Seanca e kësaj të enjteje, është shoqëruar me tensione e tone të forta, teksa Kurti, refuzoi të jepte deklarime, duke i vendosur autorit të vrasjes së motrës së tij epitete, ndërsa tha se gjaku i saj nuk falet.

‘Gjaku i motrës sime nuk thahet, nuk e fal. Ai është vrasës, ka futur në dhe 4 gra, refuzoj të japë deklarime përballë këtij monstre’, deklaroi Vladimir Kurti në sallën e gjyqit, teksa në kafazin prej qelqi, Dan Hutra u shfaq i qetë dhe duke qeshur në një kohë që dëshmitari fliste.

Seanca u shty për në datën 5 dhjetor në orën 12:30, ku do të vijojë procesi gjyqësor, për autorin e vrasjes së trefishtë, ngjarje të cilën e kreu kur sapo kishte dalë nga burgu ku ishte dënuar për vrasjen e ish-bashkëshortes.

40-vjeçari Dan Hutra, po gjykohet për masakrën e 1 marsit të vitit të kaluar ku brenda pak orësh plagosi me armë zjarri shtetaset Elena Kujtime Hysa, (përkatësisht ish-bashkëjetuesja e tij dhe nëna e saj) dhe ka vrarë Mevlute Hysën 30 vjeçe, (motra e ish-bashkëjetueses së tij) dhe Hasime Dafku 30-vjeçe, (e fejuara e vëllait të ish-bashkëjetueses).

Pas kësaj ngjarjeje të ndodhur në Kodër Kamëz, autori lëvizi në rrugën ‘Besëlidhja’, Bathore ku ka ndaluar te banesa e familjes Kurti, duke vrarë me armë zjarri shtetasen Etleva Kurti, 31 vjeçe motrën e Vladimir Kurtit.

Mes këtij të fundit të dënuar përjetë për një vrasje në Kamëz, dhe Dan Hutrës, kishte patur problem në burg, teksa Dan Hutra i vrau të motrën dyshohet në shenjë hakmarrjeje. Në vitin 2007, Dan Hutra ishte dënuar pasi ka vrarë me armë ish-gruan Dafina Havalja, të cilën e goditi dy herë me thikë.

The post Tensione në gjyq/ Dan Hutra shfaqet i i qetë dhe duke qeshur përballë ish-shokut të qelisë që i vrau motrën appeared first on Albeu.com.

Në bisedën telefonike me gazetarin Spartak Koka, Vladimir Kurti i është përgjigjur Dan Hutrës për të gjitha komentet që ai ka bërë po për emisionin Uniko, të transmetuar 1 muaj më parë.

Vladimir Kurti është vëllai i Etleva Kurtit, e cila u vra nga Dan Hutra më 1 Mars 2023. Vladimiri flet për problemet brenda qelisë me Dan Hutrën, çfarë dyshon ai dhe përse mendon se “vrasësi i grave” u ngatërrua me të.

Ai ka deklaruar se Dan Hutrën e ka njohur në qelinë e burgut 313, dhe se si fillim kanë pasur një marrëdhënie të mirë.

Kurti shprehet se nuk është konfliktuar asnjëherë me të, teksa shton se Hutra i ka deklaruar kuk ishin në burg se dikush i ka ofruar para për ta vrarë.

Sipas Vladimir Kurtit, Hutra ka qenë dhe spiun i policisë dhe informator i drejtorisë së përgjithshme të burgjeve, dhe sipas tij ai ka spinuar 3-4 grupe kriminale të cilët merreshin me narkotrafikë.

Kurti ka deklaruar se Hutra jashtë njihej me pseudonimin “DAJA”. Vetë Hutra nga ana e tij ka pretenduar se Kurti i ka marrë të dashurën, dhe së bashku kanë bërë plane për eliminimin e tij fizik.

Vladimir Kurti: Vetëm e kam sharë një herë. Ai ka paguar 2, 3 veta që të më godasin. Ai nga dhoma ka ikur me mirëkuptim, ia kam cu rrobat deri te dhoma. Konfliktin e ka krijuar pasi ka ikur.  Njërit i kishte dhënë 2 mijë euro, tjetrit 3 mijë euro që të më godasin. 

Ai ka marrë 300 mijë për kokën time. Erdhi nuk ia arriti dot dhe u mor me gratë jashtë. Më tha mbaje mend se cfarë do të të bëj. Të më bësh gjë mua duhet të jesh burrë e jo monstër si ai. 

