Organizata Kombëtare e Shëndetit Publik në Greqi njoftoi se vetëm gjatë javës së fundit janë identifikuar 23 raste të reja. Numri i përgjithshëm i infektimeve të regjistruara që prej nisjes së sezonit të transmetimit në pranverë ka arritur në 65.

Në 54 prej rasteve, pacientët kanë zhvilluar ndërlikime të rënda neurologjike, mes tyre encefalit, meningjit ose paralizë akute. Virusi ka shkaktuar gjithashtu 6 viktima, të gjithë persona mbi 65 vjeç, te të cilët sistemi nervor ishte prekur rëndë.

Sipas paralajmërimit të autoriteteve greke, përmasat faktike të përhapjes mund të jenë ndjeshëm më të mëdha se shifrat zyrtare. Kjo lidhet me faktin se një pjesë e të infektuarve përjetojnë vetëm simptoma të lehta, ndërsa të tjerë nuk shfaqin asnjë shenjë të sëmundjes.

Qendra Europiane për Parandalimin dhe Kontrollin e Sëmundjeve bën të ditur se qarkullimi i virusit është konstatuar në disa shtete të Europës, përfshirë Italinë, Rumaninë, Francën, Maqedoninë e Veriut, Spanjën dhe Gjermaninë.

Me 94 raste të raportuara, Italia mban numrin më të lartë, ndërkohë që në disa rajone të Greqisë po vërehet një shtim i ndjeshëm i infektimeve.

Ekspertët theksojnë se shmangia e pickimeve të mushkonjave vazhdon të jetë mënyra kryesore për reduktimin e rrezikut të infektimit.

The post Përhapja e virusit të Nilit Perëndimor ngre shqetësime në Greqi appeared first on Albeu.com.

Sipas raportit të fundit të Organizatës Kombëtare të Shëndetit Publik (EODY), nga fillimi i periudhës së përhapjes së tij deri më sot, janë diagnostikuar dhe analizuar gjithsej 76 raste, të gjitha tek shtetas grekë, prej të cilëve 57 kanë paraqitur pasoja tek sistemi nervor qendror me encefalit, meningjit ose paraliza akute flakcide dhe 19 raste të tjera , simptoma më të lehta.

Vetëm javën e fundit u diagnostikuan 21 raste të reja tek qytetarët grekë dhe 2 tek persona të ardhur nga jashtë Greqisë. Mosha mesatare e pacientëve me pasoja më të rënda është 75 vjeç,ndërsa të infektuarit janë nga 4 deri në 92 vjeç.

Rastet e infektimeve me virusin në fjalë janë regjistruar në Njësitë Rajonale në Larisa, Kardhitsa, Lefkadha, Halkidhiki, Pella, Serres, Kilkis, Imathia, Ahaia, Thesprotia, sektori jugor i Athinës, Rodopi dhe periferia e Selanikut.

Për momentin në spitale po trajtohen 15 persona, mes të cilëve 7 në Repartin e Kujdesit Intensiv dhe autoritetet shëndetësore u kanë bërë thirrje qytetarëve që të marrin masa mbrojtëse individuale ndaj mushkonjave.

Siç theksojnë specialistët për çdo rast të infeksionit me virusin e Nilit Perëndimor me sulm në Sistemin Nervor Qendror, janë afërsisht 140 persona të infektuar me simptoma të lehta ose asimptomatikë dhe këtë vit janë regjistruar më shumë raste në vend se në vitet e mëparshme.

Vuris i Nilit Perëndimor i zhdukur për disa vjet u rishfaq në vitin 2017 jo vetëm në Greqi , por edhe në disa vende europiane si Italia , Franca, Qipro apo Rumania.

The post Virusi i Nilit “shpërthen” në Greqi, regjistrohen 4 viktima të tjera appeared first on Albeu.com.