Sipas ambasadës së Kosovës, aksidenti është shënuar në distriktin Alsergrund, ku një pjesë e skelave është shembur duke zënë punëtorët.

Viktimë kanë mbetur Pajtim Bajrami, Asllan Musliu dhe Istref Zekaj. Ndërsa viktima e katërt është nga Bosnje-Hercegovina. Një tjetër që ka mbetur i plagosur raportohet se është nga Maqedonia e Veriut.

Ambasada e Kosovës në Austri, tha se është në kontakt me autoritetet austriake dhe me familjarët e viktimave, për të ofruar mbështetjen e nevojshme dhe për të koordinuar procedurat e mëtejme.

Kryeministri i Kosovës, Albin Kurti, reagoi për ngjarjen, duke theksuar se institucionet janë në koordinim për t’u ardhur në ndihmë familjeve të viktimave.

“Na ka tronditur thellësisht lajmi për vdekjen tragjike të disa personave në Austri. Sipas informacioneve zyrtare nga Ambasada jonë atje, tre prej tyre janë identifikuar si qytetarë të Republikës së Kosovës. Në këto momente të rënda, shpreh ngushëllimet e mia më të sinqerta për familjet e viktimave dhe të gjithë ata që janë prekur nga kjo humbje e madhe. Qeveria e Republikës së Kosovës është në komunikim të ngushtë me Ambasadën tonë në Vjenë për të ofruar gjithë mbështetjen e nevojshme”, ka shkruar Kurti.

The post Tragjedi në Vjenë/ Shemben skelat në një kantier ndërtimi në Vjenë, humbin jetën 4 persona, tre prej tyre shqiptarë nga Kosova appeared first on Albeu.com.

Spiropali shprehet se është një shenjë e respektit dhe vlerësimit për Shqipërinë si mike dhe aleate, ndërsa e vlerëson si një instrument të fuqishëm të diplomacisë kulturore.

Postimi i Spiropali:

Opera Shtetërore e Vjenës

Me ftesë të posaçme të Ministres Federale për Punët e Jashtme të Austrisë, Beate Meinl-Reisinger, në Ballon e Operës së Vjenës, e mbajtur nën patronazhin e Presidentit Federal, Dr. Alexander Van der Bellen.

Ftesa e nderit në emër të Shqipërisë në këtë event tradicional që daton nga shek. XVIII, instrument i fuqishëm i diplomacisë kulturore, është tregues i respektit, besimit dhe vlerësimit me të cilin miqtë austriakë, shohin dhe trajtojnë Shqipërinë si pjesë e natyrshme e miqësive dhe aleancave të tyre.

The post Spiropali e ftuar nderi në Ballon e Operës së Vjenës: Shenjë e respektit dhe vlerësimit për Shqipërinë si mike dhe aleate appeared first on Albeu.com.

Sipas një zëdhënësi, në pistat e uljes dhe ngritjes në Vjenë u formua një shtresë e trashë akulli, e cila vazhdoi të krijohej edhe pas përpjekjeve për pastrimin e saj. Për pasojë, disa fluturime u devijuan drejt aeroporteve të tjera.

Ndërkohë, shiu i akullt detyroi Aeroportin e Pragës të kalojë në “funksionim shumë të kufizuar”, sipas një njoftimi të publikuar në llogarinë zyrtare në platformën X.

Autoritetet paralajmëruan se vonesat do të vazhdojnë gjatë gjithë ditës, ndërsa mbërritjet janë kufizuar, pasi stafi po punon për pastrimin e pistës kryesore nga akulli.

Udhëtarët këshillohen të kontrollojnë vazhdimisht statusin e fluturimeve të tyre dhe të ndjekin udhëzimet e kompanive ajrore, për shkak të kushteve të vështira të motit.

The post Temperaturat e ulëta paralizojnë aeroportet në Vjenë dhe Pragë, anulime dhe vonesa fluturimesh appeared first on Albeu.com.

Kryeqyteti me më shumë se dy milionë banorë kishte aplikuar me sloganin “Evropë, a do të kërcejmë?” duke u bazuar në suksesin e edicionit të vitit 2015, pas triumfit të mbretëreshës me mjekër, Conchita Wurst.

Këtë herë, ishte artisti i ri JJ, një tenor austriako-filipinas 24-vjeçar, i cili mori trofeun.

“Reputacioni i Vjenës si një nga qytetet më të rëndësishme muzikore në botë dhe vendndodhja e saj në zemër të Evropës, e bëjnë atë qytetin ideal pritës për këtë konkurs të 70-të”, komentoi Martin Green, drejtori i Eurovisionit, në një deklaratë pasi vendimi u njoftua në ORF.

Vjena priti gjithashtu Eurovisionin në vitin 1967, pak më shumë se 10 vjet pas krijimit të tij.

The post “Evropë, a do të kërcejmë?”/ Eurovisioni rikthehet në Vjenë, finalja mbahet më 16 maj appeared first on Albeu.com.

