Kryeministri Edi Rama, ka postuar fotot e vogëlushëve duke shkruar se ata janë lajmësit e një viti me bereqet, duke iu referuar zgjedhjeve të 11 majit.

Postimi Ramës:

“ÇFARË VITI FILLOI😍😍
Mirëserdhët Ares dhe Rajd, jetë të gjatë dhe me këmbën e mbarë❤️❤️
Këto janë binjakët e vitit 2025, që na u bashkuan shëndosh e mirë si lajmës të një viti me bereqet, në maternitetin “Mbretëresha Geraldinë”, me të trokitur ora 12:00🫶
#GËZUAR❤️“, shkruan Rama.

The post Viti i Ri nis me binjakë/ Rama: Janë lajmësit e një viti me bereqet appeared first on Albeu.com.

Më herët, në Mumbai të Indisë, qindra qytetarë u mblodhën për të përshëndetur ardhjen e Vitit të Ri.

Në Malajzi, qytetarët mbushën sheshet pranë Kullave Binjake Petronas në Kuala Lumpur, ku spektakli i fishekzjarrëve mahniti turmat e mbledhura.

Për miliona njerëz, këto momente janë më shumë sesa një festë – janë shpresë dhe fillim i ri për një vit të mbarë e plot mundësi.

The post Viti 2025 mbërrin në disa vende të botës, qytetarët ndjekin spektaklin e fishekzjarreve appeared first on Albeu.com.

“Po kështu, dhe në Shqipëri dallga e këtyre ndryshimeve nuk mund të përjashtojë Shqipërinë dhe shqiptarët. Shqipëria nuk mund të qëndrojë më vendi i qytetarëve që largohen masivisht prej saj. Nuk mund të qëndrojë më vendi i qytetarëve më të keq paguar në Europë,” shprehet Berisha.

Mesazhi i plotë i Berishës:

Të dashur qytetarë dhe qytetare shqiptarë pak orë na ndajnë nga viti i ri 2025, ndaj dhe nga zemra ju uroj ju kudo që festoni sonte në vatrat tuaja familjare, tek miqtë, shokë, në klube, restorante, në udhëtime apo në spitale dhe institucione të vuajtjes së dënimit. Kjo natë magjike pritet dhe festohet me shpresë të madhe për mbarësi dhe të mira në vitin 2025.

Në të vërtetë, viti 2025 nis me një ndryshim të madh.

Në Washington, pas tre javësh inaugurohet pushteti i ri i Presidentit, Donald Trump, i dalë nga zgjedhjet presidenciale.

Rikthimi në pushtet i presidentit Trump shënoi bllokimin e triumfit të ekstremit të majtë në SHBA. Bllokoi një agresion të vërtetë ndaj identitetit njerëzor, gjinisë, e pse jo dhe familjes.

Por viti 2025 pritet të jetë gjithashtu një vit paqeje, në të cilin konfliktet e ndezura të shuhen.

Pra, pritet një vit plot shpresa kudo në botë.

Po kështu, dhe në Shqipëri dallga e këtyre ndryshimeve nuk mund të përjashtojë Shqipërinë dhe shqiptarët. Shqipëria nuk mund të qëndrojë më vendi i qytetarëve që largohen masivisht prej saj. Nuk mund të qëndrojë më vendi i qytetarëve më të keq paguar në Europë.

Nuk mund të jetë Shqipëria më vendi ku nxënësit e shkollave vriten në derë të shkollës. Ku tritoli çan dyert e banesave, pasiguria është në shkallën më të lartë, dhe varfëria troket në çdo derë.

Shqipëria e vitit 2025 nuk mund të jetë Shqipëria e dhunës dhe terrorit ndaj opozitës, e burgosjes së liderëve të saj dhe deputetëve të saj. Nuk mund të jetë Shqipëria e izolimit, e censurës, e ndalimit të mediave sociale. Por do të jetë Shqipëria e qytetarëve të lirë, e lirive të respektuara dhe të drejtave të tyre.

Shqipërinë e 12 viteve që lamë pas e vuajtën shumë në tërësi shqiptarët. E vuajti rinia shqiptare, sepse ëndrrat e saj u bënë të pamundura për t’u realizuar në vendin e tyre.

E vuajtën qytetarët e këtij vendi që u zhytën gjithnjë e më shumë në varfëri. Pensionistët, që prekën mjerimin me pensionet e tyre. E vuajtën fermerët shqiptarë, që panë ekonomitë e tyre të falimentojnë në qindra dhe mijëra raste.

E vuajtën nënat, motrat, gratë shqiptare.

Këto 12 vite kanë qenë vërtet të mundimshme e sfilitëse për shumicën dërrmuese të shqiptarëve. Dhe ato, në një mënyrë ose një tjetër, mund të kenë venitur edhe shpresat. Por kurrë nuk duhet të harroni se ne jemi shqiptarë dhe mësimi i madh i ekzistencës sonë është se për ne nuk ka gjëra të pamundura.

