Kimberli Miner, shkencëtare e klimës në Laboratorin e Institutit të Teknologjisë të NASA-s në Kaliforni, thotë se situata është shqetësuese. “Ka disa elementë shqetësues në lidhje me ngricat e përhershme. Ndaj është jashtëzakonisht e rëndësishme që të ruhet sa më e ngrirëpjesa më e madhe e Permafrostit”- thotë ajo. Permafrost mbulon 1/5 e Hemisferës Veriore.

“Viruset zombi” të gjallë pas 50 mijë vjetësh

Shkrirja e pjesshme e kësaj shtrese bart jo pak rreziqe, siç theksohet edhe nga studiuesi tjetër Zhan–Mishel Klaveri, profesor i mjekësisë dhe gjenomës në Universitetin e Marsejës, Francë. Shkencëtari ekzaminoi mostrat e Permafrostit të marra në Siberi për të kërkuar ato që ai i quan “viruse zombi”.

Shkencëtari studion lloje të veçanta të viruseve të zbuluara që në vitin 2003. Për shkak të madhësisë së tyre, ato janë të dukshme përmes një mikroskopi normal. Në vitin 2014, profesori arriti të rikthejë në jetë një virus të izoluar nga ngrica e përhershme. Nëpërmjet përdorimit të kulturave qelizore, virusi ka rifituar karakteristikat e tij infektive pas 30.000 vjetësh.

Për arsye sigurie, eksperimenti përfshiu një virus të aftë të prekte vetëm organizmat njëqelizore, dhe jo kafshët apo njerëzit. Në vitin 2015, ekipi e përsëriti studimin mbi një virus të aftë të prekte amebat. Ndërsa në studimin e fundit, të botuar më 18 shkurt në revistën “Virus”, Klaveri izoloi disa shtame virusi nga mostrat e shumta të Permafrostit të marra nga 7 zona të ndryshme në të gjithë Siberinë, dhe tregoi se çdo lloj i tyre mund të infektojë qelizat e kultivuara të amebës.

Virusi më i vjetër daton 48.500 vjet më parë. Më i riu 27.000 mijë vite më parë. “Ne i konsiderojmë këto viruse që infektojnë amebën si zëvendësues të gjithë viruseve të tjerë të mundshëm që mund të gjenden në Permafrost. Ne shohim gjurmë të shumë viruseve të tjera. Ne e dimë që ato janë atje. Nuk e dimë me siguri nëse janë ende gjallë. Por nëse viruset e amebës janë ende gjallë, nuk ka arsye pse viruset e tjerë të mos jenë ende të gjallë dhe të aftë të infektojnë bujtësit e tyre”– deklaroi Klaveri për CNN.

Viruse të rrezikshme për njerëzit

Tashmë në Permafrost janë identifikuar gjurmët e viruseve dhe baktereve që mund të infektojnë njerëzit. Në fragmentin e një mushkërie të marrë nga trupi i një gruaje, të zhvarrosur në vitin 1997 nga ngrica e përhershme në një fshat në Gadishullin Sjuard në Alaskë, u identifikua materiali gjenomik i llojit të gripit, që ka qenë përgjegjës për pandeminë e vitit 1918.

Në vitin 2012, shkencëtarët konfirmuan se mbetjet 300-vjeçare të mumifikuara të një gruaje të varrosur në Siberi, përmbanin gjurmë të virusit që shkakton linë. A ka rreziqe reale nga shkrirja e Permafrostit? Shkencëtarët nuk e dinë se edhe për sa kohë çdo virus i “ngrirë”mund të mbetet efektiv pasi të jetë ekspozuar ndaj kushteve të sotme.

