Gazetarja Lorena Kodra në një komunikim të drejtpërdrejtë në News24, raportoi se mesatarisht kryhen 130 vizita në ditë, ku shumica e të prekurve janë fëmijë. Sakaq bën me dije se sipas informacioneve, në Korçë nuk ka raste të infektimit me Covid-19.

“Sipas informacioneve tona shumë janë ata persona që marrin përkujdesje mjekësor edhe te mjekët e familjes. Në total janë 130 vizita në ditë, 70 te pediatria dhe 60 te urgjenca. Sipas mjekëve jo të gjithë qytetet që paraqiten në urgjencë kanë këto simptoma, disa mund të mjekohen në shtëpi dhe një pjesë e vogël mund të shtrohet në spital. Ndërkohë bëhet me dije se të gjitha rastet në urgjencë bëjnë dhe testin e Covid-19. Sipas informacioneve në Korçë nuk ka raste të infektimit me Covid-19. Fluks vizitash ka pasur edhe në spitalin e Pogradecit”, raportoi gazetarja.

The post Shtrime dhe vizita të shumta në spitale nga virozat e stinës, ja si raportohet situata në Korçë dhe Durrës appeared first on Albeu.com.

Peshk i yndyrshëm: Peshqit e yndyrshëm janë një burim i shkëlqyeshëm i proteinave dhe acideve yndyrore omega-3. Jo të gjithë peshqit përmbajnë acide yndyrore, ndaj më së shumti këshillohet salmon, sardele, harengë dhe skrumbi. Trupi metabolizon këto acide yndyrore në përbërje të quajtura rezolina dhe protektin, të cilat kanë efekte anti-inflamatore.

Brokoli: Brokoli është jashtëzakonisht ushqyes. Hulumtimet kanë treguar se ngrënia e shumë perimeve (lulelakër, brokoli, kale) shoqërohet me një rrezik të zvogëluar të sëmundjeve të zemrës dhe kancerit. Kjo mund të ketë lidhje me efektet anti-inflamatore të antioksidantëve që ato përmbajnë. Brokoli është i pasur me sulforafan, një antioksidant që lufton inflamacionin.
Avokadot: Avokadot janë të mbushura me kalium, magnez, fibra dhe yndyrna të pangopura të shëndetshme për zemrën. Ato gjithashtu përmbajnë karotenoide dhe tokoferolë, të cilat janë të lidhura me rrezikun e zvogëluar të kancerit. Përveç kësaj, një përbërje në avokado mund të zvogëlojë inflamacionin në qelizat e reja të lëkurës.

Çaj jeshil: Ju ndoshta keni dëgjuar që çaji jeshil është një nga pijet më të shëndetshme që mund të pini. Zvogëlon rrezikun e sëmundjes së zemrës, kancerit, sëmundjes Alzheimer, mbipeshës dhe sëmundje të tjera.

Specat: Specat janë të ngarkuar me vitaminë C dhe antioksidantë që kanë efekte të fuqishme anti-inflamatore. Specat djegës përmbajnë acid sinapik dhe acid ferulik, të cilat mund të zvogëlojnë inflamacionin dhe të çojnë në plakje më të shëndetshme.

Kërpudha: Kërpudhat janë shumë të ulëta në kalori dhe të pasura me selenium, bakër dhe të gjitha vitaminat B. Ato gjithashtu përmbajnë fenole dhe antioksidantë të tjerë që sigurojnë mbrojtje anti-inflamatore.

Rrushi: Rrushi përmban antocianina, të cilat zvogëlojnë inflamacionin. Për më tepër, ato mund të zvogëlojnë rrezikun e disa sëmundjeve, duke përfshirë sëmundjet e zemrës, diabetin, obezitetin, Alzheimerin dhe çrregullimet e syve. Rrushi është gjithashtu një nga burimet më të mira të resveratrolit, një përbërës tjetër që ka shumë përfitime shëndetësore.

Shafrani i Indisë: Shafran i Indisë është një erëz me aromë të fortë dhe tokësore që përdoret shpesh në pjata indiane. Shafran i Indisë zvogëlon inflamacionin që lidhet me artritin, diabetin dhe sëmundje të tjera
Vaj ulliri ekstra i virgjër: Vaji i ullirit ekstra i virgjër është një nga yndyrat më të shëndetshme që mund të hani. Është i pasur me yndyrna të pangopura dhe një element kryesor në dietën mesdhetare, e cila ofron përfitime të shumta shëndetësore. Studimet lidhin vajin e ullirit ekstra të virgjër me një rrezik të zvogëluar të sëmundjeve të zemrës, kancerit të trurit dhe kushteve të tjera të rënda shëndetësore.

