Një sasi prej 20 gram eksplozivi është vendosur pranë derës së një apartamenti të një pallati në Orikum.

Nga shpërthimi nuk ka të lënduar por vetëm dëme materiale në derën e jashtme.

Tritoli dyshohet se është vendosur si formë kërcënimi për pronarin e banesës, Artan Xhelilaj, i cili mësohet se ndodhet në masën e sigurisë “arrest  shtëpie.”

Njoftimi i policisë:

Më datë 12.04.2021, rreth orës 18:10, në Orikum, në pjesën e jashtme të banesës së shtetasit A.Xh, ka shpërthyer një sasi e vogël lëndë plasëse, ku si pasojë ka vetëm dëme të vogla materiale.

Menjëherë në vendngjarje kanë shkuar forcat e Policisë dhe grupi hetimor ku vijon veprimet për sqarimin e rrethanave të ngjarjes, identifikimin dhe kapjen e autorit.

The post DETAJET/ Pronari në “arrest shtëpie”, i vendoset tritol banesës në Vlorë appeared first on Albeu.com.