Ky nuk është thjesht një muaj agjërimi, por një kohë reflektimi të thellë, devotshmërie dhe mirësie. Një periudhë ku zemrat afrohen më shumë me Zotin dhe me njëri-tjetrin, ku shpirti pastrohet dhe njeriu lidhet më fort me vlerat e besimit, durimit dhe dhembshurisë.

Çfarë përfaqëson Ramazani?

Për miliona besimtarë, Ramazani është më shumë sesa një traditë fetare është një ndalesë e domosdoshme në ritmin e shpejtë të jetës. Një mundësi për të reflektuar mbi qëllimin e ekzistencës, për të vlerësuar bekimet e përditshme që shpesh i marrim si të mirëqena dhe për të ushqyer shpirtin me paqe dhe dashuri.

Duke iu referuar kalendarit Islam, Ramazani është muaji i nëntë i vitit hënor, një kohë e shenjtë ku, sipas traditës islame, Profeti Muhamed, mori shpalljen e Kuranit “si udhërrëfyes për njerëzit me drejtësi dhe shpëtim” .

Agjërimi: Një akt i devotshmërisë dhe vetëkontrollit

Agjërimi është një nga pesë shtyllat e Islamit dhe një provë e vullnetit dhe përkushtimit. Nga agimi deri në perëndimin e diellit, besimtarët ndalojnë së ngrëni, së piri dhe së kryeri veprime që mund ta shpërqendrojnë shpirtin nga lidhja me Zotin. Por më shumë sesa një kufizim fizik, ky është një ushtrim shpirtëror, një mënyrë për të forcuar vetëdisiplinën, për të pastruar zemrën dhe për t’u afruar me të tjerët përmes dhembshurisë dhe bamirësisë.

Në mbrëmje, me perëndimin e diellit, agjërimi ndërpritet me një gotë ujë dhe hurma, për të vijuar më pas me vaktin tradicional të iftarit. Kjo është një kohë bashkimi me familjen, miqtë dhe komunitetin, ku ushqimi nuk është thjesht një nevojë, por një simbol i mirësisë dhe ndarjes.

Më shumë se një sakrificë: Një rrugëtim i brendshëm

Shpesh, Ramazani shihet si një sfidë fizike, por në të vërtetë ai është një dhuratë. Nuk është vetëm një periudhë kufizimesh, por një çlirim nga e tepërta dhe një forcim i vullnetit. Gjatë këtij muaji, myslimanët jo vetëm që agjërojnë nga ushqimi dhe pijet, por gjithashtu i përkushtohen më shumë lutjeve, leximit të Kuranit dhe veprave të mira.

Në këtë kohë të shenjtë, zemrat hapen më shumë për bamirësi, për ndihmë ndaj atyre që kanë nevojë dhe për përhapjen e energjisë pozitive. Për besimtarër myslimanë Ramazani është një kujtesë se lumturia nuk gjendet në të mirat materiale, por në shpirtin e pasur me dhembshuri dhe mirënjohje.

Netët e Bekuara

Në 10 ditët e fundit të Ramazanit, besimtarët përjetojnë netët më të rëndësishme të vitit, ku besohet se njëra prej tyre është Nata e Kadrit, nata kur është zbritur shpallja hyjnore. Kjo natë, më e vlefshme se një mijë muaj, është një derë e hapur për falje, mëshirë dhe pranimin e lutjeve.

Përtej agjërimit-një mënyrë jetese

Edhe pse Ramazani zgjat vetëm 30 ditë, vlerat dhe mësimet e tij mund dhe duhet të zgjasin gjatë gjithë vitit. Durimi, dhembshuria, mirësia dhe lidhja e thellë me shpirtin janë thesare të çmuara që mund të na udhëheqin çdo ditë.

Në këtë muaj të bekuar, çdo akt i vogël i mirësisë ka një vlerë të madhe. Dhe në fund të ditës, Ramazani nuk është thjesht një periudhë sakrifice, është një mundësi për të qenë më të mirë, më të përulur dhe më të ndjeshëm ndaj botës që na rrethon.

Agjërim të lehtë dhe të pranuar për të gjithë besimtarët myslimanë!

