“Kjo është e vetmja ditë në javë kur ai nuk ka mundësi të vjedhë pasi nga frika e protestës ai e braktis këtë godinë.

Erion Veliaj mbrohet dhe ka imunitet nga një organizatë kriminale si SPAK.

Ne jemi këtu çdo javë dhe kërkojmë drejtësi. Por për fat të keq drejtësia ka mbyllur sytë dhe veshët dhe është bërë palë me këtë hajdut.

Të gjithë e pamë se si Erion Veliaj transportonte letrat drejt burgut të Fierit për të detyruar bedelët e tij të arrestuar që të firmosnin për të shmangur përgjegjësitë penale.

Veliaj vjedh me incerenatorin fantazmë të Tiranës 80 mijë euro në ditë, për një shërbim që nuk kryhet dhe drejtësia hesht sepse SPAK dhe Dumani janë tubi i oksigjenit të korrupsionit të përbindshëm në Bashkinë e Tiranës.

Ndaj është koha për një reagim të fortë qytetar përballë edhe tij institucioni që është kthyer sot në partnerin në krim të Edi Ramës dhe Erion Veliajt.

Unë u ftoj të gjithëve që në datë 6 dhjetor, në ora 12:00 të protestojmë përpara institucionit që sot mban në këmbë Erion Veliajn dhe pushtetin e Edi Ramës.

Që mban në këmbë këtë narkoqeveri dhe këtë narkobashki.

Të protestojmë jo për të kërkuar drejtësi, por për të kërkuar për faktin se ai institucion është shndërruar sot në patericën e Edi Rramës dhe Erion Veliajt”, shprehet Blushi.

The post Protesta e opozitës/ Blushi: Veliaj vjedh me inceneratorin fantazmë të Tiranës 80 mijë euro në ditë appeared first on Albeu.com.

Ajo foli për ndryshimin, ku sipas saj, në qershor të këtij viti ku u vendosën kornizat për procedurat e bashkëpunimit mes institucioneve të administratës shtetërore.

Ky ndryshim, sipas saj krijon një grup të strukturuar kriminal, i cili do të identifikojë ndërtimet e palegalizuara dhe do të vendosë nëse duhen legalizuar apo jo.

Sakaq, Caka shprehet se qeveria kthehet në amnistuese të atyre që deri dje i konsideronte shkelës të ligjit.

Gjithashtu, Caka renditi disa nga arsyet e kësaj qasjeje.

“Së pari, në relacionin e sjellë në këshillin bashkiak theksohet se nëpërmjet marrëveshjes së bashkëpunimit mes bashkisë së Tiranës dhe Kadastrës, do të ngrihet një grup i përbashkët pune, i cili do të dalë në terren dhe do të identifikojë ndërtimet pa leje brenda territorit të bashkisë, kryesisht në zonat me prioritet për t’u zhvilluar.

Por, që kur institucionet e shtetit dalkan në terren për të identifikuar ndërtimet pa leje dhe për t’i legalizuar ato, kur ndërtimi pa leje konsiderohet vepër penale?

Një tjetër qëllim i këtij krimi, është ai i favorizimit të paligjshëm që bashkia do t’u bëjë klientëve të saj, të cilët kanë betonizuar Tiranën.

Një tjetër arsye ka të bëjë me përpjekjet për të ndikuar në rezultatin e zgjedhjeve të ardhshme parlamentare, ku nëpërmjet kësaj strukture kriminale, qytetarët do të mbahen nën presion për votën e tyre, nëpërmjet dokumenteve të legalizimit të ndërtimeve pa leje”, tha Caka.

“Kjo vendimmarrje kriminale, nuk bën asgjë tjetër veçse nxit ndërtimin e paligjshëm dhe e kthen shtetin dhe institucionet e tij në grabitqarë dhe gjobëvënësa”, deklaroi ajo, teksa theksoi se Partia e Lirisë e ka paralajmëruar vite më parë zhvatjen e pronës private.

The post Legalizimet tek Bashkitë/ Silva Caka: Veliaj dhe kryebashkiakët e tjerë, kanë vendosur të vjedhin pronat e shqiptarëve appeared first on Albeu.com.

Autori quhet Lilo Skëndo, 77 vjeç, dhe është cilësuar si “gjyshi hajdut” për shkak të moshës së madhe. Në redaksinë e emisionit “Fiks Fare” u ankua një qytetare, e cila tregon se në datën 12 tetor 2023, ka qenë te një lokal-pastiçeri te zona e Xhamllikut në së bashku me djalin. Pas saj ka shkuar një i moshuar, i cili bën disa lëvizje dhe i merr nga çanta portofolin. Personi e fut portofolin në xhup dhe më pas ngrihet dhe largohet nga lokali. Qytetarja thotë se kishte 50 mijë lekë të vjetra që do blinte ilaçe, kartën e identitetit, të bankës dhe mjete të tjera.

