrojtëse.

Si gjithmonë, ishte një bisedë shumë konkrete dhe falenderoj Rishin. Falënderoj të gjithë popullin britanik për mbështetjen e tyre të paharrueshme dhe të vëmendshme. Do të ketë rezultatet e bisedës, luftëtarët tanë do t’i shohin ato.”/albeu.com

The post Zelensky: Çdo ditë ne po sjellim drejtësinë më pranë Ukrainës appeared first on Albeu.com.

Pavarësisht humbjeve të mëdha, forcat ruse kanë vazhduar të kryejnë një valë sulmesh në qytetin ukrainas Bahmut, si dhe në disa lokacione tjera përreth rajonit lindor të Donjeckut, ka thënë ushtria ukrainase më 14 mars.

“Dje, forcat tona kanë zmbrapsur 102 sulme të armiqve… në Bahmut, armiku nuk ka pushuar në tentimet për ta marrë qytetin”, ka thënë Shtabi i Përgjithshëm i ushtrisë ukrainase, duke shtuar se beteja të ashpra po zhvillohen edhe në Liman, Avdivka, Marinka dhe Shahtarsk.

“Është situatë shumë e rëndë në lindje, shumë e dhimbshme”, u ka thënë Zelensky ukrainasve në adresimin e tij të përditshëm.

“Ne duhet të shkatërrojmë fuqinë ushtarake të armikut, dhe do ta shkatërrojmë atë. Në Belohorivka, Marinka, Avdivka, Bahmut, Vuhledar dhe Kamianka, dhe të gjitha vendet tjera, është duke u vendosur e ardhmja jonë”, ka thënë Zelensky, duke shtuar se është mirënjohës ndaj secilit ushtar që po e rrezikon jetën në betejë.

Forcat ukrainase janë duke bërë rezistencë të fortë në perëndim të Bahmutit, duke luftuar kundrejt sulmeve të luftëtarëve të grupit mercenar rus, Wagner.

Shefi i Wagner-it, Yevgeny Prigozhin – i cili e ka postuar një video ku shihet në qendër të Bahmutit – e ka pranuar se luftëtarët e tij po përballen më shumë vështirësi për të marrë kontrollin e qytetit.

“Situata në Bahmut është e vështirë, shumë e vështirë. Armiku është duke luftuar për çdo metër”, ka thënë Prigozhin në një postim në rrjete sociale, teksa ka treguar pamje të Bahmutit të shkatërruar.

Para luftës, në këtë qytet kanë jetuar rreth 70.000 njerëz.

Lufta për Bahmutin është konsideruar si një prej betejave më të ashpra prej kur Rusia e ka nisur luftën në Ukrainë, më 24 shkurt 2022.

Presidenti rus, Vladimir Putin, e quan luftën si “operacion special ushtarak” për të çmilitarizuar Ukrainën.

Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra.

Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre.

The post Zelensky: Rezultati i betejave në lindje, vendimtar për të ardhmen e Ukrainës appeared first on Albeu.com.

Gjatë javëve të fundit, Moska ka dërguar mijëra trupa në përpjekje për të marrë kontrollin e qytetit në lindje të Ukrainës dhe për të arritur, pas më shumë se gjysmë viti, një fitore në terren.

Forcat ukrainase kanë hapur llogore më në perëndim dhe gjatë ditëve të fundit u duk se po përgatiteshin për t’u tërhequr.

Por gjatë fjalimit të tij të përnatshëm, të hënën, zoti Zelensky tha se Kievi ka vendosur jo vetëm që trupat ukrainase të qëndrojë për luftime, por edhe të forcojnë qytetin, me sa duket i bindur se humbjet e Rusisë në përpjekjet për të marrë qytetin, do të jenë më të mëdha se humbjet e Ukrainës.

