Presidenti Macron arriti në Rumani në kuadër të një udhëtimi treditësh në krahun jugor të NATO-s, përfshirë Moldavinë, përpara një vizite të mundshme në Kiev të enjten bashkë me kancelarin gjerman Olaf Scholz, kryeministrin italian Mario Draghi dhe presidentin rumun Klaus Iohannis, thanë dy burime diplomatike.

Vizita simbolike do t’i paraprinte rekomandimit të Komisionit Evropian për statusin e Ukrainës si vend kandidat për anëtarësim në Bashkimin Evropian, një synim për të cilin vendet më të mëdha evropiane kanë qenë të vakët dhe që do të diskutohet në një takim të udhëheqësve të bllokut me 23 dhe 24 qershor.

“Jemi në një pikë kur ne, evropianët, duhet t’u dërgojmë sinjale të qarta politike Ukrainës dhe popullit të saj ndërsa ajo po reziston heroikisht”, tha presidenti Macron, pa dhënë hollësi.

Udhëheqësi francez është kritikuar nga Ukraina dhe aleatët e Evropës Lindore për atë që ata e shohin si mbështetjen e tij të paqartë për Ukrainën në luftën kundër Rusisë.

Zyrtarët francezë ditët e fundit janë vënë në përpjekje për të forcuar mesazhet publike, ndërsa presidenti Macron u duk me një qëndrim më të ashpër të martën në mbrëmje kur ishte me trupat e tij.

“Ne do të bëjmë gjithçka për të ndaluar forcat ruse, për të ndihmuar ukrainasit dhe ushtrinë e tyre dhe të vazhdojmë të negociojmë”, u tha ai trupave franceze dhe atyre të NATO-s në një bazë ushtarake në Rumani.

Macron në javët e fundit ka theksuar disa herë se ështe jetike që Rusia të mos “poshtërohej”, në mënyrë që të mund të gjendej një zgjidhje diplomatike kur të mbaronin luftimet dhe ai ka vazhduar të mbajë hapur kanalet e komunikimit me Kremlinin, duke inatosur aleatët e vijës më të ashpër.

Duke folur së bashku me presidentin rumun Iohannis, presidenti Macron i minimizoi ato komente, por këmbënguli se Ukraina, e cila shpreson se do të fitojë luftën, përfundimisht do të duhet të negociojë me Rusinë.

“Ne ndajmë një kontinent. Gjeografia është kokëfortë dhe në fund të fundit, Rusia është aty. Ishte dje, është aty sot dhe do të jetë aty nesër”, u tha ai gazetarëve.

Franca drejton një grup të NATO-s në Rumani prej rreth 800 trupash, duke përfshirë 500 trupa franceze së bashku me trupa të tjerë nga Holanda dhe Belgjika. Parisi ka vendosur gjithashtu një sistem raketash tokë-ajër.

Vëmendja mund të mund të përqendrohet në Kiev të enjten, ndërsa burime diplomatike thonë se udhëheqësit evropianë mund të shkojnë në kryeqytetin e Ukrainës.

Presidenti Macron nuk pranoi të komentojë mbi “çështjet logjistike”, por tha se është e rëndësishme të zhvillohen bisedime të reja me Ukrainën për çështjet ushtarake, financiare dhe çështjet që lidhen me eksportimin e drithërave nga ky vend.

Presidenti Iohannis i Rumanisë tha se mbështetja duhet të përfshijë ofrimin e statusit të kandidatit për Ukrainën.

“Për mendimin tim, statusi i kandidatit duhet të jepet sa më shpejt që të jetë e mundur. Është një zgjidhje korrekte nga pikëpamja morale, ekonomike dhe e sigurisë”, tha presidenti Iohannis, duke shtuar se ka pasur përpjekje për të gjetur një zgjidhje të mundshme për të tejkaluar dallimet midis fuqive evropiane rreth kësaj çështjeje./ VOA/

The post Para vizitës së planifikuar në Kiev, Macron “i ashpër” ndaj Rusisë appeared first on Albeu.com.

Rama  në këtë vizitë është sëbashkë me kryeministrin e Malit të Zi Dritan Abazoviç dhe tani kanë vizituar Borodyanka, e më pas do të vizitojnë edhe Irpin.

Në vijim, Kryeministri Rama dhe homologu i tij i Malit të Zi do të priten në takim nga Presidenti i Ukrainës Volodymyr Zelenskyy, takim që do të pasohet nga Konferenca e përbashkët për shtyp e  Kryeministrit Rama, Kryeministrit Abazoviç dhe Presidentit Zelensky.

Kryeministri Rama do të takojë gjatë ditës Kryeministrin e Republikës së Ukrainës Denys Shmyhal dhe më pas Kryetarin e Bashkisë së Kievit Vitali Klitschko./albeu.com

The post Vizita në Kiev, Rama dhe Abazoviç shohin nga afër shkatërrimin në Bucha (VIDEO) appeared first on Albeu.com.

Më të zbarkuar në Kiev, kryeministrat janë shoqëruar nga forca të shumta të ushtrisë dhe kanë nisur kqyerjen e zonave të shkatërruara si pasojë e luftës me Rusinë.

Kryeministri i Malit të Zi është futur live në Facobook, teksa ishte duke vizituar me Ramën zonën e Borodjankës pranë kryeqytetit të Kievit që është shkatërruar totalisht si pasojë e bombardimeve ruse.

