Jamal Musiala nuk do të jetë i gatshëm për ndeshjen e parë të Bayern Munichut në Bundesligë, kundër Stuttgartit të premten, konfirmoi trajneri Vincent Kompany.

Futbollisti i kombëtares gjermane vazhdon të punojë për të arritur formën optimale, pasi problemet e fundit shëndetësore e detyruan të qëndronte jashtë fushës gjatë takimeve përgatitore të verës.

Megjithatë, 23-vjeçari shënoi progres të rëndësishëm në procesin e rikuperimit, duke iu bashkuar të enjten stërvitjes së plotë me pjesën tjetër të skuadrës, edhe pse nuk do të përfshihet në formacionin e Bayernit për sfidën hapëse të sezonit të ri.

Musiala ka qenë nën kontroll të vazhdueshëm mjekësor pas disa episodeve shqetësuese gjatë përgatitjeve verore të klubit.

Kompany u shpreh optimist për ecurinë e mesfushorit, duke thënë se trupi i tij po reagon mirë teksa përshtatet me rritjen e terapisë që po merr.

Trajneri belg sqaroi se vendimet lidhur me rikthimin do të merren me kujdes, pasi mbrojtja e shëndetit afatgjatë të lojtarëve mbetet prioriteti kryesor i ekipit.

“Kjo do të thotë që ai po mësohet të rrisë dozën e ilaçeve dhe po i përgjigjet mirë. Në një moment ai do të jetë përsëri në skuadër dhe do të luajë normalisht, por sigurisht që ne do ta marrim këtë vendim krah për krah me të gjithë ekspertët (mjekësorë)”.

“Ai po luan mirë. Ai do të marrë pjesë në stërvitjen e ekipit sot, por nuk do të jetë në skuadër nesër”, ka deklaruar Kompany.

The post Musiala mungon ndaj Stuttgartit, Kompany jep lajme pozitive për rikuperimin e tij appeared first on Albeu.com.

Vincent Kompany ka bërë të ditur se dy episodet e të fikëtit të Jamal Musialës, të ndodhura brenda pak ditësh gjatë përgatitjeve të Bayern Munichut, mund të jenë pasojë e ndryshimeve në trajtimin e tij.

23-vjeçari u rrëzua fillimisht në fundjavën e kaluar, gjatë miqësores kundër Leipzigut, ndërsa të martën përjetoi të njëjtën situatë ndaj Heidenheimit, në ndeshjen që Bayerni e fitoi 4-2.

Në të dyja rastet, futbollisti arriti të largohej nga fusha me këmbët e tij dhe me vetëm një ndihmë të kufizuar nga personeli mjekësor. Pas takimit të së martës, ai foli për gjendjen e tij përmes një postimi në Instagram.

Musiala konfirmoi se është diagnostikuar me “episode të shkurtra dhe të përkohshme të mungesës”. Megjithatë, ai u përpoq të qetësonte tifozët, duke sqaruar se diagnoza nuk do të thotë se karriera e tij futbollistike është në rrezik të përfundojë.

Sipas tij, këto episode lidhen me një çrregullim neurologjik, por gjendja mbetet “lehtësisht e trajtueshme”.

Para përballjes së sotme të Superkupës me Borussia Dortmundin, trajneri Kompany tregoi se shkaku i mundshëm i përsëritjes së episodeve ishte një ndryshim në mënyrën e trajtimit të Musialës.

“Fola me Jamalin, ai tha: ‘Nuk ka problem, mund ta thuash’. Me trajtimin e tij, ai ndryshoi disa gjëra dhe kjo pati disa efekte anësore”, u shpreh Kompany.

Trajneri i Bayern Munichut shtoi: “Kjo është normale, që gjatë trajtimit të provosh diçka tjetër”. Kështu, ai la të kuptohet se vetë Musiala kishte dhënë leje për të folur rreth ndryshimit në trajtim, i cili mund të ketë ndikuar në përkeqësimin e episodeve.

Në këtë mënyrë, rrëzimet e fundit nuk duken si shenjë e përkeqësimit të një problemi të ri shëndetësor apo e rikthimit të tij, por si pasojë e rëndimit të përkohshëm të një gjendjeje të njohur pas ndryshimit të medikamenteve.

The post Kompany shpjegon pse Musiala u rrëzua dy herë: ndryshimi në trajtim solli efekte anësore appeared first on Albeu.com.