Po ashtu nuk mund të përcaktohet me siguri as se sa gjasa ka që virusi të ndeshet me një bujtës të përshtatshëm. Jo të gjithë viruset janë patogjenë që mund të shkaktojnë sëmundje. Disa janë beninje apo edhe të dobishëm për strehuesit e tyre. Megjithatë, Klaveri thotë se “rreziku do të rritet në kontekstin e ngrohjes globale, sepse shkrirja e ngricave të përhershme do të vazhdojë të përshpejtohet, dhe më shumë njerëz do të popullojnë Arktikun si rezultat i nismave industriale”.

The post Cilat janë “viruset zombi”, ende të gjalla pas 50 mijë vjetësh appeared first on Albeu.com.

Vaksinimi anticovid kryhet në qendrat shëndetësore në të gjithë vendin. Gjithashtu MSHMS apelon të gjithë qytetarët e vaksinuar, që të drejtohen në qendrat shëndetësore, për t’u vaksinuar me dozën përforcuese. Vaksinat antiCOVID reduktojnë mundësinë e infektimit dhe shmangin në shkallë të lartë hospitalizimet dhe fatalitetet.

Nëse keni shenja të sëmundjes apo keni patur kontakt me një person të prekur nga Covid19, izolohuni menjëherë dhe kontaktoni mjekun tuaj të familjes për t’u testuar sa më parë ose telefononi Urgjencën Kombëtare në numrin unik 127.

Ju informojmë për situatën në 24 orët e fundit, si vijon: Janë kryer 140 testime, nga të cilat kanë rezultuar pozitivë me COVID19, 4 qytetarë, në këto bashki:

Nga 2 qytetarë në Tiranë, Vlorë.

Janë 242 qytetarë aktivë me Covid19 në të gjithë vendin.

Aktualisht në spitalin COVID3 po marrin trajtim 3 pacientë. Në 24 orët e fundit nuk ka asnjë humbje jete me SarsCov2.

Janë shëruar 10 qytetarë gjatë 24 orëve të fundit, duke e çuar numrin e të shëruarve në 327,796 që nga fillimi i epidemisë.

Statistika ( 24 Tetor 2022)

Raste të reja ditore 4
Të shëruar në 24 orë 10
Të shtruar në spitale 3
Humbje jete në 24 orë 0
Testime ditore 140

Testime totale 1,993,825
Raste pozitive 331,630
Raste të shëruara 327,796
Raste Aktive 242
Humbje jete 3,592

Shpërndarja gjeografike e rasteve aktive sipas qarqeve:

Tiranë 174
Fier 23
Vlorë 11
Berat 12
Gjirokastër 6

Durrës 4
Shkodër 6
Elbasan 5
Lezhë 1

The post COVID-19 në vend, 4 raste të reja dhe asnjë humbje jete gjatë 24 orëve të fundit appeared first on Albeu.com.

Imuniteti mund të bjerë nëse nuk hani mjaftueshëm ushqime me vlera ushqyese, nuk flini mjaftueshëm ose jeni nën shumë stres.

Si të njohim shenjat e para të imunitetit të dobësuar?

Keni probleme me tretjen

Hulumtimet kanë treguar se ekziston një lidhje e rëndësishme midis imunitetit dhe florës së zorrëve. Prandaj, nuk është për t’u habitur që imuniteti i dobësuar do të shfaqet përmes problemeve me tretjen.

Nëse keni probleme me fryrjen, gazrat dhe kapsllëkun, është shenjë se diçka nuk shkon me zorrët, por edhe me imunitetin.

Jeni vazhdimisht të lodhur

Ka disa arsye pse ndiheni të lodhur gjatë gjithë kohës dhe imuniteti i dobësuar është një prej tyre, veçanërisht nëse lodhja shoqërohet me dhimbje kyçesh, probleme me tretjen dhe ulje të oreksit.

Këto janë simptoma jo specifike që tregojnë imunitet të dobësuar dhe ndodh që të anashkalohen si shqetësime individuale.

