Në një prononcim për ESPN UK, ish-fituesi i Topit të Artë u pyet se cilët i sheh si dy favoritët e tij për ta mbyllur turneun në krye të listës së golashënuesve.

“Padyshim Mbappe, pastaj Vini Jr.”, u shpreh Kaka.

Zgjedhja e Kylian Mbappe si emri kryesor në këtë garë nuk shihet si surprizë. Sulmuesi francez e ka konfirmuar vazhdimisht veten në skenat më të mëdha të futbollit dhe deri në këtë pikë të Botërorit ka shënuar tre gola.

Falë shpejtësisë, nuhatjes para portës dhe lëvizjeve të tij, ai konsiderohet një nga sulmuesit më të vështirë për t’u kontrolluar, sidomos në përballjet me eliminim direkt.

Në të njëjtën kohë, edhe Vinicius Junior mbetet një emër me peshë në garën për “Këpucën e Artë”.

Braziliani ka realizuar dy gola me Kombëtaren e Brazilit dhe po merr gjithnjë e më shumë përgjegjësi në fazën sulmuese të “Seleçaos”.

Me depërtimet e tij të shpejta, aftësinë për të ndërtuar raste dhe saktësinë në finalizim, Vinicius vazhdon të shihet si një nga pretendentët më seriozë për çmimin e golashënuesit më të mirë të turneut, edhe në ndeshjet kur nuk arrin të shënojë.

Tashmë mbetet për t’u parë nëse njëri nga dy yjet e Real Madridit do ta justifikojë parashikimin e Kakas dhe do ta mbyllë Botërorin 2026 si golashënuesi më i mirë.

The post Kaka përcakton dy pretendentët kryesorë për “Këpucën e Artë” në Botërorin 2026, në fokus dy lojtarë të Real Madridit appeared first on Albeu.com.

Ngjarja ndodhi në ndeshjen ndaj Turqisë, kur anësori me përvojë i Atlanta United, pjesë e përfaqësueses së Paraguait që nga viti 2017, kreu pikërisht këtë veprim. Si pasojë, në minutën e tretë të kohës shtesë të pjesës së parë, ai u largua drejt dhomave të zhveshjes me karton të kuq.

Një rol të rëndësishëm në këtë vendim pati mbrojtësi turk Mert Muldur, i cili njoftoi menjëherë arbitrat për gjestin e Almironit.

Pasi pamjet u kontrolluan në VAR, arbitri nga El Salvadori, Ivan Barton, vendosi të zbatojë “Ligjin Vinicius”, duke e ndëshkuar Almironin me të kuq dhe duke e bërë atë futbollistin e parë që përjashtohet në bazë të këtij rregulli.

Cili është ai rregull?

Dy muaj më parë, FIFA paraqiti dhe IFAB miratoi njëzëri dy ndryshime në Rregullat e Lojës së Futbollit gjatë një seance të posaçme të mbajtur në Vankuver. IFAB është shkurtimi për Bordin i Shoqatës Ndërkombëtare të Futbollit.

Ky institucion është organi më i vjetër dhe më i lartë që merret me përcaktimin dhe ndryshimin e rregullave të futbollit. Organizata konfirmoi se rregullat e reja do të zbatohen në Kupën e Botës dhe një prej tyre është pikërisht “Ligji Vinicius”.

Presidenti i FIFA-s e mbështeti këtë masë dhe tashmë ka arritur ta çojë përpara me vendosmëri. Arsyeja që çoi në miratimin e saj ishte skandali i muajit shkurt dhe ndeshja Benfica-Real në Ligën e Kampionëve.

Aktivizuesi i rregullit

Në atë përballje, Vinicius dhe Mbappe pretenduan se lojtari kundërshtar Gianluca Prestianni e kishte quajtur “majmun” brazilianin e Realit. Megjithatë, fjalët e tij nuk mund të lexoheshin nga buzët, pasi ai i kishte mbuluar ato me fanellë gjatë momentit kur shqiptoi fyerjen e pretenduar raciste.

