vocaj Archives - Albeu.com

Dhuna ndaj avokatit Sokol Mëngjesi/ Tonin Vocaj zbulon detaje nga hetimet

V K — Fri, 12 Jul 2024 11:41:06 +0000

Këtë të premte, në një konferencë për mediat, drejtori i Policisë së Tiranës, Tonin Vocaj, ka zbuluar detaje në lidhje me hetimet për dhunimin e avokatit Sokol Mëngjesi.

Teksa kanë kaluar më shumë se gjashtë javë nga ngjarja e rëndë, tre prej agresorëve ende mbeten në kërkim.

Vocaj zbuloi se autoritetet kanë zgjeruar kërkimet e tyre në të gjithë vendin, për arrestimin e dhunuesve.

“Ne siç kemi njoftuar, Policia e Tiranës për ngjarjen e Mëngjesit ka kryer veprime të shpejta hetimore dhe ka bërë të mundur arrestimin e dy autorëve kryesore. Vazhdojnë kërkimet për kapjen e personave të tjerë, kërkimet tona kanë qenë në Tiranë, kërkimet janë shtrirë në gjithë Shqipërinë dhe shpresojmë se do kemi rezultate konkrete të shpejta që të çojnë në arrestimin dhe vënien para përgjegjësisë edhe të këtyre individëve”, u shpreh Vocaj.

The post Dhuna ndaj avokatit Sokol Mëngjesi/ Tonin Vocaj zbulon detaje nga hetimet appeared first on Albeu.com.

Shpërndanin drogë në zona të ndryshme të Tiranës, arrestohen 19 persona

V K — Fri, 12 Jul 2024 11:13:16 +0000

Këtë të premte, në kuadër të operacionit policor “Tempulli 3”, Policia e Tiranës, ka arrestuar 19 persona dhe 5 të tjerë janë shapllur në kërkim, si rezultat i operacionit “Tempulli 3”.

Në një dalje për mediat, drejtori i Policisë së Tiranës Tonin Vocaj, bëri me dije personat e arrestuar shpërndanin drogra të ndryshme në afërsi të shkollave dhe zona të tjera në Tiranë që frekuentohen nga të rinjtë.

Nga ky operacion, janë sekuestruar 1.2 kg kokainë, qindra doza heroinë dhe kanabis, 5 automjete, 12 celularë, shuma parash që u përfituan nga shitja e lëndës narkotike

“Në vijim të operacioneve të një pas njëshme në fushën e narkotikëve dhe të 2 megave operacioneve mbarëndërkombëtrare, ka referuar materialet në prokurori. Gjatë një hetimi 3 muajor nga specialistët u siguruan prova për dokumentimin e veprimtarisë kriminale të 24 shtetasve. U finalizua faza e dytë e këtij operacioni dhe u vendos arrest me burg të dhënë nga gjykata për 19 persona, dhe vazhdon kërkimi për 5 personat e tjerë.

Arrest me burg për Armando Xheladinin i cili u arrestua në maj për vrasje me dashje në greqi të kryer në vitin 2008.

1.2 kg kokainë, qindra doza heroinë dhe kanabis, 5 automjete, 12 celularë, shuma parash që u përfituan nga shitja e lëndës narkotike”, u shpreh Tonin Vocaj

The post Shpërndanin drogë në zona të ndryshme të Tiranës, arrestohen 19 persona appeared first on Albeu.com.

Plagosi policin në Tiranë, Vocaj apel qytetarëve: Bëni kujdes! Autori është i armatosur dhe ka probleme me depresionin

Tau Lanti — Wed, 20 Sep 2023 19:24:04 +0000

Drejtori i Policisë së Tiranës, Tonin Vocaj, ka dhënë detaje të reja sa i përket plagsjes së efektivit Edlir Alleshi në Tiranë, nga ana e 42-vjeçarit Klerent Bozhanaj.

Në një komunikim për mediat Vocaj tha se autori i plagosjes ëhstë i armatosur dhe ka probleme të theksuara me depresionin.

Ai theksoi se autori ka qenë emigrant në Itali dhe në muajin gusht është kthyer në Shqipëri.

Vocaj u shpreh se janë duke komunikuar me familjaret me qëllim që autori të dorëzohet.

