Vetëm për rajonin 2, janë evidentuar 430 punonjës të administratës publike që janë përdorur për qëllime politike, shumica e të cilëve janë anëtarë apo mbështetës të PS-së.

Patronazhistët nuk ishin militantë partie por nëpunës shtetërorë në institucione si posta, ujësjellësi, spitali rajonal, tatimet, OSHEE, Albpetrol, ISSH, shkollat, qendrat shëndetësore dhe burgjet.

Secili prej tyre kishte të dhëna të plota personale dhe politike të mbledhura dhe të lidhura me qendrat e votimit.

Gjithashtu, Berisha theksoi se ky sistem është ndërtuar nën drejtimin e Belinda Ballukut.

Në pjesën më të madhe ata mbështesin ose janë anëtarë të PS.

Ka institucione si IEVP Fier me 100% punonjës me bindje politike për PS. Apo Qendrat shëndetësore, apo spitali rajonal ku 80-90% mbështesin/votojnë PS

Secili prej patronazhistëve të punësuar nga shteti, kishte për detyrë mbledhjen dhe raportimin e të dhënave personale të detajuara për punonjësit civilë brenda institucionit të tyre, ose nën-rajonit gjeografik (p.sh., Rajoni 1 ose 2-Fier).

Të dhënat e mbledhura përfshinin për çdo punonjës të drejtorisë / sektorit që drejtonin:

Emrat e plotë, numrat e ID-së, numrat e telefonit dhe pozicionet/afiliacionet institucionale
Qendra e Votimit (QV) ku ishte i regjistruar secili punonjës
Kontaktet personale dhe lidhjet familjare

Përcaktimi politik ose përkatësia partiake (anëtar, mbështetës, etj.)
Data e fillimit të punësimit (shumë prej tyre të punësuar rishtazi, punësime elektorale)

Posta

Nga 9 punonjës të rajonit nr 2, 6 janë anëtarësuar në PS

Ujësjellës Kanalizime Fier

Nga Ujësjellës Kanalizime Fier për 33 punonjës janë dhënë nr i ID, bindja politike, numri i telefonit, qendra e votimit dhe pozicioni në punë. 6 janë të anëtarësuar në PS

IEVP Fier

Në IEVP e Fierit 39 punonjësit janë pa përjashtim 100% të PS-së.

DPSHTR – Drejtoria e Përgjithshme e Shërbimeve të Transportit Rrugor

Në drejtorinë e Përgjithshme e Shërbimeve të Transportit Rrugor, në varësi direkte të Belinda Ballukut, janë 6 punonjës në rajonin 2 dhe 3.

Për secilin puninjës janë dhënë numri i celularit, data e emërimit në punë. Është shënuar qendra e votimit su dhe afilacioni politik, pra janë anëtarë apo jo të PS-së. Nga 6 të punësuar anëtarë të PS-së janë 3.

DRSSH – Drejtoria Rajonale e Shërbimeve Sociale dhe Shëndetësore

Nga 10 punonjës në rajonin nr 2. Nga 1 që është i anëtarësuar pothuajse të gjithë të tjerët votojnë për PS.

FSDKSH – Fondi i Sigurimit të Detyrueshëm të Kujdesit Shëndetësor

Janë shënuar emrat e 5 punonjësve në rajonin nr 2 . Secili ka shënuar dhe qendrën e votimit.

FSHU – Furnizuesi i Shërbimit Universal (nen OSSHE) në varësi direkte të Belinda Ballukut

Janë 6 punonjës në rajonin 2. Për secilin punonjës janë të dhënat personale dhe qendra e votimit. Nga 6 të punësuar 3 janë anëtarë të PS-së.

OSSH Fier

Në OSSH Fier nga 15 punonjës në rajonin 2, 7 janë anëtarë të PS-së. Për secilin nga emrat janë dhënë të dhënat personale, pozicioni i punës dhe qendra e votimit.

Në spitalin rajonal të Fierit

50 punonjës në rajonin 2. Për secilin punonjës janë dhënë emër, atësi, mbiemër pozicion pune dhe qendra e votimit. Për secilin është dhënë nëse është anëtar i PS-së si dhe për kë voton.

Nga 50 punonjës 31 janë anëtarë të PS-së,pra afro 62 %. Votojnë PS-në 33 punonjës (66 %).

