Biznesmeni, Gjergj Luca, ka denoncuar publikisht faturen e pazakonte që i ka mbërritur për shërbimin telefonik nga kompania “Vodafone Albania“.

“Ja si na vjedh Vodafone! Miq sapo mbërrita në aeroportin e Moskatit në Oman ndeza telefonin dhe duke shkuar për te kontrolli i pasaportës në gati 7 minuta kohë më vjen mesazhi e më njofton se interneti që po përdor me roaming më ka kushtuar 1 milionë e 400 mijë lekë, e përsëris edhe një herë: fatura ime e Vodafone për 7 minuta roaming më kushtoi 1400 euro…”

View this post on Instagram

A post shared by VOX News (@voxnews.al)

The post VIDEO/ Biznesmeni denoncon “Vodafone”: Më faturuan 1.4 milionë lekë për 7 minuta roaming appeared first on Albeu.com.

Çdo njërit prej nesh i ka ardhur në majë të hundës nga shpërbimet telefonike në vend, ku jo më larg se disa orë më parë, kompania ONE i “fiku” të gjitha shërbimet, e ndërkohë askush nuk mbajti përgjegjësi, si dhe nuk dha asnjë sqarim.

Gjithashtu secili prej nesh është përballur me radhë të gjata në pikat e riumbushjes, dhe ka parë e  dëgjuar se si hallexhinj të tjerë shkojnë e ankohen, por nuk gjejnë zgjidhje, e marrin të gjithë të njëjtën përgjigje, kontakto me “Shëbimin ndaj klientit”, ku sipas kompanisë numri i kontaktit edhe ndryshon, herë 141 e herë 142.

Të njëjtin problem ka denoncuar edhe avokati Altin Goxhaj, i cili thekson se nëse ke ndonjë problem me kompanitë telefonike si ONE ashtu edhe me VODAFONE, nuk ke për të gjetur asnjëherë zgjidhje, veçse do të torturohesh pa fund në call centerat e tyre, ku asnjëherë nuk e kupton se me kë je duke folur.

Denoncimi i Goxhajt:

ONE DHE VODAFONE NUK KE SHANS TU QASH NJË HALL SE TË FUSIN NË LABIRINTIN E CALL CENTERAVE DHE TË DUKET PORTA E TYRE SI PORTA E FRANC KAFKËS..

Nëse ti kërkon të zgjidhësh një hall që të ka krijuar ekskluvisht ONE ti nuk ke asnjë shans ta zgjidhësh sepse të rrasin në kontakt të stërlodhshëm me call centerin e tyre dhe kurrë s’ke për të marrë pëgjigje! Fatura e muajit Korrik më erdhi 47 mijë lekë për shkak të përdorimit të SMSve tej planit tarifor ndërkohë që para se ti përdorja shkova dhe pyeta te pika e tyre: “SMS i kam pa limit apo me limit?”.

“Plani yt tarifor përcakton se i keni pa limit” më tha ajo e shkreta që punonte aty se i pa tek llogaria ime. Po ashtu i kontrollova dhe vetë dhe ashtu ishte!

Kur po paguaja i thashë “Po a më thatë vetë që i kam pa limit dhe vetë llogaria ime kshu shkruan?”

“Ke të drejtë por nuk e zgjidh dot..”..

“A ka mundësi të flas me ndonjë nga kompania?”

“Veç me shërbimin e klientit (call centerin) mund të bësh ankesë..”

“Ehhhh para 2 vjetësh mbeta pa e përdor këtë numër fare kur desha të prishja kontratën e prishur, se ma zhytën me 84 mijë lekë dhe më shtuan tarifa shtesë çdo muaj.. përtej kontratës duke arritur abuzimi deri në 200 mijë të vjetra. Po paguaj sa ma keni zhytur se ka dhe më keq e të mbetem pa numër fare.. se e kam provuar kur ishit Albtelecom. Tani që e kaluat ylberin dhe u bënë ONE mavi, kur sheh se çfarë kaosi keni prodhuar, e kuptoj se halli im është pikë në oqeanin e halleve që i keni shkaktuar gjithë dynjasë. S’ke faj ti mi goce se ti punonjëse je por unë s’di kujt t’ja nxjerr inatin se shefat e tu e kanë zgjidh problemin duke eleminuar çdo kontakt me klientët e vet dhe duke përdorur një call center gënjeshtar që nuk mund të zgjidhë asgjë se e keqja e kompanisë është në rrënjë dhe në majë..”