Domatet: Domatet kanë shumë vitaminë C, kalium dhe likopen, një antioksidant me veti mbresëlënëse anti-inflamatore. Likopeni mund të jetë veçanërisht i dobishëm për zvogëlimin e përbërjeve pro-inflamatore që lidhen me disa lloje të kancerit.

The post Si ta rrisim imunitetin kundër virozave të stinës appeared first on Albeu.com.

1-Hani një lugë mjaltë. Mjalti jo më kot është konsideruar si ilaç sepse ka aftësinë që të zbus grykët dhe të lehtësoj irritimin e tyre.

2-Ushqehuni me supë pule dhe me perime. Studiuesit shprehen se supa e pulës ka aftësinë të ngadalësojë lëvizjen e rruazave të bardha të gjakut që luftojnë infeksionet, dhe kur këto rruaza lëvizin më ngadalë ato kalojnë më shumë kohë në atë pjesë të trupit, që ka nevojë për to.

3-Bëni gargarë me ujë të ngrohtë dhe kripë. Kripa ka veti që të vrasë patogjenet që shkaktojnë sëmundjet.

4-Hidhni disa pika vaj në një tenxhere me ujë të zier dhe thithni avullin. Është një mënyrë e mirë që të lirohen rrugët e frymëmarrjes.

5-Pini shurup të bërë me manaferra të zeza. Manaferrat e zeza ndihmojnë në lehtësimin e dhimbjeve dhe reduktojnë deri ne dy herë simptomat e gripit.

6-Pini shumë lëngje dhe ujë. Kur jeni sëmurë doktorët rekomandojnë deri në 2 litra ujë në ditë, sepse uji përdoret si filtër për të pastruar organizmin.

7-Përdorini ushqime që kanë zink.  Zinku është i rëndësishëm në organizëm dhe nëse merret në kohë, shkurton ciklin e sëmundjes, duke e përgjysmuar.

8-Bëni të paktën 7 orë gjumë. Është e rëndësishme që të bëni gjumë të rregullt. Një studim i fundit doli në konkluzionin se njerëzit të cilët flinin 8 orë gjumë ishin më pak të rrezikuar të prekeshin nga virozat dhe gripi sesa ata që flinin më pak.

9-Beni pjesë të vaktit tuaj, kërpudhat. Kërpudhat kanë aftësinë që të forcojnë imunitetin duke reduktuar rrezikun e prekjes nga gripi.

10-Konsumoni kos në mëngjes. Studimet kanë treguar se njerëzit që hanë kos në mëngjes, kanë 12% më pak rrezik të preken nga infeksione respiratore, sesa ata persona që nuk e konsumojnë.

The post Jeni të prekur nga virozat? Këshillat sesi t’i paraprijmë gripit appeared first on Albeu.com.

Më poshtë keni dy receta, që shërojnë gripin si me magji.

Receta e parë

4 degë selino

2 limona

2 gjethe sallate jeshile

10 cm rrënjë xhinxher

3 mollë

1 kastravec të madh

Receta e dytë

6 gjethe kale

½ tufë majdanoz

1 kastavec

4 degë selino

1 mollë jeshile

1 limon

Përgatitja

Për të përgatitur këtë recetë natyrale ju duhet t’i hidhni të gjitha ingredientët në shtrydhëse dhe më pas të merrni lëngun dhe ta pini.

Mbase këto shota nuk injektohen me gjilpërë, por janë shumë efektive dhe të shëndetshme për trupin tuaj.

The post Jeni me grip? Ja receta ideale që të shëroheni si me magji appeared first on Albeu.com.

Ushqimet që duhet të hani për të rritur imunitetin.

1. Bajamet

Rreth 30 gram bajame kanë të njëjtën vlerë kalciumi me ¼ e filxhanit të qumështit. Ato gjithashtu kanë lëndë ushqyese që mbajnë trupin në formë. Sipas studiuesve, bajamet rrisin sistemin imunitar, veçanërisht kundër viruseve. Janë të larta me vitaminë E dhe fibra.

