Xhixho deklaroi se nga pagat e mësuesve janë mbajtur shuma për një periudhë 1 vit e gjysmë dhe se këto nuk janë rimbursuar, duke e lidhur këtë me situatën ekonomike dhe rritjen e çmimeve.

“Janë prej 11172 punonjës mësimorë. Vendimi i qeverisë datë 26 qershor 2024 i hoqi padrejtësisht mësuesve nga 20-60 mijë lekë të vjetra në mua, duke ua mbajtur nga paga për 1 vit e gjysmë jo vetëm që nuk rritën pagat, po u ka marrë në mënyrë flagrante deri në 1 mln. Jo vetëm që nuk u kërkuar ndjesë, por edhe projektligji që u synua të korrigjonte këtë padrejtësi, ishte gjysmak. Sot mësuesit përballen dhe me njëherë krizë ekonomike, çmimet janë rritur me 50%. Është rritur dhe çmimi i naftës, po flasim për gjëra mbijetese. A keni ndërmend t’i ktheni mësuesve paratë që u keni marrë për turpin tuaj? Sot duhet t’i ktheni 1 mln të vjetra çdo mësuesi”, tha Xhixho.

Ministrja Kumbaro u përgjigj duke iu referuar ndryshimeve ligjore të miratuara në mars, që sipas saj kanë adresuar këtë problematikë dhe kanë vendosur trajtim të barabartë për një kategori të caktuar punonjësish.

“Nga kjo sallë jam përgjigjur pyetjeve që ishin pjesë kësaj sekuence parlamentare. Si ministre dhe ne si mazhorancë, nuk i jemi përgjigjur çështjeve me retorikë, por me vendime konkrete. Këto janë zgjidhur që në fillim të muajit mars kur miratuam ndryshimet në ligjin për armimin parauniversitar. Ndryshimet lidheshin me trajtimin financiar për në kategori mësuesish. Bëhet fjalë për ato që janë punësuar përpara datës 1 mars 2017 me kohë të plotë dhe pa afat, që për shkak të kohëzgjatjes së prog studimit nuk ekuivalentoheshin me 8 semestra sipas kuadrit ligjor në fuqi. Vetë organizimi ka qenë i ndryshëm. Dua të them se përmes ndryshimit ligjor, janë 6761 punonjës arsimor që përfitojnë sot trajtim të barabartë duke i dhënë fund një hendeku të padrejtë. Jo vetëm që rritëm pagat, por më pas morëm dhe përgjegjësinë që kjo rritje nxori në pah. Nuk u bë më herët se zgjidhet nuk bëhen me deklarata, por me procese ligjore të qëndrueshme”, tha Kumbaro.

Në replikë, Xhixho ngriti edhe çështjen e vlefshmërisë së diplomave për mësuesit e diplomuar para vitit 2011, duke e lidhur këtë me kërkesat për licencim dhe kosto shtesë.

“Vini këtu e thoni sikur keni bërë heroizëm. Jen ministrja e nuk mban përgjegjësi se urdhrat i jep Edi Rama. Mësuesit po përballen me një tjetër problem, çfarë ndodh me mësuesit sot, pas 15 vitesh në sistem, sot qeveria u thotë që të diplomuar para 2011, duhet të pajisen me licencë. U mohohet përvoja 15 vjeçare, e u rriten dhe kostot. Vetëm regjistrimi për këtë provim 100 mijë lekë të vjetra. Për të marrë kartonin do paguajnë dhe 200 mijë lekë. U kërkohet dhe master me qëllim mbushjen e universiteteve që po zbrazen. Nëse sipas jush janë të paaftë, a nuk jeni ju në shkelje të ligjit që i keni mbajtur? Në vend që të gjeni zgjidhje, krijoni artifice për tua vështirësuar jetën. Në vend që të rrisni pagat, nuk bëni gjë tjetër veçse rrisni kostot e tyre”, tha Xhixho.

The post Erisa Xhixho i drejtohet Mirela Kumbaros: U keni vjedhur 1 milionë lekë nga pagat mësuesve, sot duhet t’i ktheni appeared first on Albeu.com.

Sipas hetimit stafi në qendrën e kontrollit të sigurisë nuk kishte ekrane të mjaftueshme për të monitoruar muzeun në kohë reale. Ndërkohë, mungesa e koordinimit bëri që policia të dërgohej fillimisht në vendin e gabuar kur u dha alarmi. Një nga zbulimet në raport ishte se grabitësit kishin vetëm 30 sekonda për të hyrë me forcë përpara se të mbërrinin policia dhe rojet private të sigurisë.

