Qëllimi i kësaj marrëveshjeje, që u nënshkrua nga Drejtoresha e Përgjithshme e Vodafone Albania, Katia Stathaki dhe ministrja e Turizmit dhe Mjedisit, Mirela Kumbaro, është angazhimi dhe promovimi i nismave e programeve gjithëpërfshirëse turistike e mjedisore, që do të ndërmerren nga palët, bazuar në teknologjitë dhe veprimtarinë e Vodafone Albania në të gjithë Shqipërinë.

Në fjalën e saj, Drejtoresha e Vodafone Albania, Katia Stathaki, theksoi: “Vodafone ka kontribuar në promovimin e Shqipërisë për 21 vite, nëpërmjet rrjetit Vodafone, i cili lidh njerëzit nga Vermoshi në Konispol. Përmes këtij memorandumi hedhim një hap përpara, duke vënë kanalet tona në dispozicion të promovimit të mundësive të mrekullueshme që Shqipëria ka mundësi t’u ofrojë turistëve. Por sot jemi këtu edhe për mjedisin. Projekti ynë më i ri është pikërisht riciklimi i baterive konsumatore.”

Ministrja e Turizmit dhe Mjedisit, Mirela Kumbaro, tha: “Ne e përdorim telefoninë mobile për të folur me njëri-tjetrin, por është fantastik ky bashkim që kemi këtu sot, për ta bërë Vodafone-in edhe një mjet komunikimi mes vendeve. M’u duk fantastike ideja se si ne mund të bashkëpunojmë, si në sektorin e mjedisit, edhe në atë të turizmit, në radhë të parë për të promovuar Shqipërinë turistike. Jam e mbresuar shumë pozitivisht edhe nga dimensioni mjedisor që përpiqeni të zhvilloni si Vodafone, duke ju falenderuar për mbështetjen që i keni bërë edhe planit të pastrimit kombëtar.”

Programet që përfshihen në këtë marrëveshje bashkëpunimi kanë si qëllim të kontribuojnë në  zhvillimin dhe mbrojtjen e një mjedisi e planeti të qëndrueshëm, nëpërmjet fushatës #switchtogreen (disa nga aktivitetet që do të zhvillohen në kuadër të këtij programi janë “Dita e Tokës”, ndalimi i qeseve plastike, zhvillimi i kartave Vodafone ECO-SIM me material të riciklueshëm); do të promovojnë, përmes teknologjisë e shërbimeve që ofron Vodafone Albania, turizmin në Shqipëri si dhe identifikimin e “perlave të fshehura” në vendin tonë, jo vetëm nga të huajt, por edhe nga shtetasit shqiptarë (fushatat do të jenë digjitale, por dhe duke qenë të pranishëm në pika kyçe turistike, nëpërmjet ofrimit të paketave Tourist Pack; do të ndërgjegjësojnë qytetarët për riciklimin e baterive familjare sipas parametrave dhe rregullave evropiane (pogrami do të pilotohet në 48 dyqane të Vodafone, në Tiranë dhe Elbasan, e do të zgjerohet më tej në të gjithë Shqipërinë).

Digjitalizimi i industrisë së turizmit në Shqipëri, në kuadër të zhvillimit ekonomik e përmirësimit të cilësisë së jetës, është misioni që po bën bashkë Vodafone Albania dhe Ministrinë e Turizmit dhe Mjedisit.

Ministria e Turizmit dhe Mjedisit është e angazhuar për hartimin dhe zbatimin e politikave që synojnë zhvillimin e qëndrueshëm të turizmit dhe promovimin e vendit si një destinacion turistik tërheqës.

Vodafone Albania angazhohet të mbështesë Objektivat e Zhvillimit të Qëndrueshëm, të prezantuara nga Kombet e Bashkuara, duke e vendosur teknologjinë në shërbim të realizimit të objektivave për një të ardhme më të mirë.

The post Bashkë për digjitalizimin e turizmit dhe mjedisit appeared first on Albeu.com.

