Gjykata Themelore në Prizren ka vazhduar edhe për një muaj paraburgimin për Dibran Hoxhajn i njohur si “Kobra” dhe pesë personave tjerë, të dyshuar për përfshirje në vrasjen e 31-vjeçarit Visar Cengu nga Kukësi në Prizren dhe plagosjen e një të riu.

Gjyqatarja në Prizren ka thënë se nëse personat e sipërpërmendur lihen në liri mund të arratisën.

Si dhe ka marrë parasysh faktin se të dyshuarit janë të njohur për organet e drejtësisë, pasi në të kaluarën kanë vepra penale të natyrës së ndryshme.

Shkak për ngjarjen e rëndë raportohet se është bërë një faturë prej 400 euro. Në dosjen e prokurorisë thuhet se ekziston dyshimi i bazuar mirë se Hoxha ka shtënë në drejtim të makinës së viktimës e cila ndodhej në parkingun e lokalit të tij “Kobra City”, pas sherrit brenda në lokal.

Përveç Dibran Hoxhaj, në këtë rast dyshohet të jenë të përshirë edhe Kujtim Gashi, Jesmir Badali, Burim Mazreku, Enver Amrullahi, Arben Vezaj për vepra të tjera si rrahja, manipulimi me prova e armëmbajtje pa leje.

Sipas dosjes, Dibran Hoxha akuzohet për veprën penale vrasje e rëndë si dhe mbajtje të pa-autorizuar të armës.

Në dosje thuhet se Dibran Hoxha dyshohet se në natën kur ndodhi ngjarja kishte asgjësuar provat, duke fshehur pajisjen e ruajtjes së pamjeve nga lokali i tij, “Kobra City”./albeu.com/

The post Vrasja për 400 euro në Prizren, Gjykata lë në burg “Kobrën” dhe 5 persona të tjerë appeared first on Albeu.com.

Lajmi u konfirmua nga zëdhënësi i Policisë në Prizren, Shaqir Bytyqi.

Ai tha se bastitja është kryer në tri lokacione dhe se përsëri është bastisur lokali “Kobra City”.

“Sot gjatë ditës Drejtoria e Krimeve të Rënda në bashkëpunim me Drejtorinë Rajonale të Policisë në Prizren kanë vazhduar bastisjet në tri lokacione, derisa është bastis edhe lokali “Kobra City”. Gjatë këtyre bastisjeve janë sekuestruar disa gjëra, që mund të përdoren si prova”, tha Bytyqi.

Lexo edhe: Arrestohet Dibran Hoxhaj, kush është i famshmi “Kobra” që vrau të riun nga Kukësi në Prizren

Ai tha se në shtëpinë e njërit prej të dyshuarve janë gjetur disa fishekë dhe një granatë dore.

“Rasti është iniciuar si “Mbajtje apo posedim i paautorizuar i armëve”, tha ai.

Kujtojmë se mëngjesin e 3 janarit në dalje të Prizrenit mbeti i vrarë 31-vjeçari Visar Cengu nga Kukësi dhe u plagos një 27-vjeçar. Në ditën tragjike, Kryeprokurori Admir Shala tha se konflikti ka nisur në lokalin “Kobra City” lidhur me pagesën e faturës së shërbimeve.

Aktualisht Kobra dhe pesë të dyshuarit tjerë gjenden në paraburgim./Albeu.com/

The post Vrasja e Visar Cengut në Prizren, policia bastis sërish “Kobrën”, çfarë u gjet nga kontrollet appeared first on Albeu.com.

Ngjarja ndodhi pasi 31-vjeçari doli nga një lokal nate në Prizren.

Një i afërm i viktimës, ka publikuar fotografi nga ceremonia e varrimit të 31-vjeçarit.

Bashkë më fotot, ai ka shpërndarë dhe fjalën e babait të viktimës, i cili ka thënë: “Ne kishim një armik të përbashkët, Serbinë, të cilës bashkërisht ia drejtuam pushkën dhe kurrë nuk besoja se kemi plumba për shqiptarë”, citohet të ketë thënë Behar Cengu.

I dyshuari kryesor i vrasjes së Visart Cengu është Dibran Hoxhaj, i njohur me nofkën “Kobra”, i cili është pronar i lokalit ku kishte qëndruar viktima së bashku me shokun e tij  Rufgen Shehu mbrëmjen kur u vra.

Shehu mbeti i plagosur dhe ndodhet jashtë rrezikut për jetën.

“Sot në varrezat e qytetit në Kukës i dhamë lamtumirën e fundit të riut Visart (Behar) Cengu, 31 vjeçar, i cili u vra në makinë duke u larguar nga një lokal në dalje të Prizrenit.

Mijëra qytetarë kuksianë dhe miq të familjes Cengu nga Kosova kishin ardhur për ta përcjellë në banesën e fundit këtë të ri i cili kishte ardhur nga Franca për ta kaluar ndërrimin e moteve në vendlindje.

Kjo vrasje është përjetuar rëndë jo vetëm nga familjarët por edhe nga të gjithë kuksianët dhe miqtë e shumtë të familjes Cengu nga Kosova e mërgata.

“Ne kishim një armik të përbashkët, Serbinë, të cilës bashkërisht ia drejtuam pushkën dhe kurrë nuk besoja se kemi plumba për shqiptarë” u shpreh i ati i Visartit i cili bashkë me vëllëzërit e tij i kishte kontribuar luftës së UÇK-së për çlirimin e Kosovës!

I lehtë i qoftë dheu Visartit e familjarëve Zoti iu dhëntë forcë për ta përballuar këtë dhimbje. Qoftë kjo vrasja e fundit në mes të shqiptarëve!”, shkruhet në postimin e të afërmit të Cengut./Albeu/ 

The post Varrosi të birin, prek babai i 31-vjeçarit të vrarë në Prizren: Kurrë nuk besoja se kemi plumba për shqiptarë appeared first on Albeu.com.

Viktima që vdiq nga ky rast është Visar Cengu, nga Kukësi. Lidhur me ngjarjes tragjike ka folur axha i viktimës, Besim Cengu.

Ai në një intervistë për Klan Kosovën tha se nipi i tij ishte qëlluar në makinë nga prapa.

“Nipi im është gjuajtur brenda veturës nga pas, sepse edhe predha ka qenë në shpinë dhe e ka kapur mushkërinë dhe një pjesë të zemrës dhe djali ka vdekur në vend”, tha Cengu në një prononcim ekskluziv për Klan Kosova.

Lidhur me rastin janë arrestuar gjashtë persona, në mesin e tyre si i dyshuar kryesor edhe pronari i lokalit, Dibran Hoxhaj. Sipas Prokurorisë së Prizrenit, si shkak deri tek konflikti dyshohet të jetë një faturë prej 400 eurosh.

The post Vrasja e 31-vjeçarit në Prizren, xhaxhai i viktimës: Nipi u qëllua brenda e veturës nga mbrapa appeared first on Albeu.com.