“Rojet e Securitas [kompania private] ose oficerët e policisë në një makinë mund t’i kishin penguar hajdutët të arratiseshin”, u tha senatorëve kreu i hetimit, Noel Corbin.

Ai tha se masa të tilla si një sistem modern kamerash me qark të mbyllur, xhama më të fortë ose koordinim më i mirë i brendshëm mund të kishin parandaluar humbjen e bizhuterive, me vlerë rreth 88 milionë euro. Por një hetim i kërkuar nga udhëheqja e Muzeut në vitin 2019 tregoi gjithashtu se ka shumë boshllëqe dhe dobësi në siguri.

Ndër të tjera, ekspertët nga kompania e bizhuterive Van Cleef & Arpels kishin theksuar se ballkoni pranë lumit i përdorur nga hajdutët në tetor ishte një pikë e dobët dhe mund të ishte arritur nga kushdo me një shkallë të madhe. Kjo është pikërisht ajo që ndodhi në tetor.

Çuditërisht, drejtoresha e Luvrit, Laurence de Carr, nuk u informua për inspektimin, i cili ishte urdhëruar nga paraardhësi i saj, Jean-Luc Martinet. Policia ndërkohë ka arrestuar katër autorët, të cilët ikën me motoçikleta pasi kryen grabitjen në rreth 10 minuta, bizhuteritë të cilat nuk janë gjetur.

The post Hetimet tregojnë boshllëqe të mëdha sigurie! Arratisja e grabitësve të Luvrit mund të ishte parandaluar për 30 sekonda appeared first on Albeu.com.

Berisha tha se Rama, gjatë deklarimeve të tij ka pohuar se Komisioni i Venecias, është shprehur kundër pezullimit të ministrave.

Por, Berisha pretendon se deklarata e Ramës kundërshtohet nga ministrja e Inteligjencës Artificiale “Diella”, e cila sipas tij ka deklaruar nuk ka asnjë raport që lidhet me pezullimin e ministrave.

Më pas Berisha shtron pyetjen: “Kush gënjen? Diella apo Rama”?

Reagimii Berishës:

“Ministrja Diella: Rama është hajdut dhe mashtrues publik

Të dashur miq,

Edi Rama sot, në avokatinë e tij të turpshme të vjedhjeve të tij me Lubi Ballukun në tunelin e Llogarasë dhe në një presion të hapur ndaj Gjykatës Kushtetuese, ju tha shqiptarëve se Komisioni i Venecias është shprehur kundër pezullimit të ministrave nga detyra.

Kurse Diella thotë se nuk ka asnjë raport të Komisionit të Venecias për pezullime ministrash – konkret, as në tërësi – por ka raporte vetëm për të zgjedhur vendor.

Pyetja ime është: kush gënjen?

Diella apo Rama?

Apo kujt t’i besojmë: Diellës që është e paanshme, apo Ramës të zhytur gjer në vesh në aferën e pistë të tunelit të Llogarasë”?

The post Aferat e Ballukut/ Berisha: Rama u tha shqiptarëve se Komisioni i Venecias është shprehur kundër pezullimit, “Diella” deklaron se nuk ka raport, ajo vodhi me tunelin e Llogarasë appeared first on Albeu.com.

Këtë herë, Bardhi ka publikuar pamje të reja që i përkasin qendrave të votimit 2846, bashkia Divjakë dhe 2867, bashkia Lushnje, në të cilat shfaqen komisionerë dhe vëzhgues patronazhistë që orientojnë qytetarët si të votojnë, ushtrojnë presion apo edhe votojnë ndaj tyre, me qëllim sipas Bardhit, që “produkti” i farsës elektorale të jetë 100% i kontrolluar.

Bardhi ngre shqetësimin se; “deri më tani askush nuk e ka vënë ujin në zjarr për vjedhjen më të madhe në historinë e zgjedhjeve në Shqipëri”.

Denoncimi:

EPISODI 9 / VOTIM I KONTROLLUAR = FARSË ELEKTORALE

Janë të pafundme rastet konkrete me zë dhe figurë që dëshmojnë zëvëndësimin e zgjedhjeve të lira dhe të ndershme në qarkun Fier me farsën elektorale të 11 majit të dirigjuar nga Belinda Balluku dhe bandaj e saj elektorale.

