Holanda është në grup me Francën, Poloninë dhe Austrinë në Grupin D.

Duke folur përpara Çmimit të Madh të Monakos, korrespondenti i Sky Sports F1, Craig Slater i tha yllit të Reds se Anglia është favorite për ta fituar trofeun.

Pasi u tha se Tre Luanët janë favorit, mbrojtësi u përgjigj: “A janë ata?”.

Megjithatë, 32-vjeçari pranon se Anglia ka një skuadër të fortë pasi përmendi edhe Francën.

“Anglia ka një ekip shumë, shumë të mirë”, shtoi ai. “Franca është shumë e fortë”.

Anglia u mund nga Italia me penallti në finalen e Euro 2020. /Telegrafi/

The post Virgil van Dijk befasohet kur i thuhet se kush janë favoritët për Euro 2024 appeared first on Albeu.com.

Arne Slot është shpallur zyrtarisht si trajneri i ardhshëm i Reds, por asnjë ofertë kontrate për lojtarin holandez nuk është bërë për momentin, sipas vetë kapitenit.

“E ardhmja ime nuk është e rëndësishme për momentin”, deklaroi Van Dijk pas ndeshjes së Wolves, siç citohet nga Liverpool Echo.

“E vetmja gjë që mund të them tani është nëse kam një lamtumirë, nuk mendoj se do ta mbaj vetën sepse kjo ishte diçka me të cilën u befasova shumë me të (lamtumirën nga Jurgen Klopp)”.

“Këta fansa janë diçka tjetër dhe përfundimisht kur të thonë lamtumirë, atëherë do të jetë e veçantë. Edhe me Joel Matip, thashë: ‘Si ia dolët ta mbani vetën të qetë?”.

“Ai thjesht donte të kalonte shpejt dhe të qëndronte me ne, kështu që mendoj se e bëri shumë mirë. Për momentin nuk kam asgjë për të thënë. Asgjë nuk ka ndryshuar dhe asgjë nuk është në tavolinë. Nuk ndryshime në situatën time fare”, deklaroi mbrojtësi holandez më tej. /Telegrafi/

The post Van Dijk pyetet për të ardhmen te Liverpooli, por holandezi jep sinjale se mund të largohet appeared first on Albeu.com.

Të gjendur në këtë situatë, drejtuesit e Liverpool janë vënë në lëvizje për të gjetur një zëvendësues të denjë të Van Dijk.

Sipas mediave angleze, ekipi që sezonin e ardhshëm do të drejtohet nga Arne Slot, ka shënjestruar në Bundesligë, aty ku kërkojnë të sigurojnë shërbimet e Willian Pacho.

Ky i fundit momentalisht mban veshur fanellën e Eintracht Frankfurt, por me shumë gjasa pas paraqitjeve të mira të bëra në këtë sezon, në verë do të largohet nga Gjermania.

Liverpool ka nisur kontaktet me klubin gjerman, me këta të fundit që kërkojnë plot 60 milionë euro për shërbimet e 22-vjeçarit nga Ekuadori.

Tashmë pritet akordi midis palëve, pasi vetë futbollisti, vështirë se do të refuzonte një ofertë nga Liverpool.

The post Kapiteni drejt largimit, Liverpool gjen zëvendësuesin në Gjermani appeared first on Albeu.com.

Liverpool postoi një video të Van Dijk duke parë një mesazh nga James ku ‘Mbreti James’ parashikon se do të bëjë “gjëra të mahnitshme” për Reds dhe i kërkoi atij “të përpiqet për madhështi”.

Van Dijk është filmuar duke thënë “Mbreti ka folur” dhe është i vendosur të përdorë fjalët e tij ndërsa Liverpooli po lufton për katër trofe dhe fillimisht do të përballet me rivalët e tyre Manchester United në FA Cup të dielën.

“Ajo frazë që ai përdor është perfekte dhe mund të përdoret për shumë gjëra. Për mua personalisht, patjetër që përpiqem dhe e ndjek këtë sepse dua të arrij maksimumin në jetë dhe të marr maksimumin nga vetja, ekipi dhe pozicioni në të cilin ndodhemi”.