Më poshtë gjeni kalendarin e Ramazanit 2025:

The post Del Kalendari i Ramazanit për 2025/ Ja çfarë duhet të dinë besimtarët për muajin e shenjtë appeared first on Albeu.com.

Ngjarja e rëndë raportohet të ketë ndodhur në Viti të Kosovës, mbrëmë vonë. Autoritete në Kosovë bëjnë me dije se autori 17-vjeçar është arrestuar.

Njoftimi policisë 

Drejtoria rajonale e Policisë Gjilan, Stacioni Policor Viti me datën 20.07.2023 rreth orës 21:45 nga emergjenca e Vitisë ka pranuar informacion se një person i moshës rreth 17 vjeçar (mashkull, kosovar shqiptar) ka kërkuar ndihmë mjekësore pasi i njëjti dyshohej se ka pësuar lëndime të rënda trupore të shkaktuara nga një mjet i mprehtë”, u shpreh Osmani.

I njëjti pas tretmanit të marrë në emergjencën e Vitisë është transferuar në spitalin rajonal të Gjilanit ku nga mjeku kujdestar është konstatuar vdekjen e viktimës si pasojë e plagëve të marra. I dyshuari A.H. (viti i lindjes 2006, mashkull kosovar shqiptar) është arrestuar dhe nga prokurori i shtetit ndaj ti është lëshuar vendimi mbi ndalim për 24 orë..

Njësiti i hetimeve rajonale Gjilan në koordinim të plotë me prokurorin e shtetit janë duke i hetuar rrethanat e rastit. Me urdhër të prokurorit është iniciuar rasti. Vrasje” dhe trupi i pajetë i viktimës është dërguar në Institutin e mjekësisë ligjore në Prishtinë për obduksion./albeu.com./

The post Vritet me thikë adoleshenti në Kosovë appeared first on Albeu.com.

Mes tyre është një shtet që ka një popullsi prej 117 milionë banorësh dhe në këtë kohë është viti 2015. Kjo do të thotë, është shtatë vjet e tetë muaj prapa kalendarit perëndimor të përdorur në shumicën e vendeve. Vendi të cilit po i referohemi është Etiopia.

Kjo ndodh sepse ata e llogarisin ndryshe vitin e lindjes së Krishtit. Kur Kisha Katolike ndryshoi llogaritjen e saj në vitin 500 pas Krishtit, Kisha Ortodokse Etiopiane nuk e ndoqi. Kështu Viti i Ri etiopian bie më 11 shtator ose 12 shtator në vitet e brishtë, bazuar në kalendarin perëndimor.

Në Etiopi është e thjeshtë: 12 muaj kanë secila nga 30 ditë, dhe i 13-ti – ka pesë ose gjashtë ditë, në varësi të faktit nëse është vit i brishtë.

The post Në këtë shtet viti ka 13 muaj appeared first on Albeu.com.

Këtu janë gjashtë gjërat që duhet të bëni deri në fund të vitit.

Mos u përpiqni të jeni dikush tjetër.

Mësoni të kaloni kohë cilësore kur jeni vetëm.

Përfundoni atë që keni filluar.

Largoni zakonet e këqija.

Hidhni të gjitha gjërat e panevojshme.

Hiqni dorë nga e kaluara.

The post 6 gjëra që duhet të bëni para se të përfundojë viti appeared first on Albeu.com.

Në të njëjtën kohë, ai përjashtoi mundësinë e shpalljes së zgjedhjeve të parakohshme, siç kërkon opozita.

“Po, e them: kandidati për Aleancën Popullore është Tajip Erdogan”, tha ai nga Izmiri, duke iu referuar bashkëpunimit të partisë së tij AKP me MHP nacionaliste.

Zyrtarët e partisë së tij e përshëndetën njoftimin me duartrokitje teksa thërrisnin në mënyrë ritmike emrin e presidentit.

Koalicioni i gjashtë partive opozitare nuk ka propozuar ende një kandidat për president.

Sipas një sondazhi të kryer në prill nga Instituti Metropoll, Erdogan mund të mposhtet në raundin e dytë të zgjedhjeve nga shumë prej kundërshtarëve të tij të mundshëm.

