Balla: Kjo situatë nuk ka të bëjë fare me gjithçka kam thënë unë sepse nuk ka lidhje fare asnjë fyerje. Bëhet fjalët për një numër telefonik që në BE merret për të marrë informacion mbi bashkimin evropian. Kush ka nevojë të marrë informacion mbi BE, ka një numër ku ti mund të marrësh informacion për të vendimmarrjen e BE.

Sa i përket keqinformimit nëse kolegia Vokshi ndihet e fyer, unë i kërkoj ndjesë. Por nuk ka asnjë… Isha duke folur për reformën e BE, ja ku e keni numrin me 0900 të BE-së ku çdo qytetarë i BE, merr informacion për vendimmarrjen në BE. Kush do, që ta përdorur këtë situatë për të nxitur protestat, për të frymëzuar dështimin e protestave, le ta marrin. Zonja Vokshi, nëse ndihesh e fyer të kërkojnë ndjesë.

Ndërkohë, kryetar, për të gjithë atë lum rrugaçi të një njeriu që nuk njeh as din as iman, as familje, sigurisht që unë dhe për dëmtimin e pajisjeve… në këto kështu kërkoj ndërprerje seancës deri kur të rikthehet normaliteti në sallë. Ndjesë nëse ndihet dikush i fyer.

The post “Për ty kam numrin me “0900!”, Balla i kërkon falje Albana Vokshit: Kërkoj ndjesë nëse je fyer! appeared first on Albeu.com.

Vokshi e cilësoi si të papranueshme dhunën e ushtruar nga policia ndaj përfaqësuesve të popullit.

“Nuk kishte asnjë arsye për ta goditur deputetin Nallbati në mënyrë kafshërore. Ai po shpëtonte nga duart e policisë një qytetar që ishte në punë të tij. U godit me mburojë dhe shkop gome, dhe më pas edhe me spraj me piper. E gjithë kjo togë policie duhet të mbajë përgjegjësi ligjore”, deklaroi Vokshi.

Deputetja theksoi se qëllimi i opozitës ishte të përmbante zemërimin e qytetarëve, duke bërë thirrje për qetësi dhe paqë: “Ne kemi qenë në një farë mënyre në mbrojtje të forcave të rendit. Asnjë deputet nuk ka shkaktuar incidente apo konflikte”-.

Vokshi gjithashtu, u ndal tek situata sociale e rënduar në vend, duke përmendur raportin e fundit të Eurostat që tregon se mbi 40% e qytetarëve janë të përjashtuar nga shërbimet sociale: “Qytetarët nuk arrijnë të ushqejnë fëmijët e tyre me tre vakte në ditë, nuk mund të përballojnë shpenzimet më minimale. Kjo është situata reale që po përballemi”.

Ajo shtoi se deputetët dhe qytetarët u sulmuan në mënyrë sistematike nga policia gjatë protestës, ndërsa theksoi se pantallonat dhe këpucët e saj u përfshinë po ashtu nga flakët, sipas saj, prej mjeteve të hedhura nga policia.

The post Protesta e opozitës/ Vokshi: Më morën flakë këpucët dhe pantallonat nga mjetet e policisë appeared first on Albeu.com.

Vokshi kërkoi “futjen e parlamentit në shinat kushtetuese” dhe denoncoi shkrirjen e Komisionit të Integrimit si një hap që cenon gjithëpërfshirjen – një nga kriteret kryesore të BE-së.

Deputetja demokrate akuzoi mazhorancën për frikë nga përfshirja e opozitës në procesin e integrimit:

“Ku është grupi i punës për integrimin? Ka thënë gjë sot Edi Rama me kolegët e tij se e kanë hequr opozitën nga ky proces? Pse keni frikë nga opozita? Asnjë vend tjetër i rajonit nuk e ka shkrirë Komisionin e Integrimit”.

Albana Vokshi: Narkoparlament ku banat kanë përfaqësues të tyre mbi 20 deputetë, në një vend ku kryeministri ka më shumë pushtet se sa kishte Hoxha, ka mbi 95% pushtet, parlamenti është si një oaz ku ka dhe një opozitë.

Ne kërkojmë gjithëpërfshirje. Edhe në procesin e integrimit, kur janë kriteret politike, është gjithëprfshirja, mirëfunksionimi i parlamentit.