Qytetarja i serviri Fiks Fare videon e kamerave të sigurisë, ku personi duket i moshuar. Në kokë mban kapele dhe është i veshur me të zeza. Ai afrohet te tavolina pas denoncueses, me veprime të ngadalta por të sakta, ai merr portofolin dhe e fut brenda xhaketës. Më pas, pa u vënë re, ngrihet nga karrigia dhe lehtë-lehtë del nga lokali.

Denoncuesja thotë se ka shkuar te Komisariati Nr.4 në Tiranë dhe i kanë thënë se ky person s’e ka herën e parë, por procedohet dhe më pas lirohet nga gjykata për shkak se është i moshuar. “Po nëse do të vriste, a do ta lironin” thotë qytetarja, ndërsa saktëson se kërkon që personi të ndalojë pasi ka parë shumë njoftime për vjedhje të ngjashme. “Dikush ta ndalojë, s’ka asnjë mjet ky shtet për ta frenuar atë” pohon ajo, ndërsa bën apelim që dikush të merret pasi është kthyer në një shqetësim.

Pas ankesës, Fiksi bëri një kërkim të thjeshtë në internet dhe rezulton se autori është konsideruar si “gjyshi hajdut” dhe është kthyer në tmerrin e shumë personave dhe bizneseve. Në rrjete sociale janë me dhjeta video të “gjyshit hajdut” që futet dhe vjedh ku të mundet; në restorant, lokale, shtëpi, klinika …

Gazetarët e Fiksit interesohen te Komisariati i Policisë Nr.4, se çfarë masash janë marrë. Punonjësit thonë se personi në fjalë ka shumë denoncime dhe është arrestuar dhe ndaluar disa herë. Por, ai është liruar nga prokuroria dhe gjykata për shkak të moshës. Punonjësit thonë se nuk e kanë gjetur pasi ai s’ka një adresë fikse dhe “me vjedhjet jeton”. Fiksi shkon sërish te Komisariati, kësaj herë për të pyetur se ku jeton dhe banon ky person. Madje, pyesin nëse ka apo jo familje që mund të kujdeset për të. Punonjësi i sportelit kontakton me inspektorin e zonës, i cili i thotë se “Lilo Skëndo s’ka një adresë fikse” dhe aktualisht është shpallur në kërkim policor.

Redaksia e Fiks Fare i bëri një kërkesë për informacion Drejtorisë së Policisë së Tiranës se sa herë është proceduar, ndaluar apo arrestuar Lilo Skëndo dhe çfarë masash do merren për të ndaluar këto vjedhje.

“Në lidhje me kërkesën Tuaj, mbi ankesën e disa qytetarëve, të shoqëruara me video, ku duket një i moshuar që kryen vjedhje në disa biznese, në dëm të qytetarëve në vende të ndryshme të qytetit të Tiranës, ju bëjmë me dije se nga ana e Komisariateve të Policisë, në juridiksion të Drejtorisë Vendore të Policisë, Tiranë janë regjistruar 15 raste të vjedhjeve të subjekteve të ndryshme nga shtetasi Lilo Skëndo. 15 raste janë referuar materialet proceduriale në Prokurorinë e Tiranës, në ngarkim të shtetasit Lilo Skëndo. Pas konsultimeve me Prokurorinë, ky shtetas është proceduar në gjendje të lirë, për arsye të moshës së madhe që ka” përfundon policia, pa iu përgjigjur pyetjes se çfarë masash do të merren për këtë person!

Komisariati i Policisë Nr.4, Tiranë

Fiksi –  Si kaluat?

Polici –  Si jeni, mirë?

Fiksi –  Desha të pyes për të plotfuqishmin e zonës desha ta takoj. Për një rast vjedhje që është bërë.

Polici –  Ku banon ti?

Fiksi –   Unë jam në rrugë të Elbasanit, por po pyes për një kushërirën time. Ka denoncuar këtu para një jave për një vjedhje aty te Pastiçeri T….

Polici –  Ka bërë kallëzim. Po. Aaaa për çfarë ishte ajo?

Fiksi –   Për një vjedhje…

Polici –  Portofol? Po! Nuk e kanë kapur atë se e di unë. Lilo Skëndo është ai hajduti. Është një burrë i vjetër nja 80 vjeç.