“Ne jemi në një vend të mirë për ta bërë këtë, këtë sezon – përsëri. Çdo sezon është gjithmonë një sfidë, por këtë sezon ne jemi në një situatë të veçantë”, ka thënë holandezi.

Van Dijk thotë se po mëson nga James – dhe atletët e tjerë më të mirë në botë – se si t’i trajtojë negativet dhe pozitivet.

“Unë i shikoj të gjithë atletët më të mirë sepse ndjej se të gjithë kanë një rol të madh, qoftë si model apo për ekipin dhe komunitetin e tyre, dhe ka kaq shumë gjëra që mund të mësoni”.

“Janë LeBron, Roger Federer, Tom Brady – mund të përmend kaq shumë. Më pëlqen t’i dëgjoj këta djem dhe të mësoj se si u përballën me të qenit në krye dhe duke u përballur me momente të vështira, por edhe momente të mira”, deklaroi Van Dijk. /Telegrafi/

A message from @KingJames to @VirgilvDijk 😁 pic.twitter.com/XzOh7rde70

— Liverpool FC (@LFC) March 6, 2024

The post Virgil van Dijk shpjegon se si LeBron James po e ndihmon atë të bëhet edhe më i mirë për Liverpoolin appeared first on Albeu.com.

Goli me kokë i Van Dijk në minutën e 118-të i siguroi Liverpoolit fitoren me rezultat minimal 1-0, të cilët kishin pesë lojtar në moshën 21-vjeçare në fushë pas fishkëllimës së fundit të gjyqtarit.

31-vjeçari ishte emëruar kapiten i përhershëm i Liverpoolit në fillim të sezonit, duke zëvendësuar Jordan Henderson i cili mori rrugë në drejtim të Lindjes së Mesme.

Gjatë viteve, tifozët padyshim e kanë vërejtur se numri katër i Liverpoolit nuk luan me mbiemrin e tij në pjesën e pasme të fanellës, ai vetëm e përdor ‘Virgil’ në vend të kësaj.

Sipas Steven Fo Sieeuw, kushëriri i Van Dijk në anën e nënës, Van Dijk hoqi dorë nga mbiemri për shkak të babait të tij.

Fo Sieeuw kishte thënë në një intervistë për The Sun më herët: Babai i tij u nda me nënë e tij e cila kishte tre fëmijë, përfshirë Virgil.

“E vërteta është se babai i tij nuk ka qenë afër tij për disa vite të rëndësishme, dhe ka qenë nëna e tij heroina e vërtetë e kësaj historie”.

“Ju nuk e largoni emrin e babait tuaj nga fanella pa ndonjë arsye, dhe Virgil e ka bërë të qartë se si ndihet”, është shprehur Sieeuw./Telegrafi/

The post Kjo është arsyeja pse Virgil van Dijk nuk mban mbiemrin e tij në fanellë appeared first on Albeu.com.

Conte është i vetmi trajner që ka fituar një titull lige përpara një skuadre të Pep Guardiola së bashku me Jose Mourinho (Real Madrid) dhe Jurgen Klopp (Liverpool).

Italiani e bëri këtë më 2016-17 në sezonin e tij të parë në Stamford Bridge.

“Nuk është e lehtë. Guardiola është trajneri më i mirë në botë. Dhe atëherë kur mund të krahasoni trajnerin më të mirë në botë me një klub që mund t’ju mbështesë dhe mund të investojë për të sjellë lojtarë të rëndësishëm për të përmirësuar ekipin çdo sezon, sepse ata duan të qëndrojnë në krye të botës, atëherë është shumë, shumë e vështirë për të konkurruar në të njëjtin nivel”, ka thënë fillimisht Conte për The Telegraph.

“Historia ime thotë se kam ardhur gjithmonë në klubet e mia në një situatë të vështirë me probleme. Unë gjithmonë ndërtoj. Pas sezonit tim të parë në Chelsea, kur fituam titullin, mund të ishim bërë dominues në Angli. Ne folëm me Lukakun dhe van Dijk, dhe me ata dy lojtarë të rëndësishëm mund të kishim ndryshuar situatën”, përfundoi italiani.

Van Dijk përfundimisht iu bashkua Liverpoolit në afatin kalimtar të janarit 2018, ndërsa Lukaku iu bashkua Manchester United nga Everton në verën e vitit 2017.