Faza e parë e këtij projekti u finalizua sot në një event që u organizua në mjediset e Tirana European Youth Capital, ku u prezantuan dhe u vlerësuan me çmime projektet koduese më të mira. Ishin të pranishëm pjesëmarrësit në trajnime, nga të 12 shkollat, përfaqësues të Fondacionit Vodafone Albania, Ministrisë së Arsimit dhe Sportit, organizatës SciCo dhe partnerë të tjerë të STEM.

Faza e parë e projektit “Generation Next” është zhvilluar me metodologjinë STEM, sikurse është përcaktuar në memorandumin e bashkëpunimit, për rreth 250 nxënës dhe mësuesit e tyre, në një interval kohe prej dy muaj e gjysmë.

Në fazën e konkurrimit u paraqitën 51 projekte të realizuara nga nxënësit, prej të cilave 39 ishin Arduino dhe 12 app inventor. Në fazën finale të konkurrimit u përzgjodhën 10 projektet më të mira nga juria, e cila përbëhej nga Admir Malaj, CEO i Alpha Plan NGO/Code for Albania, Hilda Helga Laszlo, Drejtore e IT-së në Vodafone Albania, Majlinda Mehmetaj, përfaqësuese e Ministrisë së Arsimit, Gerti Boshnjaku, CEO i Albania Tech, Theo Anagnostopoulos, president i SciCo NGO.

Projektet e realizuara ishin të gjitha zgjidhje të mirëmenduara teknologjike për të përmirësuar, lehtësuar apo bërë më të sigurtë jetën në komunitet. Fëmijët kishin realizuar produkte që iu vijnë në ndihmë njerëzve me aftësi të kufizuara, që promovojnë agroturizmin apo e bëjnë më të sigurtë ambientin shkollor. Madje projekti që meritoi çmimin e parë, realizuar nga nxënësit e shkollës “Sulë Harri” në Elbasan, titullohej pikërisht “Shkolla që duam”, ku përmes kodimit, shkolla mund të bëhet një ambient më i sigurtë. Çmimi i dytë shkoi përsëri për një tjetër grup nxënësish nga shkolla “Sulë Harri” në Elbasan dhe çmimi i tretë për shkollën “Neim Babameto” në Durrës.

Mësuesja Valentina Ismaili, mentorja e grupeve fituese të vendit të parë e të dytë, u shpreh se: “Nëpërmjet këtyre projekteve që realizuam, kuptuam se është teknologjia ajo që u jep zgjidhje shumë problemeve në jetë.”

Drejtoresha e Përgjithshme e Vodafone Albania, Katia Stathaki, u shpreh entuziaste për aftësitë digjitale të nxënëse në moshë kaq të re. “Si CEO e një kompanie teknologjie jam shumë e lumtur të shikoj se kemi arritur të nxisim ide smart në mendjen e gjeneratës së re. 10 vjet nga sot, shpresoj t’ju shikoj të dilni në titujt e lajmeve, si emra të mëdhenj në fushën e kodimit.”

E pranishme në këtë event, Ministrja e Arsimit Evis Kushi, u shpreh se: “Nuk e mendoja që në një përiudhë kaq të shkurtër, rezultatet e këtij projekti do të ishin kaq domethënëse dhe nxënësit do të ishin kaq të përfshirë, bashkë me mësuesit. Kemi plan që edhe vitin e ardhshëm, jo vetëm në 12 shkolla, por edhe në 30 shkolla, deri në fund të projektit, në fund të tre viteve, të kemi gjithsej 60 shkolla.”

Ndërsa presidenti i SciCo NGO, Theo Anagnostopoulos, iu referua të rinjve si e ardhmja e Generation Next. “Përgjatë këtij udhëtimi, ju i dhatë zgjidhje disa problemeve sociale nëpërmjet STEM, duke plotësuar kështu fazën pilot të këtij projekti, që shpresoj ta keni shijuar.”

