Ambasadori ukrainas në Ankara tha në fillim të qershorit se kompani turke ishin midis blerësve që po merrnin dërgesat e grurit që Rusia kishte vjedhur në Ukrainë, duke shtuar se priste nga Turqia që të identifikonte dhe të arrestonte individët përgjegjës për dërgesat e përfolura.

Rusia i ka mohuar vazhdimisht pretendimet se po vidhte grurë nga Ukraina.

“Ne i marrim shumë seriozisht të gjitha pretendimet dhe po i hetojmë ato. Njoftojmë vazhdimisht, veçanërisht palën ukrainase mbi rezultatet e hetimeve”, deklaroi Cavasoglu gjatë një interviste të përbashkët për mediat në Ankara, me ministren e jashtme të Britanisë së Madhe, Liz Truss.

Ministria e jashtme e Ukrainës nuk komentoi menjëherë mbi çështjen në fjalë.

Së bashku, Rusia dhe Ukraina eksportojnë pothuajse një të tretën e grurit dhe elbit në botë, mbi 70 për qind të vajit të lulediellit dhe janë furnizuese të mëdha të misrit. Por eksporti i grurit në Ukrainë nga rrugët detare të Detit të Zi janë bllokuar që nga nisja e pushtimit rus, me më shumë se 20 milionë tonë grurë që mbeten të magazinuara në portet ukrainase.

Cavusoglu tha se Turqia do të kundërshtonte Rusinë apo çdo shtet tjetër që merrte grurin ukrainas apo mallra të tjerë dhe i shiste ilegalisht në tregjet ndërkombëtare.

“Ne si Turqi, nuk do të lejojmë që këto mallra të vijnë tek ne”, deklaroi ai./REL

The post Turqia do të hetojë pretendimet për vjedhjen e grurit ukrainas nga ana e Rusisë appeared first on Albeu.com.

Këto imazhe vijnë në një kohë që presidenti rus Vladimir Putin, vazhdon të shantazhojë botën duke shkaktuar mungesë të qëllimshme ushqimore, shkruan DailyMail.

Fotot ajrore të marra në portin e Krimesë të Sevastopolit tregojnë dy anije transportuese me flamur rus që ankorohen dhe ngarkohen pranë kapanoneve të mëdha.

Fotot, të marra nga Maxar Technologies këtë muaj, tregojnë Matros Pozynich dhe Matros Koshka në port ndërsa kapanonet derdhin ushqimin në një vend të hapur. Sakaq shihet se të dyja anijet tani janë larguar nga porti.

Kujtojmë se Volodymyr Zelensky ka akuzuar Rusinë për ‘vjedhje graduale’ të furnizimeve ushqimore, pavarësisht se në Ukrainë i druhen një krize globale të grurit si rezultat i mungesave.

Ekziston frika se një krizë e tillë mund të shkaktojë një valë tjetër migrimi, pasi afrikanët përpiqen me dëshpërim të lëvizin në Evropë.

The post Imazhet satelitore nxjerrin zbuluar anijet ruse, ja si vidhet ushqimi ukrainas appeared first on Albeu.com.