Ku është grupi i punës? A ka thënë gjë sot Rama me ato kolegët e tij se ia ka hequr mundësinë opozitës për t’u përfshirë në procesin e intergimit, pse kishit frikë nga opozita, asnjë vend i rajonit nuk e ka të shkrirë komisionin e integrimit. Respektoni rregulloren dhe kushtetutën. Futeni parlamentin në shina kushtetuese.

The post Albana Vokshi-mazhorancës: Na hoqët mundësinë për t’u përfshirë në procesin e integrimit, pse keni frikë nga opozita? appeared first on Albeu.com.

“Do depolitizohet. SPAK do jetë një strukturë që të hetojë në mënyrë profesionale e papolitizuar jashtë politikës. Që të jetë njësoj nëse e bën krimin elektoral ndonjë nga PD apo PS, njësoj kushdo që bën krim elektoral apo bën afera korruptive. Larg politika nga SPAK. Ne e votuam dhe shprehëm vullnetin që jemi dakord me ndryshime kushtetuese. Ishte e nevojshme reforma në drejtësi,. Mënyra e qëllimshme si e implementoi Edi Rama, e la Shqipërinë 3 vjet pa GJK, dhe sot kapica e dosjeve nga 30 mijë është bërë 150 mijë. Ajo që do bëjmë, do bëjmë legjislacionin që të implementohet një reformë që presin qytetarët shqiptarë. Akoma nuk janë mbyllur çështjet e 2013-2014”, tha ajo.

Më tej, ajo tregoi historinë e një familjeje në Kamëz që jetonte me 70 mijë lek të vjetër në muaj.

“Është një keqqeverisje që ka larguar 1 mln shqiptarë. Ka njerëz të braktisur. Isha në një familje, pashë një qytetar 10 vjet në shtrat, nuk lëvizte. Ia kishin hequr kempin. Jetonin e gjithë familja me 70 mijë lek të vjetra. Bashkia në Kamëz inekzistente”, shtoi ajo.

Vokshi tha se Rama ka vënë shtetin në këmbë për të hetuar familjen e saj, ndërsa shtoi se pas zgjedhjeve do dorëzojë një tjetër kallëzim në SPAK për shëndetësinë ndaj kryeministrit, ministres Manastirliu dhe sipërmarrëses Vilma Nushi.

“Ka vënë shtetin në këmbë për të hetuar familjen. Jemi lindur dhe rritur në një familje të ndershme. Duke më çuar në Gjykatën Speciale mendoi se do më bënte të heshtte. Jemi në mbyllje të një kallëzimi të ri për Edi Ramën, Manastirliun, Ilir Beqjan, Vilma Nushin. Po hartohet një kallëzim të ri sapo të mbarojnë zgjedhjet. E rëndësishme që Sali Berisha të jetë kryeministër”, pohoi Vokshi.

Sa i përket rezultatit të zgjedhjeve, Vokshi thekson se nuk mundet të ndodh që PD t’i humbasë ato, teksa tha se në Kamëz elementë kriminal por bashkëpunojnë me pushtetin.

“Nuk ka shans të ndodhë që ne të mos fitojmë. Edi Rama thoshte do marr 120 mandate. Pastaj shkoi 94, tani e ka çuar variant maksimal minimal. Sondazhi më i mirë, është trokitja derë më derë. Zgjedhjet e fundit në Kamëz u manipuluan. Kam shkelur në çdo lagje. Nuk ka përzgjedhur nëse është i majtë apo i djathtë. Raporti që më del është 9 me 1. A mund të kthehet përmbys ky raport? Nuk besoj. Ministri Gonxhja ka përfshirë elementë me precedent penal, element kriminal. Bashkia Kamëz kërcënon mësuesit. Kryetari i bashkisë ulet në dreka me element kriminal. Po mundohen të krijojnë një klimë terrori. Informacionet ia kemi dërguar SPAK”, tha ajo.

The post Albana Vokshi: Nuk ka shanse të mos fitojmë zgjedhjet, raporti është 9 me 1 për ne, kemi gati një kallëzim të ri në SPAK appeared first on Albeu.com.

Vokshi theksoi se edhe për shërbimet shëndetësore Shqipëria renditet në vendin 128 nga 142 vende në total. Sipas saj, mungesa e arsimit, shëndetësisë dhe shërbimeve cilësore është arsyeja pse gratë dhe familjet shqiptare po largohen nga vendi.

Vokshi pyeti nëse shqiptarët do ta lënë vendin në duart e një personi që, po kryen krim ndaj njerëzimit dhe shoqërisë shqiptare. Ajo i bëri thirrje qytetarëve të marrin frenat në dorë dhe të mbrojnë të drejtat e tyre kushtetuese. Vokshi theksoi se vetëm përmes votës, që ndodhet në duart e qytetarëve, mund të fitohet qeverisja dhe të drejtat e humbura.