The post Shërbimet celulare në Shqipëri për tu “qarë hallin”, avokati: Nëse ankohesh te ONE të përplasin në “call center” appeared first on Albeu.com.

Gjatë transforimimit, kompanisë iu desh që të bashkonte Telekom Albanian dhe Albtelecom nën brandin e ri ONE Albania, gjë e cila nuk duhej të ndodhte vetëm në çështje logosh dhe marketingu, por edhe teknikisht.

Mirëpo, siç mëson AlbEu.com ky proces po has në probleme shumë të mëdha teknike duke bërë që mijëra abonentëve t’iu shkëputet shërbimi pa asnjë paralajmërim.

Në këto kushte, duket se kompania “Vodafone” është “hedhur në sulm” dhe po tenton që t’i marrë klientët. Siç mëson AlbEu.com, klientët e Albtelecom, janë kontaktuar nga kompania Vodafone me qëllim bartjen e numrit duke i ofruar edhe promocione “joshëse”.

Miërpo, kjo pratkikë është e ndaluar nga AKEP (Autoriteti i Komunikimeve Elektronike dhe Postare) pasi kompanitë nuk mund të telefonojnë klientët e një kompanie tjetër dhe t’i propozojnë bartjen e numrit.

Neni 14

Njoftimi

(ndryshuar pikat 2, 5, 7 dhe 9 me ligjin nr. 102/2012, datë 24.10.2012)

1. Cilido sipërmarrës që, për qëllime fitimi, parashikon të ofrojë një rrjet ose shërbim të komunikimeve elektronike, duhet të njoftojë AKEP-in përpara fillimit të funksionimit, ndryshimit ose ndërprerjes.

2.Njoftimi i sipërmarrësit bëhet me shkrim, sipas rregullave të miratuara nga AKEP-i, dhe duhet të përmbajë informacionin e mëposhtëm:

1. a) emrin dhe adresën e ofruesit;
2. b) të dhënat e regjistrimit ligjor të sipërmarrësit;
3. c) personat e kontaktit të sipërmarrësit;

ç) përshkrimin e shkurtër të rrjetit ose shërbimit;

1. d) datën kur është parashikuar fillimi i ofrimit, і ndryshimit ose veprimtarisë.
2. Njoftimi shoqërohet me deklaratën se:
3. a) informacioni është i saktë;
4. b) sipërmarrësi do t’i zbatojë detyrimet ligjore.
5. Sipërmarrësit (operatorët dhe ofruesit e shërbimit) janë të detyruar të raportojnë në AKEP të gjitha ndryshimet në informacionin e paraqitur gjatë njoftimit, brenda 30 ditëve nga ndodhja e tyre.

Në redaskinë e AlbEu kanë mbërritur një numër i madh ankesash në lidhje me ndërprerjen e shërbimit nga kompania ONE Albania fill pas fillimit të procesit të bashkimit të kompanive.

Pse ka dështuar?

Kompania njoftoi abonentët se më datë 1 prill të gjitha numrat Albtelecom do të kalonin në ONE Albania dhe kjo kërkon një process teknik të komplikuar për të mos shkaktuar dështime rrugës. Duket se ONE Albania ka tentuar të instalojë një sistem tjetër nga një vend i lindjes, gjë e cila ka bërë që të dështojë gjithçka.

Siç mëson AlbEu problemi ka nisur po ashtu edhe për faktin se është vërejtur një “crash” mes numrave të njëjtë që ishin në Albtelecom me prefix (067) me ata që janë në ONE Albania me prefiks (068).

E gjithë kjo rrëmuje me numrat dhe ndërprerje të shërbimit për abonentët është shoqëruar me akuza të forta nga vetë abonentët e Albtelecom dhe ata të ONE, të cilët tashmë kanë mbetur pa sinjal pavarësisht se kanë paguar./Albeu.com/

The post Kaos në telefoninë celulare, One Albania në agoni, Vodafone “sulet” për t’i vjedhur klientët appeared first on Albeu.com.