Pas një sezoni të jashtëzakonshëm, në të cilin Bayern Munich triumfoi në Bundesligë dhe Kupën e Gjermanisë, ndërsa vendosi edhe një rekord për golat e shënuar në kampionat, Vincent Kompany ka përcaktuar sfidën e radhës për ekipin e tij.

Para ndeshjes miqësore me Aston Villas, trajneri i Bayernit deklaroi se fitimi i Ligës së Kampionëve është synimi kryesor i bavarezëve.

Kompany pranoi se përmirësimi i mëtejshëm i skuadrës do të jetë i vështirë, duke theksuar se vlerësimi nuk lidhet vetëm me trofetë e fituar, por edhe me numrin e golave dhe ndeshjeve të triumfuara.

“Është e vështirë të bëhesh edhe më i mirë – nuk ka të bëjë vetëm me trofetë që kemi fituar, por edhe me numrin e golave dhe ndeshjeve që kemi fituar. Është e mundur, por e vështirë”, ka thënë fillimisht Kompany.

Pavarësisht kësaj, trajneri belg ishte i qartë për objektivin kryesor të sezonit të ri.

“Tani për tani, po them se qëllimi ynë është të fitojmë Ligën e Kampionëve, nuk ka dyshim për këtë. Por gjatë sezonit, do të them se duhet të përqendrohemi në ndeshjen e radhës”.

Në përfundim, Kompany nënvizoi se për të fituar Bundesligën, kupën dhe Ligën e Kampionëve, skuadra duhet të ketë të gjithë lojtarët në formë dhe të gatshëm.

“Për të fituar Bundesligën, kupën dhe Ligën e Kampionëve, na duhet e gjithë skuadra në formë dhe e shëndetshme”, përfundoi trajneri belg.

The post Vincent Kompany vendos Ligën e Kampionëve si objektivin e madh të Bayernit appeared first on Albeu.com.

Objektivi i skuadrës aktuale është është që të shënojë një gol më shumë se ç’ka bërë skuadra e sezonit 1971/72, e cila mbylli Bundesliga—n me 101 gola të realizuar.

Aktualisht Bayern-i i Kompany, në 27 ndeshje, ka shënuar plot 97 gola. Sipas projeksioneve rekordmenët e Gjermanisë mund të mbyllin kampionatin me 122 gola.

Të gjithë atyre që u pëlqejnë detajet apo nuk besojnë tek rastësia duhet të dinë se Muzeu i Bayern-it është mbyllur përkohësisht pasi organizatorët kanë menduar që të shtojnë edhe një sektor ku do të varen plot 101 topa futbolli për të evidentuar rekordin e sezonit 1971/72, por duke parë ecurinë e skuadrës aktuale topat e varur mund të jenë shumë më shumë.

The post Bayern-i i Kompany vetëm pesë gola larg rekordit 54-vjeçar appeared first on Albeu.com.

Tekniku belg theksoi se suksesi i Bayern-it nuk lidhet vetëm me golat e shënuar, por edhe me stabilitetin në mbrojtje.

“Sfida ime është të kontrolloj gjithçka. Të shënosh shumë gola është e rëndësishme, por po aq e rëndësishme është të pësosh sa më pak”, u shpreh Kompany në konferencë për shtypin.

Edhe pse Bayerni ka pësuar disa gola kohët e fundit, trajneri mbetet i bindur për forcën e repartit defensiv: “Ne vijojmë të jemi mbrojtja më e mirë e Gjermanisë”.

Kompany kërkon një ekuilibër të shëndetshëm mes sulmit dhe mbrojtjes, duke theksuar se çdo situatë duhet parë në kontekst.

“Duhet të analizojmë gjithçka: numrin e madh të ndeshjeve apo aspektet strukturore të lojës. Mundohemi t’i adresojmë gjërat në mënyrë proaktive”, shpjegoi ai.

Bayern ka shënuar 74 gola këtë sezon, një tregues i qartë i fuqisë sulmuese, por sipas Kompany, kjo nuk do të thotë se mbrojtja duhet neglizhuar. “Edhe kundërshtarët shënojnë, kjo është normale. E rëndësishme është që gjithçka të mbetet brenda kufijve të pranueshëm. Futbolli nuk është bardhezi”, përfundoi trajneri belg.