“Jemi dëshmitarë të ferri të shkatërrimit të luftës”, shkruan Abazovic në Facebook./albeu.com

The post “Jemi dëshmitarë të ferrit”, Rama dhe Abazoviç vizitojnë Borodjankan (VIDEO) appeared first on Albeu.com.

“Diskutimet e sotme do të na mundësojnë të finalizojmë vlerësimin tonë deri në fund të javës së ardhshme”, i tha në Kiev, presidentja e KE-së, Von der Leyen, presidentit ukrainas, Volodymyr Zelensky.

Shefja e KE-së, Von der Leyen, bëri një vizitë befasuese të shtunë në Kiev të Ukrainës, shtet ky që po përballet me agresionin rus që nga data 24 shkurt.

Ndërkohë presidenti i Ukrainës, Volodymyr Zelenski, tha se përgjigja pozitive do të ishte një hap i rëndësishëm për vet Bashkimin Evropian.

“Një përgjigje pozitive nga Bashkimi Evropian ndaj aplikimit të Ukrainës për anëtarësim në BE do të ishte një përgjigje pozitive për pyetjen nëse projekti evropian ka një të ardhme apo jo”, deklaroi Zelensky.

Në fund të muajit shkurt, Ukraina ka dorëzuar aplikacionin për anëtarësim në Bashkim Evropian.

Pavarësisht se disa ligjvënës të BE-së e mirëpritën aplikimin, anëtarësimi i Ukrainës duket ende proces i largët.

Ka qenë presidenti i Francës, Emmanuel Macron i cili ka thënë se nuk mund të ketë një inkuadrim të shpejt , pasi siç ka thënë ai, gjithmonë duhet respektuar procedurat, ndryshe tha ai, i humbet serioziteti procesit të zgjerimit.

Në ndërkohë liderët ukrainas përfshirë presidentin Volodymyr Zelensky, kanë bërë thirrje për anëtarësim të shpejt të Ukrainës në kuadër të bllokut. /Rel

The post Anëtarësimi i Ukrainës në BE, Von der Leyen sërish në Kiev appeared first on Albeu.com.

Martin Griffiths planifikon të vizitojë Moskën për të diskutuar të gjithë spektrin e ndihmës humanitare për Ukrainën, tha zëdhënësi Fyodor Strzhizhovsky. Rikujtojmë se muajin e kaluar, Griffiths vizitoi Moskën për të përshpejtuar përpjekjet për një armëpushim midis vendeve.

Strzhizhovsky tha se Sekretarja e Përgjithshme e Konferencës së Kombeve të Bashkuara për Tregtinë dhe Zhvillimin Rebeca Grynspan do të vizitojë Moskën për të diskutuar mbi eksportin e plehrave ruse.

Në muajt e fundit, çmimi i plehrave është rritur për shkak të problemeve me eksportet nga Rusia. Prodhimi nga Europa ka shënuar gjithashtu për shkak të rritjes së çmimit të gazit natyror, një përbërës kyç në plehrat me bazë azoti.

Yara e Norvegjisë, një nga prodhuesit më të mëdhenj të plehrave në botë, ka reduktuar eksportin për shkak të rritjes së çmimeve të gazit natyror, duke ulur sasinë e prodhimit të amoniakut dhe uresë nga fabrikat e tyre në Itali dhe Francë.

Sipas TASS, zëvendësministri i Jashtëm rus Andrey Rudenko tha të mërkurën se zgjidhja e problemit të ushqimit “kërkon një qasje gjithëpërfshirëse”, duke bërë thirrje për heqjen e sanksioneve ndaj eksporteve dhe transaksioneve financiare ruse.

The post Bllokada e porteve për shkak të luftës, zyrtarët e OKB-së pritet të vizitojnë Moskën appeared first on Albeu.com.

Kryeministri spanjoll Pedro Sanchez deklaroi nga Kievi bashkë më homologen e tij daneze, Mette Frederiksen krahë presidentin ukrainas, Volodymyr Zelensky se Spanja ka dërguar rreth 200 tonë municione dhe furnizime ushtarake në Ukrainë.

Mette Frederiksen tha gjatë të njëjtës konferencë për shtyp se vendi i saj do të rrisë kontributin e tij të armëve në Ukrainë me 600 milionë kurora daneze (87.60 milionë dollarë), dhe se do të dërgojë më shumë armë në Ukrainë, sepse kjo është ajo që nevojitet më shumë.

“Ne të gjithë kemi parë në mbarë botën raportet dhe imazhet e krimeve të tmerrshme të kryera nga Rusia në Ukrainë, por sot e kemi parë me sytë tanë dhe është zemërthyese”, tha Mette Frederiksen në konferencën për shtyp.

Zyra e Frederiksen tha se bisedimet me Zelensky do të fokusohen në mbështetjen e mëtejshme për ukrainasit dhe ndjekjen penale të “krimeve të luftës dhe shkeljeve të të drejtave të njeriut”.

Sanchez tha gjithashtu se Spanja do t’i kërkojë Gjykatës Penale Ndërkombëtare të hetojë krimet e dyshuara të luftës ruse në Ukrainë dhe se planifikon të dërgojë hetues të krimeve të luftës atje./albeu.com

The post Kryeministrat e Danimarkës dhe Spanjës vizitë në Kiev: Pamë me sytë tanë atë çfarë ka bërë Rusia në Ukrainë appeared first on Albeu.com.