Tension i lartë OSSH në varësi të Ballukut

3 punonjës në rajonin e dytë. Nga këta 2 janë anëtarë të PS-së, por votojnë të 3 PS.

Tatime Fier

Nga tatimet fier, janë ish-vartësit e Ceno Klosit. 4 punonjës në rajonin 2, 2 janë anëtarë të PS-së, një është PD/PS.

Duke pasur parasysh drejtoritë që ata punojnë, këta persona mund të jenë përdorur gjatë fushatës së Belindës dhe Cenos në mënyrë që të intimidojnë biznese/qytetarë e të kërkojnë votat për PS-në përkundrejt lehtësive apo gjobvënieve.

ARM – Agjencia Rajonale e Mjedisit, Fier

Dy punonjës të rajonit 2. Të dy me PS-në.

Nga Shërbimi i Provës

Një punonjës me PS-në.

ISSH

1 punonjës në rajonin 2, votues i PS-së.

Drejtoria Rajonale e Shërbimit Social Shtetëror Fier

Dy punonjëse, të dyja anëtare të PS-së.

DREJTORIA RAJONALE E AGJENCISE KOMBETARE TE PUNESIMIT DHE AFTESIVE (DRAKPA FIER)

Nga DRAKPA FIER 2 punonjës në Rajonin 2. Të dyja votues të PS-së.

NJVKSH – Njësia e Kujdesit Vendor të Kujdesit Shëndetësor, Fier

Nga 21 punonjës në rajonin 2. Për të gjithë jepen pozicionet e punës. Në kolonën e fundit kontrollohet sjellja. Nga 21 punonjës, 18 kanë sjellje të mirë, pa janë mbështetës të PS-së.

Nga qendrat shëndetësore janë evidentuar 126 punonjës në rajonin 2

Për secilin janë dhënë informacion i detajuar, emër, mbiemër, pozicion pune. Numri i kartës së identitetit, qendra e votimit
Sjellja – 80 % kanë sjellje të mirë (mbështesin PS-së).

Duke pasur parasysh sa të rëndësishme janë qendrat shëndetësore për cdo familje mjekët e familjes apo infermierët, është kriminale politizimi dhe kontrolli dhe intimidimi i personelit të këtyre QSH për tu angazhuar në fushatë për PS-në.

ASHK – Agjencia shtetërore e Kadastës

Nga ASHK janë evidentuar 7 punonjës në rajonin 2. Për secilin punonjës janë dhënë informacion i detajuar, emër, atësi, mbiemër pozicion pune, QV dhe numri i celularit.

Bindja politike – 5 nga 7 janë të PS-së.

Drejtoria e Ujit të Kullimit

Nga UKF janë evidentuar 16 punonjës në rajonin 2.

Për secilin punonjës janë dhënë informacion të detajuar, emër, atësi, mbiemër, pozicion pune, qendra e votimit. Bindja politike nuk është plotësuar.

Institucioni i Albpetrol

Nga ASHK janë evidentuar 23 punonjës në rajonin 2. Për secilin punonjës janë dhënë informacion i detajuar, emër, atësi, mbiemër, numri i celularit, e QV.

Ketu dokumenti i shpërndarë nga PD!

The post Emrat e 430 patronazhistëve/ Si funksionoi makineria e Belinda Ballukut për vjedhjen e votave appeared first on Albeu.com.

Me anë të një postimi në rrjete sociale, Çupi shkruan se blerja e votës gjatë zgjedhjeve të 25 prillit ka qenë e orkestruar nga lart.

Kjo sipas saj, tregon masakrën elektorale që Partia Demokratike e ka denoncuar prej kohësh.

Postimi i Dhurata Çupit:

Se e ka vjedhur Rilindja pushtetin, jo vetëm e kam denoncuar gjate fushatës por edhe pas shpalljes së rezultatit. Ditën për diell, rilindasit të angazhuar me cdo formë për të mbajtur pushtetin, blenë vota, blenë vullnetin e lirë, ushtruan presion me heqjen e ndihmës ekonomike apo edhe duke ofruar vende pune  të përkohëshme. Kjo që ka ndodhur në Dibër  është vetëm maja e ajsbergut. Gjithcka ka qenë e orkestruar nga lart dhe me zbatim deri në cdo qelizë ku mund të merrej vota në cdo formë.