“Komanda në mënyrë të unifikuar mbështeti vendimin për të mos u tërhequr”, tha zoti Zelensky. “Nuk kishte mundësi të tjera. I thashë komandantit që të gjente forcat e duhura për t’i dërguar në ndihmë të ushtarëve tanë në Bakhmut”, tha Presidenti ukrainas.

Rusia thotë se marrja e kontrollit të Bakhmutit do të ishte një hap i rëndësishëm për zgjerimin e kontrollit mbi këtë territor, në rajonin industrial të Donbasit dhe do të shënonte një fitore të madhe në terren.

“Qyteti është një qendër e rëndësishme për mbrojtjen e trupave ukrainase në Donbas. Vënia nën kontroll e tij do të lejojë kryerjen e sulmeve të mëtejshme në zonat mbrojtëse të Ukrainës”, tha ministri i Mbrojtjes së Rusisë, Sergei Shoigu.

Ekspertë perëndimorë thonë se qyteti i shkatërruar nuk ka rëndësi të madhe, por sulmi i Rusisë mund të synojë arritjen e një fitoreje simbolike në mbyllje të ofensivës dimërore, gjatë së cilës janë rekrutuar mijëra rezervistë dhe luftëtarë të grupit paraushtarak “Wagner”.

Komanda ushtarake ukraninase tha në raportin e së martës se 1, 6000 rusë ishin vrarë në 24 orët e fundit. Të dhënat për viktimat ndër radhët e forcave ruse nuk mund të konfirmohen dhe palët nuk japin në mënyrë të rregullt të dhëna për humbjet e tyre. Por, në të shkuarën, raporte të ngjashme të lëshuara nga Ukraina mbi humbjet e Rusisë, kanë përkuar me dështime të mëdha të sulmeve ruse.

Luftimet në qytet favorizojnë forcat mbrojtëse. Disa zyrtarë ukrainas janë shprehur ditët e fundit se raporti mes humbjeve ndër radhët e ushtarëve rusë dhe atyre ukrainas, ishte 7 me 1.

Për palën ruse, beteja në qytetin e Bakhmutit ka vënë në dukje përçarjen mes forcave të ushtrisë dhe luftëtarëve të grupit paraushtaraka Wagner. Udhëheqësi i tyre, Yevgeny Prigozhin, përmes disa videove, ka akuzuar zyrtarët se nuk po i furnizojnë me armatime njerëzit e tij.

Ministria e Mbrojtjes e Rusisë mohon që të ketë ndaluar furnizimin me armatime për grupin Wagner, por nuk i është përgjigjur akuzave të fundit të zotit Prigozhin. Deri tani, Kremlini ka heshtur mbi këto përplasje./voa

The post Zelensky: Nuk tërhiqemi, vijojmë luftimet në Bakhmut appeared first on Albeu.com.

Përmes një postimi në Twitter ai shkruan se populli ukrainas ndan dhimbjen me familjarët e viktimave dhe u ka uruar shërim të shpejtë të lënduarve,

“Ngushëllimet e mia më të thella për  presidenten e Greqisë, Katerina Sakellaropoulou dhe njerëzit grekët për humbjen e jetës në përplasjen e trenit në Greqinë veriore. Populli i Ukrainës ndan dhimbjen e familjeve të viktimave. Ne urojmë shërim të shpejtë për të gjithë të lënduarit”, shkruan ai./albeu.com

Τα θερμά μου συλλυπητήρια στην @PresidencyGR και στον ελληνικό λαό για την απώλεια ζωών από τη σύγκρουση τρένων στη Βόρεια Ελλάδα. Ο λαός της Ουκρανίας συμμερίζεται τον πόνο των οικογενειών των θυμάτων. Ευχόμαστε ταχεία ανάρρωση σε όλους τους τραυματίες.

— Володимир Зеленський (@ZelenskyyUa) March 1, 2023

The post Aksidenti tragjik në Greqi, Zelensky: Ukraina ndan dhimbjen me familjarët e viktimave appeared first on Albeu.com.