STEM financohet nga Fondacioni Vodafone Group, si pjesë e agjendës strategjike për aftësimin digjital në Evropë (duke investuar 40 milionë euro në tregjet evropiane) dhe që do të shtrihet edhe përgjatë 3 viteve të ardhshme. Aftësimi digjital është pjesë e objektivave të Vodafone. Kohët po ndryshojnë, studentët po ndryshojnë dhe është thelbësore që sektori i arsimit të ecë në një hap me revolucionin e 4-rt industrial që po vjen, pra revolucionin teknologjik. Bashkimi Evropian po jep 3 miliardë euro fonde, pra 3 miliard euro nga 9 në total të paketës së destinuar për digjitalizimin e Ballkanit Perëndimor. Vodafone Albania është e para kompani private së cilës i lejohet të aprovojë një kurrikulum në sistemin e arsimit publik në Shqipëri.

The post STEM, programi i gjeneratës digjitale shpall fituesit e saj të parë appeared first on Albeu.com.

Me Vodafone GigaNet, rrjetin më të mirë në Shqipëri dhe me mbulimin më të gjerë në botë, klientët Vodafone do të mund të ndajnë e të komunikojnë gjithçka, lirisht, si asnjëherë më parë, nga më shumë se 140 rrjete në mbi 40 shtete. Vodafone prezanton paketën më të re e të kompletuar roaming, Roaming Explore, me 6GB internet, 60 minuta dhe 60 SMS, për vetëm 1.200 lekë, e vlefshme për të gjithë, për 7 ditë. Nëse je klientët me kontratë Unlimited apo Biznes, merr me vete planin tend, me një tarifë shtesë ditore duke filluar nga 200 lekë në ditë dhe 40% ulje për sigurimin e shëndetit në udhëtim me Albsig.

Ofertat roaming do të jenë të vlefshme me të gjithë operatorët e vendeve në Europë, me të cilat Vodafone ka marrëveshje roaming, duke u dhënë kështu klientëve Vodafone edhe më shumë mundësi, ndryshe nga më parë kur operatorët e vendeve ishin të paracaktuar.

Si mund të merret kjo paketë? Kjo paketë do të jetë e disponueshme për t’u aktivizuar në të gjitha kanalet, shitjet me pakicë, aplikacionin My Vodafone, SMS, USSD.

Ofrimi i shërbimit më të mirë të roaming në treg, është një nga qëllimet kryesore të Vodafone Albania për t’ju siguruar klientëve të saj besnikë gjithmonë e më shumë mundësi komunikimi, jo vetëm në Shqipëri por edhe jashtë saj.

Me paketat roaming, klientët Vodafone, edhe kur janë jashtë, do të ndjehen si në shtëpi apo në zyrën e tyre, për të realizuar çdo nevojë komunikimi e biznesi, e pse jo edhe për të shijuar Youtube apo ndonjë film a serial të preferuar.

#kudomeVodafone, sikur të jesh në Shqipëri edhe kur udhëton jashtë vendit.

The post #kudomeVodafone, edhe jashtë Shqipërisë! appeared first on Albeu.com.

Në 20 vitet e operimit të saj në treg, Vodafone Albania, si kompania më e madhe e telekomunikacionit dhe teknologjisë në Shqipëri, përveç investimeve të vazhdueshme në sektorin e telekomunikacionit, përmes Fondacionit Vodafone Albania, i ka kushtuar vëmendje të veçantë edhe politikave sociale për kujdesin shëndetësor dhe emergjencat civile.

Në këtë kuadër nga Fondacioni Vodafone Albania, në bashkëpunim me Kryqin e Kuq, u mundësia pajisja me krevate të specializuara të Spitalit Pediatrik të Sarandës (më i madhi në rajonin jugor).

