Balliu deklaron se hetimi nuk duhet të kufizohet vetëm te banesa e Yeffet, por duhet të përfshijë edhe Edi Ramën, të cilin e cilëson si shefin e biznesmenit, si dhe persona të tjerë që, sipas tij, qëndrojnë në krye të skemës.

“Nuk mjafton të zëvendësohet një Ron Yeffet me një tjetër. Hetimi duhet të arrijë te përgjegjësi kryesor dhe të zbardhë deri në fund të gjithë skemën”, shprehet Balliu.

Në reagimin e tij, deputeti pretendon se Ron Yeffet është mik i Edi Ramës dhe se, në bashkëpunim me qeverinë, po përfiton miliona euro në dëm të qytetarëve.

Balliu i kërkon SPAK-ut që, pas kontrollit në banesën e Yeffet, të shtrijë hetimet edhe te banesa e Edi Ramës, të cilin e përmend si drejtuesin e këtyre aferave.

Sipas tij, thelbi i çështjes nuk qëndron te zëvendësimi i një personi me një tjetër, por te identifikimi i përgjegjësit kryesor dhe hetimi i plotë i mekanizmit të dyshuar.

The post Kontrolli i vilës së Ron Yeffet, Klevis Balliu: SPAK të hetojë edhe Edi Ramën appeared first on Albeu.com.