Pamjet e mëposhtme i përkasin qendrave të votimit 2846, bashkia Divjakë dhe 2867, bashkia Lushnje, në të cilat shfaqen komisionerë dhe vëzhgues patronazhistë që orientojnë qytetarët si të votojnë, ushtrojnë presion apo edhe votojnë ndaj tyre, me qëllim që “produkti” i farsës elektorale të jetë 100% i kontrolluar.

Deri më tani kemi publikuar me qindra raste të shkeljes së fshehtësisë së votimit, votimit më shumë se një herë dhe presionit ndaj votuesve, të provuara nga pamjet filmike të vëna në dispozicion zyrtarisht nga KQZ, të cilat mund të administrohen lehtësisht nga Prokuroria.

Por, deri më tani askush nuk e ka vënë ujin në zjarr për vjedhjen më të madhe në historinë e zgjedhjeve në Shqipëri dhe gjasat duken që nuk do ta vënë as në të ardhmen, duke provuar fatkeqësisht edhe një herë se Edi Rama, Belinda Balluku dhe banditët e tyre elektoralë vepruan me syshkeljen e task forcës për krimet zgjedhore.

The post Bardhi publikon pamjet: Zgjedhjet u dirigjuan nga Balluku, ja si patronazhistët ushtruan presion ndaj votuesve appeared first on Albeu.com.

Me anë të një postimi në Facebook, Berisha e quan “tallje me njerëzit që rrezikojnë jetën”, duke thënë se dhënia e medaljeve e trajton luftën me flakët si një sport, jo si një emergjencë serioze që kërkon përkushtim dhe burime reale.

Me ironi ish kryeministri thotë se për ta çuar deri në fund këtë komedi duhet të kishte dhënë “Lopata Ari”.

“Kur Forcat e Armatosura dhe zjarrfikësit dalin me degë pishash dhe lopata për të fikur zjarret, dhe më pas u dorëzohen medalje ari, kjo është tallje, jo nderim. Për ta çuar deri në fund komedinë, mund t’u kishte dhënë ‘Lopata Ari’,” thuhet në reagimin e demokratëve.

Po ashtu Sali Berisha rendit edhe një sërë shpenzimesh luksi dhe skandalesh korruptive që, sipas saj, kanë dëmtuar buxhetin e shtetit dhe kanë lënë vendin të pambrojtur përballë emergjencave natyrore.

“Me 24 milionë euro për çarterin privat të Ramës, 130 milionë euro nga inceneratori i Tiranës, 50 milionë euro të vjedhura nga Rama-Balluku në Tunelin e Llogarasë, e deri te 7 milionë euro për ‘Giro d’Italia’, Shqipëria mund të kishte blerë 10 avionë, 5 helikopterë dhe 150 zjarrfikëse,” shkruan Sali Berisha.

Deklaratë e Partisë Demokratike.

Ramaduro u ka shpërndarë sot punonjësve të Zjarrfikësve dhe ekipit të Emergjencave medalje ari, argjendi apo bronzi, a thua se mbrojtja e vendit dhe qytetarëve nga rreziku i zjarreve është një sport.

Ndërkohë që Partia Demokratike e vlerëson lart sakrificën, vetmohimin e pjesëtarëve, të Forcave të Armatosura, të Reparteve të Zjarrfikësve, të ekipeve të Emergjencave, në betejat me zjarret në mbarë vendin. Por ajo deklaron se ata nuk kanë nevojë për lëvdata boshe dhe medalje ari apo bronzi, nga Ramaduro dhe narko-zyrtarë të tjerë përgjegjes kryesor për demet e jashtzakonshme të zjarreve këtë verë. Por ata kanë nevojë për mjete, infrastrukturë kundër zjarrit, përkujdesje, rroga, bonuse dhe sidomos respekt njerëzor dhe institucional.

Kur Forcat e Armatosura dhe Zjarrfikësit dalin me degë pishash dhe lopata për të fikur zjarret, dhe më pas u dorëzon medalje ari, kjo është tallje, jo nderim.

Për ta çuar deri në fund komedinë mund t’u kishte dhënë ‘Lopata Ari’.

Në Shqipëri zjarret për shkak të mungesave të mëdha të mjeteve kundër tyre dëmtuan 2-3 herë më shumë se në vendet tjera.

