Rreth festës së Vitit të Ri ka fakte dhe supozime të ndryshme për kohën dhe mënyrën se si festohet. Viti i Ri të cilin e festojmë ne dhe shumë vende tjera të botës bie me 1 janar dhe i takon kalendarit gregorian si vazhdim i kalendarit romak.

Por, vende të tjera si Kina, Japonia, India, Vietnami dhe vendet islamike e përdorin kalendarin lunar, kalendar ky i cili bazohet në lëvizjet e hënës rreth tokës, dhe datat e festimit dallojnë dukshëm nga njëra tjetra. Disa Vitin e Ri e festojnë në pranverë me mbjelljen apo rritjen e të korrurave ose në vjeshtë për të festuar mbledhjen e tyre.

Në kulturën perëndimore bredhi i stolisur, babagjyshi dhe dhuratat janë karakteristike për festat e fundvitit.

Bredhi i stolisur

Tradita e bredhit ka orgjinë antike. Mendohet që egjiptianët e kanë kultivuar gjatë traditën e prezencës së bredhit në shtëpitë e tyre në dimër për të simbolizuar triumfin e jetës mbi vdekjen.

Romakët po ashtu e adhuronin bredhin dhe e festonin stinën e dimrit për nderë të zotit të bujqësisë që njihej me emrin Saturnus.

Traditë e tyre ishte që shtëpia të stolisej me drunj të gjelbër dhe drita si dhe të shkëmbenin dhurata. Në mesjetë, gjermanët dhe skandinavët vendosnin bredha jashtë dyerve të shtëpisë si simbol shprese për pranverën e ardhshme.

Babagjyshi dhe dhuratat

Dhënia e dhuratave që në shumë vende perëndimore është traditë e festës së krishtlindjes, tek ne praktikohet kryesisht gjatë festës së vitit të ri dhe vetëm për fëmijët.

Kjo mund të konsiderohet paksa e çuditshme, por duke i marrë parasysh supozimet që figura e babgjyshit dhe dhënia e dhuratave ka origjinë pagane.

Dhe që mirësia e plakut të dimrit qëndron tek kujdesi dhe dashuria e tij për fëmijët e varfër të cilët i ndihmon dhe gëzon me dhurata, bën që babagjyshi të konsiderohet një personazh përralle i Vitit të Ri.

The post Viti i Ri, origjina dhe karakteristikat e tij appeared first on Albeu.com.

Shtetasi ishte shpallur në kërkim për veprat penale “Vrasje me dashje” të mbetur në tentativë dhe “Armëmbajtje pa leje”.

Konflikti i cili nisi për motive të dobëta përshkallzoi në përplasje me armë, por fatmirësisht pa shkaktuar dëme.

Njoftimi i Policisë:

DVP Vlorë – Tentoi ta vriste me armë zjarri 36-vjeçarin, mesditën e datës 31.12.2021, kapet dhe vihet në pranga 43-vjeçari.

Në vijim të punës për kapjen dhe vënien para përgjegjësisë ligjore të shtetasve të shpallur në kërkim, nga specialistët e Seksionit për Krimet në Komisariatin e Policisë Vlorë u bë kapja dhe ndalimi i shtetasit:

A. Sh., 43 vjeç, banues në Vlorë.

Ky shtetas ishte shpallur në kërkim për veprat penale “Vrasja me dashje” mbetur në tentativë dhe “Armëmbajtja pa leje”, pasi më datë 31.12.2021, në lagjen “Uji i Ftohtë”, në ambientet e një lavazhi, gjatë një konflikti për motive të dobëta ka qëlluar me armë zjarri në drejtim të shtetasit Sh. Gj., 36 vjeç, pa i shkaktuar dëmtime.

Materialet i kaluan Prokurorisë, për veprime të mëtejshme. /albeu.com

The post Tentoi të vriste 36-vjeçarin ditën e Vitit të Ri, vihet në pranga vlonjati appeared first on Albeu.com.

Krasniqi  përmes një postimi në twitter, thotë se një plumb qorr ka depërtuar përmes dritares dhe ka qëlluar vetëm 25 centimetra larg saj.

