“Kjo këngë ka lindur nga një imazh që e kam parë vetëm një herë. Ishte imazhi i një ushtari që kishte mbështetur pushkën në trupin e një djali 9 apo 10-vjeçar. Djali ishte në gjunjë, me dorën në plagë, duke thirrur të atin, derisa shtrihet dhe mbaron. Ishte një imazh që nuk më la të flija. U ngrita dhe e shkrova këtë këngë,” rrëfen Vlashenti.

Si baba i një djali 3-vjeçar, por edhe si një artist i ndjeshëm dhe i ndërgjegjshëm, Vlashent Sata na e përcjell këtë histori në një mënyrë që na detyron të ndalemi dhe të reflektojmë. Teksti i këngës, i thjeshtë por i fortë, na përball me një realitet të dhimbshëm: në prag festash, në shumë vende të botës njerëzit nuk festojnë, por luftojnë për jetën e tyre.

“Duart Lart” vjen si një protestë muzikore kundër luftës, duke prekur figurën më të pafajshme që ekziston – fëmijën. Në përditshmërinë tonë shpesh jemi aq të zënë, saqë edhe pas qindra lajmeve dhe imazheve që na serviren çdo ditë, çdo minutë, nga lufta në Gaza apo në Ukrainë, ndalojmë së reflektuari. E shohim, por nuk ndalemi; dëgjojmë, por nuk përjetojmë.

Sigurisht, ajo që kemi realisht në dorë të bëjmë është pothuajse asgjë. Por muzika ka fuqinë të na ndalë për një çast, të na shkëpusë nga rrjedha e jetës sonë dhe të na bëjë të “vajtojmë”, ashtu siç bën edhe Vlashenti në këtë këngë. Të vajtojmë për pamëshirën e marrjes së jetës së një fëmije përpara syve të prindërve të tij, nga një armë e ftohtë, pa ndjenja.

Dhe ndoshta pikërisht këtu qëndron veçantia e “Duart Lart”: në faktin se nuk kërkon zgjidhje, por ndërgjegjësim; nuk bërtet, por prek; nuk harron, por na kujton se humanizmi duhet të jetë gjithmonë më i fortë se lufta.

Pjesë nga teksti i këngës:

Burra që kujtojnë janë Zot

Luftë po bajnë, po vriten kot

Ku je Zot?

Ti rrin tuj pa e s’ban gja, ti s’thu gja…

Ti fëmijë, pritëm deri sa të vij…

The post Pse kënga “Duart Lart” e Vlashent Satës është kaq e veçantë? appeared first on Albeu.com.

Ajo falenderoi publikisht stafin e Spitalit Amerikan për përkujdesjen që treguan gjatë lindjes. Së fundmi, moderatorja ka ndarë një foto të ëmbël me gjyshin e saj.

Gjyshi shihet duke i puthur dorën Dojnës teksa ndodhet e shtrirë në shtratin e spitalit.

“Nuk kam fjalë për ty gjysh! Nolan Sol pastë zemrën tënde dhe respektin e adhurimin që ke pasur gjithmonë për figurën e gruas”, tha ajo./albeu.com

The post Dojna Mema ndan foton e ëmbël me gjyshin: Shpresoj që djali im të ketë zemrën tënde appeared first on Albeu.com.

Mema e ka sjellë në jetë djalin ditën e djeshme, por lajmin e ëmbël e ka bërë me dije vetëm pak minuta më parë.

“Mirë se erdhe në botën tonë Nolan Sata! 20/08/2022 ?”, ka shkruar moderatorja krahas videos.

Dojna ka ndarë edhe një video ku shihet teksa mban vogëlushin në krahë.

Këtë moment të ëmbël ajo e ka shoqëruar me këngën e Vlashentit që mban titullin “Copëzat”.

Moderatorja shumë e dashur për publikun ka zgjedhur Spitalin Amerikan për të ndjekur shtatzëninë e saj./albeu.com/

 

View this post on Instagram

 

A post shared by Dojna Mema (@dojnamema)

The post E ka quajtur Nolan, Dojna Mema ndan momentin pasi solli djalin në jetë (VIDEO) appeared first on Albeu.com.