2. Farat e lulediellit

Farat e lulediellit mund të jenë shpëtimtaret tuaja kur bëhet fjalë për imunitetin. Ato zvogëlojnë rrezikun e sëmundjeve të ndryshme kronike si Alzheimer, forcojnë zemrën dhe parandalojnë shumë sëmundje të tjera.

3. Papaja

E pasur me antioksidantë, papaja është një zgjedhje e shijshme e mbushur me përfitime. Disa nga këto përfshijnë luftimin e inflamacionit, zvogëlimin e rrezikut të kancerit etj.

4. Kivi

Vitamina C, K dhe E, e kivit mund të ndihmojnë për astmën dhe forcojnë sistemin imunitar. Parandalojnë ftohjen e zakonshme dhe gripin.

5. Xhenxhefili

Kjo erëz lehtësisht e gjindshme bën mrekulli për trupin tuaj. Ul kolesterolin, lehtëson dhimbjet e menstruacioneve dhe rrit aftësinë e trupit për të luftuar infeksionet.

6. Manaferrat

Manaferrat janë plot me antioksidantë dhe shpesh përdoren për të trajtuar sëmundje të ndryshme. Këto manaferra luftojnë stresin dhe përmirësojnë funksionimin e brendshëm të sistemit tuaj imunitar.

7. Goca e detit

Një dhuratë për adhuruesit e ushqimeve të detit, goca e detit ose ostriket kanë pak kalori, por plot vlera ushqyese. Ato janë një burim i shkëlqyeshëm i acideve yndyrore omega-3 dhe proteinave. Konsumimi i ostrikeve forcon sistemin imunitar.

8. Spinaqi

Nuk është sekret që spinaqi është i mirë për shëndetin tuaj, por me sa duket, ky superushqim është fantastik edhe për imunitetin tuaj.

9. Shalqiri

Shalqiri jo vetëm që ju bën me lëkurë dhe flokë të shëndetshëm, por edhe zvogëlon inflamacionin në trup.

10. Frutat e pasura me vitaminë C

Sipas një raporti, vitamina C mund t’i japë sistemit tuaj imunitar mban shëndetshëm qelizat e bardha të gjakut, vret qelizat e këqija dhe rrit prodhimin e antitrupave.

The post Këto ushqime duhet t’i hani patjetër në kohë virozash, forcojnë imunitetin appeared first on Albeu.com.

Përveçse të mirave si perimet e tjera, qepa dhe hudhra ndihmojnë në parandalimin e infeksioneve të ndryshme. Një ushqim i mirë është thelbësor për të rritur sistemin mbrojtës të trupit dhe kjo recetë përdoret më shumë për të lehtësuar simptomat e gripit.

Përbërësit: 3 qepë, 1 karotë, 2 thelpinj hudhër, 1 rep i bardhë, 570 ml lëng supe, 2 luge vaj ulliri dhe kripë e piper.

Përgatitja: I prisni qepët, karotat, dhe repën e bardhë dhe shtypini hudhrat. I tiganisni në vajin e ullirit, e pasi të kenë marrë pak faqe hidhni dhe lëngun e supës. Lëreni të zjejë për 20 minuta, dhe shtoni kripën dhe piperin.

The post Imunitet të dobët në këto kohë virozash? Ja supa që do “t’ju ngrejë në këmbë” appeared first on Albeu.com.

Ata thonë se në momentin që epidemia e gripit nis, nuk ndalon edhe nëse rriten temperaturat. Një person i infektuar me grip mund të infektojë lehtësisht shumë njerëz të tjerë. Gripi shpërndahet edhe nëpërmjet teshtimës. Kur njeriu tështin, ai lëshon në ajër grimca që përmbajnë viruse të cilat shpërndahen më lehtë në mot të ftohtë e të thatë.