Një nga të pranishmet në takim, i kërkoi Ballës që të japë llogari për pyetjet e bëra nga qytetarët, teksa akuzoi atë dhe qeverinë Rama për situatën në të cilën ndodhet sot Shqipëria.

Pas këtij momenti, persona të paidentifikuar kanë tentuar që ta largojnë me forcë qytetaren. Pamjet janë shpërndarë nga kreu i PD-së, Sali Berisha në rrjetet sociale, i cili shkruan: “Një përshëndetje të përzemërt qytetarit guximtar që i a plasi në fytyrë në Vienë, narko-ministrit Balla-Bego-Yaris”.

Debati:

Qytetarja: “Zoti ministër. Ju duhet ta dini se ministër do të thotë shërbyes. Ju vini e na thoni se kush duhet të flasë dhe kush jo”.

Balla: “Bëj 5 minuta pushim”.

Qytetarja: “Ju duhet të jepni përgjigje për pyetjet që kanë njerëzit. Nuk kam faj unë që njerëzit janë kaq të zemëruar me ju, me qeverinë tuaj, me lidershipin tuaj komunist”.

The post Takimi i Ballës në Vjenë, qytetarja i kërkon llogari: Ministër do të thotë shërbyes (VIDEO) appeared first on Albeu.com.

Mendohej e humbur, por Portreti i Fraulein Lieserit nga Gustav Klimt u gjet tani në Vjenë, pas pothuajse 100 vitesh që nuk dihej më asgjë mbi fatin e pikturës së veçantë të artistit të madh austriak.

Dikur ka qenë në pronësi të një familjeje hebreje në Austri, për herë të fundit në publik, vepra ishte parë në vitin 1925. Që prej atëherë, fati i saj mbeti i paqartë, por duket se familja e pronarëve aktualë e ka pasur në zotërim që prej viteve ’60. Shtëpia e ankandeve im Kinsky, ka thënë se vlera e pikturës është mbi 54 milionë dollarë.

“Një pikturë kaq e rrallë, me rëndësi të madhe artistike, nuk ka është gjetur në tregun e artit në Europën Qendrore për dekada”, thuhet në një deklaratë të saj. Portreti do të nxirret në ankand në 24 prill, në emër të pronarëve, dhe pasardhësve ligjorë të familjes Lieser.

Diçka e tillë është e bazuar në Parimet e Uashingtonit, një marrëveshje ndërkombëtare për kthimin e artit të plaçkitur prej nazistëve, te pasardhësit e njerëzve prej të cilëve janë marrë veprat. Para ankandit, piktura do të prezantohet në disa lokacione ndërkombëtare, përfshirë Mbretërinë e Bashkuar, Zvicrën, Gjermaninë dhe Hong Kongun. Portreti ka qenë dikur pronë e familjes Lieser, asokohe industrialistë të pasur hebrenj në Vjenë.

Sioas një juristi megjithatë, deri tani nuk janë gjetur dëshmi që kjo vepër është plaçkitur, apo vjedhur, para apo gjatë Luftës së Dytë Botërore. Veprat e Klimtit janë shitur mjaft shtrenjtë në të kaluarën. Piktura e tij Gruaja me Erashkë, është shitur për 85.3 milionë dollarë në qershor, çka e bën atë më të vlefshme të artit që është shitur në ndonjë ankand në Europë.

The post Gjendet pas 100 vjetësh një pikturë e Gustav Klimtit në Vjenë me vlerë prej 54 milionë dollarë! appeared first on Albeu.com.

Burri, me origjinë nga Kosova, ka pikasur ish-partneren para shtëpisë së saj dhe e ka goditur me thikë, njoftoi policia të shtunën.

39-vjeçarja ka marrë plagë të shumta në shpinë dhe shpatull.

Ishte një kalimtar i rastësishëm ai që njoftoi policinë.

Zyrtarët e njësisë speciale Wega arrestuan burrin pranë vendit të krimit, ndërsa 39-vje#arja u dërgua menjëherë në spital ku iu dha ndihma e parë.

Jeta e saj nuk është në rrezik, siç bëjnë me dije mediet gjermane.

Burri, po 39-vjeç ka refuzuar të dëshmojë para hetuesve.

Ai akuzohet për tentativë vrasjeje./albeu.com

The post Shqiptari godet me thikë ish të dashurën në Vjenë appeared first on Albeu.com.

Dy homologët kanë diskutuar mbi sfidat aktuale, ndërkohë që presidenti austriak ka mbështetur përpjekjet e Kosovës për integrim në BE, përfshirë edhe liberalizimin e vizave.

Welcomed ?? President @VjosaOsmaniPRKS today. We had a frank and wide-ranging discussion on current challenges, developments and excellent #Austria–#Kosovo bilateral relations. (1/2) pic.twitter.com/temLOKU9Ej

— A. Van der Bellen (@vanderbellen) November 16, 2022

Ndërkohë që presidenti austriak priti në takim Osmanin në Vjenë, kancelari Karl Nehammer, që ka në dorë frerët e pushtetit në Austri, ka qëndruar sot në Beograd.