Pas hetimeve, mesfushori argjentinas i Benficës u pezullua me tri ndeshje, por për homofobi. Ai pranoi se i kishte thënë Viniciusit se ishte “peder” dhe për këtë u ndëshkua, ndërsa pretendimi i Viniciusit se ishte ofenduar në mënyrë raciste nuk u provua.

Megjithatë, pikërisht kjo ngjarje u bë arsyeja që FIFA të miratonte rregullin në fjalë, për të cilin u ra dakord në asamblenë e fundit në shkurt, menjëherë pas ndeshjes mes Benficës dhe Realit.

The post Almiron hyn në histori në Kupën e Botës si futbollisti i parë i ndëshkuar me të kuq nga “Ligji Vinicius” appeared first on Albeu.com.

Edhe pse pati dyshime rreth formatit të zgjeruar të turneut, në fushë nuk ka munguar as rivaliteti dhe as ekuilibri mes përfaqësueseve.

Në fakt, 9 nga 24 përballjet e zhvilluara kanë përfunduar pa fitues, çka e çon në 37.5 për qind përqindjen e barazimeve, shifra më e lartë për këtë fazë që nga viti 2010.

Pas mbylljes së raundit të parë, të dhënat individuale kanë veçuar disa futbollistë që kanë lënë gjurmën më të dukshme deri tani.

Lojtarët më aktivë në gjuajtje

Në ndeshjen e tyre të parë, gjashtë futbollistë regjistruan nga gjashtë ose më shumë tentativa, por vetëm dy prej tyre arritën të shënonin: Harry Kane i Anglisë dhe Lionel Messi i Argjentinës.

Me dy golat e tij, Kane u ngjit në kuotën e 10 golave dhe barazoi Gary Lineker si realizuesin më të mirë të Anglisë në historinë e Kupës së Botës. Nga ana tjetër, tregolëshi i Messit e çoi yllin argjentinas në 16 gola, duke barazuar rekordin e Miroslav Klose si golashënuesi më i mirë në historinë e turneut.

Arda Guler i Turqisë mban vendin e parë për numrin e gjuajtjeve, me tetë tentativa gjithsej, por ato prodhuan vetëm 0.26 gola të pritshëm, një tregues se shumica e goditjeve të tij erdhën nga pozicione të vështira.

Jo me të njëjtin fat u përball Son Heung-min i Koresë së Jugut, i cili nuk gjeti golin edhe pse krijoi raste me vlerë totale 1.0 nga gjashtë tentativa.

Ndërkaq, 24 lojtarë kanë ruajtur një efikasitet perfekt realizimi prej 100 për qind, por vetëm dy prej tyre kanë shënuar më shumë se një herë: Yasin Ayari i Suedisë dhe Elijah Just i Zelandës së Re, me nga dy gola secili.

Kush po krijon më shumë raste

Shtatë futbollistë prodhuan të paktën pesë raste në ndeshjet e tyre hapëse, por vetëm Joshua Kimmich i Gjermanisë arriti të regjistronte dy asistime, në triumfin e thellë 7-1 kundër Curaçaos.

Sipas statistikës së asistimeve të pritshme, lojtari më kreativ i raundit të parë ishte Pedri me 1.23.

Mesfushori i Spanjës bëri maksimumin për të ndihmuar skuadrën e tij ndaj Kepit të Gjelbër, ndërsa gjithashtu rikuperoi topin gjashtë herë në të tretën sulmuese, dy herë më shumë se çdo futbollist tjetër i turneut.

‘Mbreti’ i driblimeve

Amad Diallo i Bregut të Fildishtë është dalluar si dribluesi më efikas i Botërorit deri në këtë fazë.

Ndonëse qëndroi në fushë vetëm 34 minuta si zëvendësues, sulmuesi i Manchester United regjistroi numrin më të lartë të driblimeve të suksesshme dhe gjithashtu përqindjen më të mirë të suksesit mes lojtarëve që provuan të paktën pesë driblime.

