Rama  në këtë vizitë është sëbashkë me kryeministrin e Malit të Zi Dritan Abazoviç dhe tani kanë vizituar Borodyanka, e më pas do të vizitojnë edhe Irpin.

Në vijim, Kryeministri Rama dhe homologu i tij i Malit të Zi do të priten në takim nga Presidenti i Ukrainës Volodymyr Zelenskyy, takim që do të pasohet nga Konferenca e përbashkët për shtyp e  Kryeministrit Rama, Kryeministrit Abazoviç dhe Presidentit Zelensky.

Kryeministri Rama do të takojë gjatë ditës Kryeministrin e Republikës së Ukrainës Denys Shmyhal dhe më pas Kryetarin e Bashkisë së Kievit Vitali Klitschko./albeu.com

The post Vizita në Kiev, Rama dhe Abazoviç shohin nga afër shkatërrimin në Bucha (VIDEO) appeared first on Albeu.com.

Baerbock dha komente të shkurtra në një kishë në qytet ku prokurorët po hetojnë nëse krimet e luftës janë kryer nga trupat ruse.

Ajo gjithashtu bëri një shëtitje nëpër qytet për të marrë një pamje të situatës në terren, e shoqëruar nga prokurorja e përgjithshme ukrainase Iryna Venediktova.

Baerbock është anëtarja e parë e kabinetit gjerman që udhëton në Ukrainë që nga shpërthimi i luftës në vend, dhe udhëtimi i saj vjen pas një periudhe tensioni diplomatik midis Gjermanisë dhe Ukrainës.

Kujtojmw se presidenti gjerman Frank-Walter Steinmeier ishte ofruar të vizitonte Kievin në prill në një udhëtim të përbashkët me krerët e shteteve të Polonisë, Lituanisë, Letonisë dhe Estonisë, por zyrtarët ukrainas thanë se nuk donin që ai të vinte.

Vendimi erdhi mes kritikave të vazhdueshme për marrëdhëniet e ngushta të Steinmeier me Rusinë në rolin e tij të mëparshëm si ministër i Jashtëm, si dhe kritikat nga Kievi se Gjermania hezitonte të ofronte mbështetjen e nevojshme ushtarake për Ukrainën.

Në fillim të majit, kancelari gjerman Olaf Scholz tha se nuk kishte plane të vizitonte Ukrainën pas refuzimit të Steinmeier nga Kievi./albeu.com

The post Ministrja e Jashtme gjermane viziton Ukrainën pas tensioneve diplomatike appeared first on Albeu.com.