Dhe Vodafone Albania po vazhdon ta bëjë këtë, përmes nismash e projektesh të ndryshme që inkurajojnë e frymëzojnë të rinjtë në edukimin dhe zhvillimin e aftësive të tyre digjitale.

Juth by Vodafone, është plaftorma digjitale e krijuar tre vjet më parë, enkas për këta të rinj, që vazhdon të zhvillohet e përmirësohet për të sjellë çdo herë e më shumë argëtim, shërbime e oferta fantastike për të gjithë juthistët që aplikojnë dhe e bëjnë të tyrin këtë aplikacion.

Juth App do të hapë portën e mundësive të reja. Çdo i ri që e shkarkon dhe regjistrohet në Juth app do të mundë të përfitojë shumë nga shërbimet aktuale por dhe ato të rejat që do të ofrohen, siç janë për shembull dhe Spin the Wheel, përmes të cilit të rinjtë mund të argëtohen por dhe të përfitojnë çmime të ndryshme, apo dhe platforma XP me eventet dhe experiencat me cool në Shqipëri, apo dhe portofoli i shërbimeve dhe produkteve gjithmonë e në zhvillim me oferta speciale, etj.

Duket si një epokë e re e Juth App, që duhet festuar fort. Ndaj dhe Vodafone Albania solli në treg një produkt shumë interesant, unik, një këngë e videoklip krijuar enkas për të rinjtë, në bashkëpunim me një nga reperët më të preferuar prej tyre, Butën.

“Born free” titullohet kënga që po përcjell mesazhet që mund të konsiderohen si manifesti frymëzues për të gjithë juthistët.

“Born free” është videoklipi që bën bashkë të gjithë karakteret, dëshirat dhe qëllimet e të rinjve, që kanë lindur për të qenë të lirë.

Për ta shijuar këngën “Born free” klikoni në link: https://www.youtube.com/watch?v=r8Gv2m0ZLnc

The post Juth app….porta e mundësive të reja appeared first on Albeu.com.

Sigurisht që e mbani mend, sepse ajo natë ka qenë e paharrueshme, si çdo gjë cool që ndodh në Shqipëri e që mban firmën e JUTH-it. Siç ishin edhe “Home concert” me Elvana Gjatën, Ledri Vulën, Ylli Limanin, Eugen Bushpepën, Marsela Çibukajn, Young Zerkën etj, apo dhe koncerti live me Alban Skënderajn, Arilenën e Kidën, turi i festivalet verore të organizuara nga JUTH nëpër qytetet bregdetare të Shqipërisë dhe i “Urban Day” në Tiranë.

Tani, mesa duket ka ardhur koha për një tjetër lajm të bukur. Ka zëra që thonë se platforma më e madhe dhe popullore digjitale e të rinjve në Shqipëri po përgatit surprizën e radhës për juthistët, që do të ngre nivelet e adrenalinës të përdoruesëve të saj besnikë (nëse ju nuk jeni ende njëri prej tyre, por keni numër Vodafone, nxitoni të shkarkoni JUTH app. Ju sigurojmë se nuk do të donit ta humbisnit eventin e radhës.) Ata që po e përgatisin këtë surprizë janë diskretë dhe ende nuk dimë se për çfarë bëhet fjalë; por do ta marrim vesh vetëm me 25 shkurt.

Dihet vetëm se gjëja e radhës, e madhe dhe e bukur, që mban firmën e JUTH-it ka të bëjë edhe kësaj here me të rinjtë që guxojnë, me ata që ndihen të lirë dhe e jetojnë lirinë e tyre në çdo drejtim. Që janë të lirë të jenë ata që duan. Që ndihen të sigurtë, të fuqishëm dhe të lidhur me njëri-tjetrin. Që janë të lirë të zgjedhin rrugën që duan në jetë, që thonë atë që mendojnë dhe nuk e vrasin mendjen për atë që mendojnë të tjerët. Që ndihen të lirë të pranojnë ndryshimet, pasiguritë dhe papërsosmëritë e tyre. Që janë të lirë të përjetojnë eksperienca të reja, të gjejnë qëllimin e tyre në jetë. Të lirë dhe të guximshëm për të qenë vetvetja. Të lirë në gjithçka. Sepse kanë lindur të lirë! Të lirë dhe pak të çmendur.

