Tafçiu u qëllua me pistoletë nga shoku i tij Noel Dishi, pas një sherri që patën me njëri-tjetrin për një modele që kishin njohur në Instagram. 28-vjeçari mbeti i vdekur, ndërsa autori është dënuar me 10 vite burgim.

Emisioni Uniko nga Spartak Koka në Klan Plus ka intervistuar familjarët e të ndjerit, nënën dhe xhaxhain e Vilsonit, të cilët kanë treguar se si mësuan lajmin e hidhur në momentet e para dhe çfarë u zbulua më pas nga hetimet.

Vajza që mendohet se ka qenë shkak i sherrit, është gjetur nga familjarët e viktimës. Nëna e Vilson Tafçiut ka komunikuar vetë me vajzën në fjalë dhe ka rrëfyer në emision se çfarë i ka thënë ajo për njohjen me djalin e saj dhe autorin Noel Dishi.

Nëna e Vilsonit: Vajza thotë në datë 15 e ka marrë Noeli dhe i ka kërkuar llogari për Vilsonin. Pastaj Noeli, siç i kam të dhënat, ka shkuar të nesërmen në lokal dhe ka sharë, pa qenë në dijeni Soni se e ka telefonuar Noeli vajzën në fjalë pse të ka bërë folloë Soni, shikoni me çfarë vajze jam lidhur unë. Sipas fjalëve, i ka kërkuar Noeli të ketë lidhje me këtë vajzë edhe i ka premtuar që do të hapë edhe një biznes nga paratë e mia. Vajza nuk e ka pranuar, sipas versionit të vajzës. Vajza më thotë ‘unë takim fizik nuk kam pasur, vetëm i ka folur Soni një herë në telefon’.

Kryeplaku i fshatit: Më vjen keq për dy familjet sepse ndoshta dhe ata nuk e kanë dashur këtë punë.

Xhaxhai i Vilsonit: Nuk është vonë për mendimin tim, qeveria t’i vëjë gishtin kokës dhe ata gjyqtarët ta llogarisin si për familjen e vetë. Sikur të ishin fëmijët e vetë, që nuk e dëshiroj, do ta jepnin atë dënim qesharak? Për mendimin tim, kanë marrë para dhe luajnë me gjakun e fëmijës tonë. Këtu nuk do ta lëmë. Sa të ketë shtet do ta kërkoj te shteti. Gjaku i këtij s’do harrohet se s’i kam kusure, as borxh s’ia kam bërë. Se nëse i kam borxh, i lumtë pushka, borxh jo.

Nëna e Vilsonit: Vajza vetëm më thotë, të jetë për të folur keq flas për djalin tënd që s’ka gojë të flasë sot. Nuk flas për Noelin, që i ka bërë edhe kërcënim nga burgu vajzës në fjalë që të dalë kundër Sonit. Djalin e prisja ta martoja ta bëja dhëndër, jo ta varrosja. Dënimi i autorit për mua si nënë është vrasje e dytë.

Spartak Koka: Vajza pranon se ka qenë zanafilla e ngjarjes? Apo ajo pretendon se nuk është dhe ka pasur arsye tjetër, të cilën dhe ju si familje mund ta kërkoni?

Nëna e Vilsonit: Me djalin tim nuk ka pasur asnjë lloj arsye tjetër. Çdo i ri kur e di se ka një problem me tjetrin… në një kohë kur djali ka shkuar thjesht për të pirë kafe si përherë pa asnjë gjë dhe i ka dalë vrasësit me dy duar bosh. Edhe telefonin e ka lënë në tavolinën ku ka qenë duke pirë kafe me gjithë paketën edhe ka dalë jashtë.

The post U vra për një modele? Nëna e Vilsonit tregon bisedën me “vajzën e Instagramit” appeared first on Albeu.com.

Dishi, i njohur dhe me emrat Noel Kolaveri dhe Miklovan Prifti u fajësua për “vrasje me dashje” dhe “armembajtje pa leje”.

Sipas gjykatës vrasja ka ndodhur pas nje grindjeje të çastit, pasi të dy pretendonin shoqeri me te njejten vajze.

Per shkak te gjykimit te shkurtuar denimi eshte ulur ne 10 vjet e 6 muaj burg. /albeu.com/

The post “Shoqëri me të njëjtën vajzë”, gjykata jep vendimin për Noel Dishin që vrau Vilson Tafçiun appeared first on Albeu.com.