Ndërkohë drejtori i policisë Tiranë bëri të ditur se janë vënë në dispozicion 20 mijë euro kush jep informacion për kapjen e tij.

“Ka një dëmtim me armë zjarri. Policia dhe RENEA janë mobilizuar për kapjen e autorit i cili quhet Klerent Bozhanaj i datëlindjes 1981. Ky person është i armatosur dhe ka shenja të theksuara depresioni. Vazhdojnë veprimet e policisë. Po komandojmë me familjarët. Policia vendos shumën 20 mijë euro për informacion të vlefshme që çon në kapjen e autorit. Ne nuk kemi shumë të dhëna për momentin. Dime që ky person ka qenë emigrant në Itali është kthyer në gusht në Shqipëri. Nga hetimet e deritanishme është evidentuar fakti që ka shenja depresive dhe nuk kemi të dhëna për përfshirje në aktivitet kriminale”, u shpreh Vocaj.

The post Plagosi policin në Tiranë, Vocaj apel qytetarëve: Bëni kujdes! Autori është i armatosur dhe ka probleme me depresionin appeared first on Albeu.com.

Vocaj udhëzim komisariateve në Tiranë: Mos i arrestoni përdoruesit e lëndëve narkotike, vetëm shoqërojini

Tau Lanti — Mon, 08 May 2023 14:35:12 +0000

Vocaj udhëzim komisariateve në Tiranë: Mos i arrestoni përdoruesit e lëndëve narkotike, vetëm shoqërojini

Menjëherë pas rastit të 27-vjeçarit, Jani Rustemaj që përfundoi në gjendje kome për shkak të mbidozës së metadonit, drejtori i policisë së Tiranës, Tonin Vocaj iu ka kërkuar strukturave të 6 komisariateve të kryeqytetit të mos arrestojnë persona të cilët janë përdorues të lëndëve narkotike, por vetëm të shoqërohen.

Në raste të tilla, efektivët e policisë duhet t’i mbajnë nën mbikëqyrje përdoruesit e drogërave.

Ndërsa në momentin e shoqërimit të këtyre personave duhet të jetë i pranishëm edhe mjeku për të specifikuar gjendjen e të ndaluarit, ose për t’i dhënë ndihmën mjeksore.

Kujtojmë se i riu Jani Rustemaj u arrestua më 12 Prill për vjedhjen e një tapeti dhe një palë atletesh. Që prej 17 Prillit ndodhet i shtruar në Qendrën Spitalore Universitare ‘Nënë Tereza’ në gjendje kritike për jetën.

The post Vocaj udhëzim komisariateve në Tiranë: Mos i arrestoni përdoruesit e lëndëve narkotike, vetëm shoqërojini appeared first on Albeu.com.

Arrestimi i Dan Hutrës, Vocaj: Falë reagimit të policisë u bë e mundur kapja e autorit të vrasjes së trefishtë

Tau Lanti — Wed, 01 Mar 2023 18:39:16 +0000

Drejtori i Policisë së Tiranës, Tonin Vocaj, ka dalë në një konference urgjente për mediat mbrëmjen e sotme, pas arrestimit të autorit të vrasjes së trefishtë Dan Hutra.

Në daljen e tij Vocaj bëri një analizë të dinamikës se si ndohi krimi me 3 viktima dhe tre të plagosur në Tiranë dhe Kamëz.

“Jam sonte këtu, për të komunikuar me ju, në lidhje me një ngjarje të rëndë dhe të pazakontë për qytetin e Tiranës dhe gjithë Shqipërinë, të kryer nga shtetasi Dan Hutra, i datëlindjes 1982, lindur në Kukës dhe banues në Tiranë.

Ngjarja e sotme ka dinamikën si më poshtë:

Në orën 12 e 15 minuta, autori Dan Hutra, në rrugën “Teodor Keko”, në afërsi të mbikalimit te “Pallati me shigjeta”, ka plagosur me thikë shtetasen M. G., 40 vjece, banuese në Astir.

Menjëherë pas kësaj ngjarjeje, autori është larguar me automjetin tip “Benz” me targa AA 531 UK, të cilin e kishte marrë me qira dhe rreth orës 12:35 minuta ka shkuar në rrugën “Rustem Haklaj”, në Kodër-Kamzë, te banesa e ish-bashkëjetueses së tij.

