Vitamina A luan një rol kyç në imunitet, në riprodhim, dhe veçanërisht tek shikimi. Vitamina A është gjithashtu e dobishme për shëndetin e kockave dhe dhëmbëve, disa studime pretendojnë se vitamina A ka aftësi antikancerogjene. Vitamina A vepron si një antioksidant, e cila ngadalëson procesin e plakjes së qelizave në fytyrë, gjithashtu është përshkruar për dekada nga dermatologët, veçanërisht për trajtimin e akneve. Në mesin e shumë efekteve pozitive që ka në shëndetin e njeriut, Vitamina A mundëson edhe një funksionim më të mirë të mushkërive.

Vitamina A është e pranishme në ushqime në dy forma: retinol dhe provitaminë A, ose karoten. Retinoli gjendet kryesisht në ushqime me origjinë shtazore, në veçanti në mëlçi, vaj peshku, vezë, qumësht dhe derivatet e tij (gjalpi dhe djathi).

Karotenët, përfaqësuesi kryesor i të cilit është beta-karotene, gjenden në bimë të verdha portokall, karrota, kungull, speca, pjeshkë, kajsi dhe pjepër, dhe në perime me gjethe jeshile, përfshirë spinaqin.

Përqendrimi më i lartë i vitaminës A është gjetur në pataten e ëmbël; vetëm një patate e ëmbël e pjekur përmban më shumë se 28.000 njësi ndërkombëtare (IU) të vitaminës A, apo 561 % të vlerës tuaj të rekomanduar ditore. Mëlçia e viçit, spinaqi, peshku, qumështi, veza, dhe karrota janë gjithashtu burime të mira të vitaminës A. Nëse nuk konsumohet mjaftueshëm me anë të ushqimit Vitamina A duhet të merret me anë të suplementeve shtesë.

The post Pse është e rëndësishme Vitamina A? appeared first on Albeu.com.

Universiteti i Anglisë Lindore ka nisur tashmë studimin 12-javor.

Trajtimin do ta marrin vetëm disa pacientë vullnetarë, por të gjithëve do t’iu kërkohet të nuhasin aroma të rënda, siç janë ato të vezëve të prishura dhe të trëndafilave të kalbur.

Dhe, skanimet e trurit pastaj do të verifikojnë nëse vitamina i riparon kanalet e dëmtuara të nuhatjes ose jo.

Humbja ose ndryshimi i nuhatjes është një simptomë e zakonshme e koronavirusit, por edhe shumë viruse të tjera, siç është gripi stinor, mund ta shkaktojnë atë.

Te shumica e njerëzve, nuhatja kthehet natyrshëm brenda disa javësh, por disa mbeten me çrregullime për kohë më të gjatë./REL

The post Vitamina A mund të trajtojë humbjen e nuhatjes nga koronavirusi appeared first on Albeu.com.