Në krahun tjetër, Vinicius Junior realizoi golin e Brazilit kundër Marokut, por dështoi në të nënta tentativat e tij për driblim, statistika më e dobët e këtij lloji në turne deri tani.

Më të fortët në duele

Sa u përket dueleve individuale, Jiovany Ramos i Panamasë dhe Krepin Diatta i Senegalit janë shfaqur si më dominuesit në këtë raund të parë.

Nga 158 lojtarë që morën pjesë në të paktën 10 duele, pikërisht këta dy futbollistë regjistruan përqindjen më të lartë të fitoreve.

Një vlerësim të veçantë meriton edhe Jovo Lukic i Bosnje-Hercegovinës, i cili kundër Kanadasë ishte i papërballueshëm në lojën ajrore.

Sulmuesi i fitoi të nëntë duelet ajrore që zhvilloi dhe mbetet lojtari i vetëm në turne me më shumë se katër duele ajrore që ka ruajtur një rekord perfekt.

The post Botërori 2026 në shifra: kush kryeson pas ndeshjeve të para të fazës së grupeve appeared first on Albeu.com.

Të dënuarit janë pjesëtarë të një organizate të lidhur me grupin ultras të Atletico Madrid, të njohur si Frente Atlético.

Incidenti ndodhi një natë para përballjes së Real Madridit me Atleticon në Kupën e Mbretit, kur një kukull plastike e varur në një urë në një prej autostradave kryesore të Madridit, u pa duke mbajtur fanellën e Viniciusit.

Ngjarja ndodhi pranë qendrës stërvitore Valdebebas, duke rritur mundësinë që Vinicius dhe shokët e tij të skuadrës ta shihnin këtë akt.

Pranë kukullës ishte vendosur edhe një banderolë e madhe ku shkruhej: “Madridi urren Realin”.

Pas dy vitesh hetime dhe procesi gjyqësor, katër persona janë shpallur fajtorë për krime urrejtjeje dhe kërcënime, sipas Diario AS.

Njëri prej tyre është dënuar me 15 muaj burg për krim urrejtjeje me bazë raciste, si dhe shtatë muaj të tjerë për kërcënime. Dënimi u rëndua për shkak se ata e kishin publikuar aktin në rrjetet sociale.

Tre të tjerët janë dënuar me nga shtatë muaj burg për krime urrejtjeje dhe shtatë muaj të tjerë për kërcënime, si dhe u janë caktuar gjobat që variojnë nga 720 deri në 1,084 euro.

The post Dënohen me burg katër tifozë të Atletico Madridit për racizëm ndaj Vinicius appeared first on Albeu.com.

Anësori i Athletic Club ka një klauzolë lirimi prej 62 milionë eurosh dhe ka tërhequr interes nga shumë klube të mëdha evropiane.

Interesi i “Los Blancos” për Nico Williams u shtua ndërsa bisedimet për rinovimin e kontratës me Vinicius ngecën. Braziliani është i lidhur me klubin deri në vitin 2027, por kërkon një rritje të ndjeshme page.

Sipas raportimeve nga mediat spanjolle, Vinicius dëshiron të jetë lojtari më i paguar në skuadër. Ai synon të fitojë më shumë se Jude Bellingham dhe Kylian Mbappe, të cilët marrin nga 15 milionë euro neto në sezon.

Real Madridi, megjithatë, nuk është i gatshëm të përmbushë këto kërkesa financiare. Drejtuesit e klubit po e konsiderojnë ndikimin e interesit nga Arabia Saudite, i cili mund të luajë rol në të ardhmen e sulmuesit brazilian.

Për momentin, klubi po pret për të parë se si do të zhvillohen negociatat me Vinicius. Asgjë nuk është vendosur ende, por tensioni është i pranishëm.