Shtetasi Dan Hutra ka plagosur me armë zjarri shtetaset Elena Hysa, 35 vjeçe, dhe Kujtime Hysa, 60 vjeçe (ish-bashkëjetuesja e tij dhe nëna e saj) dhe ka vrarë me armë zjarri shtetaset Mevlute Hysa 30 vjeçe, (motra e ish-bashkëjetueses së tij) dhe Hasime Dafku 30 vjeçe, (e fejuara e vëllait të ish-bashkëjetueses).

Pas kësaj ngjarjeje, autori ka lëvizur në drejtim të rrugës “Abdyl Elmazi”, në rrugën e Arbrit, ka vijuar në rrugën “Besëlidhja”, Bathore dhe rreth orës 12:48 minuta ka ndaluar te banesa e familjes Kurti, ku ka vrarë me armë zjarri shtetasen Etleva Kurti, 31 vjeçe.

Theksojmë se për ngjarjen e parë të ndodhur në rrugën “Teodor Keko” Policia e Shtetit ka marrë njoftim në orën 13:40 minuta, nga një telefonatë në Sallën Operative të Drejtorisë Vendore të Policisë Tiranë, pra pas ndodhjes së dy ngjarjeve të tjera.

Me marrjen e njoftimit për ngjarjen e ndodhur në “Kodër Kamëz”, janë organizuar shërbimet e Drejtorisë Vendore të Policisë Tiranë dhe të Drejtorive të tjera vendore, janë ngritur pika kontrolli dhe janë zhvilluar kontrolle të shumta të banesave dhe ambienteve të ndryshme ku mund të fshihej autori, pasi nga veprimet e para në vendngjarje, u bë i mundur identifikimi i tij.

Strukturat e Krimeve të Rënda të Drejtorisë Vendore të Policisë Tiranë, nën drejtimin e Prokurorisë pranë Gjykatës së Rrethit Gjyqësor Tiranë, kanë kryer të gjitha veprimet e domosodoshme hetimore, si këqyrjen e vendngjarjeve, sekuestrimin e provave materiale, pyetjen e të plagosurve dhe të dëshimtarëve okularë, sekuestrimin e pamjeve filmike, si dhe janë duke aplikuar metoda speciale të hetimit. Është kryer ekspertimi balistik i gëzhojave të sekuestruara në të dy vendngjarjet dhe ka rezultuar se 12 gëzhojat e sekuestruara në ngjarjen e ndodhur në “Kodër Kamëz” dhe 6 gëzhojat e sekuestruara në Kamëz, janë të qitura nga e njëjta armë zjarri.

Autori i ngjarjeve, Dan Hutra, është person me precedent të theksuar kriminal, i dënuar në vitin 2003, me 2 vjet burgim, për veprën penale “Heqja e paligjshme e lirisë”, i dënuar në vitin 2009, me 16 vjet burgim për vrasje me paramendim, në vitin 2021 është arrestuar për vjedhje banesash nga DVP Durrës dhe po në vitin 2022 është arrestuar po nga DVP Durrës, për tentativë vjedhje banesash.

Gjithashtu, ky shtetas më 16 qershor 2022 është arrestuar nga strukturat e Drejtorisë Vendore të Policisë Tiranë, për dhunë në familje ushtruar ndaj ish-bashkëjetueses Elena Hysa, dhe ka dalë nga burgu më 16 shkurt 2023.

Falë reagimit të menjëhershëm dhe të pandërprerë të të gjitha strukturave të Policisë së Shtetit, rreth orës 18:45, në afërsi të Sharrës në Kombinat, është bërë e mundur kapja dhe arrestimi i autorit Dan Hutra, së bashku me armën e krimit të tipit kallashnikov.

Policia e Shtetit falenderon qytetarët për informacionet e dhëna dhe po kështu falenderon mediat për raportimin korrekt të ngjarjes dhe të veprimeve të Policisë.“, tha Vocaj.

The post Arrestimi i Dan Hutrës, Vocaj: Falë reagimit të policisë u bë e mundur kapja e autorit të vrasjes së trefishtë appeared first on Albeu.com.