Ju jeni duke u shëruar nga një ftohje për një kohë të gjatë

Nëse ftohja e zakonshme ju mban në shtrat për më shumë se 2-3 ditë, kjo do të thotë se imuniteti juaj është dobësuar dhe trupi e ka të vështirë të përballojë infeksionin. Një dietë e shëndetshme dhe e larmishme është çelësi në këtë rast, si dhe probiotikët dhe dozat e rregullta të vitaminës C dhe D3.

Ju keni një infeksion të veshit më shumë se një herë në vit

Nëse keni një infeksion të veshit më shpesh se një herë në vit, një arsye e mundshme për këtë është imuniteti i dobësuar.

Këto infeksione nuk duhet t’i lini pa trajtuar dhe duhet të kërkoni ndihmë nga mjeku.

Imuniteti i dobësuar do t’ju lodhë dhe do ta bëjë të vështirë për trupin të luftojë sëmundjet dhe infeksionet. Kjo është arsyeja pse është shumë e rëndësishme të kujdeseni për veten – hani shëndetshëm, bëni sport, kaloni më shumë kohë në natyrë, flini mjaftueshëm dhe shmangni situatat stresuese të panevojshme.

Si të forconi imunitetin?

Për të përmirësuar imunitetin dhe për të forcuar rezistencën e trupit, duhet të hani sa më shumë ushqim të shëndetshëm.

Kjo do të thotë të hani fruta dhe perime të freskëta që janë të pasura me vitamina, minerale dhe fibra, dhe të reduktoni ose eliminoni ushqimet me sheqer, konservues dhe aditivë të tjerë artificialë.

Këto tre ushqime do t’ju ndihmojnë të forconi më tej imunitetin tuaj dhe të prisni gati sezonin e ftohtë.

Mjalti

Mjalti natyral dhe i pastër është plot me antioksidantë, enzima dhe minerale, si zink, hekur, kalium, kalcium, magnez dhe selen. Ai gjithashtu përmban vitaminë B6. Ai largon radikalet e lira nga trupi dhe në këtë mënyrë përmirëson imunitetin. I kombinuar me shafranin e Indisë, emud është një antibiotik natyral jashtëzakonisht i fuqishëm.

Shafran i Indisë

Bima e shafranit është vendas në Indonezi dhe Indinë jugore dhe është përdorur gjatë historisë si erëz, ngjyrues tekstili dhe ilaç. Është i pasur me fibra vegjetale, minerale dhe vitamina dhe falë tyre ka një efekt të dobishëm në organizëm. Përmban edhe fitonutrientë që kanë efekt anti-inflamator, që do të thotë se mbron organizmin nga proceset inflamatore që pasojnë rënien e imunitetit.

Përgatitni një ilaç për të forcuar imunitetin nga përbërësit e mëposhtëm: grini një copë xhenxhefil, shtoni një lugë çaji shafran i Indisë dhe shtrydhni një limon. Hidhni këtë mbi 4 gota ujë, përzieni mirë dhe vendoseni ilaçin në frigorifer. Dy gota në ditë do të bëjnë mrekulli për imunitetin tuaj. Nuk rekomandohet të bëni doza më të mëdha dhe t’i ruani ato, por të bëni një ilaç të ri çdo dy ditë.

Aloe vera

Përveç efektit të fuqishëm rigjenerues në lëkurë, Aloe vera ka një ndikim të jashtëzakonshëm edhe në ruajtjen e ekuilibrit në organizmin e njeriut. Është i pasur me vitamina C dhe E dhe parandalon dehidratimin e trupit. Mund ta merrni në formë xheli ose lëngu.

The post Sezoni i viruseve po fillon, si të forconi imunitetin? appeared first on Albeu.com.