Kjo është masakra zgjedhore për të cilën PD kërkon hetim dhe drejtësi të plotë. Për këtë arsye drejtêsia duhet të veprojë që nga organizatorët e kësaj masakre dhe për cdo person të përfshirë në këtë aferë të vjedhjes së vullnetit të shqiptarëve.

Drejtësia është e paplotë me dënimin e 2 personave por duhet të shkojë tek i gjithë zinxhiri i vjedhjes së votave të shqiptarëve./albeu.com/

The post Dënimi i dy personave për blerje votash në Dibër, vjen reagimi i deputetes së PD-së appeared first on Albeu.com.

DIFERENCA NË PS

Në qarkun e Beratit rezulton se kandidatja e para në listë, Hatixhe Konomi, është “vjedhur” nga kolegët e saj brenda partisë. Pas verifikimit ajo rezultoi se kishte 8 vota më shumë sesa ishte shënuar në procesverbal. Ndërkohë, drejtuesi politik i PS-së në Berat, Blendi Klosi, që ishte në vijën e kuqe, nuk pati diferenca. Ndonëse vinte nga Anglia, i pari i listës së PS-së në Dibër, Lavdrim Krashi, nuk e solli frymën e Britanisë. Pas verifikimit rezulton se ai kishte 6 vota më pak sesa ishte shënuar në procesverbal.

Në Durrës, Kryeministrit Edi Rama duket se i kanë vjedhur votat në emrin e tij personal. Pas rinumërimit të 10% të kutive të qarkut të Durrësit, kreut të PS-së iu gjetën 11 vota më shumë në kuti sesa ishin shënuar në rezultatin përfundimtar. Rrahman Rraja po në listën e qarkut të Durrësit rezultoi me 19 vota më pak pas rinumërimit. Në Elbasan, në emër të Saimir Hasallës dhe Taulant Ballës ishin shënuar 25 vota më shumë sesa u gjetën pas verifikimit.

Në Fier, në emër të Erion Braçes ishin shënuar 20 vota më tepër sesa u gjetën. Ndërkohë, në Gjirokastër kandidati i vetëm që ka qenë komod ishte Mirela Kumbaro. Ministri Bledi Çuçi, i cili ishte në vijën e kuqe, duket se ka futur duart në zgjedhje për të hedhur në kutinë e tij votat edhe të të tjerëve, në mënyrë që të thyente listën nëse PS nuk do merrte 3 mandate. N

dërkohë, edhe kandidati i renditur i dyti në Gjirokastër, Laer Duraj, ka qenë në garë me Çuçin për të marrë më tepër vota preferenciale, në mënyrë që të mos e skualifikonte Çuçi, gjithmonë nëse PS nuk do të merrte 3 mandate në Gjirokastër. Kështu, pas verifikimit, Çuçi kishte në kuti 42 vota më pak sesa ishin shënuar, ndërsa Durajt iu gjetën 34 vota më pak sesa ishte shënuar. Në Kukës, votat në emër të Gerta Durakut ishin shënuar për Petrit Malajn dhe Halim Dautin.

Kjo në fakt nxjerr edhe injorancën e dy kandidatëve poshtë Durakut, pasi edhe sikur ata të kishin thyer herësin me mbi 10 mijë vota preferenciale, nuk e zëvendësonin dot deputeten aktuale, pasi është e gjinisë më pak të përfaqësuar. Bie në sy qarku i Lezhës dhe Shkodra ku deputetët që janë tani në Parlament janë të gjithë të vjedhur sa u përket votave preferenciale. Në qarkun e Vlorës, Damian Gjiknuri duket se paska bërë tërmet me votat preferenciale. Vetëm në kutitë e hapura u zbulua se në emër të Gjiknurit kishte 39 vota më pak sesa ishte shënuar.

DIFERENCA NË PD

Edhe në kampin opozitar deputetët kishin tentuar të manipulonin rezultatin sa u përket votave preferenciale. Por kjo nuk ka ndodhur në të gjitha qarqet. Kështu, në Berat dy kandidatët që tashmë janë deputetë nuk kanë diferenca të mëdha. Pas verifikimit rezulton se Tomor Alizotit i kanë marrë një votë në emër të tij, ndërsa Kasëm Mahmutaj ka shtuar një votë në emër të tij. Në Dibër dy deputetët e parë të listës kanë shtuar nga një votë në emrin e tyre, ndërsa e treta, Dhurata Çupi, nuk ka diferenca.