Por çfarë është kjo gjëja hot që ka ngjallur kureshtjen e juthistëve, ende pa pasur një formë? A do të jetë një tjetër koncert, një tjetër artist i preferuar në tregun shqiptar? Nuk dihet ende asgjë. Për momentin duhet të mjaftohemi vetëm me faktin se ajo që Juth by Vodafone po kurdis këtë herë do të jetë prapë Wow. Stay tuned!Ku? Në JUTH app.

The post Çfarë po kurdis JUTH këtë herë? appeared first on Albeu.com.

E ndodhur për një vizitë të shkurtër e shumë intensive pune në Tiranë, Drejtoresha e Përgjithshme për Vodafone Europe, znj. Serpil Timuray dha një intervistë ekskluzive për Euronews Albania, ku theksoi se Shqipëria është një ndër tregjet me performancën më të mirë e se ka shumë potencial e mundësi për të përfituar nga transformimi dixhital. “Qeveria e vendit tuaj është shumë e fokusuar te dixhitalizimi. Ky është një mjedis pro biznesit, ndaj do të donim të luanin rolin tonë si një aktor global për të bërë ç’është e mundur që Shqipëria të përfitojë nga ekspertiza dhe eksperienca jonë, për të përshpejtuar përparimin ekonomik dhe atë të shoqërisë në përgjithësi.” – tha Drejtoresha e Përgjithshme për Vodafone Europe, duke renditur më pas tre strategji të rëndësishme të Vodafone Group në Shqipëri: ofrimin e një cilësie superiore të rrjetit, si në rrjetin e lëvizshëm, edhe atë fiks, çka do të arrihet përmes futjes së teknologjisë 5G dhe përmirësimit të teknologjisë së rrjetit fiks; transformimin dixhital, ku që tani po zbatohen aftësi dixhitale të klasit botëror në Shqipëri, si dhe vazhdimi i projekteve për të zhvilluar dhe aftësuar më tej talentet e reja, gjë që do ta shndërronte Vodafone Albania në një inkubator të iniciativave të reja të inovacionit dhe Shqipërinë një nga tre laboratorët dixhitalë të Evropës, që do të punojë për sipërmarrjet e grupit.

Gjatë intervistës, znj. Serpil foli për objektivin parësor që Vodafone pati gjatë kohës së pandemisë për t’u siguruar që klientët dhe komunitetet ku operon të ishin të lidhur në rrjet dhe të kishin mbështetjen e duhur.

“Kemi mbështetur 1.5 milionë punonjës të shëndetësisë përmes fondeve dhe shërbimeve tona, si dhe iu kemi siguruar akses pa pagesë në faqe shëndeti online 15 milionë njerëzve. Në të njëjtën kohë, iu ofruam mbështetje 5 milionë studentëve, duke iu siguruar akses pa pagesë në faqe interneti dixhitale, si dhe 4 milionë bizneseve. I gjithë ky plan mbështetjeje kap një shifër prej 150 milionë eurosh dhurime në materiale, nga të cilat kanë përfituar 100 milionë njerëz”.

Drejtoresha e Vodafone Europe vijoi më tej edhe me investimet konkrete e konsistente të bëra në Shqipëri, të fokusuara kryesisht në cilësinë e rrjetit, duke bërë që Vodafone të ketë rrjetin më të mirë.

Ajo u shpreh entuziaste se bizneset në Shqipëri ndjekin strategjinë e Vodafone dhe se po bëhen kështu kontribues të rëndësishëm në strategjitë e grupit Vodafone. Pyetjes së gazetares Çifligu për hyrjen e Vodafone Albania edhe në tregun e internetit fiks në Shqipëri, pas blerjes së ABCom, znj. Serpil iu përgjigj se kjo është një blerje strategjike nga ana e kompanisë dhe në përputhje me strategjitë globale për t’iu ofruar klientëve shërbime të konverguara.