Ky donacion, që kap vlerën e 15,000 eurove, u dorëzua gjatë një vizite që Drejtoresha e Përgjithshme e Vodafone Albania, Katia Stathaki dhe Presidenti i Kryqit të Kuq, Ylli Allushi, bënë në Spitalin Pediatrik të Sarandës, ku u mirëpritën nga drjetori Arjan Kalcuni si dhe personeli mjekësor i këtij spitali.

CEO e Vodafone Albania,  znj. Stathaki shprehu kënaqësinë që ndjen jo vetëm si drejtuese e kompanisë por edhe si nënë e një djali të vogël, kur bëhet e mundur një mbështetje kaq e domosdoshme për fëmijët e sidomos për shëndetin e tyre.

“Nuk do të ndalojmë këtu. Fondacioni Vodafone Albania do të vazhdojë të ndërmarrë të tjera nisma mbështetëse, ashtu siç ka bërë në gjithë këto vite, duke u ardhur në ndihmë komuniteteve, si edhe në kohën e tërmetit apo dhe të situatës së vështirë që krijoi pandemia, Covid -19.  Ne do të vazhdojë të japim kontributin tonë, përmes ofrimit të mundësive të pafundme që na ofron teknologjia, për mirëqenien e shëndetin e njerëzve, duke pasur pa diskutim në fokus fëmijët. Falenderojmë Kryqin e Kuq që na u bashkua në këtë iniciativë për Spitalin Pediatrik të Sarandës.”

Vodafone Albania dhe fondacioni i saj, kanë një histori të gjatë kontributi shoqëror në vend. Mision që do të vijojë gjithmonë, duke i kushtuar vëmendje të veçantë emergjencave civile e politikave sociale.

The post Fondacioni Vodafone Albania dhe Kryqi i Kuq ofrojnë krevatë të specializuar në Spitalin Pediatrik të Sarandës appeared first on Albeu.com.

Certifikimi i Vodafone Albania si rrjeti më i mirë celular në vend vjen për të pestin vit radhazi, ndërsa vlerësohet edhe për rrjetin fiks për të dytin vit.

Për drejtoreshën e përgjithshme të Vodafone Albania, Katia Stathaki, ky certifikim është tregues i qartë se Vodafone Albania vazhdon të jetë zgjedhja nr. 1 e klientëve në Shqipëri.

“Jemi shumë krenarë për këtë arritje e certifikim nga kompania Umlaut, reputacioni dhe standardet e larta të të cilit njihen në të gjithë botën. Këto çmime janë më shumë se thjesht një certifikatë. Për ne si Vodafone, ato dëshmojnë edhe një herë tjetër se Vodafone Albania është zgjedhja nr.1 e klientëve shqiptarë. E megjithatë, fakti që jemi më të mirët nuk duhet të na mjaftojë. Do të vazhdojmë të zhvillohemi, me më shumë investime në teknologji dhe infrastrukturë. Do të vijojmë të jemi gjithnjë e më të angazhuar e të përkushtuar për t’i ofruar komunikimin e dëshiruar çdo klienti që ka besuar tek Vodafone”, u shpreh znj. Stathaki.

Umlaut ka analizuar cilësinë e rrjetit celular në Shqipëri, duke testuar performancën e shërbimeve në nivel kombëtar. Bazuar në testimet e kryera, rezultatet e Vodafone Albania theksojnë edhe një herë standardin e lartë në cilësinë e shërbimeve të ofruara nga kjo kompani në Shqipëri.

Vodafone Albania ka qenë dhe do të jetë gjithmonë pionier në sjelljen e teknologjive të reja në treg, 3G, 4G dhe së shpejti, edhe 5G. Kjo arritje në testet e performancës së rrjetit është rezultat i investimeve të vazhdueshme në infrastrukturën e rrjetit dhe angazhimit maksimal të kompanisë, për të garantuar cilësinë dhe shërbimin më të mirë celular dhe fiks në tregun shqiptar.

The post Vodafone Albania certifikohet sërish si rrjeti më i mirë mobile dhe fiks në Shqipëri appeared first on Albeu.com.

