Thaçi që mbahet në paraburgim në Hagë, ka ardhur sot në Kosovë.

Informacionin e ka konfirmuar për Gazetën Express Angela Griep, zëdhënëse e Dhomave të Specializuara të Kosovës.

Ai ka ardhur për ta vizituar nënën e tij, e cila raportohet të ketë probleme shëndetësore.

E njëjta thekson se vizitën e tij në Kosovë po e mbështet EULEX-i dhe Policia e Kosovës.

“Për shkak të arsyeve bindëse humanitare, Trupi Gjykues ka udhëzuar Sekretarin që të menaxhojë një vizitë paraburgimi në Kosovë për Hashim Thaçin për të takuar familjen. I akuzuari mbetet në paraburgim dhe në paraburgim nga Dhomat e Specializuara. EULEX-i dhe Policia e Kosovës po mbështesin Dhomat e Specializuara të Kosovës”, tha Griep.

Gjyqi ndaj ish-krerëve të Ushtrisë Çlirimtare të Kosovës, nisi më 3 prill.

Katër ish-udhëheqësit politikë e ushtarakë të UÇK-së, ish-presidenti Hashim Thaçi, ish-kreyparlamentarët Kadri Veseli e Jakup Krasniqi, si dhe shefi i Grupit Parlamentar të Lëvizjes Vetëvendosje (LVV), Rexhep Selimi, akuzohen për krime lufte dhe krime kundër njerëzimit.

Aktakuza i bën përgjegjës Thaçin, Veselin, Krasniqin e Selimin për një sërë krimesh që pretendohet se janë kryer në disa qendra ndalimi gjatë viteve 1998-1999. Prokuroria e Specializuar i akuzon ata se kanë qenë ose duhej të ishin në dijeni të këtyre krimeve./express/

The post FOTO/ E ëma ka probleme shëndetësore, Hashim Thaçi shkon në Kosovë appeared first on Albeu.com.

Ai është pritur në takim nga ministrja e Jashtme e Kosovës, Donika Gërvalla, e cila ka thënë se roli i Greqisë është i domosdoshëm në përpjekjet për të ulur tensionet me Serbinë.

Pas takimit, diplomati grek ka thënë se Bashkimi Evropian duhet të jetë destinacioni përfundimtar për të gjithë në Ballkanin Perëndimor.

“Ne e mbështesim plotësisht dialogun Prishtinë-Beograd dhe marrëveshjet ligjërisht të detyrueshme dhe sipas ligjeve ndërkombëtare. Sipas marrëveshjes së arritur të mbështetur nga BE-ja nëntorin e kaluar që të mos ketë rrezik dhe tensione, ajo që është arritur deri më tani është e rëndësishme të zbatohet nga të dy palët. Më lejoni të them se ky ishte edhe mesazhi im për Beogradin dje”, tha ai.

Ndërsa ministrja e Jashtme, Donika Gërvalla ka thënë se të dy vendet ndajnë qëndrim të njëjtë për zgjidhjen paqësore të konflikteve dhe për dialog në vend të kërcënimeve.

“Republika Helene dhe Republika e Kosovës, në politikën e tyre të jashtme janë në një linjë, Bashkimi Evropian, NATO, qëndrim të njëjtë dhe të qartë për luftën në Ukrainë, qëndrim të qartë për zgjidhjen paqësore të konflikteve dhe dialog në vend të kërcënimeve, bashkëpunim në vend të pengesave. Roli i Greqisë është shumë i mirëseardhur dhe shumë i domosdoshëm në përpjekjet për të ulur tensionet edhe me Serbinë me qëllim që pastaj të mund të pasojë normalizimi në vend të përshkallëzimit”, tha Gërvalla.

Pas takimit, ata deklaruan se temë diskutimi kanë qenë edhe bashkëpunimi bilateral, ekonomia, energjia si dhe rruga e Kosovës drejt Bashkimit Evropian dhe NATO-s.

The post ​Dendias: Të respektohen marrëveshjet e arritura në mes Prishtinës dhe Beogradit appeared first on Albeu.com.

Zëdhënësi i Bashkimit Evropian, Peter Stano, ka deklaruar para katër ditësh se qëllimi i vizitës është “të eksplorohen opsionet për përparimin në dialog”.

“Gjatë vizitës janë të planifikuara takime të ndara me kryeministrin [e Kosovës, Albin Kurti dhe presidentin [e Serbisë, Aleksandar] Vuçiç”, konfirmoi Stano.

Detaje rreth vizitës ka dhënë edhe zëdhënësi i qeverisë gjermane, Steffen Hebestreit.