Albana Vokshi: Nëse do i referohem edhe disa shifrave, dhe këto statistika i them sepse do të doja që rreth tyre dhe duke i krahasuar edhe me vendet që kemi pjesëtarë në panel sot, do të doja të diskutonim rreth tyre. Një nga të këqijat e mëdha që Rama i ka bërë Shqipërisë është që në arritjet arsimore, nga vendi 33, brenda një viti në vendin 116.

Për shërbimet shëndetësore jemi në vendin 128, nga 142 vende, mendoni pak, as arsim, as shëndetësi, as shërbime, dhe kjo është arsyeja pse gratë ikin, kjo është arsyeja pse familjet ikin.

Atëherë çfarë do bëjmë, do ja lëmë çdo gjë në duar këtij personi që po kryen krim ndaj njerëzimit ndaj shoqërisë shqiptare?

Apo ne do i marrim frenat në dorë dhe të kërkojmë të drejtat tona, dhe përtej faktit që grave shqiptare u shkelen të drejtat kushtetuese, ligjore, nëse gruaja shqiptare nuk ka të drejtën e votës, çdo e drejtë tjetër është iluzion.

Këtu fillon tek vota e cila duke zgjedhur qeverisjen që duam fitojmë dhe të drejtat, e kemi vetë këtë në dorë, vetëm 2 javë na ndajnë nga zgjedhjet, për të larguar atë që e ka kthyer gruan shqiptare në viktimën më të madhe.

The post “Frenat t’i marrin në dorë qytetarët”, Albana Vokshi: Vota është mjeti për të rikthyer të drejtat dhe dinjitetin e gruas shqiptare appeared first on Albeu.com.

Bushati tha se opozita ra në “kurthin” e socialistëve dhe humbi mundësinë për të marrë dëshminë e Beqajt, duke mos i lejuar atij prezantimin me Power Point. Analisti shtoi se interesi publik dhe interesi i opozitës do të ishte dëgjimi i dëshmisë së Beqajt, siç ndodhi me komisionin hetimor për inceneratorët, ku përgjigjet e Veliajt, Ahmetajt dhe Ramës ishin të vlefshme për të kuptuar jo vetëm inceneratorët por edhe funksionimin e qeverisë.

Debati:

Andi Bushati: E para e punës, unë e kuptoj logjikën që Beqja nuk pse del mbi ligjin, por prapë, unë që jam kritik dhe i shoh me dyshim koncesionet, do të doja ti dëgjoja përgjigjet e tij. Sot mos do të ishte më mirë t’i kishim përgjigjet e Beqjes, se u duk sikur ju ratë në kurth. Nëse për komisionin e inceneratorëve, përdorim përgjigjet e Veliajt, Ahmetajt, Ramës, mos Beqja fitoi duke e penguar ju të mos dëshmojë?

Albana Vokshi: Unë gjykoj që nëse e keni ndjekur, si opozitë i jemi lutur të administrojmë prezantimin edhe si provë. Kemi kërkuar që nëse e kanë të shkruar e administrojmë si provë. Këtë prezantim me 240 slides, pavarësisht se ligji nuk e lejon. Nuk e la PS ditën e parë të dëshmonte.

Andi Bushati: Ditën e parë do të ekspozonte Power Point dhe ditën e dytë ai do të pyetej.

Albana Vokshi: Ditën e dytë, Ilir Beqaj, që nuk është as në situatë të barabartë, është futur me disa korniza druri dhe atë që kishte në Power Point e kishte përkthyer në foto. A e dini se mua si deputete nuk më lejohet të fus asgjë brenda?

Andi Bushati: U mbyll komisioni pa u pyetur Beqajn.

Albana Vokshi: Puna është bërë, ju siguroj. Bushati është ndër të vetmit që i ka analizat të sakta. Por, ai nuk donte t’i përgjigjej pyetjeve.

Andi Bushati: Truku i tij ju mori me vete. Nëse qëllim ishte të mos përgjigjej, ai e arriti qëllimin.

Albana Vokshi: Qëllimi ynë ishte të vinte Rama dhe Vilma Nushi, administratorët dhe Ilir Beqja. Ne pritëm.

