Shkodranët do japin maksimumin e tyre për të triumfuar në këtë betejë, edhe pse në letër qipriotët janë favoritë.

Një formacion surprizë nga trajneri Thomas Brdaric, i cili ka lënë jashtë loje Ardit Hoxhën, duke aktivizuar talentin Çoba.

Me një super mbrojtje dhe tre sulmues, të cilët pretendojnë të jenë fitues dhe të japin më të mirën e tyre në këtë ndeshje të parë të turit të dytë të Conference League.

The post Formacionet zyrtare, AEL-Vllaznia (FOTO LAJM) appeared first on Albeu.com.

Kërkesa e kryetares së bashkisë Ademi nuk u morr në konsideratë nga këshilli bashkiak, dhe edhe pse sponspor Alban Xhaferri me dashamirësinë dhe dëshirën për ta riparë skuadrën në Europë po mundohet të vendosë vetë pikat mbi i, janë shumë pika për t’u mbuluar nga një person i vetëm.

Vllaznia po bën një sezon shumë pozitiv dhe pavarësisht krizës së përjetuar në 8-9 javët e fundit, skuadra është në vend të parë dhe në gjysmëfinalet e Kupës së Shqipërisë, por për momentin nëse nuk ndryshon asgjë në Europë nuk do të shkojë ekipi i Brdaric, as nëse fiton kampionatin e as nëse fiton Kupën, dmth të fitojë c’të dojë sepse nuk do të luajë në kualifikueset e Championsit apo Europa Leagues. FSHF ka vendosur si afat të fundit datën 31 Mars, vështirë duket që të zgjidhet diçka.

Tifozët në rrjetet sociale kanë ndërmarrë prej kohësh një fushatë për të bindur personat kompetentë të ndihmojnë klubin, por deri më tani askush nuk i ka dëgjuar. Nuk diskutohet që 820 milionë lekë për një bashki janë shumë, por ky borxh i akumuluar është edhe përgjegjësi e bashkisë që ka shumicën e aksioneve të klubit dhe nëse Vllaznia nuk luan në Europë atëherë shumë shkodranë që kanë patur dhe kanë në dorë të ngrejnë e ulin kartonin në këshillin bashkiak duke përfshirë edhe kryetaren duhet t’u “vijë marrë”.

The post Vllaznia në “det të hapur” appeared first on Albeu.com.