The post Erdogan “nuk lëshon” karrigen, zbulon se do të kandidojë sërish në zgjedhjet e vitit 2023 appeared first on Albeu.com.

Bëhet fjalë për Dr.Florin, i cili u nda nga jeta në nëntor të 2014-ës. Ishte një humbje e madhe për artin shqiptar dhe e pabesushme për miqtë e shokët e tij.

Me rastin e përvjetorit të lindjes, ai u kujtua me plot mall nga miqtë e bashkëpunëtorët e tij, përfshirë këtu Landi Fornian dhe Armir Shahinin, me të cilët ishte pjesë e grupit “West Side Family”.

Thonë: “Një foto vlen sa një mijë fjalë”.

Nuk e di nëse një mijë fjalë do të ishin mjaft, por edhe nëse do të ishin, boshllëku mbetet e s’kam ç’bëj tjetër veçse të shoh foton e të kujtoj të gjitha ato momente të jetuara, të cilat sigurisht ua kalojnë fjalëve.

Në kujtim të Floran Kondit, i njohur si Dr. Flori

28 shkurt 1979 – 17 nëntor 2014″, shkruan Landi, postim që e ka shpërndarë edhe Armiri. Djemtë nuk e harrojnë kurrë mikun e tyre duke e kujtuar si sot edhe në çdo rast tjetër./albeu.com/

 

View this post on Instagram

 

A post shared by Roland Hysi (@landifornia)

The post Sot do të festonte 43 vjetorin, Dr.Flori përkujtohet me mall nga anëtarët e “West Side Family” (FOTO LAJM) appeared first on Albeu.com.

Organi i pavarur i statistikave të futbollit ka zhvilluar një metodologji për të krahasuar performancën e lojtarëve pavarësisht nga pozicioni i tyre në fushë.

Qasja e tyre është e ndarë në dy blloqe të mëdha. E para ka të bëjë me karakteristikat teknike, të cilat matin të dhëna të shumta (gjuajtje, rikuperime topi, krijimi i rasteve të shënimit, pasime të suksesshme etj.) Dhe e dyta që merr parasysh si pozicionin e secilit lojtar ashtu edhe stilin e lojës së ekipit të tij.

Në analizën e tyre javore, Observatori i Futbollit CIES ka marrë parasysh të dhënat e të gjithë futbollistëve të 98 skuadrave që marrin pjesë në pesë ligat kryesore evropiane – La Liga, Liga Premier, Serie A, Bundesliga dhe Ligue 1 – dhe kanë luajtur të paktën 66 për qind e minutave të ekipeve të tyre që nga 1 janari 2021.

Messi kryeson renditjen me një indeks prej 92.5 pikë nga 100, ndërsa Fekir është i barabartë me Kroos në pozitën e gjashtë të listës me 87.6 pikë secili.

Ndërkohë, as Karim Benzema (85.3 pikë), Alexander Isak (84,4 pikë) dhe as Luis Suarez (84,3 pikë) nuk kanë dalë në 10 të parët. Ronaldo renditet i pesti

Robert Lewandowski është i dyti pas Messit me 89.5 pikë, i ndjekur nga mesfushori i Chelseat, Jorginho (89.5 pikë), qendërmbrojtësi i Manchester Cityt, Ruben Dias (89,4 pikë), sulmuesi i Juventusit, Cristiano Ronaldo (89,3 pikë), sulmuesi i Eintracht Frankfurt, Andre Silva (87,4) pikë , Anësori i Napolit, Lorenzo Insigne (87 pikë) dhe sulmuesi i Borussia Dortmund, Jadon Sancho (86,4 pikë).

Qendërmbrojtësi i Monacos, Guillermo Maripan renditet në vendin e 11-të me 86.3 pikë, duke qenë i vetmi përfaqësues i Ligue 1 mes 11 më të mirëve.

Ndërkohë, spanjollët që kanë arritur pozicionimin më të mirë në listë janë mesfushori i Lazios, Luis Alberto (84,6 pikë), sulmuesi i Villarrealit, Gerard Moreno (83,6 pikë) dhe sulmuesi i Sevillas, Suso (82,3 pikë).

The post 10 lojtarët më të mirë deri më tani në vitin 2021 (FOTO LAJM) appeared first on Albeu.com.