Sulmuesi belg përfundimisht u kthye te Chelsea nga Interi në verën e vitit 2021 për 113 milionë euro. Lukaku sapo kishte fituar titullin e Serie A me Conten në Inter, por të dy u larguan nga Giusseppe Meazza pasi ngritën Scudetton.

Lukaku, aktualisht i huazuar te Roma nga Chelsea, ka shënuar 64 herë në 95 ndeshje nën drejtimin e Contes te Interi.

Gjatë të njëjtës intervistë me The Telegraph, Conte tha se ëndërron të fitojë Ligën e Kampionëve si trajner dhe këmbënguli që mbrojtja e tij me tre lojtarë nuk është shumë mbrojtëse. /Telegrafi/

The post Conte tregon se ai u përpoq të nënshkruante Van Dijk-un appeared first on Albeu.com.

Tifozët e Liverpoolit u tronditën të premten më 26 janar kur Jurgen Klopp njoftoi opinionin se do të largohet nga “Anfield” në fund të këtij edicioni, ndonëse ka kontratë valide me Liverpoolin deri në qershor të vitit 2026.

Tani përballë drejtuesve të klubit është një detyrë e vështirë për të gjetur një trajner për të zëvendësuar gjermanin. Ata duhet të gjejnë zgjidhjen e duhur pasi lojtarët kryesorë, përfshirë kapitenin Van Dijk, presin me padurim të shohin se çfarë lëvizjesh do të bëjë klubi.

“Klubi ka një detyrë të vështirë përpara, shumë gjëra do të ndryshojnë. Jam shumë kurioz të shoh se çfarë drejtimi do të marrë. Do ta shohim situatën tonë”, tha holandezi.

Mediat britanike raportojnë se pronarët e Liverpoolit aktualisht kanë dy emra në listën e tyre të ngushtë: Xabi Alonson e Bayer Leverkusen dhe Roberto de Zerbin e Brighton.

The post Van Dijk nuk është i sigurt nëse do të qëndrojë në Liverpool appeared first on Albeu.com.

Për këtë arsye, legjenda Michael Ballack e quan Van Dijk me fat. “Po, Van Dijk është me fat që luan në Premier League në një epokë ku nuk ka Drogba, Lampard, Alan Shearer, Ronney, Van Persie, Tevez, Adebayor apo Diego Costa”, tha Ballack. /Sport Ekspres/

The post Ballack: Van Dijk është me fat, nuk po luan në epokën e Ronney, Adebayor dhe Van Persie appeared first on Albeu.com.

Ismajli dha mbrëmjen e sotme një intervistë për “Supersport”, ku preku disa tema interesante, duke u shprehur:

DËMTIMI – Kam marrë një goditje në brinjën e majtë në ndeshjen ndaj Milanit. Tani jam pak më mirë, por të shohim nëse do të jem gati për ndeshjen e së dielës. Kam filluar terapi këto dy ditët e fundit, të shohim si do të shkojë kjo javë.

TRAJNERI I RI TEK EMPOLI – Zyrtarisht ende nuk ka asgjë, por flitet se do të jetë Davide Nicola trajneri i ri. Po presim konfirmimin e klubit.

ISMAJLI DHE VAN DAJK TË PA DRIBLUESHËM- Nuk e dija, nuk i shoh statistikat. Para tri ditësh më erdhi mesazhi që jam ndër tre mbrojtësit më të mirë në botë në lidhje me driblimet. Shpresoj të vazhdoj sikur e kam nisur.

LËXIMI I NDESHJES DHE SITUATAVE- Dhunti nga lindja, e kam patur gjithmonë leximin e ndeshjes dhe të situatave. Që kur isha i vogël, e kam patur edhe në Kroaci. Edhe tashmë tek Empoli. Gjithmonë marr masat përpara kohe, jam më para sulmuesit në këto situata, sepse e di ku vazhdon aksioni.

DYSHJA ME GJIMSHITIN – E lindur, e punuar dhe e vazhduar. Me Gjimshitin kemi vite që luajmë bashkë. E ndihmojmë shumë njëri-tjetrin, siç ndihmojnë të gjithë ekipin te Kombëtarja. Ky është çelësi i suksesit.

