Burime të sigurta pranë familjarëve të Braçellarit, bëjnë me dije se ai ka përfituar fonde për ngritjen e stallave të bagëtive.

Nuk dihet nëse ai i ka përfituar fondet në emër të tij apo të nënës, por ajo çka sigurojnë burimet është se 43-vjeçari pavarësisht se ishte në kërkim prej vitesh ka përfituar subvencione në bujqësi e blegtori.

Është e paqartë sesi një person me rrezikshmëri shumë të lartë shoqërore, i trajnuar ushtarakisht ka përfituar fonde publike kur njëkohësisht për të më parë ishin mobilizuar edhe forcat RENEA për ta kapur.

Operacioni për ta arrestuar u krye një ditë më parë në një zonë malore të Maliqit, pasi fshihej në një stan. Nga shkëmbimi i zjarrit mbeti i vrarë efektivi i Forcave Shqiponja Enea Meçollari, ndërsa u plagos Edison Adri. I plagosur mbeti gjithashtu edhe vetë autori.

The post Vrau efektivin e “Shqiponjave” në Maliq, Violand Braçellari kishte përfituar subvencione në bujqësi edhe pse ishte në kërkim prej vitesh appeared first on Albeu.com.

Efektivë të shumtë dhe mjekë kanë lëvizur barelën ku ndodhej i shumëkërkuari i dënuar me gati 10 vite burg nga drejtësia për kultivim droge dhe në momentin që kanë dalë nga dera për ta vendosur në ambulancë, aty ka pasur qytetarë të shumtë, të afërm dhe kolegë të efektivit të vrarë, që e kanë akuzuar për krimin e rëndë.

Braçellari dukshëm i vetëdijshëm nuk ka bërë asnjë lëvizje apo reagim.

Gjatë momentit që ai po futej në ambulancë, qytetarët e shajnë:

“O të q… m…! O pis…! Çfarë i bëre”.

Ai po transportohet drejt kryeqytetit, ashtu sikurse më parë ishte dërguar edhe efektivi Adri me helikopter te Trauma, për mjekim.

The post VIDEO/ Momenti kur vrasësi i policit Violand Braçellari transportohet me ambulancë nga spitali i Korçës, të afërmit e viktimës e shajnë të revoltuar: Çfarë i bëre, o pis… appeared first on Albeu.com.

Viktima është identifikuar si Enea Mekolli, ndërsa i plagosur ka mbetur dhe efektivi tjetër Edison Adri. Ky i fundit, është transportuar në spitalin e Traumës në Tiranë, ndërsa ende nuk dihet gjendja e tij shëndetësore.

   Efektivi i vrarë, Enea Mekolli

Sipas njoftimit zyrtar, rreth orës 07:30, shërbimet e Policisë së Korçës, Maliqit dhe Forca e Posaçme “Shqiponja” kanë rrethuar zonën e Lozhanit, në malin Boden, ku dyshohej se fshihej shtetasi Violand Braçellari, 43 vjeç.

Ky i fundit një ish-ushtarak ishte i dënuar më parë për veprën penale “Prodhimi dhe shitja e narkotikëve” dhe ndaj tij ishte caktuar masa e sigurisë “Arrest në burg” për “Kultivim të bimëve narkotike”.

Policia i ka bërë thirrje të dorëzohej, por Braçellari ka hapur zjarr ndaj efektivëve.

Si pasojë, ka humbur jetën inspektori Enea Mekolli 34 vjeç, dhe është plagosur inspektori Edison Adri 36 vjeç.

Të dy ishin pjesë e Forcës së Posaçme “Shqiponja”.

Autori i masakrës

      Violand Bracellari

Violand Braçellari, ishte shpallur në kërkim për shkak të dënimeve të mëparshme dhe rrezikshmërisë së lartë që paraqiste.

Në vitin 2017, Gjykata e Korçës e dënoi me 9 vite, 11 muaj e 7 ditë burgim për veprën penale “Prodhimi dhe shitja e narkotikëve”. Ky vendim u la në fuqi edhe nga Apeli dhe Gjykata e Lartë, duke e bërë dënimin përfundimtar.

Më herët, në vitin 2011, ndaj tij ishte caktuar masa e sigurisë “Arrest në burg” për veprën penale “Kultivimi i bimëve narkotike”. Këto precedentë e bënë një person të njohur për aktivitet kriminal në zonën e Maliqit.

Përveç veprave të lidhura me narkotikët, Braçellari ishte nën gjykim edhe për krime ndaj personit, konkretisht për një plagosje. Ai kishte arritur të shmangte disa herë operacionet e forcave speciale, duke u fshehur në terrene të vështira malore.

The post Ky është efektivi i “Shqiponjave” që mbeti i vrarë gjatë operacionit në Maliq appeared first on Albeu.com.

Raportohet se ngjarja ka ndodhur gjatë një operacioni policor në Lozhan të Maliqit për kapjen e 43-vjeçarit, i cili prej vitit 2017 ishte në kërkim për llogari të policisë së Vlorës.

Gjatë lokalizimit të Braçellarit, ka pasur shkëmbim me armë zjarri mes tij dhe efektivëve të policisë, ku për fat të keq mbeti i vrarë polici i Shqiponjave, Enea Mekolli dhe u plagos Edison Adri.

Autori Violand Bracellari, cilësohej si një person i rrezikshëm, i njohur në zonën e Maliqit për ngjarjet e mëparshme kriminale ku dyshohet se ka qenë i përfshirë.

The post I shpallur në kërkim prej vitit 2017/ Kush është 43-vjeçari Violand Braçellari, autori i vrasjes së efektivit të policisë appeared first on Albeu.com.