The post Kompany para Hoffenheim-it: Goli fiton ndeshje, por mbrojtja ndërton suksesin e Bayern-it appeared first on Albeu.com.

Bëhet fjalë për Jonas Urbig, i cili u vlerësua nga shtypi gjerman me notën 1 (më e larta) ndërsa nga portalet e statistikave me 9.9! të tillë vlerësim Urbig e fitoi në fushë pasi përveç se bëri tri pritje të një vështirësia të lartë ishte edhe iniciatori i golit të dytë të Bayern-it kur me një top të gjatë “ndezi” Diaz-in, i cili i kaloi topin Kane-t.

Ndeshja në Holandë nuk ishte e lehtë për talentin 22-vjeçar, i cili kishte gabuar pak ditë më parë në humbjen e Bayern-it përballë Augsburg. Mediet u habitën kur panë emrin e tij mes titullarëve për transfertën delikate të Eindhoven-it pasi Manuel Neuer nuk ishte as i pezulluar dhe as i dëmtuar. Këtë zgjedhje që bëri Kompany në fund të ndeshjes e komentoi: “Që në pushimin e dhjetorit kishim vendosur se Jonas do të luante në janar do të luante dy ndeshje.

The post Kompany “feston” me Urbig: Një nga më të mirët! appeared first on Albeu.com.

Gjatë muajit shkurt ishte konfirmuar se Thomas Tuchel do të largohet nga Bayerni në fund të sezonit 2023/2024.

Që nga atëherë, emra si Xabi Alonso, Erik Ten Hag, Roberto De Zerbi dhe një numër kandidatësh të tjerë, ishin lidhur me një kalim në Bavari.

Pas disa javësh spekulimesh, u njoftua të mërkurën se ish-kapiteni i Manchester Cityt, Vincent Kompany, është bërë trajneri i ri i Bayern Munich.

“FC Bayern ka konfirmuar Vincent Kompany si trajnerin e tyre të ri. 38-vjeçari është pajtuar me një kontratë me kamiponët gjermën deri më 30 qershor 2027. Ish-reprezentuesi belg së fundmi ishte trajner i Burnleyt në Ligën Premier”, thuhej në komunikatën e Bayernit.

Tani, është zbuluar edhe paga marramendëse e 38-vjeçarit tek Bayerni.

“Bayerni ka zbrazur xhepat e vet për Vincent Kompany. Paga e tij është në regjionin e 7-9 milionë eurove për vit me bonuse të përfshira”.

“Për krahasim, paga e Tuchel tek Bayerni ishte rreth 9 milionë euro neto për vit plus bonuset. Paga e Nagelsmann dhe Flick tek Bayerni ishte rreth 6 milionë euro neto në vit plus bonuset”, ka raportuar gazetari Florian Plettenberg.

Pas shumë e shumë vitesh dominim në elitën e futbollit gjerman, Bayerni iu nënshtrua një sezoni të vështirë.

Seria e tyre prej 10 vitesh si kampionë të Bundesligës, u ndërpre nga Bayer Leverkuseni i Xabi Alonsos të cilët e përfunduan sezonin si të pamposhtur.

Përveç dështimit në ligë, bavarezët nuk ia dolën që të korrin sukses as në Ligën e Kampionëve, aty ku u eliminuan në gjysmëfinale nga Real Madridi. /Telegrafi/

🚨Excl. | FC Bayern dug deep into their pockets for Vincent #Kompany. His salary is in the range of €7-9 million gross per year with possible add-ons included!

For comparison, Tuchel's salary at FC Bayern was around €9 million gross per year plus bonuses.

Nagelsmann‘s and… pic.twitter.com/zIiA7rHPpx

— Florian Plettenberg (@Plettigoal) May 31, 2024

The post Zbulohet paga marramendëse e Vincent Kompany pasi mori drejtimin e Bayernit appeared first on Albeu.com.

Përkundër një sezoni zhgënjyes që përfundoi me rënien nga elita e futbollit anglez të Burnleyt, tekniku belg tërhoqi interesimin nga gjiganti gjerman Bayerni.

Të mërkurën, u konfirmua se 38-vjeçari do të bëhet trajneri i ri i bavarezëve, duke zëvendësuar kështu Thomas Tuchel.

Teksa jemi pak para hapjes së afatit kalimtar veror, është raportuar se Kompany ka shënjestruar dy yje të Arsenalit.