“Qëllimi i vizitës do të jetë për të parë se cilat janë opsionet e mundshme në përparimin e normalizimit të marrëdhënieve”, ka deklaruar Hebstreit.

“Siguria në Evropë, e këtu hyn dhe stabiliteti në Ballkanin Perëndimor, ka rëndësi shumë të madhe për kancelarin Olaf Scholz dhe presidentin franczez Emmanuel Macron. Kjo nënkupton edhe përforcimin e angazhimit për normalizimin e plotë të marrrëdhënieve Serbi-Kosovë. Nisur nga tensionet e kohëve të fundit, që të dy kanë ngarkuar këshilltarët e jashtëm, Jens Plöttner, dhe Emmanuel Bone, që t’i mbështesin në mënyrë të drejtpërdrejtë përpjekjet e të ngarkuarit të BE-së, Miroslav Lajçak”, sqaroi Hebestreit.

Kancelari gjerman, Olaf Scholz, dhe presidenti francez, Emmanuel Macron, njoftuan të shtunën se kanë angazhuar këshilltarët e tyre për të mbështetur dialogun për normalizimin e marrëdhënieve midis Kosovës dhe Serbisë.

Në një letër dërguar Kurtit dhe Vuçiqit, dy udhëheqësit kryesorë të BE-së u bënë thirrje atyre që të tregojnë vendosmëri dhe gatishmëri maksimale për të marrë vendime të vështira, të cilat do të sjellin përparim në dialog.

“Normalizimi i plotë i marrëdhënieve ndërmjet Kosovës dhe Serbisë është thelbësor për Ballkanin Perëndimor”, thuhej, mes tjerash, në letër.

Stano tha se BE “dëshiron të bëjë sa më shumë që mundet për t’i ndihmuar të dyja palët që t’i gjejnë kompromiset e nevojshme” dhe që “të çojnë dialogun drejt fundit”.

Lajçak, bashkë me të dërguarin e SHBA-së për Ballkanin, Gabriel Escobar, qëndruan në Kosovë dhe Serbi edhe në fund të gushtit.

Pas angazhimeve të tyre diplomatike, dy vendet arritën marrëveshje për lëvizjen e lirë të qytetarëve, përkatësisht për heqjen e dokumenteve hyrëse/dalëse.

The post Lajçak dhe këshilltarët e Scholz dhe Macron vizitojnë sot Kosovën appeared first on Albeu.com.

Siç njofton Zyra e BE-së në Kosovë, Lajçak do të qëndrojë në Kosovë nga e hëna (27 qershor) deri të mërkurën (29 qershor).

“Gjatë vizitës së tij Lajçak do të takohet me kryeministrin Albin Kurti, si dhe me liderë të partive kryesore opozitare dhe përfaqësues të bashkësisë ndërkombëtare në Kosovë. Gjatë qëndrimit në Kosovë, ai planifikon të vizitojë edhe Prizrenin dhe veriun e Kosovës”, thuhet në njoftim.

Para se largohet nga Kosova, Lajçak do të mbajë një fjalim për media të mërkurën. “Detajet do të ndahen me përfaqësuesit e mediave të martën, më 28 qershor”, thuhet në njoftimin e Zyrës së BE-së.

Vizita e Lajçak vjen pesë ditë pasi Kosova dhe Serbia u ranë dakort në Bruksel për zbatimin e marrëveshjes për energjinë elektrike në katër komunat me shumicë serbe në veri të vendit./albeu.com

The post Lajçak vizitë në Kosovë, zbardhet agjenda appeared first on Albeu.com.

“Të dyja palët duhet të përparojnë në zbatimin e marrëveshjeve të kaluara”, ka thënë Michel të mërkurën në një konferencë të përbashkët me presidenten e Kosovës, Vjosa Osmani.

Kosova dhe Serbia në kuadër të dialogut të ndërmjetësuar nga BE-ja, i nisur më 2011, deri më tani kanë arritur 33 marrëveshje, por jo të gjitha janë zbatuar.

Lidhur me këtë presidentja e Kosovës, Vjosa Osmani, ka thënë se Kosova është e përkushtuar në procesin e dialogut me Serbinë si palë konstruktive.

“Për Kosovën, dialogu nuk është vetëm kërkesë nga ndërkombëtarët por proces jetik”, ka shtuar Osmani.

Ajo ka shtuar se që të arrihen rezultate konkrete në procesin e dialogut, edhe Serbia duhet ta njohë realitetin. Siç ka thënë ajo, Kosova deri më tani nuk e ka bllokuar procesin e dialogut dhe një gjë të tillë nuk do ta bëjë as në të ardhmen.

