Shqiptari me origjinë nga Vlora, pronar i një klubi nate, si dhe nën hetim për drogë dhe prostitucion, u qëllua teksa hante bukë në një lokal të zonës, me 4 plumba, dy në kokë e dy në bark.

Mediat greke kanë publikuar foto nga vendi ku u qëllua me katër plumba shqiptari 38-vjeçar.

Në fotot e publikuara shihet se si ambientet e barit “DejaVu” janë të rrethuar nga shiritat e policisë.

Në tokë shihet edhe copëza të thyera nga gotat apo sendet që kishte në tavolinë shqiptari, të cilat po i konsumonte.

NGJARJA:

Ai ishte ulur në këtë lokal në Rrugën Liosion 104 pranë Sheshit Attiki dhe Agios Panteleimonas, në Athinë, rreth orës 21:00 të natës së kaluar kur u qëllua nga një person ende i paidentifikuar.

Shqiptari u dërgua në spital, ku dhe ndërroi jetë gjatë natës.

Identiteti i tij nuk është bërë ende me dije, por 38-vjeçari rezulton të jetë një person i njohur për policinë pasi ka qenë nën vëzhgim për trafik dorge e shfrytëzim prostitucioni në klubin e natës që zotëronte. /albeu.com/

The post 2 plumba në kokë e 2 në bark! Brenda lokalit grek ku u vra shqiptari nga Vlora (FOTO LAJM) appeared first on Albeu.com.