Nehammer, bashkë me presidentin serb, Aleksandar Vuçiç dhe kryeministrin e Hungarisë, Viktor Orban kanë nënshkruar marrëveshje të përbashkët.

Ata janë pajtuar që t’i trajtojnë migrantët ilegalë në mënyrë të koordinuar.

“Përderisa s’ka një zgjidhje efikase në luftën kundër migrimit ilegal, kontrabandës dhe trafikimit të njerëzve në nivel evropian, partnerë të fuqishëm janë të nevojshëm. Në këtë problematikë, bashkëpunimi me Serbinë dhe Hungarinë është jashtëzakonisht i nevojshëm”, ka shkruar Nehammer.

Solange es auf EU-Ebene keine effiziente Lösung im Kampf gegen illegale Migration, Schlepperei & Menschenhandel gibt, braucht es starke Partner. In diesem Bereich ist die Zusammenarbeit mit Serbien & Ungarn enorm wichtig. @avucic @PM_ViktorOrban pic.twitter.com/K0kUSzhZ4s

— Karl Nehammer (@karlnehammer) November 16, 2022

Ndërkaq, Presidentja Osmani që qëndroi në Vjenë, ka thënë se me presidentin Van der Bellen, diskutuan për partneritet strategjik mes dy vendeve.

“Potencuam vendosmërinë e përbashkët për ta thelluar bashkëpunimin dhe koordinimin, duke kontribuar bashkërisht për paqe dhe stabilitet të qëndrueshëm në këtë kohë kritike për Evropën. Presidentin Van der Bellen e urova për rizgjedhjen e tij në krye të shtetit dhe shpreha vendosmërinë tonë të punojmë drejt hapjes së kapitujve të rinj të bashkëpunimit në mes të Kosovës dhe Austrisë. Jemi mirënjohës për përkrahjen e palëkundur të Austrisë për rrugën euroatlantike të vendit tonë”, ka shkruar ajo. /GazetaExpress

The post “Mesazhi i dyfishtë” austriak, kancelari në Beograd, Osmani ftohet nga Presidenti në Vjenë appeared first on Albeu.com.

Rama shkruan se qëllimi i kësaj vizite është mbështetja e drejtpërdrejtë për Universitetin Bujqësor të Tiranës që të hapë dialogun me rektorin dhe drejtuesit e universitetit austriak, me të cilin synohet lidhja e një partnershipi strategjik.

“Vizioni Shqipëria2030 synon hapjen e madhe të universiteteve tona ndaj universiteteve prestigjioze evropiane, deri në njehsimin e diplomave”, shkruan Rama.

Në këtë vizitë Kryeministri shoqërohej nga ministrja e Bujqësisë, Milva Ekonomi.

The post Rama takim me drejtuesit të universitetit BOKU: Duam universitetin tuaj në shërbim të universitetit në Shqipëri (VIDEO) appeared first on Albeu.com.

Policia bastisi shtëpitë e shtetasit të Kosovës Blinor S. dhe shtetasit gjerman, Drilon G., të cilët dyshohet se nuk kishin raportuar planet për sulmin te autoritetet, thanë prokurorët.

Sipas tyre, të dy kanë pikëpamje radikale islamike dhe ishin në kontakt të ngushtë në rrjetet sociale me sulmuesin. Me gjithë bastisjet nuk pati të arrestuar.

Kujtim Fejzulai, një 20-vjeçar me shtetësi austriake, i cili gjithashtu kishte shtetësi të Maqedonisë së Veriut, u vra nga policia disa minuta pasi hapi zjarr në baret e mbushura me njerëz në Vjenë më 2 nëntor të vitit 2020.

Një nga viktimat e sulmit ishte një shqiptar nga Maqedonia e Veriut.

Austria pranoi se “u bënë gabime të palejueshme” në trajtimin e informatave të zbulimit rreth Fejzulait, një i dënuar i cili ishte liruar nga burgu më pak se një vit më parë.

Zyra e prokurorit tha se të dy burrat, banesat e të cilëve u bastisën në Gjermani, udhëtuan për në Vjenë menjëherë pasi Fejzulai siguroi pushkën e përdorur në sulm dhe qëndruan në apartamentin e tij për disa ditë në korrik të vitit 2020.

Zyra tha se ata të paktën duhet të kishin besuar se ishte e mundur që Fejzulai do të kryente sulmin, por dështuan të raportojnë planet e tij tek autoritetet.

Pas sulmit, të dyshuarit ishin përpjekur të fshihnin lidhjet e tyre me Fejzulain, duke fshirë komunikimet dhe kontaktet me të në celularët e tyre dhe rrjetet sociale, tha zyra e prokurorit.

Austria arrestoi 15 persona pas sulmit dhe policia në Gjermani kontrolloi shtëpi dhe biznese të lidhura me katër persona, që besohet se kishin lidhje me Fejzulain./VOA

The post Sulmi me 4 viktima në Vjenë, policia gjermane bastis shtëpitë e dy shqiptarëve appeared first on Albeu.com.