Në qarkun e Durrësit bie në sy pas verifikimit të zgjedhjeve se drejtuesi politik i PD-së është vjedhur. Në kutitë që u hapën u gjetën 10 vota më tepër sesa ishin shënuar në emër të Edi Palokës. Ndërkohë, në emër të aleatit të PD-së Agron Duka u gjetën 7 vota më pak. Në qarkun e Fierit deputeti që ka spikatur në Parlament duke bërë humor, Saimir Korreshi, pas verifikimit në emër të tij, ka 14 vota më pak sesa ishin shënuar në rezultatin final.

Në Gjirokastër Tritan Shehut iu gjetën 26 vota më pak, ndërsa të dytit në listë, Ro[1]ant Bejko, pas rinumërimit iu gjetën 18 vota më shumë sesa ishte shënuar. Në qarkun e Korçës, ish-kryetari i PD-së i cili kritikoi Bashën pas zgjedhjeve, rezulton se ka “vjedhur” vota preferenciale. Pas verifikimit, atij iu gjetën 30 vota më pak sesa ishte shënuar në rezultatin final. Andrea Mano ishte kandidati me diferencën më të madhe. Në Kukës Flamur Hoxhës i kishin marrë 19 vota, ndërsa Isuf Çelës i kishin shtuar 21 vota më tepër në emër të tij.

Në Lezhë Mark Marku, i cili ishte drejtuesi politik dhe la mandatin pas zgjedhjeve, rezulton të jetë kandidati më i vjedhur. Mark Markut pas rinumërimit iu gjetën 38 vota më tepër në emër të tij sesa ishin shënuar. Ndërkohë, për dy deputetët poshtë Markut ndodh e kundërta. Pas rinumërimit, në emër të Agron Gjekmarkajt u gjetën 18 vota më pak, ndërsa në emër të Lindita Metaliajt u gjetën 14 vota më pak.

Edhe në Shkodër, njësoj si në Durrës dhe Lezhë, drejtuesit politik të PD-së i kanë vjedhur votat preferenciale. Helidon Bushatit iu gjetën 36 vota më tepër sesa ishte shënuar në rezultatin final. Ndërkohë, deputetit Zef Hila iu gjetën 104 vota më pak. Në Tiranë kandidatja e 34-t në listë duket se ka dashur me çdo kusht të bëhej deputete. Në emër të saj janë gjetur 47 vota më pak sesa ishte shënuar në procesverbal. Ndërkohë, Petrit Doda, i cili i renditur poshtë në listën e PD-së, rezultoi se i kishin vjedhur vota. Megjithatë më 25 prill në emër të tij kishte mbi 6 mijë vota. Në Vlorë Bujar Leskajt i kishin vjedhur 10 vota preferenciale.

VERIFIKIMI I VOTAVE PREFERENCIALE, KUSH PERFITOI DHE KUSH U ‘VODH’ NE PS

Të gjithëve iu kujtohet deklarata e vitit 2013 e Eduart Shalsit para zgjedhjeve politike kur tha se PS nuk do të vjedhë si PD. Por duket se këtë parim deputeti i Partisë Socialiste nuk e ka vendosur në praktikë. Hapja e kutive të votimit në 519 qendra votimi nga Komisioni Qendror i Zgjedhjeve ka nxjerrë në pah diferencat në vota që kanë deputetët sa u përket votave preferenciale. Në kampin maxhoritar, pas verifikimit të kutive të votimit në 519 qendra, rezulton se Eduart Shalsi ka diferencën më të madhe negative sa u përket votave preferenciale. Nga kutitë që u hapën për qarkun e Tiranës, në procesverbalin përfundimtar ishte shënuar se Shalsi kishte marrë në emrin e tij 444 vota. Por pas rinumërimit të fletëve të votimit, në ato kuti u gjetën 8 vota më pak në emër të Shalsit, pra 364 vota. Ndërsa më “i vjedhuri” në Partinë Socialiste, sipas rezultatit pas rinumërimit të 10% të kutive të votimit, rezulton Fatmir Xhafaj. Në procesverbalin e kutive që u hapën në Tiranë shkruhej se Xhafaj kishte marrë 1350 vota preferenciale, ndërsa pas rinumërimit ai kishte 60 vota më shumë, pra 1410 vota.