Biseda në studion e Euronews preku gjithashtu çështjet sociale që Vodafone mbështet, me qëllimin për të ndërlidhur të gjithë, në emër të një të ardhmeje më të mirë. “Kemi tre prioritete: i pari është të mbështesim krijimin e një shoqërie dixhitale; i dyti, gjithëpërfshirja, që askush të mos mbetet pas dhe i treti, të kontribuojmë në mbrojtjen e planetit. Kemi ndërmarrë disa iniciativa në të gjithë botën për të përmbushur këto tre prioritete.”- tha znj. Serpil, duke theksuar se Shqipëria është një shembull i mirë i iniciativave të rëndësishme që po ndërmerren për gratë, njëra prej të cilave është fushata “Hidh një h’app”, ku përmes teknologjisë do t’iu vihet në ndihmë grave të rrezikuara nga dhuna, veçanërisht ajo në familje apo dhe iniciativat për ruajtjen e planetit, duke operuar në treg me burime energjie 100% të rinovueshme, çka e bën Shqipërinë një ndër shembujt më të mirë të përdorimit të energjisë ekologjike.

Në fund të bisedës, Drejtoresha e Përgjithshme e Vodafone Europe shprehu bindjen e saj të fortë se Shqipëria ka shumë potencial dhe mundësi për të përfituar nga transformimi dixhital.

The post Drejtoresha e Përgjithshme për Vodafone Europe: “Shqipëria, një vend me shumë potencial dhe mundësi për të përfituar nga transformimi dixhital” appeared first on Albeu.com.

Ndaj nëpër rrugët e qyteteve rikthehen tubimet masive e në rrjetet sociale po përcillen çdo herë e më fort mesazhe dhe thirrje për t’u marrë masa dhe inciativa konkrete për ta luftuar këtë fenomen.

Vodafone Albania, si një prej kompanive me kontribut të lartë në kauzat sociale në vend, ka vënë në dispozicion teknologjinë si mjet për të çuar ndihmën, këshillimin dhe informacionin kudo nëpër Shqipëri. Nëpërmjet Fondacionit Vodafone Albania, Vodafone ka prezantuar së fundmi edhe në Shqipëri një aplikacion, informues dhe këshillues virtual për çështjet e dhunës në familje dhe dhunës me bazë gjinore.

“Hidh një h’app! është thirrja që Fondacioni Vodafone Albania i bën kujtdo për të shkarkuar aplikacionin dhe marrë informacion si mund të ndihmojnë veten apo të afërm e të njohur, për të dalë nga marrëdhëniet abuzive.

Aplikacioni, emri i të cilit nuk bëhet publik për arsye sigurie, ndahet në dy kategori: informues dhe këshillues, për personin që mund të jetë subjekt dhune dhe për këdo që dëshiron të ndihmojë një të afërm që mund të ndodhet në një situatë dhune. Aplikacioni përmban një udhëzues me informacion të plotë për rastet e dhunës, hapat që duhen ndjekur për të dalë nga situata, numrat e shërbimeve të specializuara që mundësojnë mbështetje, si dhe qendrat, OJF-të e këshillimit, strehimit dhe integrimit në shoqëri, për viktimat e dhunës, në të gjithë territorin e Republikës së Shqipërisë.

Aplikacioni i zhvilluar nga Hestia dhe Fondacioni Vodafone gjeti mbështetjen dhe bashkëpunimin e Ministrisë së Brendshme, Ministrisë së Shëndetësise dhe Mbrojtjes Sociale, Policisë së Shtetit dhe UN Ëomen Shqipëri. Grupi i punës me pjesëmarrjen e këtyre institucioneve mundësoi përmbajtjen e këtij aplikacioni për t’i hapur rrugë këshillimit dhe mbështetjes edhe virtualisht për këdo.

Një pyetësor i shkurtër brenda aplikacionit ndihmon përdoruesit të vlerësojnë sigurinë e marrëdhënies në të cilën ata janë përfshirë. Gjithashtu, aplikacioni përmban informacion në lidhje me forma të ndryshme të abuzimit në një marrëdhënie, format e dhunës ne familje dhe asaj me baze gjinore, mekanizmat e mbështetjes në dispozicion për këdo që do të dalë nga një situatë dhune apo nga një marrëdhënie abuzive, si dhe për këdo që do të mbështesë, ndihmojë dhe informojë një mik, shok a të afërm që ndodhet në një situatë të vështirë.

Aplikacioni është falas dhe i disponueshëm në anglisht dhe shqip në App Store dhe Google Play Store.

