vladimir zelensky Archives - Albeu.com

Zelensky e kritikoi për masat në kryeqytet, kryebashkiaku i Kievit: Nuk përfshihem në mosmarrëveshje politike

E S — Sun, 27 Nov 2022 21:21:17 +0000

Kryetari i bashkisë së Kievit, ish-kampioni i boksit Vitali Klitschko ka reaguar ndaj kritikave të presidentit ukrainas Volodymir Zelenksy, lidhur me masat e marra për të ndihmuar banorët që po përballen me ndërprerje të energjisë elektrike.

Ai ka thënë se nuk dëshiron të përfshihet në mosmarrëveshje politike.

“Nuk dua të përfshihem në mosmarrëveshje politike, veçanërisht në situatën aktuale. Kam gjëra për të bërë”, tha Klitschko.

Dhjetëra mijëra banorë të kryeqytetit ukrainas janë ende pa energji elektrike pas sulmeve ruse, sipas autoriteteve lokale.

Rreth 130,000 njerëz në Kiev, i cili ka një popullsi prej rreth 3 milionë banorësh, ende po përballen me probleme, tha administrata ushtarake e Kievit, duke shtuar se riparimet e rrjetit pritet të përfundojnë brenda 24 orëve të ardhshme.

The post Zelensky e kritikoi për masat në kryeqytet, kryebashkiaku i Kievit: Nuk përfshihem në mosmarrëveshje politike appeared first on Albeu.com.

Paralajmëron Zelensky: Qytetarët rusë që nuk duan të marrin pjesë në luftë kanë një mundësinë e dytë

E S — Sun, 16 Oct 2022 13:57:45 +0000

Presidenti i Ukrainës Volodymyr Zelensky ka përsëritur thirrjen ndaj ushtarëve të mobilizuar rusë që të dorëzohen dhe të refuzojnë urdhrat e eprorëve të tyre.
“Edhe një herë ua rikujtojë qytetarëve të Rusisë, që nuk duan të marrin pjesën në këtë luftë kriminale, por që janë dërguar dhunshëm në luftë, se e kanë edhe një mundësi”, shtoi Zelensky.

Ai u shpreh se nëse dorëzohen do të shpëtojnë pa lëndime, dhe se këtë ua garanton Kievi.

“Të gjithë që i dorëzohen do të shpëtojnë. E kushdo që vazhdon të luftojë për ushtrinë ruse përfshirë këtu edhe mercenarët, nuk do ta kenë mundësinë e dytë”, shtoi Zelensky. Megjithatë sërish ua bëri me dije rusëve se Ukraina do të rikthej gjithçka që i takon, duke iu referuar rajoneve të aneksuara nga ana e Rusisë.

The post Paralajmëron Zelensky: Qytetarët rusë që nuk duan të marrin pjesë në luftë kanë një mundësinë e dytë appeared first on Albeu.com.

Spiropali takon të dërguarin special të Zelensky-t, çfarë u bisedua

E S — Fri, 15 Jul 2022 07:59:45 +0000

Deputeja e Partisë Socialiste, Erisa Spiropali me anë të një postimi të bërë më faqen e saj zyrtare në Facebook ka njoftuar se është takuar me të dërguarin e Zelensky-t ku shpreh mbështetjen e Shqipërisë për Kievin.

Postimi i plotë

I veçantë takimi me z. Rustem Umerov, i dërguari special i Presidentit Zelensky, njëkohësisht nënkryetar i delegacionit të Asamblesë Parlamentare të Këshillit të Evropës, si dhe anëtar i delegacionit të bisedimeve për paqe.

Biseda kishte në fokus situatën në Ukrainë dhe qëndresën e një populli që po lufton edhe për Ballkanin, edhe për të ardhmen e Europës.

Shqipëria e tregoi që në krye të herës mbështetjen ndaj popullit ukrainas, duke u bërë bashkëpenëmbajtëse e kësaj çështjeje bashkë me Shtetet e Bashkuara në Këshillin e Sigurimit të OKB-së dhe duke iu bashkuar sanksioneve ekonomike të BE-së ndaj Federatës Ruse.

Miratimi në Kuvend i #Rezolutës që dënon me forcë agresionin rus në Ukrainë sikurse ndihmesa ushtarake & humanitare, ishin dëshmi konkrete e atyre vlerave perëndimore që vendi ynë i ngriti në lartësinë e misionit, sinkron me vendet aleate./albeu.com

The post Spiropali takon të dërguarin special të Zelensky-t, çfarë u bisedua appeared first on Albeu.com.

Zelensky: Anëtarësimi në BE nuk duhet të zgjasë vite apo dekada

E S — Fri, 01 Jul 2022 16:04:38 +0000

Presidenti ukrainas Volodymyr Zelensky ka bërë thirrje për një proces më të shpejtë për anëtarësimin në BE të Ukrainës. Ai thotë se anëtarësimi nuk duhet të marrë vite apo dekada.

“Ne duhet ta mbulojmë këtë rrugë shpejt,” tha ai, duke shtuar se sulmi në Odesa përforcoi urgjencën për t’u bashkuar me BE. I bëj thirrje të gjithë atyre që mbajnë poste qeveritare që ta shohin detyrën e tyre, punën drejt anëtarësimit në BE, si betejë të vijës së parë për shtetin tonë, për Ukrainën, për ju dhe mua. Ne duhet të punojmë në përgatitjet për t’u bashkuar me BE me të njëjtin intensitet dhe përgjegjësi që kemi vënë në përgatitjen për kandidaturën.”, u shpreh Zelensky./albeu.com

The post Zelensky: Anëtarësimi në BE nuk duhet të zgjasë vite apo dekada appeared first on Albeu.com.