Ndaj dhe, le të bashkohemi që në vitin 2025, që koinçidon me 20-vjetorin e ardhjes së dytë në pushtet të Partisë Demokratike, të krijojmë një front të gjerë në mënyrë që të firmosim së bashku rotacionin, të firmosim së bashku ndryshimin, të rikthehemi në rrugën e demokracisë, begatisë dhe integrimit të vendit në Bashkimin Europian.

Është radha jonë! Është radha jonë! Është radha jonë!

Gëzuar Vitin e Ri 2025! Fitore!

The post Sali Berisha uron shqiptarët për Vitin e Ri: Këto 12 vite kanë qenë sfilitëse, të bashkohemi në 2025-ën appeared first on Albeu.com.

Qyteti po feston me një shfaqje spektakolare të fishekzjarreve mbi urën e portit të Sydney-t.

Në Australi është piku i verës dhe vendasit shijojnë ndërrimin e viteve dhe atmosferën festive në temperatura të larta.

Ylli i popit, Robbie Williams, udhëhoqi spektaklin me kenget e tij, me ceremoni dhe shfaqje indigjene qe u zhvilluan ne Syndey.

The post Australia pret vitin 2025 me temperatura të larta dhe shfaqje magjike fishekzjarrësh appeared first on Albeu.com.

Eksperti për Çështjet Ekonomike në PD, Dorian Teliti, tha se shqiptarët e kanë të vështirë ë mbushin tavolinat.

Gjithashtu, ai tha se realiteti nuk janë propaganda e Qeverisë apo broçkullat për shpërndarje bonusesh.

“Sipërmarrësja vendase po falimenton. Nuk kemi investitorë të huaj, çmimet po rriten, 46 % e shqiptarëve janë në varfëri. Si mundet të festojnë shqiptarët? Sot pashë një çift të moshuarish pensionistë që morën 3 kokra domate, 300 gram djathë dhe një pulë më pak se 1 kg. Kjo është ajo që përjetojnë sot pensionistët shqiptarë, përtej broçkullave dhe përrallave të qeverisë”, u shpreh Teliti.

The post Si po festojnë shqiptarët Vitin e Ri? Dorian Teliti: 300 gram djathë, 3 kokrra domate dhe… appeared first on Albeu.com.

Por në të gjithë këtë situatë positive është edhe ana tjetër e medaljes, pasi në këtë periudhë “më të bukur” të vitit, shënohet edhe shpërdorimi më i madh i ushqimit.

Por sa hedhim çdo dhjetor për Krishtlindje dhe Vitin e Ri?

Sipas hulumtimit të Assoutenti, çdo vit gjatë festave të fundvitit 500 mijë tonë ushqime përfundojnë në koshin e plehrave për shkak të mbetjeve ushqimore në shtëpi.

Jo vetëm produkte të freskëta si fruta dhe perime, por edhe makarona, peshk, panetone, nugat dhe verë e gazuar.

Sasia e ushqimit të shpërdoruar korrespondon me një kosto për familje prej 80 eurosh, e cila mund të kursehet ose shpenzohet në një mënyrë më të dobishme (për shembull përmes donacioneve të vogla për ata që kanë më shumë nevojë), sikur të ishim më të kujdesshëm për të shmangur mbeturinat e panevojshme.

The post Kujdesemi ta kemi tryezën plot e përplot por a e dini sa ushqim shpërdorohet për festat e fundvitit? appeared first on Albeu.com.

AlbEu.com ju falënderon për besimin dhe ju siguron se do të jetë gjithmonë zëri juaj i pandarë në informimin e ngjarjeve të fundit në Shqipëri dhe botë!

Ky ndërrim viti u prit me festime dhe fishekzjarrë në qytetet e vendit.

Përveç spektaklit të fishekzjarreve sheshi ishte kthyer në një skenë feste që në orën 22:30.

AlbEu.com ju uron Gëzuar Vitin e Ri 2024! /albeu.com

The post Troket Viti i Ri 2024, pritet me spektakël fishekzjarresh dhe festë në të gjithë vendin appeared first on Albeu.com.

Në Okland, njerëzit e mbledhur për të festuar në qytetin me 1.7 milionë banorë brohoritën në mesnatë dhe ndoqën fishekzjarret pranë kullës më të lartë të vendit, Sky Tower.

Më shumë se 1 milion njerëz – një numër i barabartë me një në pesë banorë të Sidneit – ndoqën fishekzjarret nga bregu dhe nga varkat në port.

Luftrat e vazhdueshme në Ukrainë dhe Gazë, dhe tensionet e rritura në pjesë të botës, po ndikojnë tek pritja e Vitit të Ri në mënyra të ndryshme.

Shumë qytete po vendosin masa shtesë sigurie dhe disa vende i anuluan festimet për Vitin e Ri.

Në Vatikan, Papa Françesku kujtoi vitin 2023 si një vit të shënuar mes vuajtjeve të kohës së luftës.