Deputetja ka dhënë një mesazh duke thënë se të gjuash një plumb qorr, nuk është kurrë e sigurt.

“Njerëz, nuk është kurrë e sigurt të gjuash një plumb qorr. Kjo ishte vetëm 10 inç (25 centimetra) larg nga vendi ku isha ulur mbrëmë në ora 12:21. Mendoni për njerëzit që mund t’i lëndoni jashtëzakonisht shumë, nëse veç nuk i vrisni duke e bërë këtë”, ka shkruar Krasniqi në twitter. /

The post Plumbi qorr i rrezikon jetën deputetes kosovare natën e Vitin të Ri appeared first on Albeu.com.

Nepsi për bakllava, trigona, mish, sallatë ruse e gjithçka të mirë të gatuar prej amvisave duararta, është në nivele të larta të në këtë periudhë.

Kësisoj, rreziku i shëndoshjes është i madh. Sipas studimeve, pesha e një njeriu mund të shtohet me deri në 0.6 për qind gjatë dhjetorit.

Pjesa më e madhe e peshës merret në 10 ditët pas Krishtlindjeve, gjë që nxjerr në pah faktin se kur vjen puna tek festat, njerëzit heqin dorë nga dieta.

Pesha e festave eliminohet me vështirësi

Studimet tregojnë se eliminimi i kilogramëve të tepërt të marra gjatë kësaj periudhe është një proces shumë i vështirë dhe me kalimin e viteve pesha akumulohet me një ritëm më të shpejtë.

Ekspertët thonë se nëse dëshironi të qëndroni në formë në festa, nuk duhet ta braktisni palestrën as edhe një ditë.

Nëse i përmbaheni rutinës suaj të shëndetshme të aktivitetit fizik ndonëse i dorëzoheni nepsit, do ta keni më të lehtë për të mos shtuar në peshë.

Një mënyrë se si t’i shmangeni konsumit të ushqimeve të mbetura të natës së vitit të ri, është që t’i hidhni ato në plehra, në mënyrë që mos të tundoheni.

Mënyra më e mirë për të humbur peshë në dimër

Studimet thonë se kryerja e aktiviteteve fizike në temperaturë të ftohtë, nxit djegien e më shumë kalorive dhe rrjedhimisht rënien nga pesha.

Niveli i kalorive të djegura gjatë një aktiviteti me intensitet mesatar fizik arrin deri në 34 përqind, kur ai kryhet në temperaturë nga 14-20 gradë.

Mund ta keni vënë re që në dimër, ecja e shpejtë ju lë të plogësht dhe të uritur.

Një gjë e tillë nuk ndodh në pranverë ose në temperature të ngrohta.

Temperaturat e ftohta nxisin metabolizmin të punojë më fort që të mbajë trupin të ngrohta.

Thënë shkoqur, nëse dëshironi të humbisni në peshë, ecni shpejt, vraponi dhe stërvituni në të ftohtë.

The post Sa kilogramë shtojmë gjatë festave të fundvitit appeared first on Albeu.com.

Është koha për të vendosur synime të reja, për të ndërruar kapitull , për të bërë një fillim të ri.

Dy shenjat e mëposhtme do të kalojnë më mirë se të tjerat. Le të mos tregojmë xhelozi dhe të gëzohemi me ta.

Bricjapi

Bricjapët  patën një nëntor të vështirë, por dhjetori e ktheu situatën. Në natën e Vitit të Ri, Bricjapët do të kalojnë momente të mrekullueshme. Është mirë që ata të mendojnë seriozisht për të ardhmen dhe prioritetet e tyre, në mënyrë që viti i ri t’i gjejë më pak  të fiksuar pas punës, e me më shumë dashuri për veten.

Shigjetari

Ashtu si Bricjapët,  edhe Shigjetarët do të kalojnë shumë mirë natën e ndërrimit të viteve. Shigjetarët do të shqyrtojnë me kujdes ndjenjat e tyre, do të gjejnë atë që i pengoi në vitin 2021 dhe do ta korrigjojnë, për të kaluar një 2022 super argëtues.

The post Dy shenjat e horoskopit që do kalojnë një mbrëmje të përsosur gjatë ndërrimit të viteve appeared first on Albeu.com.