Osmani dhe Michel, po ashtu, e kanë komentuar procesin e liberalizimit të vizave për Kosovën.

Michel ka thënë se “shtetet anëtare të BE-së duhet të vendosin për këtë çështje të rëndësishme për ju”.

Kosova që nga viti 2016 i ka plotësuar të gjitha kushtet për liberalizimin e vizave me BE-në.

Presidentja Osmani ka thënë se liberalizimi i vizave për popullin e Kosovës mbetet çështja kryesore, duke shtuar se duhet të ketë angazhim aktiv në mënyrë që shtetet të votojnë. Sipas saj, deri tani ka pasur “diskriminim dhe padrejtësi e thellë”.

Duke ritheksuar faktin që Kosova është e përkushtuar për stabilitet rajonal dhe vepron mbi baza të vlerave evropiane, Osmani ka thënë se ka ardhur koha që marrëdhëniet ndërmjet BE-së dhe Kosovës të ngrihen në nivel më të lartë.

“Pavarësisht përkushtimit tonë, mospërmbushja e premtimeve në raport me rajonin tonë e teston besueshmërinë në BE-në, duke lënë hapësirë për ndikim të jashtëm”.

“Por, kemi nevojë urgjente që BE-ja ta bëjë të qartë perspektivën evropiane të rajonit dhe Kosovës”, ka shtuar Osmani.

Presidenti Michel, po ashtu theksoi se javën e ardhshme do të takohet me liderët e 27 vendeve të BE-së, duke e cilësuar si mundësi “që të shfaqet uniteti për vlerat tona të përbashkëta”.

“Është shumë e rëndësishme për ne të t’i kryejmë detyrat e shtëpisë dhe në këtë takim në fund të qershorit duhet t’i konfirmojmë detyrimet politike, të cilat i kemi karshi Ballkanit”, ka thënë ndër tjerash ai.

Michel ka inkurajuar Kosovën që të marrë pjesë në forumet rajonale dhe të zbatojë agjenda për treg të përbashkët, që, sipas tij, do ta sjellin rajonin më afër së bashku.

Vizita e Michelit në Kosovë është në kuadër të vizitave të tij në disa shtete të rajonit./REL

The post Presidenti i KE-së: Kosova të fokusohet në dialogun me Serbinë appeared first on Albeu.com.

Scholz tha se është e paimagjinueshme që dy shtete që s’e njohin njëra-tjetrën të anëtarësohen në BE.

“Përfaqësuesi i BE-së Lajcak e ka mbështetjen tonë kurse dialogu është platforma që i hap rrugën evropiane Kosovës. Marrëveshja në fund duhet të zgjidhë edhe njohjen e Kosovës sepse është e paimagjuneshme që dy shtetet që nuk e njohin njëra-tjerën të anëtarësohen në BE”, tha Scholz.

Ai u shpreh se marrëdhëniet mes Kosovës dhe Gjermanisë janë të ngushta.

“Gëzohem që po e vizitoj Kosovën si vendin e parë gjatë udhëtimit në Ballkanin Perëndimor. Fakti që po takohemi pas një muaji nga takimi në Berlin tregon se sa të ngushta janë marrëdhëniet tona biletarelale. Qeveria e Kosovës ka treguar se si partnere e besueshme qëndron me evropën perëndimore në sanksionet ndaj Rusisë”, tha ai.

Ai tha poashtu se po angazhohet që liberalizimi i vizave për Kosovën të ndodhë.

“Krahas marrëdhënieve tona bilaterale ne kemi biseduar edhe për liberalizimin e vizave që ende po mungon. Edhe liberalizimi i vizave duhet të ndodhë dhe unë personalisht po angazhohem te partnerët e BE-së”, u shpreh ai./GazetaExpress

The post Scholz: Marrëveshja me Serbinë duhet të zgjidh edhe njohjen e Kosovës appeared first on Albeu.com.

Mësohet se Rama do të udhëtojë drejt Kosovës të hënën, për t’u takuar me homologun Albin Kurti.

Kjo do të jetë vizita e parë e Ramës në Prishtinë, pas marrjes së mandatit të tretë.

Kujtojmë se pas betimit, kreu i qeverisë shqiptare mori një urim nga Albin Kurti i cili dhe i bëri ftesë për një vizitë zyrtare në Prishtinë./albeu.vom

The post Rama të hënë në Kosovë, takim me Albin Kurtin appeared first on Albeu.com.