Të interesuarit mund të telefonojnë në numrin +355696796000 ose të dërgojnë një email në foundation.al@vodafone.com për t’u informuar mbi emrin e aplikacionit dhe funksionalitetin e tij.

The post Hidh një h’app… telefono +355696796000 dhe shkarko aplikacionin! appeared first on Albeu.com.

Një udhëtar i paepur, që lëviz pafund, në çdo cep të Shqipërisë, mund të bëhet dëshmitari më i mirë i kësaj eksperience. Siç është dhe Anxhi Çeliku, që është çdo fundjavë kudo, tashmë #kudomevodafone, duke promovuar Shipërinë e bukur. Pas postimeve spektakolare të javëve të shkuara, me në sfond shtëpitë karakteristike të fshatit Vuno, pastaj ujërat e kristalta të Palasës e mandej perëndimin e flaktë në Dhërmi, Anxhi duket nga fotografitë e fundit se ka ndryshuar tërësisht drejtim. Ka shkuar në veri këtë fundjavë. Është ulur këmbëkryq mes vargmaleve të Bjeshkëve të Namuna në Luginën e Grebajës e mandej edhe në Majën e Vajushës, duke postuar pamje që kanë tërhequr fort vëmendjen e rrjeteve sociale. Po aq sa kanë tërhequr dhe postimet e një tjetër shtegtari po kaq të apasionur, Fation Plakut, i cili ka ndarë gjatë kësaj jave, pamje të rralla të guidës së tij unike, “Peaks of the Balkans” (Majat e Ballkanit”). Edhe Fationi ka gërshtetuar malet mbresëlënëse të Tropojës, Thethit, me gjiret e virgjëra të rivierës, si i famshmi Gjiri i Gramës. Eksperiencat e tij fantastike, Fationi i ka ndarë këtë të shtunë edhe, në “Pushime on Top”, ku ka treguar se sa e rëndësishme dhe e domosdoshmë është fuqia e teknologjisë dhe rrjetit për t’i promovuar vendet ku ai shkon, live nga rrjetet sociale.

Fationi edhe Anxhi kanë përmbushur kështu misionin e tyre si brand ambasadorë të fushatës #kudomeVodafone, që Vodafone Albania nisi gjatë kësaj vere në median e saj sociale, me qëllim promovimin e Shqipërisë sonë të bukur e të panjohur ende, përmes teknologjisë dhe rrjetit të gjerë e të fuqishëm Vodafone. Të dy këta udhëtarë të apasionuar, po vazhdojnë të na përcjellin nga çdo stacion ku ndalojnë, në kohë reale, eksperiencën e tyre përmes rrjetit Vodafone që është fleksibël dhe i aksesueshëm lehtësisht për këdo si ata, që janë të apasionuar pas natyrës e që zgjedhin të jenë në kësi udhëtimesh eksploruese, të cilat shpesh shkojnë deri në kufi me shtetet e rajonit. Por, kjo nuk është më një problem. Tani që tarifat e roaming janë 0 në të 6 vendet e Ballkanit Perëndimor, pra në Kosovë, Bosnjë, Serbi, Maqedoninë e Veriut, Mal të Zi, është më e lehtë të postojnë në kohë reale edhe aty ku valët e operatorëve shqiptarë ua lënë radhën atyre të operatorëve në vendet fqinje. Sepse të përfitosh nga roaming tani është shumë e lehtë. Abonentët Vodafone mund të përdorin të njëjtën paketë që kanë edhe në Shqipëri, mjafton të ndryshojnë Network, nga Automatic ta kthejnë në Manual- Roaming on dhe të qëndrojnë të lidhur.