Megjithatë, ekspertët thonë se rinoviruset, një prej shkaktarëve të të ftohurës, nuk ndikohen vetëm nga moti apo stina e ftohtë. Nëse mjekët janë në gjendje të parashikojnë epidemitë vjetore të gripit dhe viruseve të tjera, ata mund të informojnë publikun që njerëzit të jenë më të sigurtë. Në rajonin e Ballkanit virusi H1N1 ka shkaktuar vdekjen e 72 personave dhe me qindra të tjerë rezultojnë të jenë prekur. Më alarmante situata duket në Rumani, ku deri më tani virusi ka marrë jetën e 54 personave, por viktima janë regjistruar edhe në Bosnje, Greqi e Mal të Zi. Në Shqipëri, mjekët ende nuk kanë konfirmuar pacientë të prekur nga gripi i derrit por Instituti i Shëndetit Publik ka pohuar se virusi H1N1 është në qarkullim edhe në Shqipëri, ndaj bëhet thirrje për më shumë kujdes.

Moti i ftohtë nuk është i vetmi që nxit epideminë e gripit

Ekspertët thonë se viruset që qëndrojnë gjatë në ajër dhe në praninë e shumë njerëzve shkaktojnë epidemi. Gripi mund të shpërndahet lehtë edhe në vende me klimë të ngrohtë. Ekspertët thonë se rënia e temperaturave është ndikuese por nuk është faktori i vetëm për shpërndarjen e gripit. Mjekët nga ana tjetër kanë rekomandimet e tyre për parandalimin e gripit. Ata këshillojnë që së paku njerëzit me grip të mbulojnë gojën kur kolliten ose të tështijnë. Ata duhet të lajnë duart shpesh dhe të kryejnë vaksinat vjetore kundër gripit.

Nëse sëmureni me grip

Përdorni medikamente për të ulur temperaturën – Paracetamol kur ajo të rritet mbi 38-38,5° C. Nëse temperatura zgjat për më shumë se 3-5 ditë, atëherë drejtohuni tek mjeku i familjes. Për të qetësuar kollën, përdorni qumësht me mjaltë, çaj me sherebelë, dafinë, bli, etj dhe ajrosni herë pas here ambientet. Ushqehuni më mirë dhe me sa më shumë lëng mishi (sidomos lëng pule), fruta, perime, duke mos harruar edhe shtimin e lëngjeve.

Disa ushqime me veti anti- inflamatore apo anti-mikrobiale, shumë të mira për mbrojtjen imunitare, janë: xhenxhefili, mjalti, hudhra, qepa, limonët, agrumet, lakra, specat, mollët dhe dardhët. Futni këmbët në ujë të ngrohtë për 10 minuta në darkë. Mos përdorni antibiotikë, pa këshillën e mjekut.

The post Gripi shpërthen në masë pas acarit, çfarë duhet të bëni për ta parandaluar appeared first on Albeu.com.

Ai shpjegoi se çaji nuk duhet konsumuar shumë i nxehtë dhe se duhet lënë të paktën 10 minuta para se të pihet. Ai gjithashtu rekomandoi përdorimin e vajit të arrës dhe qumështit të gomaricës nëse keni kollë. “Ushqimi i mirë, përdorimi i frutave në kohën dhe mënyrën e duhur. Duhet të konsumojmë frutat e stinës.

Nuk ka gjë më të mirë sesa lakra e zier me mish.  Lakra dhe preshi janë të mira për trupin në këtë stinë. Janë të pasura me vitamina, karbohidrate të tretshme por kanë dhe shumë ujë që të mos dehidratohemi. Duhet të konsumohet çaji i malit, lule blinit, mentes dhe dafinës.

Dhe çaji i kamomilit, sidomos pasdite pasi qetëson nervat dhe tensionet.“, tha ai.

The post Si të luftoni virozat? Gabimi që bëni kur pini çaj appeared first on Albeu.com.

Kur vjen puna për t’u mbrojtur nga sëmundjet kujdesi nuk është asnjëherë i tepërt. Nëse plani juaj për të mos u sëmurë fillon dhe mbaron me të konsumuarit të një gote më shumë lëng portokalli, ndoshta bëni mirë ta rimendoni këtë strategji.

Çaji mbetet ilaçi kryesor për të gjithë, por cili çaj funksionon më mirë?

Çaji i Malit.

Të gjithë e kemi shijuar çajin e malit, thesari i paçmuar nga i cili mund të përfitohet, jo vetëm duke e konsumuar.

Çaji i malit është një bimë e egër, që rritet në lindje të Mesdheut, veçanërisht në Ballkan.

Ashtu siç edhe emri e tregon më së miri, në male në lartësi që variojnë nga 1500 deri në 1900 metra, shpesh herë në sipërfaqe shkëmbore.

