Pas një sherri mes vëllezërve për motive të dobëta, njëri prej tyre ka tentuar t’i djegë vëllait shtëpinë. Burimet zyrtare bëjnë me dije se në pranga është vënë shtetasi M. B., 57 vjeç, banues në Vlorë.

Njoftimi i plotë i policisë:

Vlorë/Tentoi të digjte me zjarr banesën e vëllait të tij, pas një konflikti për motive të dobëta, vihet në pranga 57-vjeçari.

Në pranga dhe 1 shtetas i shpallur në kërkim.

Shërbimet e Komisariatit të Policisë Vlorë, pas njoftimit se në lagjen “4 Heronjt”, në ambientet e banesës së shtetasit K. B, kishte shkuar vëllai i tij dhe po tentonte ti digjte banesën, menjëherë kanë shkuar në adresën e dhënë, duke parandaluar përshkallëzimin e mëtejshëm të ngjarjes dhe shoqërimin e shtetasit M. B.

Në përfundim të veprimeve, nga specialistët për Hetimin e Krimeve në Komisariatin e Policisë Vlorë u bë arrestimi në flagrancë i shtetasit M. B., 57 vjeç, banues në Vlorë.

Materialet procedurale i kaluan Prokurorisë pranë Gjykatës së Shkallës së Parë Vlorë, për veprën penale “Dhuna në familje”. /albeu.com/

The post Ndodh në Vlorë! U zunë për një “fjalë goje”, vlonjati tenton t’i djegë banesën vëllait appeared first on Albeu.com.

Policia bën me dije se një 58-vjeçar ka rënë në prangat e policisë së Vlorës, pasi dyshohet se është autori i plagosjes me armë gjahu të një 55-vjeçari.

Plagosja ka ndodhur në vendin e quajtur “Lumi i Kripës”, në afërsi të fshatit Dëllënjë, ku i lënduar ka mbetur Viktor Hyso, ndërsa dyshohet se autor është 58-vjeçari Sotir Gjonçari.

“Falë reagimit në kohë dhe punës profesionale u bë e mundur shoqërimi i autorit të dyshuar, shtetasit S. Gj., 58 vjeç, banues në Delisuf, i cili gjatë një konflikti të çastit, për motive të dobëta, dyshohet se ka plagosur me armë gjahu çifte, shtetasin V. H., 55 vjeç, banues në Novosel, i cili ndodhet jashtë rrezikut për jetën,”- njofton policia.

Në cilësinë e provës materiale u sekuestrua arma e gjahut çifte, të cilën i prangosuri e kishte me leje. /albeu.com/

The post E FUNDIT/ Plagosi 55 vjeçarin me armë zjarri, arrestohet vlonjati i rrezikshëm appeared first on Albeu.com.