AMP bën me dije se ka nisur procedimi në gjendje të lirë për një efektiv të FNSH dhe për shefin e operacionales në Drejtorinë e Përgjithshme të Policisë, Vladimir Laska. Ky i fundit dyshohet ër ‘Kanosje” e “Dëmtime të tjera me dashje”.

Po ashtu hetim ka nisur edhe për M.I. 33 vjeç, i dyshuar për “Kundërshtim i punonjësit të rendit publik” dhe “Dëmtime të tjera me dashje”.

Njoftimi:

Agjencia e Mbikëqyrjes Policore (AMP) Tiranë ka referuar në Prokurori materialet proceduriale në gjendje të lirë në ngarkim të 2 punonjësve të Policisë dhe 1 shtetasi, konkretisht:

– R.I., 33 vjeç, efektiv i FNSH, i dyshuar për ‘Kanosje”;

– V.L. 44 vjeç, efektiv i Forcës së Posaçme Operacionale, i dyshuar për ‘Kanosje” e “Dëmtime të tjera me dashje”;

– M.I. 33 vjeç, i dyshuar për “Kundërshtim i punonjësit të rendit publik” dhe “Dëmtime të tjera me dashje”.

Nga veprimet hetimore rezulton se punonjësi i policisë V.L., jashtë shërbimit, është konfliktuar e përplasur fizikisht, për motive të dobëta, së pari me shtetasin M.I., në një dyqan në rrugën “Nikolla Tupe”. Më pas në debat është përfshirë dhe punonjësi tjetër i Policisë, R.I., edhe ai jashtë shërbimit.

Me marrjen e njoftimit kanë mbërritur shërbimet e Policisë së Komisariatit Nr. 2 Tiranë dhe forcat “Shqiponja”, të cilat kanë shoqëruar palët deri në përfundim të veprimeve të para hetimore.

Ndërkohë Drejtoria e Standardeve Profesionale në Policinë e Shtetit ka nisur hetimin disiplinor ndaj dy efektivëve të Policisë.

Materialet janë referuar në Prokurorinë e Tiranës. /albeu.com

The post Sherri mes policëve në ish-bllok, reagon AMP: Nën hetim edhe shefi i operacionales appeared first on Albeu.com.

Një incident ka ndodhur të hënën në mbrëmje në zonën e ish-bllokut në kryeqytet, ku janë përfshirë punonjës të Policisë së Shtetit.

Ngjarja ka ndodhur pranë njësisë bashkiake nr. 5 dhe ka shkuar deri në përdorimin e armëve të shërbimit sipas Top Channel.

Punonjësi i Forcave të Ndërhyrjes së Shpejtë Rigers Iljazi, së bashku me vëllanë Marjus Iljazi janë konfliktuar me shefin e operacionales në Drejtorinë e Përgjithshme të Policisë, Vladimir Laska.

Të pranishëm ne konflikt ishin edhe Blerim Qarri dhe Elton Bisi. Sipas gazetares Dorjana Bezat konflikti mes tyre ka agravuar dhe të dy palët kanë kërcënuar me armën e shërbimit.

Ata janë çuar në komisariatin nr. 2 dhe kanë filluar hetimet nga Agjencia e Mbikqyrjes Policore. /albeu.com

The post Sherr mes policëve në Tiranë, kërcënojnë njëri-tjetrin me armën e shërbimit (EMRAT) appeared first on Albeu.com.