Për 20 ditë me radhë, Vodafone Albania u bëri klientëve dhurata dhe u ofroi përmes aplikacioneve “My Vodafone” dhe “JUTH app” mundësi për t’u bërë pjesë e shorteut të madh, ku mund të fitonin pa fund dhurata, që nga iPhone 13, 128GB, Xiaomi Electronic Scooter, Samsung Galaxy A12, plane tarifore Vodafone Unlimited për 1 vit, shërbim internetit fiks me shpejtësi 100 Mbps për 1 vit, etj.

Dy çmimet e mëdha ishin të dy makina Scoda Scala, fitues të të cilëve u shpallën Malvin Zagani dhe Endrit Hysa.

Ishte vetë Drejtoresha e Përgjithshme e Vodafone Albania, Katia Stathaki, ajo që u dorëzoi çelësat e makinave dy fituesve, në eventin e organizuar enkas për finalizimin e kësaj fushate të madhe, dedikuar klientëve besnikë të Vodafone Albania.

“Ju, klientët tanë, keni qenë besnikë ndaj nesh dhe ne duam t’jua shpërblejmë këtë besnikëri. Përveç dhuratave me rastin e 20-vjetorit, një dhuratë në vetvete mbetet shërbimi dhe lehtësirat që Vodafone u ofron klientëve individë dhe biznes, falë rrjetit të shpejtë, cilësor e risive në teknologji. Vodafone është kompania më e madhe e teknologjisë në Shqipëri. Ne kemi qenë të parët që kemi prezantuar 3G dhe 4G në vend e mezi presim të jemi lider në axhendën digjitale të këtij vendi. Në 20 vite që operojmë në vend nuk kemi ndryshuar kurrë markë apo drejtim. Ne vazhdimisht kemi përmirësuar rrjetet, kemi sjellë risitë dhe zgjidhjet më të mira teknologjike, të njëjtën teknologji që Vodafone ofron për më shumë se 600 milionë klientë në mbarë botën. Ne duam t’ju japim zgjidhjen më të mirë teknologjike që do të përmirësojë jetën tuaj dhe shoqërinë dhe t’ju sigurojmë se jemi këtu për të vazhduar investimet e mëdha në infrastukturë dhe në fuqizimin e ekipeve fantastike që punojnë me ne”, theksoi drejtoresha Stathaki, duke vlerësuar dhe njerëzit e mrekullueshëm, ekipet që punojnë në Vodafone Albania, duke mundësuar një jetë më të mirë për klientët, falë teknologjisë më të fundit që Vodafone ofron e do të vijojë të ofrojë në Shqipëri.

The post 20 vjet Vodafone Albania, shorteu për klientët besnikë finalizohet me dy çmime të mëdha appeared first on Albeu.com.

Këto janë disa nga ato historitë e vogla, personale, familjare, të së përditshmes, të jetës dhe punës së çdo shqiptari, që jeton në fshat a në qytet, në veri a në jug… të cilat lidhen të gjitha, prej 20 vitesh, nga një rrjet i fuqishëm e që nuk njeh limit, për të plotësuar çdo nevojë e dëshirë të tyre, e për të mbajtur të lidhur fort shpirtin njerëzor me teknologjinë, traditën me të ardhmen, guximin për të investuar në çdo fushë me sigurinë e garancinë për sukses… ashtu si dy brigjet e një ure, që krijojnë gjithmonë një pikë takimi, mes njerëzve, kohëve e shërbimeve.

Kjo është fuqia e Vodafone GigaNet, i certifikuar si rrjeti më i mirë celular për 4 vite rresht dhe si rrjeti më i mirë fiks për 2021-shin nga kompania ndërkombëtare Umlaut.

Ndër këto 20 vite Vodafone Albania ka arritur të jetë kudo, si rrjeti me mbulimin më të gjerë 4G (98,3% të popullsisë), me zgjidhjet më të shpejta IoT, me cilësinë e shpejtësinë e shërbimeve pa limit, në telefoninë celulare e atë fikse.