Fiksi –   A di si është muhabeti duhet dokumenti se lekët ja bëjmë hallall. Në qoftë se ka mundësi të paktën të kthejë portofolin me dokumente, se i ka me kartë identiteti me të gjitha. E morëm vesh ça tipi është. Ai është bërë viral.

Polici –  Më dëgjo. Zonja ka bërë kallëzim. Unë ta shpjegova për kulturë, se po ta kishim gjetur, kapur Lilon këto në sekondë do kishin marrë zonjën në telefon. Po Lilo është një plak që fle poshtë urës. Ai Lilo është 78 vjeç. Ai Lilo që i ka vjedhur portofolin asaj. Po ai 20 herë është kapur, 20 herë ka dalë. Atë punë bën, se është pa familje, pa asnjë gjë.

Fiksi –  Po si u liroka ky.

Polici –  Tani mos na kërko llogari pse i liron gjykata miku im. Unë po të flas, ne si polici bëjmë punën tonë me hajdutin. Është hajdut ordiner. Unë e kam njohur atë ditë që ma tregoi ajo zonja në telefon dhe e njohin të gjithë oficerët e tjerë. Dhe po ta kapin, se ia shpjegova asaj zonjës 300 milionë herë dhe më dëgjo miku im se nuk është as i pari, vjedh kaq e aq lekë. Lekë! Dhe kur ti kapë policia e sjell këtu. Ne nuk shtiem fall këtu.

Fiksi –  Se s’janë pak …

Polici –  Ne na vjen keq edhe për 10 mijë lekë i miku im. Të dish procedurën, është bërë një kallëzim. Ka mbaruar puna, po të sqaroj kot unë. Nga kjo që bëhet kallëzim letrat referohen në prokurori. Kur ta gjejmë, kur ta kapim të njoftohet zonja të paraqitet në komisariat.

Fiksi –  Thjeshtë njoftohet?

Polici – Njoftohet zonja, në momentin që kapet të paraqitet në komisariat!

The post Histori shqiptare, fut duart në xhepat e qytetarëve, por e lirojnë nga burgu se është moshë e vjetër appeared first on Albeu.com.

I është drejtuar një procesi gjyqësor me avokat Ndue Gjelaj dhe ka dalë vendimi i dëmshpërblimit në masën 54 milionë Lekë të vjetra. Por Shqiponjës i kanë kaluar vetëm 8 milionë Lekë. Për pjesën tjetër avokati nuk i jep shpjegime.

“Paret nuk janë marrë akoma. Një shumë e vogël është marrë që i ka kaluar vajzës 6 milionë lekë të vjetra dhe 2 milionë të tjera kanë kaluar në llogarinë time. Pjesën tjetër thotë avokati i pengon gjykata e Apelit. Me avokatin kemi bërë një marrëveshje 50 me 50 pasi të fitohet gjyqi. Paratë janë dhënë direkt nga avokati Ndue Gjelaj”.

Përmbaruesi Rrok Deda është shprehur se lekët i kanë kaluar te avokati.

“Ai thotë se paratë i kam kaluar tek avokati Ndue Gjelaj, unë mbaj paret e tij”, tha denoncuesja.

Zonja Mashi interesohet te Byroja Shqiptare e Sigurimit, ku i thonë, që paratë kanë kaluar përmes përmbaruesit.

Denoncuesja: Kjo çështje po hyn për të pestin vit dhe unë s’kam marrë asnjë informacion, asnjë pare.

Punonjësja BSHS: Kështu zonjë, duhet të flasësh me avokatin dhe avokati jot të thotë. Zonja, çështja ka ardhë me Përmbarim dhe ne nuk e dimë, se kush i merr lekët pastaj, se Përmbarimi është vënë në lëvizje nga avokati.

Denoncuesja: Kush i ka tërhequr paret?

Punonjësja BSHS: E di avokati!

Denoncuesja: Kush i ka tërheq paret?

Punonjësja BSHS: E di avokati! Ka ardhë me përmbarim pra. Ne nuk tërheqim paret.

Denoncuesja: Të dy i kanë tërheq? Avokati dhe Përmbaruesi?

Punonjësja BSHS: Atë nuk e dimë neve. Ata e kanë proceduar normalisht, Përmbarimi.

Punonjësja tjetër: Fol me avokatin!

Avokati Ndue Gjelaj e mohon këtë gjë, fyen grupin e xhirimit dhe e drejton zonjën te përmbaruesi.

Av. Miranda Sinanaj: Problemi nuk është avokati, po është Përmbaruesi Gjyqësor.

Av. Miranda Sinanaj: Pse? Atëherë pse? Këto janë Përmbaruesit! Avokati nuk mund të imagjinojë, që ky Përmbarues do ketë këtë sjellje dhe shiko, se nuk mund të bëhet kjo procedurë. Përmbaruesi do ta marrë vetë përgjegjësinë mbi kurriz.