Sipas FootballTransfers, ish-kapiteni i Manchester Cityt dëshiron që të nënshkruajë me mesfushorin Albert Sambi Lokonga, i cili ka kaluar sezonin që lamë pas në huazim tek Luton Town.

Për më shumë, sipas një raportimi nga The Mirror, Bayerni është duke monitoruar edhe situatën e Oleksandr Zinchenkos.

Reprezentuesi ukrainas e ka humbur vendin e titullarit në formacionin e Artetas, pasi ky i fundit po preferon Jakub Kiwior dhe Takehiro Tomiyasu para tij.

Duke marrë parasysh se Alphonso Davies është lidhur me një kalim tek Real Madridi, është raportuar se Bayerni po mban një sy tek situata e Zinchenkos.

Kujtojmë se Kompany ka luajtur së bashku me Zinchenkon për tri vite tek Manchester City nën urdhrat e Pep Guardiolës. /Telegrafi/

The post Vincent Kompany synon t’ia “rrëmbejë” dy yje Arsenalit si nënshkrime të para tek Bayerni appeared first on Albeu.com.

Klubi prej më të mëdhenjve në botë vendosi ta emëroj një trajner që ka vetëm katër vite përvojë trajneri, që e nisi në vendlindjen e tij te Anderlecht në 2020.

Me klubin më të madh belg fitoi vendin e tretë dhe të katërt në kampionat në dy sezone dhe luajti në finalen e kupës. Më pas në verën e vitit 2002 ai mori drejtimin e Burnleyt.

Në sezonin e parë fitoi titullin e Championship, duke arritur të futej në Ligën Premier si kampion bindës me 101 pikë.

Por këtë sezon, ai u largua nga aty me vetëm 5 fitore në 37 ndeshje, por kishte një buxhet të vogël dhe një ekip me cilësi të pamjaftueshme.

Por Kompany ka një reputacion si një djalë inteligjent, që njeh detajet.

Këtë e konfirmon edhe gazetari që merret me Bayern Munich, Georg Holzner, që punon në Kicker.

“Gjatë negociatave të shkurtra me Max Eberl, anëtarin e bordit përgjegjës për sportin dhe drejtorin sportiv Christoph Freund, Kompany arriti në të njëjtin përfundim sikurse ishin shprehur Thomas Tuchel dhe Ralf Rangnick”.

“Prandaj, Kompany zbuloi dhe përmendi se Bayern Munich ka tre probleme të mëdha: Ka shumë lojtarë në ekip që nuk janë në nivelin e Bayernit. Mungon një drejtues. Nevojitet një shtyllë e re. Këto tre probleme kryesore duhet të riparohen nga Kompany dhe Eberl. Bayern dëshiron të përfundojë punën në afatin kalimtar dhe të kompletojë ekipin për sezonin e ardhshëm më së voni deri në fund të Euros, që i bie në mes të korrikut”, ka shkruar Holzner. /Telegrafi/

The post Kompany ka gjetur tre problemet më të mëdha të Bayern Munich appeared first on Albeu.com.

Pas shumë diskutimeve me shumë trajnerë, Bayerni ka gjetur në në fund trajnerin e ri dhe marrëveshja tanimë është arritur.

Pasardhësi i Thomas Tuchel në pankinën e rekordmenëve të futbollit gjerman do të jetë Vincent Kompany.

Bavarezët kanë gjetur gjuhën e përbashkët me menaxherët e ish-kapitenit të kombëtares belge dhe Manchester Cityt për një kontratë tre vjeçare.

Ndërkohë, Burnley, klub me të cilin 38-vjeçari ndodhet në kontratë, do të përfitojë 12 mln euro për lejimin e transferimit të trajnerit të ri në Bundesligë.

Palët kanë arritur marrëveshjen dhe në javën e ardhshme do të vijë zyrtarizimi i Kompany si trajner i ri i Bayern Munich.

Disa emra të njohur refuzuan pankinën e klubit të madh gjerman. Me këta të fundit që kanë gjetur zgjidhje tek ish-mbrojtësi i njohur belg.

Pavarësisht se Burnley zhvilloi një futboll tërheqës dhe ofensivë nën drejtimin e Kompany, skuadra nuk arriti të mbijetonte në Ligën Premier. /Telegrafi/

The post Arrihet marrëveshje, Bayerni gjen trajnerin e ri që do ta zëvendësojë Tuchelin appeared first on Albeu.com.