Andi Bushati: Nëse e dinit që ai nuk përgjigjej, nuk duhet ta thërrisnit fare.
Beqja nuk u përgjigj. Ju thatë se një nga sukseset e komisionit është që publiku e mori vesh që Ramës i djeg miza dhe prandaj nuk vjen dhe suksesi tjetër, mbron edhe Vilma Nushin dhe këtë publiku e kuptoi. Po ne këtë e dinim para se të ngrihej komisioni, u dogj parlamenti sepse Rama nuk donte të ngrinte komisionet. E njëjta gjë për udhëtimet me charter. Pra ne këtë e dinim. Nuk mund të quash sukses një gjë që dihej para se komisioni të fillonte.

Albana Vokshi: Tani u vërtetua.

The post Bushati debaton me Vokshin: Ratë në kurthin e Ilir Beqajt! appeared first on Albeu.com.

Deputetët e mazhorancës dhe opozitës kanë debatuar me orë të tëra, për shkak se opozita kërkon zgjatjen e afatit të komisionit dhe thirrjen si dëshmimtar të kryeministrit Edi Rama dhe sipërmarrëses Vilma Nushi, e cila është përfituesja e koncesionit të check up-it, teksa socialistët po i mbrojnë në bllok ata.

Por, ndërkohë, këto dy ditë të “lirisë”, Ilir Beqaj, duket se i ka shfrytëzuar në maksimum për ngrënie dhe pirje, si dhe për takime speciale në Kryesinë e Kuvendit, siç është denoncuar nga opozita.

Madje në orët e para të mëngjesit të sotëm, Ilir Beqaj, shëtiste i lirë në Kryesinë e Kuvendit, duke u futur dhe në sallën ku po mbahej mbledhja e komisionit dhe duke kërcënuar deputetët e opozitës.

Rasti është denoncuar nga kryetarja e komisionit, deputetja e PD-së, Albana Vokshi, e cila në një postim në rrjetet sociale, shkruan se as Garda dhe as Policia nuk veprojnë ndaj Beqajt.

Siç shihet edhe në videon e mëposhtme, pasi Beqaj kërcënoi deputetët, Vokshi urdhëron Gardën dhe Policinë për ta çuar atë sërish në qeli.

Por, sipas deputetes demokrate, edhe pas këtij skandali, Policia e Burgjeve, refuzoi të largonte Ilir Beqajn për ta kthyer në burg.

Vokshi shkruan më tej se Parlamenti ka rënë dhe se është në duart e atyre që i japin leje dhe garanci Ilir Beqajt të fusë mjete të forta, hunj e drunj në Kuvend, të shëtisë i lirë në çdo ambjent, e të kërcënojë deputetët e opozitës.

The post Sherri pas mesnate tek “Sterilizimi”/ Ish-ministri Ilir Beqaj kërcënon deputetët e opozitës (VIDEO) appeared first on Albeu.com.

Ndërkohë kryetarja e Komisionit Hetimor Albana Vokshi akuzon mazhorancën se po pengojnë komisionin hetimor, duke thënë se kanë kryer vepër penale dhe do të kallëzohen.

Po ashtu Vokshi paralajmëroi se nuk do ta lenë me kaq dhe nuk do ta lënë derisa të zbardhet e vërteta.

“Ju jeni penguesit e komisionit hetimor parlamentar. Ju keni kryer vepër penale, dhe kushdo që nuk i është përgjigjur komisionit ka shkelur ligjin. Mos mendoni se do lemë këtu, mos mendoni se do heqim dorë nga e vërteta. Mos mendoni që nuk do e zbardhim dhe nuk do i cojmë të gjithë aty ku duhet të jenë, Edi Rama i pari. Ai ka urdhëruar që ti binden kodit të mafies. Duke vazhduar te Ilir Beqaj, te Ogerta Manastriliu, Albana Koçiu etj”, tha Albana Vokshi.

The post Ilir Beqaj dy ditë jashtë qelisë në pritje për të dëshmuar në Komision, Vokshi: Keni kryer vepër penale! appeared first on Albeu.com.

Xhelili u shpreh se fotot e mjeteve spitalore nuk tregojnë ndryshkjen e tyre siç pretendon Vokshi, por janë shenja leukoplasti, sipas tij.

Vokshi e ka kundërshtuar, duke e sfiduar të shkojnë bashkë në spitale për ta verifikuar.

Debati:

Xhelili: Fotot e paraqitura në komision, janë foto që nuk janë pranuar nga ajo strukturë spitalore që pretendoni se i keni marrë. E kam verifikuar personalisht.

