vitet 80 Archives - Albeu.com

Ikonë e skenës në vitet ’90, shikoni si duket sot këngëtarja, kaq vite pas largimit nga Shqipëria (FOTO LAJM)

A M — Sun, 27 Feb 2022 13:23:15 +0000

Nertila Koka, e lindur me brezin e vitit 1966 në Tiranë, një këngëtare, mjaft e njohur shqiptare.

Kur Nertila Koka këndonte, shumë prindër u vendosën emrin e saj foshnjave femra të lindura në ato vite. Një vajzë e bukur dhe me një zë të ëmbël ajo u bë shumë shpejt një nga këngëtaret më të dashura të publikut.

Nertila e nisi karrierën e saj në moshën 17-vjeçare, moshë në të cilën arriti dhe suksesin e saj të parë. Debutimi i saj i parë në Koncertin e Pranverës, në vitin 1983 u kurorëzua me fitore duke marrë dhe çmimin e parë. Po atë vit, në Festivalin e Këngës në Radio-Televizionin shqiptar kënga që ajo këndoi me Gëzim Çelën “Çel si gonxhe dashuria” mori çmimin e parë.

Një vit më pas nuk do t’i mungonte përsëri skenave të kompeticioneve muzikore duke marrë një çmim të dytë në festivalin e pranverës.

Një nga këngët më të dashura është ajo që këndoi me David Tukiqin “Sagapo”, e cila edhe sot e kësaj dite ka mbetur si një refren i jetës së përditshme e që shumë njerëzve u zgjon nostalgjinë e asaj kohe.

Nertila përveçse një këngëtare e talentuar dëshmoi se ishte edhe një aktore e zonja. Ajo ka luajtur në filma si “Duaje emrin tënd” apo “Telefoni i një mëngjesi”. Largimi i saj nga skena ndodhi pas viteve ’90, kur ajo për shkak të punës së bashkëshortit të saj u largua jashtë Shqipërisë, duke provuar një eksperiencë jete në vende të ndryshme, si Suedi e deri në Japoni.

Për publikun shqiptar ajo do të mbetet e njëjta vajzë simpatike që i këndonte aq ëmbël dashurisë.

Ditët e sotme këngëtarja e njohur e hitit të viteve ’80, “Dy gëzime në një ditë”, jeton prej kohësh në Suedi së bashku me familjen e saj.

Për publikun dhe dashamirësit e saj shqiptarë Nertila Koka si një ‘vlogger-e’ ushqimi, prej ku me anë një kanali të ri në ‘Youtube’, prezanton receta të ndryshme gatimi.

Pavarësisht se është larguar prej vitesh nga skena muzikore shqiptare, duket se tek Nertila nuk ka ndryshuar asgjë në pamje.

The post Ikonë e skenës në vitet ’90, shikoni si duket sot këngëtarja, kaq vite pas largimit nga Shqipëria (FOTO LAJM) appeared first on Albeu.com.

Sfidoi realitetin komunist por “u zhduk” nga ekrani, si duket sot një ndër aktoret më të bukura të viteve ’80 (FOTO LAJM)

A M — Sat, 05 Feb 2022 10:38:30 +0000

Edhe pse ajo luajti pak role, ndër të cilët veshja dhe grimi ishin brenda kornizave të rrepta të asaj kohe, Ema Ndoja nuk kishte asgjë të përbashkët me koleget e saj të fundviteve ‘80. Ema ka lënë gjurmë në kujtesën e publikut. Kishte edhe të tjera të bukura, por Ema ishte joshëse. Ndër të paktat, në mos e vetmja, që kishte imazhin e gruas ndjellëse, jo thjesht të bukur.

E kujtoni me rolin e vajzës së ndrojtur në filmin “Në prag të jetës”? Ekspozoi trupin me rroba banje dhe dha shenja të qarta se ajo e kishte ndarë mendjen të ishte aktore dhe jo vajzë e mirë. Vetëm se nuk e pati të gjatë. U zhduk nga ekrani pas viteve ’90, si gjithë të tjerat. Jeton prej vitesh në Gjermani dhe kthimin e parë në Shqipëri e në skenën shqiptare e pati pas 31 vitesh, me dy mikeshat e saj Merita Tërshana e Vikena Kamenica, po aq e bukur po aq sharmante.

The post Sfidoi realitetin komunist por “u zhduk” nga ekrani, si duket sot një ndër aktoret më të bukura të viteve ’80 (FOTO LAJM) appeared first on Albeu.com.

Rreth 40 vite më parë, për kë personazh bëhet fjalë në foton e rrallë (FOTO LAJM)

A M — Thu, 20 Jan 2022 13:53:24 +0000

Prej vitesh, Ardit Gjebrea është në shtëpinë e shqiptarëve çdo të diel me programin “E diela Shqiptare”.

Por para moderimit, Ardit Gjebrea ka kompozuar dhe kënduar shumë këngë të cilat edhe sot mbeten ikonë.

Krijuesi i “Dimëroj” apo “Ja ku jam” do t’ju habisë me pamjen e tij të viteve ‘80 të cilën një pjesë e mirë e kafshirë nga memoria.

Kjo foto krah gruas së tij dhe Mirash Hajati, gazetar dhe ish-drejtor i RTSH-së shfaq një Ardit me më shumë flokë dhe me disa kilogramë më tepër./albeu.com/

The post Rreth 40 vite më parë, për kë personazh bëhet fjalë në foton e rrallë (FOTO LAJM) appeared first on Albeu.com.

10 momentet që fëmijët e viteve ’80 mund t’i kenë harruar, nga kooperativa tek rradha e qumështit (FOTO LAJM)

A M — Thu, 20 Jan 2022 09:25:36 +0000

Ajo ka qenë koha e komandantëve të lagjeve, e çetave të fëmijëve, që pasditeve i gjeje nëpër qoshka e rrugica, duke luajtur në grup. Ishte koha, kur mamaja nuk të ndiqte pas me pjatën e ushqimit, por me bukë në dorë ti rendje pas shokëve, për të mos humbur lojën e radhës.

Atëherë nuk ka pasur kanale televizive të dedikuar me filma për fëmijë, por një program disa minutësh në një orë të kufizuar të ditës dhe javës.

Shumë pak të rastis të ndeshesh sot, poshtë pallateve, turma fëmijësh që vrapojnë të organizuar në lojëra të ndryshme. Aty-këtu, djem që tentojnë të zhvillojnë një lojë futbolli, në trotuarin e ngushtuar dhe rrugën e zënë prej makinave. Ndërsa vajzat, disi më vetmitare, rreken të zhvillojnë ndonjë lojë në cepin e pallatit…

Gjithsesi, pavarësisht nostalgjisë dhe jetës reale këto pamje dhe imazhe të shkrepura në fundin e viteve ’80-të paraqesin edhe zymtësinë dhe mungësën e lirisë, vuajtjen në rradhët e pafundme të bukës, qumështit dhe gjërvae jetike.

The post 10 momentet që fëmijët e viteve ’80 mund t’i kenë harruar, nga kooperativa tek rradha e qumështit (FOTO LAJM) appeared first on Albeu.com.