Ai shau nga sporteli dhe unë e shava. Ai sulmoi edhe një invalid tjetër. Unë fillova të dyshoj se ai ishte spiun i policisë së shtetit. Njihej me pseudonimin ‘Daja’, që domethënë ishte nga ata agjentët sekretë. 

Ky ka futur në grup edhe 2-3 grupe të kapur me drogë, i ka spiunuar. Janë kapur nga Dani, janë spiunuar. E mora vesh nga cunat e burgut.

The post Dan Hutra i vrau motrën pasi dyshonte se i mori të dashurën, flet nga burgu Vladimir Kurti: Njihej me nofkën “Daja”, spiun i policisë appeared first on Albeu.com.

32 vjeçarja është përcjellë këtë të enjte në banesën e fundit në fshatin e saj të lindjes.

Familjarët që ende jetojnë aty janë shprehur të tronditur dhe kanë kërkuar dënim maksimal për autorin.

Mehmet Kurti ka thënë për News 24 se e reja ishte një viktimë e paralajmëruar, pas konfliktit që ka patur Dan Hutra me vëllain e Etlevës, Vladimir Kurtin në burg.

Ai shtoi se këtë e përforcon edhe fakti se Hutra kishte deklaruar që do t’i vriste gjithë familjen Vladimirit, ndërsa shteti nuk ka reaguar.

“Ngjarja mos i raft kujt. Kjo që i ka rënë Petrit Kurtit, të lërë dy vajza dhe bashkëshorten në Kamëz të Tiranës për halle të veta, dhe ajo është vrarë. Të vritet një femër në mënyrë të pafajshme, femra lahet me 7 meshkuj. Me kanunin e Lekë Dukagjinit. Ajo që i ka ranë vëllait tim mos i rëntë kujt. Perderisa jam rrit me të, unë vëlla e kam. Petrit Kurti sot nuk është në varrim të vajzës vet, për arsye që nuk po i përmend. Por sot me atë që ka bërë Dan Hutra qoftë edhe djali im, apo vëllanë im, ai duhet dënim jo i përjetshëm, por duhet varur për këmbë.

Dan Hutra me vajzën nuk ka pasur asnjë lloj marrëdhënie. Ka qenë në burg me Vladimir Kurtit, janë rrahur dhe copëtuar atje. Ai ka pas rreshta me dal prej burgu, djali i kushëririt tim është me burgim të përjetshëm. Ai i ka thënë se kur të dal prej burgu kam për të të vrarë të gjithë familjen. Shteti ka fjet gjumë dhe shkoi e vrau një vajzë 32-vjeçare, në shkallët e derës së shtëpisë. E ëma ka qenë duke punuar pas kopshtit. Janë rrahur në burg dhe puna arriti deri këtu. Fisi Hutraj sipas kanunit, një femër lahet me shtatë meshkuj. Shteti mund të bëjë punët e tij, por të tjerët që janë pas atij do ta marrin parasysh. Këtu nuk ka ligje”, tha thënë ai. /albeu.com

The post “Me kanun, vrasja e një gruaje lahet me 7 burra”, flet i afërmi i Etleva Kurtit: Krimi ishte i paralajmëruar appeared first on Albeu.com.

Mësohet se Dan Hutra, pasi ka bërë kasaphanën në banesën e ish-gruas së tij, ku vrau dy gratë e familjes dhe plagosi atë dhe nënën e saj, u drejtua tek objektivi i dytë, familja e Vladimir Kurtit.

Nëna e 31-vjeçares Etleva Kurtit, e cila u qëllua për vdekje në oborrin e banesës së saj ka treguar për se në momentin kur ndodhi krimi ka qenë nga pas banesës duke punuar, kur ka dëgjuar krisma të forta, sipas gazetares Klodiana Lala.

“Isha duke punuar nga pas shtëpisë kur dëgjova disa krisma. Kur dola para shtëpisë pashë gocën përtokë të vrarë”, ka thënë nëna e viktimës, e cila ndodhet në gjendje të rënduar psikologjike.

Hutra duket se e kishte planifikuar sulmin ndaj familjes së Kurtit, pasi kishte ndalur makinën në zonën e Kamzës dhe kishte pyetur një banore të zonës se ku ishte shtëpia e tij. Kjo e fundit i kishte treguar vendndodhjen, pa ditur synimet makabre të vrasësit.

Më pas Hutra ka hyrë në banesë, ku ka hapur zjarr në drejtim të 31-vjeçares, duke e lënë të vdekur në oborrin e shtëpisë, dhe më pas është larguar.