Gjatë bekimit të tij tradicional të së dielës nga një dritare me pamje nga Sheshi i Shën Pjetrit, ai u lut për “popullin e vuajtur ukrainas dhe popullsinë palestineze dhe izraelite, popullin sudanez dhe shumë të tjerë”.

Në Japoni, kambanat e tempujve ranë në të gjithë vendin ndërsa njerëzit u mblodhën në faltore dhe tempuj për të mirëpritur vitin e ri.

Në qytetin e Nju Jorkut, zyrtarët dhe organizatorët e festës thanë se ishin të përgatitur për të garantuar sigurinë e dhjetëra mijëra vizitorëve që pritet të mbushin Times Square në zemër të Manhatanit.

Mes protestave pothuajse të përditshme të ndezura nga lufta Izrael-Hamas në Gaza, policia e qytetit të Nju Jorkut tha se do të zgjeronte perimetrin e sigurisë rreth festës, për të shmangur demonstratat e mundshme.

Siguria është rritur edhe në qytetet evropiane. Në Francë, 90,000 forca policore u vendosën për të garantuar sigurinë, tha të premten shefja e zbulimit Céline Berthon. Prej tyre, 6,000 do të jenë në Paris, ku ministri i Brendshëm francez Gerald Darmanin tha se mbi 1.5 milion njerëz pritet të marrin pjesë në festimet në Champs-Elysees.

Ai tha se ekzistonte një “kërcënim shumë të lartë terrorist” pjesërisht për shkak të luftës Izrael-Hamas.

Në Berlin, rreth 4500 oficerë policie pritet të ruajnë rendin dhe të shmangin trazirat si një vit më parë.

Në Rusi, veprimet ushtarake të vendit në Ukrainë kanë lënë në hije festimet e fundvitit. Fishekzjarret dhe koncerti i zakonshëm në Sheshin e Kuq të Moskës u anuluan ashtu si vitin e kaluar. /voa/

The post Festime dhe ankth nga luftrat, ndërsa bota pret Vitin e Ri 2024 appeared first on Albeu.com.

Mes tyre shënohet edhe urimi në gjuhën shqipe.

Shiheni me kujdes dhe mësoni si urojnë shumë shtete; ‘Gëzuar Vitin e Ri”.

The post “Gëzuar Vitin e Ri”, harta e urimit në gjuhë të ndryshme të botës appeared first on Albeu.com.

Konsumoni perime me ngjyrë të gjelbër, kjo për arsyen e thjeshtë se ato janë të ngjashme me paratë, dhe në disa kultura besohet se konsumimi i tyre sjell mbarësi.

Konsumoni 12 kokrra rrush në mesnatën e ndërrimit të viteve. Kjo është një traditë spanjolle dhe portugeze, sipas së cilës, 12 kokrrat e rrushit simbolizojnë 12 muajt e vitit pasardhës dhe konsumimi i tyre në këtë ditë të veçantë sjellë mbarësi për çdo muaj të vitit që do të vijë.

Konsumoni ushqime në formë unaze në vaktin e mëngjesit, për shembull, petullat e ëmbla apo edhe kekun e pjekur në tavën karakteristike në formë rrethore dhe me hapësirë boshe në mes. Ushqimi në këto forma përfaqëson ciklin e plotë të vitit, pra viti i ardhshëm do të jetë i plotë dhe i mbarë në çdo muaj apo stinë.

Përplasni një kokërr shegë në dysheme – Në Greqi, në natën e Vitit të Ri vendasit plasin një shegë në derën kryesore të shtëpisë, kjo bëhet me qëllim që nga shega të dalin sa më shumë kokrra që të jetë e mundur, sepse kokrrat e saj simbolizojnë begatinë dhe mirëqenien.

Piqni peshk të pacopëtuar – Peshqit konsiderohen fatsjellës për tri arsye.

1- Luspat e tyre ngjasojnë me qindarkat, pra paratë.

2- Ata qëndrojnë në grupe, çka simbolizon unitet në familje.

3- Ata gjithmonë notojnë përpara, çka simbolizon progres.

Konsumoni makarona të gjata pa i thyer – Kjo është një traditë japoneze, sipas të cilës, makaronat e gjata simbolizojnë jetën e gjatë dhe fatin, por vetëm nëse i hani pa i thyer në copa të vogla.

Gatuani thjerrëza – Gjejeni me çfarë ngjajnë thjerrëzat? PARATË. Po, këto bishtajore të vogla konsiderohen fatsjellëse në Itali dhe Brazil, dhe thuhet se janë konsideruar të tilla edhe nga romakët.

Gatuani një kek dhe fusni një monedhë në të kur ta piqni – Edhe kjo është një traditë greke e cila kërkon që të gatuhet një kek me shije limoni i quajtur vasilopita dhe kur të jetë gati për t’u pjekur, në të të futet edhe një monedhë. Personi të cilit i qëllon monedha konsiderohet me fat dhe viti i ardhshëm do të jetë i mbarë për të.

The post Besohet se sjell PARA për 2024, çfarë duhet të keni patjetër në tavolinën e natës së Vitit të Ri appeared first on Albeu.com.