MERKATO PAS EURO 2024 – Shpresoj të kemi shëndetin. Europiani është një mundësi shumë e madhe për futbollistët për të arritur diçka më shumë në karrierë. Shpresoj të kemi shëndet të gjithë lojtarët e Kombëtares. Do Zoti që të na sjellë diçka më të madhe pas Europianit.

SULMUESI MË I VËSHTIRË PËR T’U MARKUAR- Serie A është një ndër 5 ligat më të forta në Europë. Dua të veçoj Lukakun, sepse është shumë i fortë fizikisht. Është më i vështiri për t’u markuar me atë fizik që ka.

SHANSET NË EUROPIAN- Gjithçka është e mundur, do të jemi kundërshtarë me Italinë në Europian. Por, shqiptari nuk dorëzohet kurrë.

FITORJA NDAJ ÇEKISË- Pas fitores u futa në fushë duke festuar me shokët. Ishte kënaqësi sikur të isha në fushë. Ishte një fitore që vulosi në masën 90% kualifikimin në Europian.

TIFOZËT- “Air Albania” është bërë një kështjellë e pamposhtur me tifozerinë tonë të zjarrtë. Po na japin një energji të jashtëzakonshme, tifozët na motivojnë shumë. Kur e shohim gjithë atë tifozeri që na përkrah motivimi është më i madh. Do e kenë shumë të vështirë të na mposhtin në Air Albania. Gjithë ekipi ka merita për suksesin dhe faktin që nuk kemi pësuar gol në stadiumin tonë. Të gjithë lojtarët dhe repartet kanë qenë të shkëlqyer.

BASHKËSHORTJA – Normal që do të jetë me Shqipërinë, por dëshira e saj është që të kualifikohen të dyja, pra ne dhe Kroacia. Ne do të bëjmë të pamundurën të fitojmë ndaj tyre dhe të kualifikohemi. Pastaj Kroacia ka kohë për t’u kualifikuar më vonë.

DËSHIRA MË E MADHE PËR EURO 2024 – Pas dy fitoreve në muajin qershor, ndaj Moldavisë dhe Ishujve Faroe, unë kam dëshiruar me gjithë zemër që të kualifikohemi në Europian. Tani ia arritëm dhe shpresoj të jemi të gjithë mirë me shëndet, e të bëjmë maksimumin për të bërë krenarë të gjithë shqiptarët. Jemi gati të japim më të mirën që të nderojmë Shqipërinë dhe shqiptarët në Gjermani 2024. /panoramasport/

The post Nuk është dribluar ende këtë sezon, Ismajli si Van Dijk: U dëmtova ndaj Milanit, ju tregoj sulmuesin më të fortë në Itali appeared first on Albeu.com.

Mbrojtësi holandez gjatë karrierës së tij ka pasur mundësinë që të përballet me sulmues të klasit botëror.

Në raste të ndryshme, ai ka pasur punë kundër emrave si Messi dhe Ronaldo dhe tani rregullisht përballet me Haaland, pasi norvegjezi iu bashkua Manchester Cityt në verën e vitit të kaluar.

Por, Van Dijk e ka zgjedhur sulmuesin e Milanit, Olivier Giroud, si lojtarin që nuk i pëlqen ta ketë si kundërshtar.

Reprezentuesi holandez ka luajtur ndaj Giroudit gjatë kohës sa francezi ishte pjesë e Arsenalit dhe Chelseat, gjithashtu edhe në skenën ndërkombëtare ndaj Francës.

“Mendoj se Olivier Giroud është sulmuesi më i vështirë që jam përballur. Në çdo ndeshje, ju mendoni se e keni markuar atë mirë, por ai gjithmonë arrin që të shënojë në një mënyrë ose tjetër. Me kokë, me këmbë, me gju. Ai shpeshherë ka shënuar ndaj meje (qesh)”, ka thënë Van Dijk.

Përveç Giroud, Van Dijk ka përmendur edhe një sërë emrash të tjerë si, Aguero, Haaland dhe Gabriel Jesus, të cilët i ka cilësuar si kundërshtarë të vështirë. /Telegrafi/

The post Van Dijk tregon kundërshtarin e tij më të vështirë – nuk është Messi as Ronaldo appeared first on Albeu.com.