Autori është ende në arrati dhe policia po vijon punën për kapjen e tij. /albeu.com

The post “Ku është shtëpia e Vladimir Kurtit?” Detaje tronditëse nga vrasja në Kamzë, si shpëtoi nëna e viktimës nga plumbat e Dan Hutrës appeared first on Albeu.com.

31-vjeçarja ishte në oborrin e banesës kur një person ka dalë nga një makinë dhe  ka qëlluar me armë zjarri, e më pas është larguar me ndihmën e shoferit që e priste.

Autori qëlloi tri herë ndaj viktimës, e cila fillimisht u transportua drejt spitalit të Traumës, por nuk mundi të mbijetojë.

Sipas gazetarit Igli Çelmeta bën, viktima është motra e Vladimir Kurtit, i dënuar me burg përjetë, ngjarje e ndodhur në 2018. Ky i fundit vrau një grua dhe bashkëshortin e saj.

Etleva Kurti jetonte me nënën e saj dhe të dyja nuk kishin konflikte me njeri. /albeu.com

The post U vra në oborrin e shtëpisë, detaje nga krimi në Kamzë: Autori qëlloi 3 herë, viktima motra e të dënuarit përjetë appeared first on Albeu.com.

“Kur të na thërrasin jemi të gatshëm që të zhvillojmë takimin e radhës, por në ndërkohë duhet të vijmë në arat që punohen, në çerdhet që na dhurohen. Jeta vazhdon”, deklaroi Kurti.

Në Gjilan ka folur edhe për takimin që pati me të dërguarin e posaçëm për dialog, Miroslav Lajçak.

“Gjithmonë i kemi dy tema kryesore, e para është korniza e përgjithshme e marrëveshjes dhe e dyta janë çështjet aktuale. Në çështjet aktuale kryesorja për neve është zbatimi i marrëveshjes së energjisë, në mënyrë që edhe në veri të Ibrit të fillojë inkasimi për energjinë e konsumuar, sepse nuk ka kurrfarë kuptimi që ta shfrytëzosh energjinë elektrike nga burimet e Kosovës e të mos paguash asgjë. Prandaj tek çështjet aktuale fokusi ynë është zbatimi i marrëveshjes për energjinë që edhe atje të paguhet energjia elektrike. Që është e domosdoshme për ekonominë tonë dhe për ligjet tona”, ka shtuar Kurti.

The post Dialogu Prishtinë- Beograd, Kurti: Jemi të gatshëm të takohemi me Vuçiç appeared first on Albeu.com.

Megjithatë, Osmani ka thënë se anëtarësimit në NATO duhet t’i paraprijë përfshirja e Kosovës në programin e aleancës, Partneriteti për Paqe. Ajo i ka bërë këto deklarata pas takimit me Stoltenbergun në Nju Jork, në të cilin ishte e pranishme edhe ministrja e Jashtme të Kosovës, Donika Gërvalla – Schwarz.

Shtetet e Bashkuara kanë mbështetur anëtarësimin e Kosovës në këtë program, ndonëse kanë rikujtuar se për një vendim të tillë kërkohet pajtimi i 30 vendeve anëtare të Aleancës.

Nga 30 vende anëtare të NATO-s, Kosovën si shtet të pavarur e kanë njohur 26 prej tyre ndërsa katër (Greqia, Rumania, Sllovakia dhe Spanja) ende jo.

Qeveria e Kosovës ka thënë se veçse ka formuar një grup punues për anëtarësimin në Partneritetin për Paqe.

Partneriteti për Paqe është një program i NATO-s, që synon krijimin e besimit midis shteteve anëtare të NATO-s dhe shteteve të tjera në Evropë.

NATO-ja është prezente në Kosovë përmes misionit të saj KFOR. Të mërkurën, NATO-ja ka dërguar disa trupa rezervë të misionit KFOR për stërvitje në Kosovë. Komandanti rajonal i KFOR-it, koloneli Christopher Samulski, ka thënë se ato janë pjesë e “planifikimeve normale”.

Më 20 shtator, NATO-ja ka thënë se është e gatshme të rrisë numrin e trupave në Kosovë, nëse ka rritje të tensioneve në mesin e minoritetit serb, lidhur me vendimin e Qeverisë së Kosovës për regjistrimin e makinave me targa RKS – Republika e Kosovës.