Partia Demokratike deklaron se me:

-24 milionë euro të përdorura për çarterin privat nga Edi Rama

-130 milionë euro të vjedhura nga Edi Rama, Erion Veliaj tek djegësi i Tiranës,

-50 milionë euro të vjedhura nga Rama-Balluku në Tunelin e Llogarasë

-4 milionë euro të përdorura për Kopshtin e varur në oborrin e Kryeministrisë;

-7 milionë euro për “Giro d’Italia”;

Shqipëria mund të kishte blere 10 avionë, 5 helikopterë dhe 150 zjarrfikëse për shuarjen e zjarreve dhe ajo nuk do të kishte sot atë bilanc katastrofik djegie pyjesh, kullotash dhe pasurish që pësoi.

Partia Demokratike deklaron se Ramaduro tallet kur mendon se mund ta mbyll me një ceremoni krimin shtetëror të djegies së njerzve, shtëpive bagëtive dhe të mbi 60 mijë ha pyjeve, kullotave dhe pemtoreve.

Drejtësia vonon, por nuk do të harrojë të gjithë përgjegjësitë e dëmeve madhore të zjarreve të këtij viti!

The post Berisha ironizon dekoratat e Ramës për punonjësit që fikën zjarret: Mund t’i kishte dhënë edhe “Lopata Ari”, u vodhën 50 milionë euro nga Balluku në Tunelin e Llogarasë, mund të ishin blerë 10 avionë me… appeared first on Albeu.com.

Sipas informacionit zyrtar, një person kishte shkuar për të vjedhur bagëti në pronësi të shtetasit Flamur Mane, mirëpo është pikasur nga ky i fundit.

Mes pronarit dhe hajdutit ka patur përleshje fizike në stan, e si pasojë, autori ka qëlluar me armë ndaj 65-vjeçarit.

Ky i fundit ndodhet jashtë rrezikut për jetën, ndërsa është identifikuar dhe arrestuar autori i dyshuar, shtetasi Dedë Dedaj.

Njoftimi i policisë:

Qëlloi me armë gjahu, pronarin e ambientit ku shkoi për të vjedhur gjatë natës, identifikohet dhe kapet 65-vjeçari.

Menjëherë pas kallëzimit të shtetasit F. M., 66 vjeç, se gjatë natës, sapo një shtetas kishte hyrë për të vjedhur në kasollen në pronësi të tij, ai e kishte konstatuar dhe gjatë konfliktit me të, autori i tentativës për vjedhje e kishte qëlluar me armë gjahu, shërbimet e Komisariatit të Policisë Lushnjë kanë organizuar punën për kapjen e autorit.

Si rezultat i veprimeve të shpejta hetimore dhe policore, u identifikua dhe u kap autori i dyshuar i rastit, shtetasi D. D., 65 vjeç.

I dëmtuari, shtetasi F. M., ka marrë asistencë mjekësore dhe është jashtë rrezikut për jetën.

Materialet procedurale iu referuan Prokurorisë së Fierit, për veprime të mëtejshme.

The post Shkoi për të vjedhur bagëti, por u pikas nga pronari/ Hajduti plagos 65-vjeçarin, policia jep detajet (EMRI) appeared first on Albeu.com.

Siç ka bërë të ditur me një postim në “Instastory”, asaj i është tentuar t’i merrej llogaria në “Instagram”.

Gjithashtu, theksoi se i janë hakuar 10 llogari të fanseve të saj.

The post Xhenetës i ndodh e papritura, çfarë ka ndodhur me të? appeared first on Albeu.com.

Sipas Berishës, sheshet janë ndërtuar me mjete të përkohshme dhe paratë e buxhetit janë zhdukur, ndërkohë që ai theksoi se ekipi i tij kishte realizuar një punë të madhe.

Sipas tij, qeveria vetëm po vjedh.

Sali Berisha: Varfëria në vend është shumë e madhe. Ka kërcënim të lirisë dhe agresion ndaj opozitës. Këta përpos Tunelit të Llogarasë nuk kanë bërë asnjë rrugë me buxhet të tyre.

Byppassi i Vlorës është bërë me kredi, edhe Byppasi i Fierit me kredi të bankave të marra nga PD.

Sheshet i kanë ndërtuar me rrasa guri. Kanë zhdukur paratë. Puna e bërë nga ekipi ynë është shumë e madhe. Këta po vjedhin përditë.

The post Sali Berisha: Ka kërcënim të lirisë dhe agresion ndaj opozitës, s’kanë bërë asnjë rrugë me paratë e buxhetit appeared first on Albeu.com.