Të huajt mbarojnë për çajin tone të malit, ndërsa shqiptarë janë mësuar me të dhe drejtohen shpesh ndaj çajrave të botës.

Çaji i Mentes.

Ky çaj lehtëson dhimbjet dhe problemet e ndryshme të stomakut dhe ndihmon procesin e tretjes.

Lehtëson të përzierat dhe çrregullimet e spazmave, forcon sistemin imunitar ndaj gripit dhe lehtëson problemet në frymëmarrje.

Eliminon aromën e keqe të gojës dhe ndihmon në ekuilibrimin e oreksit.

Çaji i Xhenxhefilit ose Xhinxher.

Përmban nivele të larta të vitaminës C, magnezit dhe mineraleve të tjera. Një kupë çaji para udhëtimit, parandalon të përzierat nëse ju zë makina.

Përmirëson performancën e stomakut në tretje dhe uron problemet e ndryshme në sistemin e frymëmarrjes duke nisur nga ftohja deri te alergjitë e ndryshme.

Përmirëson qarkullimin e gjakut dhe qetëson muskujt.

Për shkak të nivelit të lartë të antioksidantëve, forcon sistemin imunitar dhe ndihmon në çlirimin e stresit dhe qetësimin e sistemit nervor.

Çaji Jeshil

Çaji i gjelbër përmban përbërje bioaktive që përmirësojnë shumë parametra të shëndetit të njeriut.

Përbërësit e çajit të gjelbër përmirësojnë funksionin e trurit dhe rrisin nivelin e djegies së yndyrnave duke përmirësuar performancën fizike.

Në moshë të thyer, çaji i gjelbër ul riskun e Alzhaimerit dhe Parkinsonit. Çaji i gjelbër vret bakteret duke ndihmuar në shëndetin e dhëmbëve dhe uljen e riskut për infeksione.

The post Mos i ndani asnjëherë nga dieta juaj, çajrat e këtyre bimëve forcojnë imunitetin dhe luftojnë virozat appeared first on Albeu.com.

Spinaqi

Një filxhan spinaq siguron sasinë e duhur ditore për vitamina, 30 përqind të vitaminës C, 20 përqind të vitaminës E dhe 15 përqind të zinkut.

Mish qengji

Vetëm katër gramë mish qengji do t’ju japë deri në 50 për qind të nevojave tuaja ditore për selen dhe 38 për qind të zinkut që ju nevojitet.

Speca të kuq

Specat e kuq do t’ju japin sasinë e nevojshme ditorë të vitaminës C, më shumë se sa një portokall.

Supa me hudhra

Një studim i kryer në Universitetin e Uashingtonit ka treguar se hudhra e bardhë është 100 herë më e efektshme se antibiotikët më të njohur të përdorur në luft ën kundër sëmundjeve, të shkaktuara nga bakteret.
Nëse besoni në efektet e dobishme që hudhra mund të ketë në shëndetin tuaj, ne ju rekomandojmë të provoni këtë supë magjike.

• Afër pesë thelpinj hudhra të prera imët
• 2 lugë gjalpë
• 2 lugë vaj ulliri
• 1 lugë trumëz të freskët, të grirë imët
• 6 filxhanë (nga 250 ml) supë pule
• 2 hudhra të kuqe, të prera po ashtu imët
• 3 filxhanë bukë të thekur të prerë në copa të vogla

Përgatitja:

Nxeheni furrën në 180 C. Prisni majat hudhrave. Shtoni vajin e ullirit dhe futini në një folio alumini. Piqeni në furrë përreth 90 min. Lëreni të ftohet.
Gjatë kësaj kohe, nxehni dy lugë vaj ulliri dhe gjalpë në temperaturë mesatare. Shtoni hudhrat e kuqe (përziejini shpesh). Lërini 10 minuta. Përzieni të gjithë përbërësit bashkë dhe shtojini trumëzat. Uleni temperaturën dhe lëreni të qëndrojë 5 minuta.
Këtë masë të fituar përzieni me mikser derisa ta mbërrini një masë të trashë homogjene. Pastaj shtojeni piperin e zi dhe kripën sipas dëshirës./albeu.com/

The post Ju mbajnë të fortë, ushqimet që rrisin imunitetin në këtë periudhë virozash appeared first on Albeu.com.