Në këtë fazë, ideja për transferimin e Nico Williams është lënë mënjanë. Kjo pasi Madridi ka nënshkruar me talentin argjentinas Franco Mastantuono.

Megjithatë, nëse situata me Vinicius nuk zgjidhet, nuk përjashtohet mundësia që interesimi për Nico Williams të ringjallet në të ardhmen.

The post Vinicius Junior mund të transferohet në Arabinë Saudite, Reali ka gati zëvendësuesin e brazilianit appeared first on Albeu.com.

Në listë për të fituar çmimin më të rëndësishëm individual janë Vinicius Junior, Jude Bellingham, Rordi dhe së fundmi është shtuar edhe golashënuesi më i mirë i Kupës së Amerikës, Lautaro Martinez.

Sulmuesi argjentinas, ka shkëlqyer këtë sezon me Interin, por edhe me kombëtaren e tij.

26-vjeçari ishte vendimtar me golat e tij në Kupën e Amerikës, ndërsa shënoi edhe në finalen ndaj Kolumbisë, për t’i dhënë trofeun Argjentinës.

“Topi i Artë”, do të jepet më 28 tetor të këtij viti dhe pas Messi-t, çmimi mund të fitohet nga një tjetër argjentinas.

The post Topi i Artë/ Kryeson ylli i Realit, kush janë katër kandidatët për fitimin e çmimit appeared first on Albeu.com.

Los Blancos fituan 2-0 në finalen e Ligës së Kampionëve ndaj Borussia Dortmund, derisa ylli brazilian realizoi golin e dytë në këtë sfidë.

Për Real Madridin ky ishte titulli i 15-të në histori të tyre që e fitojnë në Ligën e Kampionëve, derisa për Vini Jr vetëm i dyti.

Megjithatë ylli brazilian vendosi që pas përfundimit të ndeshjes të festonte me tifozët, por duke u futur në tribuna.

Përkundër se sigurimi i stadiumit tentuan ta ndalonin, Vini Jr kaloi gjitha pengesat dhe u fut në tribuna në mes të tifozëve duke festuar me ta.

Ai mori qindra puthje dhe përqafime nga tifozët madrilen, derisa video e tij në mes të tifozëve është bërë virale në rrjetet sociale.

Look at these celebrations 🙌

Vinicius Jr jumps straight into the crowd at the full-time whistle 😅 pic.twitter.com/BGW4cDjXOI

— Football on TNT Sports (@footballontnt) June 1, 2024

The post VIDEO / Nuk mund ta ndalnin as sigurimi, momenti kur Vinicius u fut në tribuna dhe festonte me tifozët appeared first on Albeu.com.

Sulmuesi francez ka konfirmuar largimin nga PSG në fund të sezonit dhe e ardhmja e tij pritet të jetë në kryeqytetin spanjoll.

Ndërkohë vendin e Mbappes te PSG mund ta zë një yll i Real Madridit, braziliani Vinicius Junior që është duke kaluar nëpër një formë të shkëlqyer.

Sipas asaj që ka raportuar ‘Defense Central’, PSG e ka bërë prioritet transferimin e Vinit dhe janë gati të bëjnë një ofertë të çmendur në drejtim të Real Madridit.

Kampionët e rinj të Francës janë të gatshëm të shpenzojnë 300 milionë euro për Vinicius Junior, ku braziliani do të bëhej lojtari më i shtrenjtë në histori të futbollit.

23-vjeçari ka qenë i jashtëzakonshëm këtë vit, ku në 36 ndeshje zyrtare ka realizuar 21 gola dhe ka dhuruar 11 asistime.

PSG e dëshiron me çdo kusht transferimin e brazilianit dhe besojnë se oferta prej 300 milionë eurove do ta bind Realin që të lë të lirë brazilianin të transferohet në Parc de Princes.

Në rast se bëhet realitet ky transferim, atëherë Vinicius Junior do të bëhet lojtari më i shtrenjtë në histori të futbollit, duke kaluar bashkëkombësin e tij Neymar JR i cili kishte kaluar te PSG nga Barcelona për shumën e 222 milionë eurove.