Av. Ndue Gjelaj: E mora mesazhin, jam në një takim dhe do ju marr vetë, pa problem.

Av. Ndue Gjelaj: Nuk e di, për sa por të mbaroj këtu takimin. Do ju marr! Gjithashtu e kam porosit atë kolegen të dispononi me një kërkesë.

Gazetarja: Të presim këtu, avash-avash.

Av. Ndue Gjelaj: Q**a nanën! Këto janë pisa, mor burri i dheut.

Zonja takon përmbaruesin Rrok Deda, i cili i thotë, se i ka kaluar plot 42 milionë Lekë avokatit, ndërsa 13 milionë janë bllokuar, pasi avokati po i bën punë të pisët.

Përmbaruesi Rrok Deda: Atë, që i kam kaluar Nojës, thuaji Nojës t’i kalojë ty!

Denoncuesja: Sa i ke kaluar avokatit?

Përmbaruesi Rrok Deda: 42, 43 milionë, aq sa të kam thënë. Ia kam kaluar. 13 milionë janë të bllokuara.

Denoncuesja: Pse janë blloku paret, mor?

Përmbaruesi Rrok Deda: Kam pas vendim pezullimi, se Noja do me bë me hile me mu!

The post “Q*** nanën këta janë pisa …”, avokati i vjedh qytetares lekët e aksidentit appeared first on Albeu.com.

Pronari i banesës dyshon se shtetasi J. K., 42-vjeçar i ka vjedhur paratë në banesë.

Njoftimi i policisë:
Specialistët e Seksionit për Hetimin e Krimeve të Stacionit të Policisë Poliçan referuan materialet në Prokurori për shtetasin Xh. S., 42 vjeç, banues në Poliçan, pasi ka bërë kallëzim shtetasi J. K., se dyshon që 42-vjeçari, gjatë kohës që ka kryer disa punime në banesën e shtetasit J. K., i ka vjedhur një shumë parash.
Materialet i kaluan Prokurorisë së Rrethit Gjyqësor Berat, për veprime të mëtejshme.

The post Mori punëtorin për të rregulluar shtëpinë, 42-vjeçari nga Poliçani dyshon se i ka vjedhur paratë appeared first on Albeu.com.

Duke qenë se telefoni ka marrë një rëndëi të madhe në jetën tonë, humbja e tij shkakton panik, kjo edhe për shkak të të dhënave.

Por, ekzistojnë disa masa paraprake që mund të ndërmerrni për të siguruar të dhënat tuaja të jenë të sigurta nëse telefoni juaj humbet.

Telefonojeni celularin tuaj

Nëse jeni me fat, ndoshta telefoni juaj nuk është vjedhur por ndoshta e keni harruar vetë diku. Gjëja e parë që duhet të bëni është të telefonin dhe të shpresoni se dikush ndoshta mund të përgjigjet e t’ju thotë se e keni harruar diku. Por nëse telefoni juaj del i fikur dhe ju keni patur mjaftueshëm bateri atëherë mos shpresoni më telefonin tuaj e kanë vjedhur.

Gjurmojeni atë

Sigurohuni që të aktivizoni aplikacionin gjurmues në telefonin tuaj. Nëse gjurmoni vendndodhjen e telefonit tuaj ju mund ta ndiqni atë dhe të gjeni telefonin

Njoftoni kompaninë tuaj celulare

Nëse jeni të bindur se telefoni juaj është vjedhur, atëherë duhet të telefononi kompaninë tuaj celulare dhe të raportoni vjedhjen e telefonit tuaj. Në këtë mënyrë ata do të bllokojnë numrin tuaj dhe ju do të keni mundësi të rimerrni përsëri telefonin tuaj.

Telefononi policinë

Nuk ka asnjë garanci se autoritetet në të vërtetë mund t’ju ndihmojnë ta riktheni telefonin tuaj por ja vlen ta provoni.

Fshini të dhënat e telefonit tuaj nga distanca

Edhe pse mund të jetë e vështirë t’i fshini fotot me dorën tuaj ky është një hap i rëndësishëm i cili duhet bërë nëse tashmë jeni të sigurt se nuk do ta merrni mbrapsht telefonin tuaj. Nëse keni informacione tejet të rëndësishme në telefonin tuaj si të dhënat e kartës së kreditit apo të dhëna të tjera të ndjeshme, atëherë këtë hap duhet ta ndërmerrni patjetër.

The post Ju vjedhin telefonin ose e humbni, këto janë hapat që duhen ndjekur menjëherë appeared first on Albeu.com.