VERIFIKIMI I VOTAVE PREFERENCIALE, KUSH PERFITOI DHE KUSH U ‘VODH’ NE PD

Në kampin opozitar diferenca më e madhe e votave preferenciale u gjet në qarkun e Elbasanit. Konkretisht, pas hapjes së 10% të kutive të votimit në qarkun e Elbasanit rezultoi se deputeti që kishte diferencë më të madhe mes votave të shënuara dhe votave të gjetura në kutinë e votimit ishte Lefter Gështenja. Për kutitë që u hapën në qarkun e Elbasanit, në procesverbal ishte shënuar se deputeti i PD-së, i cili u fokusua në zonën e Librazhdit, kishte marrë 662 vota në emrin e tij personal. Por këto vota nuk u gjetën në kutitë që u rinumëruan. Pas verifikimit në emër të Lefter Gështenjës u gjetën 116 vota më pak, pra 546 vota. Duket se në emër të Lefter Gështenjës mund të kenë shkuar edhe votat preferenciale të kandidatit tjetër të PD-së Ardian Zeneli, i renditur në vendin e 14-të të listës së PD-së. Kjo lidhet me faktin se edhe Zeneli ishte kandidat i PD-së në zonën e Librazhdit, ndërsa pas verifikimit të fletëve të votimit në kutitë e hapura u gjetën 100 vota më tepër sesa ishte shënuar në procesverbal. 140 vota ishin shënuar në emër të Ardian Zenelit, ndërkohë pas rinumërimit u gjetën 240 vota.

RAMËS I “VJEDHIN” VOTAT NË DURRËS

Kryeministri Edi Rama deklaroi në fushatën zgjedhore se ai do të pranonte mandatin e deputetit aty ku do ta votonin më tepër me vota preferenciale. Më shumë vota ai mori në qarkun e Durrësit, aty ku edhe mori mandatin më pas. Por rinumërimi nga KQZ ka zbuluar se Kryeministrit i kanë vjedhur votat në emër të tij në Durrës. Pas verifikimit, atij iu gjetën 11 vota më tepër sesa ishte shënuar. Duket se votat në emër të Kryeministrit komisionerët i kanë shënuar për Rrahman Rrajën.

BASHËN E “MBËSHTESIN” KOMISIONERËT NË TIRANË

Ndryshe nga Kryeministri Edi Rama, kryedemokrati Lulzim Basha kandidoi vetëm në një qark. Ai ishte kryesuesi i listës në kryeqytet. Ndërkohë, duket se komisionerët në qendrat e numërimit kanë dashur që kreu i PD-së të dalë mirë me votat preferenciale. Pas përfundimit të verifikimit të 10% të kutive të votimit në kryeqytet, në emrin e kryedemokratit Basha u gjetën 26 vota më pak sesa ishte shënuar në rezultatin përfundimtar./Panorama.al/

The post Hapen kutitë! Ramës i “vjedhin” votat në Durrës, Bashën e “mbështesin” komisionarët në Tiranë appeared first on Albeu.com.

Janë rinumëruar 45 kutitë e fundit në qarkun e Vlorës, ku Komisioni Qendror i zgjedhjeve ka verifikuar 519 QV në total, nga ku ka rezultuar që komisionerët kanë tjetërsuar vullnetin e shqiptarëve në zgjedhjet e 25 prillit.

Sakaq rezultoi se kryeministri Edi Rama ka marrë 16 vota më shumë se sa i takonin, po ashtu edhe Damian Gjiknuri ka marr 39 vota më shumë, ministrja Anila Denaj 20 vota më shumë.

Ndërsa sa i takon listës së Partisë Demokratike në këtë qark Bujar Leskajt i janë hequr 10 vota nga grupet e numërimit, Ina Zhupës janë shtuar 26 vota dhe po ashtu kandidatit Vangjel Anagnosti i janë shtuar 40 vota më shumë./albeu.com/

The post Mbyllet rinumërimi në kutitë e fundit të Vlorës, kush “vodhi” vota? appeared first on Albeu.com.