Në tour- et që Fationi organizon janë të shumtë dhe turistët e huaj që vijnë për të shijuar Shqipërinë dhe që e shpërndajnë këtë eksperiencë duke përfituar nga Vodafone Tourist Pack, paketa me 1500 lekë, me 20 GB internet, qindra minuta e sms kombëtare e ndërkombetare për plot 21 ditë. E ndërsa të huajt po vijnë gjithmonë e më shumë në Shqipëri, ka shumë shqiptarë që vazhdojnë të zgjedhin të pushojnë e udhëtojnë jashtë kufijve. Sigurisht që Vodafone ka paketa favorizuese edhe për ta. Jo vetëm se është rrjeti me shtrirjen më të gjerë në Europë e botë, por ofron dhe një plan shumë të favorshëm roaming për çdo vend të Europës e botës: për të shmangur tarifat për njësi dhe për të mbajtur nën kontroll shpenzimet pas përfundimit të planit tarifor/njësive aktive të paketës, klientët Vodafone mund të aktivizojnë paketën internet roaming  (1.5GB  Europe, SHBA, Kanada) që konsiderohet produkti best seller i paketave aktuale roaming (i vlefshëm për Europë, SHBA, Kanada) për klientët me parapagesë dhe ata të planit tarifor “Next”. Kjo paketë, e cila kushton vetëm 1,300 lekë dhe përmban 1.5 GB, vlen për dhjetë ditë. Klientët “Next” përfitojnë dyfishin e internetit të kësaj pakete, pra 3 GB me të njëjtin çmim.

Dhe të gjithë ata, të cilët shpirti i aventurës i nxit të eksplorojnë destinacionet më të largëta dhe ekzotike, paketa Vodafone “Rest of the world” i shoqëron kudo.

Pra askujt s’i mbetet gjë tjetër, veçse të planifikojë çfardo lloj pushimi apo udhëtimi, brenda apo jashtë Shqipërisë, të bëjë gati valixhen e të niset i qetë, sepse kudo që të jetë, do të kenë me vete rrjetin e shpejtë e të sigurtë Vodafone. #kudomeVodafone është garancia e vetme dhe e dëshmuar tashmë, nga çdo cep i Shqipërisë e përtej saj.

The post Kushdo, kurdo, #kudomeVodafone appeared first on Albeu.com.

Tarifa 0 roaming në të 6 vendet Ballkanit Perëndimor ishte një mision që u realizua me hyrjen në fuqi të Marrëveshjes Rajonale të Roaming, e nxitur nga Këshilli i Bashkëpunimit Rajonal dhe e nënshkruar mes BE-së dhe 6 shteteve të Ballkanit Perëndimor (Shqipëri, Kosovë, Bosnjë, Serbi, Maqedoni e Veriut, Mali i Zi.)

Zerimi i tarifave roaming për vendet e Ballkanit Perëndimor për thirrjet hyrëse dhe dalëse, nën moton “Udhëto pa tarifa roaming në Ballkanin Perëndimor”, do të jetë një lehtësi e madhe, jo vetëm financiare, por edhe burokratike.

E mbështetur edhe nga Vodafone Albania, kjo platformë lehtësuese, do t’ua mundësojë edhe shqiptarëve “Të flasin si në shpi” kudo që të udhëtojnë në rajon. Klientët Vodafone do të kenë mundësinë të përdorin njësitë e planit të tyre tarifor pa asnjë kosto shtesë sikur të jenë në Shqipëri, edhe gjatë qëndrimit në Kosovë, Mal të Zi, Bosnje dhe Hercegovinë, Serbi e Maqedoni të Veriut.

Jo vetëm kaq. Vodafone ofron një plan shumë të favorshëm roaming edhe përtej rajonit. Për të shmangur tarifat për njësi dhe për të mbajtur nën kontroll shpenzimet pas përfundimit të planit tarifor/njësive aktive të paketës, klientët Vodafone mund të aktivizojnë paketën 1 GB Roaming në Evropë, që konsiderohet produkti premium i paketave aktuale roaming (i vlefshëm për BE, SHBA, Kanada) për klientët me parapagesë dhe ata të planit tarifor “Next”. Kjo paketë, e cila kushton vetëm 1,300 lekë dhe përmban 1.5 GB, vlen për dhjetë ditë. Klientët “Next” përfitojnë dyfishin e internetit të kësaj pakete, pra 3 GB. Ndërkohë, me paketën roaming aktive, minutat hyrëse dhe dalëse tarifohen njësoj si në Shqipëri.