“Ne jemi vigjilentë dhe të gatshëm për të vepruar… nëse kemi rritje të tensioneve, mirëpo edhe mund të rrisim numrin e forcave rezervë… mund ta marrim këtë vendim brenda një kohe të shkurtër”, ka thënë zëvendëskomandanti i misionit të NATO-s në Kosovë (KFOR), Luca Piperni.

Sipas tij, situata, aktualisht, është e qetë, por e brishtë, andaj NATO-ja nuk e përjashton mundësinë e tensioneve të reja apo të dhunës, kur të skadojë afati për riregjistrimin e veturave, më 31 tetor.

Situata në veri të Kosovës është tensionuar më 31 korrik, një ditë para se Qeveria e Kosovës të niste zbatimin e vendimit për dokumentet për hyrje/dalje dhe regjistrimin e targave të makinave në RKS.

Serbët lokalë kanë vendosur barrikada në rrugët që çojnë në pikëkalimet kufitare mes Kosovës dhe Serbisë – Jarinjë dhe Bërnjak.

Për shkak të tensioneve, dhe me kërkesë të mekanizmave ndërkombëtarë, Qeveria e Kosovës e pati shtyrë zbatimin e vendimit për një muaj dhe barrikadat më pas janë hequr. Ndërkohë palët janë dakorduar për çështjen e dokumenteve për hyrje/dalje, ndërsa vendimi për regjistrim të makinave, ka hyrë në fuqi më 1 shtator dhe do të zgjasë deri më 31 tetor.

Autoritetet në Kosovë nuk kanë ofruar hollësi se si do të veprojnë pas skadimit të këtij afati. Në Kosovë vlerësohet se janë rreth 10.000 makina me targa të qyteteve të Kosovës – kryesisht KM (Mitrovicë e Kosovës) të cilat i lëshon Serbia.

Kosova i konsideron këto targa ilegale, meqë Prishtina dhe Beogradi kanë marrëveshje për liri të lëvizjes prej vitit 2011. Të dhënat e Ministrisë së Punëve të Brendshme të Kosovës tregojnë se, nga 1 shtatori, kur edhe ka filluar procesi i riregjistrimit, vetëm pesë makina kanë marrë targat RKS. Dy prej tyre në komunat e banuara me shumicë serbe në veri të Kosovës, ndërsa tri të tjera në jug./REL/

The post Osmani pas takimit me Stoltenberg: Anëtarësimi në NATO, qëllim strategjik i Kosovës appeared first on Albeu.com.

Por mediat në Kosovë kanë konfirmuar se Escobar në Prishtinë nuk do të takojë kryeministrin Albin Kurti. Kështu ka konfirmuar për T7 zëdhënësi i Qeverisë, Përparim Kryeziu. Escobar do të pritet nga presidentja e vendit, Vjosa Osmani, si dhe do të ketë darkë pune me krerët e partive opozitare; kryetarin e PDK-së, Memli Krasniqi, kryetarin e LDK-së, Lumir Abdixhikun dhe kryetarin e AAK-së, Ramush Haradinajn.

“Kryetari i PDK-së, z. Memli Krasniqi është i ftuar nga z. Escobar për darkë pune të martën pasdite në rezidencën e Ambasadorit të SHBA-së në Kosovë”, ka konfirmuar PDK për Gazetën Express.

Vizita e Escobarit dhe Lajçakut vjen pas dështimit të arritjes së ndonjë marrëveshje mes Kosovës dhe Serbisë në takimin e 18 gushtit që pati kryeministri Kurti me presidentin serb Vuçiç, në Bruksel.

The post E konfirmon Qeveria e Kosovës: Sot nuk ka takim Kurti-Escobar appeared first on Albeu.com.

Kujtojmë se Vladimir Kurti ka pranuar që të bashkëpunojë me drejtësinë duke dëshmuar para gjykatës se vrasja e Agim Bucit nuk ishte si pasojë e grabitjes, por ata ishin të paguar për ta vrarë nga Albert Zaja.

Autori nuk folur me herët për këtë fakt, pasi ishte i frikësuar nga një hakmarrje e mundshme e Albertit, dhe vetëm tani ka mundur te dëshmojë pasi Albert Zaja është arrestuar për një ngjarje tjetër.

Ngjarja e rëndë ka ndoshur në prill të 2018, ku mbeti e plagosur edhe bashkëshortja e viktimës, Rita Buci./albeu.com

The post Vrasja pronarit të marketit në Kamëz, gjykata dënon një prej autorëve me burgim të përjetshëm appeared first on Albeu.com.