20 vite Vodafone Albania janë një arsye e fortë për t’u festuar e për t’u ndjerë bashkë, si një familje e madhe, gjithmonë nën moton: Together We Can!

The post 20 vjet Vodafone Albania… pa limit appeared first on Albeu.com.

Në përmbyllje të këtyre aktiviteteve u mbajt dje një konferencë për shtyp ku ishin të pranishëm znj. Mirela Kumbaro, ministre e Turizmit dhe Mjedisit, ambasadori i Gjermanisë z. Peter Zingraf, z.v. ambasadori britanik në Tiranë, z. Jason Ivory, CEO e Vodafone Albania, znj. Katia Stathaki dhe përfaqësuesi i zyrës së FAO në Shqipëri, z. Arben Kipi.

Në fjalën e saj, CEO i Vodafone Albania. znj. Katia Stathaki, theksoi se kriza klimatike është sfida më e madhe e Vodafone dhe se përmes teknologjisë Vodafone mund të luajë një rol të madh për shpëtimin e planetit tonë, deteve, liqeneve, lumenjve, maleve tona, duke përmirësuar cilësinë e ajrit që thithim si dhe jetën tonë.

“Synimi i Vodafone Albania është i qartë: të investojë në axhendën e gjelbër, gjë që tashmë kemi filluar ta bëjmë. Këtë vit vetëm, brenda korrikut 2021, Vodafone është angazhuar të fuqizojë të gjithë rrjetin e vet evropian të energjisë elektrike 100% të rinovueshme. Kemi përmirësuar kriteret e reja mjedisore kur përzgjedhim furnitorët tanë. Kemi një objektiv të ri dhe ai është të ndihmojmë klientët tanë të botës së biznesit të zvogëlojnë emetimet përmes shërbimeve tona, duke synuar kështu kursimin e 350 mt CO2 brenda vitit 2030, ekuivalenti i emetimeve të karbonit të Italisë në 2019. Këtë do ta bëjmë kryesisht përmes ofertës sonë IoT, duke përfshirë matësit smart të gazit, smart logistics dhe aplikimit të teknologjisë në bujqësi. Zyrat tona furnizohen me energji diellore, gjithashtu përdorim makina elektrike për aktivitetet tona. Ky është vetëm fillimi i zbatimit të axhendës sonë të gjelbër, pasi strategjia jonë e biznesit po i ndihmon edhe të tjerët të bëjnë të njëjtën gjë. Synojmë të kemi një rrjet 100% të gjelbër deri në vitin 2025.”

Më tej CEO e Vodafone foli për instalimin e matësve IoT për monitorimin e ndotjes së ajrit në qytetin e Tiranës, monitorim që bëhet në kohë reale, duke iu dhënë vendim-marrësve informacion në kohë reale, që ata të bëjnë politika më të mira, për një cilësi të përmirësuar jetese. Po kështu, nëpërmjet teknologjisë mund të matet ndotja e ujit dhe shumë më tepër, duke ndihmuar qeverinë dhe institucionet të aplikojnë politika më të mira mjedisore. Në fund të fjalës së saj znj. Stathaki theksoi se mbrojtja e mjedisit nuk mund të arrihet e vetme as nga qeveria, as nga sektori privat, as nga OJQ-të, por vetëm nëpërmjet angazhimit të përbashkët, sepse Together we can!

The post Vodafone Albania mbështet misionin: Së bashku për Planetin! appeared first on Albeu.com.