Më poshtë albeu.com ju tregon se cilat janë zakonet që dobësojnë sistemin tuaj imunitar:

Merrni shumë ilaçe. Marrja e ilaçeve ka avantazhe, por edhe disavantazhe. Ilaçet mund të jenë aleati juaj, por nëse e teproni, ka mundësi që të dobësoni sistemin tuaj imunitar. Nëse sëmureni, duhet të ndiqni me kujdes udhëzimet e mjekut. Mos merrni shumë medikamente, veçanërisht antibiotikë, pasi një trajtim i tillë mund të bëjë më shumë dëm sesa dobi. Antibiotikët vrasin bakteret e këqija dhe ato të mira, duke e bërë sistemin tuaj imunitar të paaftë të aktivizohet shpejt herën tjetër që të sëmureni.

Mentaliti pesimist. Është e vështirë të besohet, por produktiviteti i sistemit imunitar varet, ndër të tjera, nga mentaliteti juaj. Psikologët thonë se shëndeti mendor i trupit dhe shëndeti fizik janë të lidhura ngushtë. Njerëzit që e shohin botën me ngjyra të errëta zakonisht sëmuren më shpesh se optimistët. Mendimet negative dhe mungesa e besimit në aftësitë tuaja, ju bëjnë më pak rezistent ndaj stresit dhe sëmundjeve të ndryshme.

Mosrespektimi i higjienës personale. Edhe fëmijët e vegjël e dinë se duhet t’i lani duart sa më shpesh me sapun. Fatkeqësisht, të rriturit shpesh e shpërfillin këtë rregull të rëndësishëm. Është koha për të kuptuar se ky zakon mund të ketë një efekt negativ në shëndetin tuaj fizik. Duhet të kujtojmë gjithmonë se larja e duarve është mënyra më e mirë për ta parandaluar atë./albeu.com

The post Këto zakone dobësojnë sistemin tuaj imunitar appeared first on Albeu.com.

Në çfarë mënyre?

Qëllimi ynë kryesor është pushimi pasi është metoda më efektive e parandalimit. Ekspertët paralajmërojnë se ata që nuk flenë mjaftueshëm kanë deri në tre herë më shumë gjasa të zhvillojnë simptoma të ftohjes.

Dieta

Një menu e pasur me lëndë ushqyese dhe antioksidantë, ofron të gjitha furnizimet për një trup të fortë. Sigurohuni që të hani sallata jeshile në baza ditore, duke shtuar pak hudhër të papërpunuar e cila, sipas hulumtimeve, zvogëlon rrezikun e viruseve.

Hidratimi

Sigurohuni që të pini shumë lëngje. Me uljen e temperaturave, ne shpesh “harrojmë” të shuajmë etjen. Megjithatë dehidrimi na bën më të prekshëm ndaj sëmundjeve të ndryshme.

Ushtrimi

Edhe një formë e lehtë e aktivitetit fizik, si ecja, mund të bëhet një aleat i sistemit imunitar./albeu.com

The post Këshilla të arta si të mbroni veten nga viruset e stinës appeared first on Albeu.com.

Në çfarë mënyre;

Qëllimi ynë kryesor është pushimi pasi është metoda më efektive e parandalimit. Ekspertët paralajmërojnë se ata që nuk flenë mjaftueshëm kanë deri në tre herë më shumë gjasa të zhvillojnë simptoma të ftohjes, informon albeu.com

Dieta

Një menu e pasur me lëndë ushqyese dhe antioksidantë, ofron të gjitha furnizimet për një trup të fortë. Sigurohuni që të hani sallata jeshile në baza ditore, duke shtuar pak hudhër të papërpunuar, e cila, sipas hulumtimeve, zvogëlon rrezikun e viruseve.

Hidratimi

Sigurohuni që të pini shumë lëngje. Me uljen e temperaturës, ne shpesh “harrojmë” të shuajmë etjen. Megjithatë dehidrimi na bën më të prekshëm ndaj sëmundjeve të ndryshme.

Po për të ushtruar?

Edhe një formë e lehtë e aktivitetit fizik, si ecja, mund të bëhet një aleat i sistemit imunitar./albeu.com

The post Si të mbroheni nga viruset e dimrit appeared first on Albeu.com.