Në cilat ushqime gjendet vitamina E?

Ndër burimet më të mira ushqimore të vitaminës E janë farat, në veçanti farat e lulediellit, frutat e thata si bajamet, lajthitë dhe arrat, ullinjtë dhe vaji i ullirit ekstra i virgjër, por edhe perimet me gjethe jeshile. Dhe gjithashtu disa varietete të frutave të freskëta, si avokado, manaferra dhe rrush.

Çfarë përfitimesh sjell vitamina E?

Lufton lodhjen

Në muajt e verës me rritje të temperaturave rritet rreziku për të vuajtur nga ënjtjet dhe rëndimet. Falë veprimit të saj antioksidues, vitamina E nxit qarkullimin e duhur të gjakut. Për shembull, si një meze të lehtë të mëngjesit ose të pasdites, së bashku me fruta të freskëta, zgjidhni disa bajame ose fara luledielli.

Në verë, a e gjeni veten më pak të fokusuar dhe më të lodhur? Vitamina E është gjithashtu një aleat i shkëlqyer për shëndetin e trurit dhe neuroneve të tij. Mungesa e kësaj vitamine shoqërohet edhe me dobësi dhe lodhje të muskujve, të cilat mund të përkeqësohen këtë sezon për shkak të ndryshimeve të papritura klimatike. Marrja e ushqimeve që janë të pasura me to në dietë ju lejon gjithashtu të qëndroni larg lodhjes fizike.

Është e mirë për lëkurën

Në ditët e bukura të verës kalojmë më shumë kohë jashtë. Vitamina E është gjithashtu një aleat në rritjen e mbrojtjes së lëkurës ndaj dëmtimit të shkaktuar nga ekspozimi në diell.

Kjo vitaminë, në fakt, përveçse ka veti të shkëlqyera antioksiduese dhe mbrojtëse, lehtëson përthithjen e vitaminës A, e cila është edhe aleate e lëkurës në luftën kundër stresit oksidativ të shkaktuar nga ekspozimi ndaj rrezeve të diellit.

Dy shembuj për t’u vënë në praktikë menjëherë në tavolinë janë: pasurojeni sallatat shumë të zakonshme të perimeve me gjethe me ushqime të tilla si karotat apo kajsitë, dhe sigurisht me pak vaj ulliri.

The post Vitamina E, për çfarë shërben dhe pse është kaq e rëndësishme në verë appeared first on Albeu.com.

Duke qenë një antioksidant shumë i fuqishëm, vitamina E mund të ndihmojë në ngadalësimin e rrudhave të para falë mimikave të fytyrës, humbjes së flokëve dhe shumë probleme të tjera.

Veç marrjes së vitaminës E si një tablet, pra në mënyrë orale, ju mund ta përdorni atë dhe në mënyrë topike, pra të përftoni xhelin nga kapsula dhe ta aplikoni direkt në lëkurë apo flokë. Më poshtë janë disa nga përdorimet më të shkëlqyera të vitaminës E:

Zbeh shenjat
Nuk ka rëndësi nëse plaga, apo aknet kanë lënë një shenjë të re apo të vjetër në lëkurën tuaj, kjo e fundit do të zbehet brenda pak ditësh, nëse ju aplikoni vitaminën E direkt në lëkurë.

Strijet
Shtatzënia, fitimi dhe humbja e peshës bën që lëkura juaj të hapet e të rikthehet në gjendjen e mëparshme duke ju lënë disa shenja. Këto janë strijet dhe kur janë të kuqe mund të trajtohen në kohë, pa u shndërruar në të bardha, strije që zbehen më me vështirësi. Megjithatë nëse aplikoni rregullisht vitaminë E në shenjat e lëkurës, këto të fundit do të bëhen më pak të dukshme.

Rrudhat e para
Harrojini ato serumet super të shtrenjta anti-plakje. Një mënyrë më e thjeshtë dhe më efektive për të zbehur pamjen e rrudhave është aplikimi i vitaminës E në fytyrën tuaj.

Lëkura e thatë
Përdoreni këtë vaj antioksidant për ta bërë lëkurën tuaj më të butë dhe të shkëlqyeshme. Mund ta aplikoni në sipërfaqen e duarve para se të flini, mbi buzët tuaja apo në zonat më të thata të lëkruës.
Parandalon rënien e flokeve
Humbja e 50 deri në 100 fije flokësh çdo ditë konsiderohet normale. Një mënyrë e shkëlqyer për të parandaluar rënien e flokëve është duke masazhuar skalpin e kokës me vitaminë E. Kjo gjë stimulon rritjen e flokut dhe ushqimin e rrënjës.

The post Kjo është vitamina që zëvëndëson kremrat dhe produktet kozmetike, 5 përdorime të jashtëzakonshme appeared first on Albeu.com.

Por, sipas mjekes së përgjithshme Kristen Elizabeth Holtz nga Virgjinia, nëse keni mungesë të vitaminës E, ka simptoma kryesore që duhet t’i kushtoni vëmendje.

1. Dobësi

Nëse nuk merrni mjaftueshëm vitaminë E, muskujt tuaj vuajnë nga stresi oksidues, i cili çon në dobësi.

2. Mpirje

Mungesa e vitaminës E mund të shkaktojë neuropati periferike – mpirje në duar dhe këmbë.

3. Probleme me koordinimin

Një tjetër efekt anësor i mungesës së vitaminës E është koordinimi i dobët. Përkatësisht, mungesa e kësaj vitamine mund të çojë në prishjen e disa neuroneve në tru që janë vendimtare për kontrollin e lëvizjeve.

4. Dëmtimi i shikimit

Receptorët e dritës në tru mund të dëmtohen nëse nuk merrni mjaftueshëm vitaminë E përmes ushqimit. Kjo mund të çojë në dëmtim të shikimit me kalimin e kohës, më shpesh në turbullim.

5. Imuniteti i dobësuar

Kur sistemi imunitar nuk funksionon siç duhet, bëhet më e vështirë për trupin të luftojë infeksionet dhe sëmundjet. Vitamina E është thelbësore për të ndihmuar sistemin imunitar, pasi mbështet rritjen e qelizave T që ndihmojnë në luftimin e infeksioneve.

The post Keni mungesë të vitaminës E? Këto janë 5 simptomat kryesore që e tregojnë appeared first on Albeu.com.