E ndodhur për një vizitë të shkurtër e shumë intensive pune në Tiranë, Drejtoresha e Përgjithshme për Vodafone Europe, znj. Serpil Timuray dha një intervistë ekskluzive për Euronews Albania, ku theksoi se Shqipëria është një ndër tregjet me performancën më të mirë e se ka shumë potencial e mundësi për të përfituar nga transformimi dixhital. “Qeveria e vendit tuaj është shumë e fokusuar te dixhitalizimi. Ky është një mjedis pro biznesit, ndaj do të donim të luanin rolin tonë si një aktor global për të bërë ç’është e mundur që Shqipëria të përfitojë nga ekspertiza dhe eksperienca jonë, për të përshpejtuar përparimin ekonomik dhe atë të shoqërisë në përgjithësi.” – tha Drejtoresha e Përgjithshme për Vodafone Europe, duke renditur më pas tre strategji të rëndësishme të Vodafone Group në Shqipëri: ofrimin e një cilësie superiore të rrjetit, si në rrjetin e lëvizshëm, edhe atë fiks, çka do të arrihet përmes futjes së teknologjisë 5G dhe përmirësimit të teknologjisë së rrjetit fiks; transformimin dixhital, ku që tani po zbatohen aftësi dixhitale të klasit botëror në Shqipëri, si dhe vazhdimi i projekteve për të zhvilluar dhe aftësuar më tej talentet e reja, gjë që do ta shndërronte Vodafone Albania në një inkubator të iniciativave të reja të inovacionit dhe Shqipërinë një nga tre laboratorët dixhitalë të Evropës, që do të punojë për sipërmarrjet e grupit.

Gjatë intervistës, znj. Serpil foli për objektivin parësor që Vodafone pati gjatë kohës së pandemisë për t’u siguruar që klientët dhe komunitetet ku operon të ishin të lidhur në rrjet dhe të kishin mbështetjen e duhur.

“Kemi mbështetur 1.5 milionë punonjës të shëndetësisë përmes fondeve dhe shërbimeve tona, si dhe iu kemi siguruar akses pa pagesë në faqe shëndeti online 15 milionë njerëzve. Në të njëjtën kohë, iu ofruam mbështetje 5 milionë studentëve, duke iu siguruar akses pa pagesë në faqe interneti dixhitale, si dhe 4 milionë bizneseve. I gjithë ky plan mbështetjeje kap një shifër prej 150 milionë eurosh dhurime në materiale, nga të cilat kanë përfituar 100 milionë njerëz”.

Drejtoresha e Vodafone Europe vijoi më tej edhe me investimet konkrete e konsistente të bëra në Shqipëri, të fokusuara kryesisht në cilësinë e rrjetit, duke bërë që Vodafone të ketë rrjetin më të mirë.

Ajo u shpreh entuziaste se bizneset në Shqipëri ndjekin strategjinë e Vodafone dhe se po bëhen kështu kontribues të rëndësishëm në strategjitë e grupit Vodafone. Pyetjes së gazetares Çifligu për hyrjen e Vodafone Albania edhe në tregun e internetit fiks në Shqipëri, pas blerjes së ABCom, znj. Serpil iu përgjigj se kjo është një blerje strategjike nga ana e kompanisë dhe në përputhje me strategjitë globale për t’iu ofruar klientëve shërbime të konverguara.

Biseda në studion e Euronews preku gjithashtu çështjet sociale që Vodafone mbështet, me qëllimin për të ndërlidhur të gjithë, në emër të një të ardhmeje më të mirë. “Kemi tre prioritete: i pari është të mbështesim krijimin e një shoqërie dixhitale; i dyti, gjithëpërfshirja, që askush të mos mbetet pas dhe i treti, të kontribuojmë në mbrojtjen e planetit. Kemi ndërmarrë disa iniciativa në të gjithë botën për të përmbushur këto tre prioritete.”- tha znj. Serpil, duke theksuar se Shqipëria është një shembull i mirë i iniciativave të rëndësishme që po ndërmerren për gratë, njëra prej të cilave është fushata “Hidh një h’app”, ku përmes teknologjisë do t’iu vihet në ndihmë grave të rrezikuara nga dhuna, veçanërisht ajo në familje apo dhe iniciativat për ruajtjen e planetit, duke operuar në treg me burime energjie 100% të rinovueshme, çka e bën Shqipërinë një ndër shembujt më të mirë të përdorimit të energjisë ekologjike.