The post Vinicius Junior gati të bëhet lojtari më i shtrenjtë në histori, gjiganti europian përgatit ofertën marramëndëse për brazilianin appeared first on Albeu.com.

‘Këtë fundjavë nuk do të luaj, por vetëm këtë të shtunë në Spanjë patëm tre çështje të tjera racizmi”.

Sulmuesi që pak ditë më parë në lot kishte shprehur të gjithë dhimbjen dhe irritimin e tij për episodet e shumta të diskriminimit shton: E gjithë mbështetja ime shkon për Acunan dhe për trajnerin e Sevilla-s Quique Flores.

Referimi është për pezullimin për disa minuta të sfidës mes Getafes dhe Sevillas për disa fyerje raciste nga tribuna në adresë të Acuna dhe të teknikut.

Në Serinë C spanjolle episodi i tretë, gjatë sfidës mes Sestao River dhe Rayo Majadahonda portieri i miqve Cheik Sarr la fushën pasi kishte pësuar një gol për shkak të ofendimeve nga tifozët që ishin pas porte.

Gjithçka u shoqërua nga momente nervozizmi në fushë që sollën dhe përjashtimin e portierit me origjinë senegaleze që la fushën teksa shokët e skuadrës e shoqëruan në shenjë solidariteti, me Vinicus që shton: “Sarr dhe Rayo Majadahonda ju them, uroj që kurajoja juaj të frymëzojë dhe të tjerët. Racistëve duhet t’u çirret maska dhe loja nuk mund të vazhdojë nëse janë prezentë në tribuna. Do të fitojmë vetëm kur racistët do të lënë stadiumet për të shkuar drejt e në burg, vendi që meritojnë”, u shpreh Vinicius. /abcnews.al

The post Vinicius Jr nuk i ndahet “luftës” ndaj tij: Racistët e kanë vendin në burg appeared first on Albeu.com.

Për lojtarin e Real Madrid në disa stadium në spanjë ka kore fyese ndaj tij.

Në konferencën e dhënë së fundmi para sfidës mes Spanjës dhe Brazilit, Vinicius ka shpërthyer në lot, kur është pyetur për çështjen e racizmit.

Braziliani ka theksuar se është e trishtueshme se si çdo ditë, çdo ndeshje dhe në çdo stadium i ndodh diçka e tillë.

Po ajo që po e ‘vret’ më shumë është mosreagimi nga autoritetet sportive, gjë e cila poi a heq dëshirën për të luajtur futboll.

“Është diçka trishtuese, që ndodh çdo ditë, në çdo ndeshje dhe në çdo stadium. Është diçka që po ndodh jo vetëm në Spanjë, por edhe në vende të tjera dhe unë jam i vendosur për të luftuar ndaj këtij fenomeni deri në fund. Ajo që më shqetëson më shumë është mungesa e sanksioneve, qoftë nga autoritetet sportive, qoftë nga ato shtetërore.

Unë jam vetëm 23 vjeç dhe punoj shumë për t’u përmirësuar. Sigurisht që ka ende shumë vend për t’u rritur e përmirësuar, por po punoj bashkë me skuadrën. Te Reali kam mësuar shumë dhe e di që kam ende për të mësuar. Megjithatë në kushtet e racizmit të theksuar, të ikën dëshira për të luajtur”, theksoi Vinicius.

❤️‍🩹🇧🇷 Vinicius got emotional during the Brazil's press conference after three questions about racism.

“I’m sorry. I just want to play football, do everything for my club and my family, never see black people suffering.pic.twitter.com/TVSj20vsCN

— Fabrizio Romano (@FabrizioRomano) March 25, 2024

The post VIDEO / Vinicius nuk i mban dot lotët: Më ‘vret’, po më ikën dëshira për të luajtur futboll appeared first on Albeu.com.