Si sot, kur zbuloi më shumë detaje nga lidhja e saj me Vlashentin, por edhe nga njohja e tij me të atin.

I ati i moderatores u nda nga jeta në 2019, kur Dojna ende nuk e kishte zbuluar lidhjen me Vlashentin. Megjithatë, siç rrëfeu Dojna, babai i saj dhe Vlashenti u prezantuan vetëm një muaj e gjysmë pas njohjes së të rinjve.

Ndonëse ishte një kohë mjaft e shkurtër, Vlashenti pranoi të prezantohej me familjen e saj dhe për këtë, ajo i është shumë mirënjohëse, sepse bëri që vitin e fundit të jetës, i ati ta jetonte bashkë me të.

“Është një nga gjërat për të cilat jam më shumë e lumtur, për këtë duhet t’ia di për nder Vlashentit, sepse ne kishim një muaj e gjysmë bashkë, shumë pak dhe normalisht që nuk e prezanton me familjen një person me të cilin ke një muaj e gjysmë. Ia bëra si kërkesë në majë të gishtave dhe Vlashenti absolutisht pranoi dhe e ka jetuar babin tim një vit, vitin e fundit, dhe gjithmonë do më kujtohet ai momenti kur vinte te shtëpia ime dhe babi im, si adhurues shumë i madh i muzikës italiane, Vlashenti ulej gjithmonë ose në piano, ose në kitarë, dhe i luante këngët e tij të preferuara. Në të gjithë atë fatkeqësi që kemi përjetuar si familje, për fat, Vlashenti arriti ta njihte dhe babi arriti ta njihte Vlashentin”, tha Dojna.

The post “Ia di për nder Vlashentit”, Dojna Mema rrëfen si e njohu partnerin me babain në vitin e tij të fundit të jetës appeared first on Albeu.com.

Së fundmi, Mema publikoi një video në llogarinë e saj në Instagram, në të cilën shihet duke pozuar me disa çanta. Në disa momente, ajo mbulon barkun me çantë dhe kjo ka ngritur dyshimet se moderatorja është shtatzënë për herë të parë.

“Je shtatzënë?”, e pyeti një ndjekëse.

Por Dojna, së cilës nuk i shpëtojnë komentet, vendosi që të përgjigjet publikisht duke hedhur poshtë thashethemet. Ajo shkroi “Po, me një pite me djathë’, shoqëruar me një emoji duke qeshur me lot.

Dojna dhe partneri i saj, Vlashent Sata, kanë më shumë se tre vite bashkë, por vetëm para disa muajsh dyshja e bëri publike lidhjen. Mema ka treguar se është e vështirë të mbash një marrëdhënie në distancë, por jo e pamundur. Kjo sepse, Vlashenti udhëton shpesh drejt Parisit në Francë, pasi është pedagog në një universitet atje.

The post Shtatzënë për herë të parë? Reagon publikisht Dojna Mema (FOTO LAJM) appeared first on Albeu.com.

Vlashenti tregoi se Dojnën e njohu i ftuar në “Pop Culture”, kur ai sapo ishte kthyer nga Franca.

“Unë dukesha ai djali ‘boring’ intelektual që ndonjëherë e teproj dhe ajo me batutat e mia kurse ajo më ka mahnitur. Mendova se ishte një vajzë e bukur ekrani me zhdërvjellësinë e një programi për të rinj siç ishte “Pop Culture”. Ndërkohë, Dojna ka një inteligjencë që është e rrallë për ekran dhe jemi shkrirë duke qeshur. Thash uau kjo goca qenka e mrekullueshme, kjo ishte njohja jonë e parë. Sot, të kesh një njeri që të do, jeta merr më tepër kuptim”, tha Vlashenti.

The post “Thashë uau”, Vlashenti tregon për herë të parë si u dashurua me Dojnën (FOTO LAJM) appeared first on Albeu.com.