Përmes rrjeteve sociale, teksa publikon dhe dokumentin përkatës, Blushi thotë se krimi i vjedhjes me inceneratorin inekzistent të Tiranës ka emër dhe mbiemër, dhe ai është kryetari i Bashkisë së Tiranës, Erion Veliaj.

“Krimi i vjedhjes me inceneratorin inekzistent të Tiranës ka emër dhe mbiemër: Erion Veliaj.

Mjafton kjo firmë e paligjshme që ndryshoi fatin dhe i dha jetë kësaj kryevepre korruptive, pa mbledhur Këshillin Bashkiak dhe duke shkelur ligjin e pushtetit lokal, për ta arrestuar Erion Veliaj.

Ka 7 vite që kjo Mega-Firmë ulëret duke treguar “ujkun” (pronarin faktik të inceneratorit fantazmë), ndërsa SPAK kërkon gjurmët e “Harabelit”. Kush beson se SPAK po bën drejtësi, GABON!”, thekson Tedi Blushi.

The post DOKUMENTI/ Blushi: Vjedhja me inceneratorin inekzistent të Tiranës ka emër dhe mbiemër: Erion Veliaj appeared first on Albeu.com.

Specialistët për Hetimin e Krimeve të Komisariatit të Policisë Krujë arrestuan shtetasin G. A., 32-vjeç, banues në Tiranë, pasi ka tentuar të vjedhë një shumë parash, në një xhami në Tapizë.

Gjithashtu, specialistët për Hetimin e Krimit Ekonomik dhe Financiar ekzekutuan vendimin penal për shtetasin në kërkim D. K., 28-vjeç, banues në Tiranë, pasi Gjykata e Shkallës së Parë e Juridiksionit të Përgjithshëm Tiranë e ka dënuar me 3 muaj burgim për veprën penale “Falsifikimi i monedhave”.

Njoftimi:

Specialistët e Sektorit për Hetimin e Narkotikëve arrestuan shtetasit F. D., 24-vjeç, dhe B. M., 40-vjeç, të dy banues në Tiranë, pasi gjatë kontrolleve fizike, shërbimet e Policisë, iu gjetën dhe sekuestruan në cilësinë e provës materiale, sasi lënde të dyshuar narkotike kanabis.

Specialistët për Hetimin e Krimit Ekonomik dhe Financiar ekzekutuan vendimin penal për shtetasin në kërkim D. K., 28-vjeç, banues në Tiranë, pasi Gjykata e Shkallës së Parë e Juridiksionit të Përgjithshëm Tiranë e ka dënuar me 3 muaj burgim për veprën penale “Falsifikimi i monedhave”.

Specialistët për Hetimin e Krimeve të Komisariatit të Policisë Nr. 5 arrestuan shtetasin B. K., 40-vjeç, banues në Tiranë, pasi dyshohet se ka ushtruar dhunë ndaj bashkëshortes së tij.

Specialistët për Hetimin e Krimeve të Komisariatit të Policisë Nr. 6 arrestuan shtetasin A. B., 24-vjeç, banues në Tiranë, për veprat penale “Dëmtime të tjera me dashje” dhe “Largimi i të burgosurit nga vendi i qëndrimit”, parashikuar nga nenet 90 dhe 323 të Kodit Penal. Shtetasi A. B., për motive të dobëta dyshohet se ka goditur me grusht shtetasin V. D., 56-vjeç, banues në Tiranë, si dhe pas verifikimeve të kryera ka rezultuar se ka thyer masën e sigurimit personal “Arrest në shtëpi”.

Specialistët për Hetimin e Krimeve të Komisariatit të Policisë Krujë arrestuan shtetasin G. A., 32-vjeç, banues në Tiranë, pasi ka tentuar të vjedhë një shumë parash, në një xhami në Tapizë.

Specialistët e Komisariatit të Policisë Rrugore Tiranë arrestuan shtetasin O. N., 39-vjeç, banues në Tiranë, pasi në rrugën dytësore “Teodor Keko”, duke drejtuar automjetin në gjendje të dehur, ka aksidentuar shtetasin L. G., 46-vjeç, banues në Tiranë, i cili ndodhet në spital, në kujdesin e mjekëve.

Materialet i kaluan Prokurorisë.

The post Nga vjedhja e fondit të xhamisë te falsifikimi i monedhave, arrestohen 7 persona në Tiranë appeared first on Albeu.com.