Vodafone Albania, si pjesë e Vodafone Group, ofron shërbimet e ofertat roaming më konkurruese në treg, falë shtrirjes së gjerë të rrjetit Vodafone dhe partnerëve. Vodafone ofron shërbime roaming në 210 shtete të ndryshme e ka marrëveshje roaming me 650 operatorë celularë nëpër botë. Kjo është arsyeja se përse për udhëtimet jashtë vendit, rrjeti Vodafone është pa dyshim partneri më i mirë për të garantuar një komunikim të pandërprerë dhe cilësinë më të mirë të shërbimit, kudo ndodheni.

The post Nga sot, udhëto me rrjetin Vodafone në Ballkanin Perëndimor, pa tarifa roaming appeared first on Albeu.com.

Redforkids, projekti që nisi si përgjigje emergjente ndaj nevojës së krijuar gjatë pandemisë për të mos lënë asnjë fëmijë larg teknologjisë, duke dhuruar 15,000 tableta për fëmijët në nevojë, do të vijojë më një sërë iniciativash me fokus zhvillimin e njohurive dixhitale për nxënësit në të gjithë Shqipërinë si një platformë gjithëpërfshirëse nën moton “Fëmijët e së ardhmes”.

Fëmijët dhe të rinjtë janë në fokus të investimeve strategjike të Vodafone, jo vetëm për të garantuar edukimin dhe zhvillimin e aftësive dixhitale, por edhe për të krijuar mundësinë e punësimit të tyre.

VOIS, projekti ime i ri i Vodafone Albania, do të punësojë së shpejti mbi 1000 të rinj, të cilët do të ofrojnë nga Shqipëria shërbime dixhitale dhe operacionale për kompanitë Vodafone nëpër Europë. VOIS Albania do te jete 1 nga 3 hubet kryesore të zhvillimit të sherbimeve dhe platformave të Vodafone Grupit ne Europe.

Në këto kohë kur rrjetet dhe teknologjia po revolucionarizojnë industritë dhe ekonomitë në mbarë botën, dixhitalizimi është fokusi i zhvillimit edhe në vendin tonë. Vodafone Albania është gjithmonë pararojë e inovacionit në Shqipëri jo vetëm në produkte e shërbime komunikimi por edhe në sherbime dixhitale për konsumatorët dhe bizneset.

Vodafone Albania,  si një nga investitorët e huaj më të mëdhenj në Shqipëri, operon prej 20 vitesh në treg me investime të vazhdueshme që kapin vlerën e 1,9 miliardë eurove.

Vetëm në dy vitet e fundit, kur Shqipëria u përball me krizën e tërmetit dhe covid-19, Vodafone i dedikoi rreth 6 milionë euro nismave për përballimin e emergjencave paralelisht me zbatimin e planit stragjik për zhvillimin e mëtejshëm të infrastrukturës së rrjetit në vend.

Moment kyç ishte hyrja në tregun fiks me blerjen e operatorit të dytë më të madh fiks, një tjetër hap ky drejt zgjerimit të portofolit të shërbimeve për klientët. Çertifikuar ndër vite si rrjeti më i mirë celular në vend, vetëm në pak muaj pas nisjes së investimit prej 100 milionë eurosh në infrastrukturën fikse, Vodafone u çertifikua edhe si rrjeti më i mirë fiks.

Drejtori i Përgjithshëm i Vodafone Albania, z.Kanaris, tha në fjalën e tij se:

“Angazhimi ynë si Vodafone në Shqipëri shkon tashmë përtej logjikës  tradicionale të biznesit si kompani telekomunikacioni. Me përfshirjen tonë në aktivitetet e jetës së përditshme dhe investimieve në kauza sociale të vendit e ka ndryshuar rrënjësisht pozicionimin tonë si brend dhe axhendën tonë në dy viteve të fundit”.

Më tej, z. Kanaris shtoi se në fund të rrugëtimit të tij 3-vjeçar në Shqipëri, ndihet krenar për arritjet dhe entuziast për projektet që Vodafone Albania do të vijojë për realizimin e axhendës dixhitale në vend. Ky angazhim u konfirmua edhe nga znj. Katia Stathaki, e cila merr drejtimin e Vodafone Albania prej 1 korrikut 2021.

Together we can, së bashku me teknologjinë drejt realizimit të axhendës dixhitale për Shqipërinë.

The post Together we can, forca e bashkimit të shpirtit njerëzor me teknologjinë appeared first on Albeu.com.