(Opozita bën zhurmë)

Xhelili: O Mondi, ti nuk i lyen vetullat, mos e dëgjo këtë pjesë. As ti mos dëgjo Saimir.

Vokshi: Kshu i kanë thënë, ia paskan dërguar dje në darkë. Xhelili ju sfidoj, shkojmë bashkë e verifikojmë. Unë kur dal këtu e kam të verifikuar nga të gjitha anët, hajde shkojmë bashkë në martenitet.

Xhelili: Kryetare ju lash të flisnit, edhe dje pa folur dëshmitari e ndërprisnit, sikur e dinit çfarë do thonit, e keni të përparuar këtë pjesë…

Vokshi: Ju e kishit mendjen të mbronit Nushin dhe Ramën.

Xhelili: Ato shenjat e ndryshkut që paraqisni te fotot, janë si vetullat e lyera dhe ju thotë dikush që ‘e keni surratin me baltë’, është shenja që le leokoplasti, mos i gënjeni njerëzit. Nëse do ishin veglat me ndryshk do ishin marrë infeksione në spitale.

Vokshi: Meqë ke marrë atë mesazhin, kur nuk keni qenë ju ia kam paraqitur drejtorit të spitalit dhe nuk e ka mohuar. E kam nga burime të brendshme. Shkojmë e verifikojmë, jo vetëm aty. Në Vlorë përdorej autoklava e vjetër, edhe në QSUT dhe Elbasan. Ku janë koncensionet? Mbroni hajdutërinë bravo ju qoftë se mendoni se Rama do ju bëjë deputet, por kjo vjedhje ka kosto të lartë. T’ju vijë turp, pse i mbroni? Ato pajisje të ndryshkura janë akoma, edhe pasi erdhi hirushja e kohës suaj.

Ju mbroni vjedhjen, korrupsion dhe abuzimin me mbi 200 mln euro dhe bravo ju qoftë se mendoni se Rama do vu vërë deputet. Po është turp shumë i madh të mbroni vjedhjen sepse ka kosto shumë të lartë për jetën e qytetarëve. Duhet t;ju vijë turp se në vend që të thoni hajde të bëjmë transparencë që këto koncesione mos të përsëriten më, ju i mbroni dhe më thoni pajisjet që unë tregova nuk ekzistojnë më.

The post Debat i fortë te ‘Sterilizimi’/ Ti nuk i lyen vetullat o Mondi, Vokshi-deputetit të PS: Kështu ju thanë dje? appeared first on Albeu.com.

Tre shtetasit italianë, aksionerë në kompanitë e sterilizimit, për të tretën herë me radhë kanë refuzuar pjesëmarrjen në komision, duke argumentuar se për shkak të angazhimeve të tyre personale dhe të punës, nuk kanë mundësi të dëshmojnë.

Kryetarja e Komisionit Albana Vokshi, u shpreh se këto persona kanë përfituar miliona jo vetëm si aksionerë, por edhe si konsulentë privatë apo me kompani nënkontraktuese.

I njëjti problem është hasur edhe me dy dëshmitarët shqiptarë, Artan Lleshi dhe Altin Fani.

Vokshi u shpreh se Lleshi, refuzoi edhe dëshminë gjatë së premtes duke paraqitur një epikrizë, ndërsa për sot ka paraqitur një raport me fuqi prapavepruese “ me çudira në aspektin e afateve”.

Ajo deklaroi se dëshmia e zotit Lleshi, është konsideruar shumë e rëndësishme për komisionin, duke pasur parasysh se është mjek dhe drejtor në kompaninë koncesionare të sterilizimin.

Sipas Vokshit, ai ka edhe kompani nënkontraktore, duke përfituar miliona nga paratë e shqiptarëve.

Dëshmitari i fundit, administrator i kompanisë së sterilizimit Altin Fani, sipas Vokshit me një gjuhë arrogante ka sfiduar komisionin dhe ka deklaruar mospjesëmarrjen.

Kryetarja e Komisionit Albana Vokshi, deklaroi se për të pesë personat, Umbro Staccini , Elisabetta Anzanello, Giorgio Tardioli, Artan Lleshi dhe Altin Fani, do të veprohet në bazë të Kodit të Procedurës Penale dhe do t’i drejtohet policisë për të siguruar praninë e tyre në komision për të dëshmuar.

The post Sterilizimi/ Vokshi kërkon ndihmën e policisë: Sillni dëshmitarët në komision, sjellin epikriza dhe shohin punët personale appeared first on Albeu.com.