Në fund të bisedës, Drejtoresha e Përgjithshme e Vodafone Europe shprehu bindjen e saj të fortë se Shqipëria ka shumë potencial dhe mundësi për të përfituar nga transformimi dixhital.

The post Drejtoresha e Përgjithshme për Vodafone Europe: “Shqipëria, një vend me shumë potencial dhe mundësi për të përfituar nga transformimi dixhital” appeared first on Albeu.com.

Ndaj nëpër rrugët e qyteteve rikthehen tubimet masive e në rrjetet sociale po përcillen çdo herë e më fort mesazhe dhe thirrje për t’u marrë masa dhe inciativa konkrete për ta luftuar këtë fenomen.

Vodafone Albania, si një prej kompanive me kontribut të lartë në kauzat sociale në vend, ka vënë në dispozicion teknologjinë si mjet për të çuar ndihmën, këshillimin dhe informacionin kudo nëpër Shqipëri. Nëpërmjet Fondacionit Vodafone Albania, Vodafone ka prezantuar së fundmi edhe në Shqipëri një aplikacion, informues dhe këshillues virtual për çështjet e dhunës në familje dhe dhunës me bazë gjinore.

“Hidh një h’app! është thirrja që Fondacioni Vodafone Albania i bën kujtdo për të shkarkuar aplikacionin dhe marrë informacion si mund të ndihmojnë veten apo të afërm e të njohur, për të dalë nga marrëdhëniet abuzive.

Aplikacioni, emri i të cilit nuk bëhet publik për arsye sigurie, ndahet në dy kategori: informues dhe këshillues, për personin që mund të jetë subjekt dhune dhe për këdo që dëshiron të ndihmojë një të afërm që mund të ndodhet në një situatë dhune. Aplikacioni përmban një udhëzues me informacion të plotë për rastet e dhunës, hapat që duhen ndjekur për të dalë nga situata, numrat e shërbimeve të specializuara që mundësojnë mbështetje, si dhe qendrat, OJF-të e këshillimit, strehimit dhe integrimit në shoqëri, për viktimat e dhunës, në të gjithë territorin e Republikës së Shqipërisë.

Aplikacioni i zhvilluar nga Hestia dhe Fondacioni Vodafone gjeti mbështetjen dhe bashkëpunimin e Ministrisë së Brendshme, Ministrisë së Shëndetësise dhe Mbrojtjes Sociale, Policisë së Shtetit dhe UN Ëomen Shqipëri. Grupi i punës me pjesëmarrjen e këtyre institucioneve mundësoi përmbajtjen e këtij aplikacioni për t’i hapur rrugë këshillimit dhe mbështetjes edhe virtualisht për këdo.

Një pyetësor i shkurtër brenda aplikacionit ndihmon përdoruesit të vlerësojnë sigurinë e marrëdhënies në të cilën ata janë përfshirë. Gjithashtu, aplikacioni përmban informacion në lidhje me forma të ndryshme të abuzimit në një marrëdhënie, format e dhunës ne familje dhe asaj me baze gjinore, mekanizmat e mbështetjes në dispozicion për këdo që do të dalë nga një situatë dhune apo nga një marrëdhënie abuzive, si dhe për këdo që do të mbështesë, ndihmojë dhe informojë një mik, shok a të afërm që ndodhet në një situatë të vështirë.

Aplikacioni është falas dhe i disponueshëm në anglisht dhe shqip në App Store dhe Google Play Store.

Të interesuarit mund të telefonojnë në numrin +355696796000 ose të dërgojnë një email në foundation.al@vodafone.com për t’u informuar mbi emrin e aplikacionit dhe funksionalitetin e tij.

The post Hidh një h’app… telefono +355696796000 dhe shkarko aplikacionin! appeared first on Albeu.com.